നെ​ടു​ങ്ക​ണ്ടം: ക​മ്പം​മെ​ട്ട് -നെ​ടു​ങ്ക​ണ്ടം സം​സ്ഥാ​ന​പാ​ത​യി​ലെ താ​ന്നി​മൂ​ട്ടി​ല്‍ പു​തി​യ പാ​ല​ത്തി​ന്‍റെ നി​ര്‍​മാ​ണം ആ​രം​ഭി​ച്ചു. നി​ല​വി​ലു​ണ്ടാ​യി​രു​ന്ന പാ​ലം പൂ​ര്‍​ണ​മാ​യും പൊ​ളി​ച്ചു​നീ​ക്കി​യാ​ണ് ഉ​യ​ര​വും വീ​തി​യു​മു​ള്ള പു​തി​യ പാ​ലം നി​ര്‍​മി​ക്കു​ന്ന​ത്. 2.25 കോ​ടി രൂ​പ​യാ​ണു പു​തി​യ പാ​ല​ത്തി​ന്‍റെ നി​ര്‍​മാ​ണ​ച്ചെ​ല​വ്.

ഇ​രു​വ​ശ​ങ്ങ​ളി​ലും ന​ട​പ്പാ​ത​യോ​ടെ ഒ​രേ​സ​മ​യം ര​ണ്ടു വാ​ഹ​ന​ങ്ങ​ള്‍​ക്കു ക​ട​ന്ന​പോ​കാ​വു​ന്ന വി​ധ​മാ​ണ് പാ​ല​ത്തി​ന്‍റെ നി​ര്‍​മാ​ണം. ഒ​ന്ന​ര വ​ര്‍​ഷ​ത്തി​നു​ള്ളി​ല്‍ നി​ര്‍​മാ​ണം പൂ​ര്‍​ത്തി​യാ​ക്കാ​നാ​ണ് പൊ​തു​മ​രാ​മ​ത്ത് വ​കു​പ്പ് ക​രാ​ർ ന​ല്‍​കി​യി​രി​ക്കു​ന്ന​ത്.

ക​ഴി​ഞ്ഞ ര​ണ്ടു പ്ര​ള​യ​കാ​ല​ത്തും ക​ല്ലാ​ര്‍ പു​ഴ​യി​ലു​ണ്ടാ​യ മ​ല​വെ​ള്ള​പ്പാ​ച്ചി​ലി​ല്‍ പാ​ല​ത്തി​ന്‍റെ മു​ക​ളി​ലൂ​ടെ വെ​ള്ളം ഒ​ഴു​കി​യി​രു​ന്നു. തു​ട​ർ​ന്നു ന​ട​ത്തി​യ പ​രി​ശോ​ധ​ന​യി​ല്‍ പാ​ല​ത്തി​നു ബ​ല​ക്ഷ​യ​മു​ള്ള​താ​യി ക​ണ്ടെ​ത്തി. തു​ട​ര്‍​ന്നാ​ണ് പു​തി​യ പാ​ലം നി​ര്‍​മി​ക്കാ​ന്‍ തീ​രു​മാ​നി​ച്ച​ത്.

പു​തി​യ പാ​ലം നി​ര്‍​മാ​ണ​ത്തി​നു മു​ന്നോ​ടി​യാ​യി നി​ല​വി​ലു​ണ്ടാ​യി​രു​ന്ന പാ​ലം പൊ​ളി​ച്ചു​നീ​ക്കു​ന്ന പ്ര​വ​ര്‍​ത്ത​ന​ങ്ങ​ള്‍ ആ​രം​ഭി​ച്ചു. കാ​ല്‍​ന​ട​യാ​ത്ര​ക്കാ​ര്‍​ക്കാ​യി താ​ത്കാ​ലി​ക ന​ട​പ്പാ​ലം നി​ര്‍​മി​ച്ചു. പാ​ലം പൊ​ളി​ച്ച​തോ​ടെ ഇ​തു​വ​ഴി​യു​ള്ള വാ​ഹ​ന​ഗ​താ​ഗ​തം തി​രി​ച്ചു​വി​ട്ടു. നെ​ടു​ങ്ക​ണ്ടം ഭാ​ഗ​ത്തു​നി​ന്നും തൂ​ക്കു​പാ​ലം ഭാ​ഗ​ത്തു​നി​ന്നും വ​രു​ന്ന വാ​ഹ​ന​ങ്ങ​ള്‍ ക​ല്ലാ​ര്‍ വ​ഴി​യി​ലൂ​ടെ​യും കോ​മ്പ​യാ​ര്‍ വ​ഴി​യി​ലൂ​ടെ​യു​മാ​ണ് തി​രി​ച്ചു​വി​ട്ടി​രി​ക്കു​ന്ന​ത്.