ഉപ്പു​ത​റ: ആ​ന​പ്പേ​ടി​യി​ൽ വ​ള​ക്കോ​ട് പാ​ല​ക്കാ​വ് നി​വാ​സി​ക​ൾ. കാ​ട്ടാ​ന​ക​ൾ കാ​ട് വി​ട്ട് വീ​ടു​ക​ളു​ടെ സ​മീ​പ​ത്ത് എ​ത്തു​ന്ന​തി​നാ​ൽ പ്ര​ദേ​ശ​വാ​സി​ക​ളു​ടെ ജീ​വ​ന് ത​ന്നെ ഭീ​ഷ​ണി​യാ​യി​രി​ക്കു​ക​യാ​ണ്. വ​ന്യ​മൃ​ഗ​ശ​ല്യ​ത്തി​നെ​തി​രേ വ​നംവ​കു​പ്പ് ന​ട​പ​ടി​യെ​ടു​ക്കാ​മെ​ന്ന് പ​റ​യു​ന്ന​ത​ല്ലാ​തെ ന​ട​പ​ടി​ക​ൾ ഒ​ന്നും ഉ​ണ്ടാ​വു​ന്നി​ല്ല.

ക​ഴി​ഞ്ഞ രാ​ത്രി​യി​ൽ വ​ള​കോ​ട് പാ​ല​ക്കാ​വി​ൽ ആ​റു വീ​ടു​ക​ൾ​ക്കു സ​മീ​പം വ​രെ കാ​ട്ടാ​ന​ക​ൾ എ​ത്തി. വ​ള​ർ​ത്തു​നാ​യ്ക്ക​ൾ കു​ര​ച്ചു ബ​ഹ​ളം ഉ​ണ്ടാ​ക്കി​യ​തി​നാ​ൽ കാ​ട്ടാ​ന​ക​ൾ പി​ൻ​വ​ലി​യു​ക​യാ​യി​രു​ന്നു. പാ​ല​ക്കാ​വ് കൊ​ച്ചാ​നി​മൂ​ട്ടി​ൽ ഉ​ഷ, പു​ത്ത​ൻ​പു​ര​യ്ക്ക​ൽ ഓ​മ​ന ര​വി, കാ​വ​ക്കാ​ട്ട് ര​വി, പു​ളി​ക്ക​ക്കു​ന്നേ​ൽ റോ​യി, ക​പ്പാ​ലു​മൂ​ട്ടി​ൽ ത​ങ്ക​ച്ച​ൻ, പു​ല്ലുവേ​ലി റി​ജു​ പോ​ൾ എ​ന്നി​വ​രു​ടെ വീ​ടി​ന് സ​മീ​പ​ത്താ​ണ് കാ​ട്ടാ​ന​ക​ൾ എ​ത്തി​യ​ത്.

ഇ​വി​ടെ പ​ല വീ​ടു​ക​ളി​ലും സ്ത്രീ​ക​ൾ ഒ​റ്റ​യ്ക്കാ​ണ് താ​മ​സി​ക്കു​ന്ന​ത്. സ്ത്രീ​ക​ളി​ൽ ഭൂ​രി​ഭാ​ഗ​വും വ​യോ​ജ​ന​ങ്ങ​ളു​മാ​ണ്. ഇ​വ​രു​ടെ​യെ​ല്ലാം ജീ​വ​ന് കാ​ട്ടാ​ന​ക​ൾ ഭീ​ഷ​ണി​യാ​യി​രി​ക്കു​ക​യാ​ണ്. വ​ർ​ഷാ​വ​ർ​ഷം പ്ര​ദേ​ശ​ത്തെ ക​ർ​ഷ​ക കു​ടും​ബ​ങ്ങ​ൾ ന​ട്ടു​പ​രി​പാ​ലി​ക്കു​ന്ന വിളകൾ ന​ശി​പ്പി​ക്കു​ന്ന​ത് പ​തി​വാ​ണ്.

വ​നംവ​കു​പ്പ് ഉ​ദ്യോ​ഗ​സ്ഥ​ർ കാ​ടി​നു തീ​യി​ടു​ന്ന​താ​ണ് കാ​ട്ടാ​ന​ക​ൾ വേ​ന​ൽ​ക്കാ​ല​ത്ത് കൃ​ഷി​യി​ട​ങ്ങ​ളി​ലും ജ​ന​ങ്ങ​ൾ താ​മ​സി​ക്കു​ന്നി​ട​ത്തും എ​ത്തു​ന്ന​തെ​ന്നാ​ണ് ആ​രോ​പ​ണം. നാ​ശ​ന​ഷ്ട​മു​ണ്ടാ​യാ​ൽ വ​നം വ​കു​പ്പ് ഉ​ദ്യോ​ഗ​സ്ഥ​ർ വ​ന്നു പോ​കു​ന്ന​ത​ല്ലാ​തെ യാ​തൊ​രു ന​ട​പ​ടി​യു​മി​ല്ല.

കാ​ക്ക​ത്തോ​ട് വ​ന​ത്തി​ൽനി​ന്നാ​ണ് കാ​ട്ടാ​ന​ക​ൾ ജ​ന​വാ​സ കേ​ന്ദ്ര​ത്തി​ലെ​ത്തു​ന്ന​ത്. വ​ന​ത്തി​നു ചു​റ്റും സോ​ളാ​ർ വേ​ലി സ്ഥാ​പി​ക്കു​മെ​ന്നു​ള്ള ഉ​റ​പ്പും വ​നം വ​കു​പ്പ് പാ​ലി​ച്ചി​ല്ല. ഇ​തി​നാ​ലാ​ണ് ആ​ന​ക​ൾ കൂ​ട്ട​ത്തോ​ടെ നാ​ട്ടി​ലി​റ​ങ്ങു​ന്ന​ത്.