തൊ​ടു​പു​ഴ: അ​ഞ്ചു വ​യ​സു​കാ​രി​യെ പീ​ഡി​പ്പി​ച്ച കേ​സി​ൽ പോ​ലീ​സ് അ​റ​സ്റ്റ് ചെ​യ്ത​യാ​ൾ പോ​ലീ​സ് സ്റ്റേ​ഷ​നി​ൽ ആ​ത്മ​ഹ​ത്യക്കു ശ്ര​മി​ച്ചു. പെ​ണ്‍​കു​ട്ടി​യെ പീ​ഡി​പ്പി​ച്ച ര​ണ്ടാ​ന​ച്ഛ​നാ​ണ് കൈ ​മു​റി​ച്ച് ആ​ത്മ​ഹ​ത്യ​ക്ക് ശ്ര​മി​ച്ച​ത്. പ​രി​ക്കേ​റ്റ ഇ​യാ​ളെ തൊ​ടു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​ച്ചു.

തൊ​ടു​പു​ഴ പോ​ലീ​സ് സ്റ്റേ​ഷ​നി​ൽ ഇ​ന്ന​ലെ ഉ​ച്ച​യോ​ടെ​യാ​ണ് നാ​ട​കീ​യ സം​ഭ​വ​ങ്ങ​ൾ അ​ര​ങ്ങേ​റി​യ​ത്. വീ​ട്ടി​ൽ ലൈം​ഗി​ക ചൂ​ഷ​ണ​ത്തി​നി​ര​യാ​യെ​ന്ന പെ​ണ്‍​കു​ട്ടി​യു​ടെ വെ​ളി​പ്പെ​ടു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ് പ്ര​തി​യെ പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്.

ഒ​രു വ​ർ​ഷം മു​ന്പ് കു​ട്ടി​യെ ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി ഏ​റ്റെ​ടു​ത്തി​രു​ന്നു. പി​ന്നീ​ട് അ​മ്മ​യു​ടെ ആ​വ​ശ്യ​പ്ര​കാ​രം വീ​ട്ടി​ലേ​ക്ക് മ​ട​ങ്ങി​യ കു​ട്ടി വീ​ണ്ടും മാ​ന​സി​ക​പ്ര​ശ്ന​ങ്ങ​ൾ കാ​ട്ടി​യ​തോ​ടെ ന​ട​ത്തി​യ കൗ​ണ്‍​സലിം​ഗി​ലാ​ണ് വീ​ട്ടി​ൽ വ​ച്ച് വീ​ണ്ടും ശാ​രീ​രി​ക ഉ​പ​ദ്ര​വ​മു​ണ്ടാ​യ​താ​യി വെ​ളി​പ്പെ​ടു​ത്തി​യ​ത്. തു​ട​ർ​ന്ന് കു​ട്ടി​യു​ടെ മാ​താ​വ് സി​ഡ​ബ്ല്യു​സി​യി​ൽ പ​രാ​തി ന​ൽ​കി.

ഇ​വ​രു​ടെ നി​ർ​ദേ​ശ​പ്ര​കാ​രം കേ​സെ​ടു​ത്ത പോ​ലീ​സ് പ്ര​തി​യെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. വൈ​ദ്യ പ​രി​ശോ​ധ​ന​യ്ക്കി​ടെ നെ​ഞ്ചു​വേ​ദ​ന​യു​ണ്ടാ​യ പ്ര​തി​യെ ആ​ശു​പ​ത്രി​യി​ൽനി​ന്ന് ഡി​സ്ചാ​ർ​ജ് ചെ​യ്ത ശേ​ഷം ന​ട​ത്തി​യ ചോ​ദ്യം ചെ​യ്യ​ലി​നി​ടെ​യാ​യി​രു​ന്നു ആ​ത്മ​ഹ​ത്യാശ്ര​മം ന​ട​ത്തി​യ​ത്. ഇ​യാ​ളു​ടെ പ​രി​ക്ക് ഗു​രു​ത​ര​മ​ല്ലെ​ന്ന് പോ​ലീ​സ് പ​റ​ഞ്ഞു.