ഇ​ടു​ക്കി: മെ​ഡി​ക്ക​ല്‍ കോ​ള​ജി​ലെ മോ​ഡു​ലാ​ര്‍ ലാ​ബി​ലെ ഇ​ല​ക്‌​ട്രി​ക്, പ്ലം​ബിം​ഗ് ജോ​ലി​ക​ള്‍ ആ​ശു​പ​ത്രി വി​ക​സ​ന​സ​മി​തി​യു​ടെ നേ​തൃ​ത്വ​ത്തി​ല്‍ ര​ണ്ടാ​ഴ്ച​യ്ക്ക​കം പൂ​ര്‍​ത്തി​യാ​ക്കാ​ന്‍ മ​ന്ത്രി റോ​ഷി അ​ഗ​സ്റ്റി​ന്‍റെ അ​ധ്യ​ക്ഷ​ത​യി​ല്‍ ജി​ല്ലാ ക​ള​ക്ട​റു​ടെ ചേം​ബ​റി​ല്‍ ചേ​ര്‍​ന്ന യോ​ഗ​ത്തി​ല്‍ തീ​രു​മാ​നി​ച്ചു. എ​ച്ച്എം​സി​യു​ടെ നേ​തൃ​ത്വ​ത്തി​ല്‍ ഉ​പ​സ​മി​തി രൂ​പീ​ക​രി​ച്ചാ​ണ് പ്ര​വൃ​ത്തി​ക​ള്‍ ന​ട​പ്പാ​ക്കു​ക.

പെ​ണ്‍​കു​ട്ടി​ക​ളു​ടെ ഹോ​സ്റ്റ​ല്‍ കെ​ട്ടി​ടം സെ​പ്റ്റം​ബ​റോ​ടെ താ​മ​സ​യോ​ഗ്യ​മാ​ക്കും. 350 പേ​ര്‍​ക്ക് താ​മ​സി​ക്കാ​ന്‍ ക​ഴി​യു​ന്ന കെ​ട്ടി​ട​ത്തി​ന്‍റെ മു​ക​ള്‍ ഭാ​ഗ​ത്ത് തു​ണി ക​ഴു​കി വി​രി​ക്കാ​നും മ​റ്റു​മാ​യി ര​ണ്ടു മാ​സ​ത്തി​ന​കം പ്ര​ത്യേ​ക ക്ര​മീ​ക​ര​ണ​വും അ​ടു​ക്ക​ള​യി​ല്‍ സ്ലാ​ബ് സൗ​ക​ര്യ​വും ഒ​രു​ക്കും.

മെ​ഡി​ക്ക​ല്‍ കോ​ള​ജി​ന്‍റെ അ​ടി​സ്ഥാ​ന വി​ക​സ​ന​ത്തി​നാ​യി സി​എ​സ്ആ​ര്‍ ഫ​ണ്ടു​ക​ള്‍ സ​മാ​ഹ​രി​ക്കു​ന്ന കാ​ര്യം അ​ടി​യ​ന്ത​ര പ​രി​ഗ​ണ​ന​യി​ലാ​ണെ​ന്ന് റോ​ഷി അ​ഗ​സ്റ്റി​ന്‍ അ​റി​യി​ച്ചു. കാ​ത്ത് ലാ​ബ്, റേ​ഡി​യോ​തെ​റാ​പ്പി കെ​ട്ടി​ട സ​മു​ച്ച​യ​മാ​ണ് സി​എ​സ്ആ​ര്‍ ഫ​ണ്ട് വ​ഴി നി​ര്‍​മി​ക്കു​ക. കെ​ട്ടി​ട നി​ര്‍​മാ​ണ​ത്തി​നു​ള്ള വി​ശ​ദ​മാ​യ എ​സ്റ്റി​മേ​റ്റ് ത​യാ​റാ​ക്കാ​ന്‍ പൊ​തു​മ​രാ​മ​ത്ത് വ​കു​പ്പ് കെ​ട്ടി​ട വി​ഭാ​ഗ​ത്തെ ചു​മ​ത​ല​പ്പെ​ടു​ത്താ​നും യോ​ഗ​ത്തി​ല്‍ തീ​രു​മാ​നി​ച്ചു.

ഓ​പ്പ​റേ​ഷ​ന്‍ തി​യ​റ്റ​ര്‍ സ​മു​ച്ച​യ​ത്തി​ന്‍റെ നി​ര്‍​മാ​ണം പൂ​ര്‍​ത്തി​യാ​ക്കാ​ന്‍ കെ​എം​എം സി​എ​ല്ലി​ന് ഉ​ട​ന്‍ വ​ര്‍​ക്ക് ഓ​ര്‍​ഡ​ര്‍ ന​ല്‍​കാ​നും തീ​രു​മാ​നി​ച്ചു. ചെ​റു​തോ​ണി ബ​സ് സ്റ്റാ​ന്‍​ഡി​ല്‍​നി​ന്നു മെ​ഡി​ക്ക​ല്‍ കോ​ള​ജി​ലേ​ക്ക് അ​ഞ്ചു കോ​ടി രൂ​പ ചെ​ല​വി​ട്ട് നി​ര്‍​മി​ക്കു​ന്ന നേ​രി​ട്ടു​ള്ള റോ​ഡി​ന്‍റെ പ്രാ​രം​ഭ പ്ര​വ​ര്‍​ത്ത​ന​ങ്ങ​ള്‍ ഊ​ര്‍​ജി​ത​മാ​ക്കാ​നും മ​ന്ത്രി നി​ര്‍​ദേ​ശം ന​ല്‍കി.

എം​എ​ല്‍​എ​മാ​രാ​യ എം.​എം. മ​ണി, എ. ​രാ​ജ, ജി​ല്ലാ ക​ള​ക്ട​ര്‍ ഷീ​ബാ ജോ​ര്‍​ജ്, മെ​ഡി​ക്ക​ല്‍ കോ​ള​ജ് പ്രി​ന്‍​സി​പ്പ​ല്‍ ഡോ. ​ടോ​മി മാ​പ്പ​ല​ക​യി​ല്‍, സൂ​പ്ര​ണ്ട് ഡോ. ​സു​രേ​ഷ് വ​ര്‍​ഗീ​സ്, സി.​വി. വ​ര്‍​ഗീ​സ്, ഷി​ജോ ത​ട​ത്തി​ല്‍ എ​ന്നി​വ​ര്‍ പ്ര​സം​ഗി​ച്ചു.