ചെ​റു​തോ​ണി : പ്രാ​യ​പൂ​ർ​ത്തി​യാ​കാ​ത്ത ഭി​ന്ന​ശേ​ഷിക്കാ​രി​യെ പീ​ഡി​പ്പി​ച്ചു ഗ​ർ​ഭി​ണി​യാ​ക്കി​യ കേ​സി​ൽ 53കാ​ര​ന് മൂ​ന്ന് ജീ​വ​പ​ര്യ​ന്തം ത​ട​വും 5,35,000 രൂ​പ പി​ഴ​യും 12 വ​ർ​ഷം ക​ഠി​ന ത​ട​വും ശി​ക്ഷ വി​ധി​ച്ചു. കൊ​ന്ന​ത്ത​ടി ഇ​ഞ്ച​പ​താ​ൽ സ്വ​ദേ​ശി നെ​ല്ലി​ക്കു​ന്നേ​ൽ ലെ​നി​ൻ കു​മാ​റി​നെ​യാ​ണ് ഇ​ടു​ക്കി അ​തി​വേ​ഗ കോ​ട​തി ജ​ഡ്ജി ലൈ​ജു​മോ​ൾ ഷെ​രീ​ഫ് ശി​ക്ഷി​ച്ച​ത്.

2020 ലാ​ണ് കേ​സി​നാ​സ്പ​ദ​മാ​യ സം​ഭ​വം. വീ​ട്ടി​ൽ ജ​ല​ല​ഭ്യ​ത കു​റ​വാ​യ​തി​നാ​ൽ പെ​ണ്‍​കു​ട്ടി​യും വീ​ട്ടു​കാ​രും സ്ഥി​ര​മാ​യി മു​തി​ര​പ്പു​ഴ​യാ​റി​ലാ​യി​രു​ന്നു അ​ല​ക്കു​ന്ന​തി​നും കു​ളി​ക്കു​ന്ന​തി​നും വ​ന്നി​രു​ന്ന​ത്. വീ​ട്ടു​കാ​രു​മാ​യി പ​രി​ച​യ​മു​ണ്ടാ​യി​രു​ന്ന പ്ര​തി ആ​റി​ന്‍റെ പ​രി​സ​ര​ത്തു​ള്ള പാ​റ​യു​ടെ മ​റ​വി​ൽ കു​ട്ടി​യെ കൊ​ണ്ടു​പോ​യി പീ​ഡി​പ്പി​ച്ച​താ​യാ​ണ് കേ​സ്. ശാ​രീ​രി​ക അ​സ്വ​സ്ഥ​ത മൂ​ലം ആ​ശു​പ​ത്രി​യി​ൽ എ​ത്തി​യ കു​ട്ടി​യെ ഡോ​ക്ട​ർ പ​രി​ശോ​ധി​ച്ച​പ്പോ​ഴാ​ണ് കു​ട്ടി ഗ​ർ​ഭി​ണി​യാ​ണെ​ന്ന് അ​റി​യു​ന്ന​ത്.

തു​ട​ർ​ന്ന് ആ​ശു​പ​ത്രി അ​ധി​കൃ​ത​ർ വി​വ​രം പോ​ലീ​സി​ൽ അ​റി​യി​ക്കു​ക​യാ​യി​രു​ന്നു. പ്ര​തി മ​ര​ണം വ​രെ ജ​യി​ലി​ൽ ക​ഴി​യ​ണം എ​ന്ന് കോ​ട​തി പ്ര​ത്യേ​കം വ്യ​ക്ത​മാ​ക്കി.
സ്പെ​ഷ്യ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. ഷി​ജോ​മോ​ൻ ജോ​സ​ഫ് ക​ണ്ട​ത്തി​ങ്ക​ര​യി​ൽ കോ​ട​തി​യി​ൽ ഹാ​ജ​രാ​യി.