വീ​ണ്ടും അ​ജ്ഞാ​ത ജീ​വി
Friday, September 30, 2022 12:05 AM IST
വാ​ഴ​ക്കു​ളം: മ​ണി​യ​ന്ത​ട​ത്ത് ജ​ന​വാ​സ മേ​ഖ​ല​യി​ൽ വീ​ണ്ടും അ​ജ്ഞാ​ത ജീ​വി​യെ ക​ണ്ട​താ​യി പ്ര​ദേ​ശ​വാ​സി​ക​ൾ. ഇ​ന്ന​ലെ രാ​വി​ലെ ഏ​ഴോ​ടെ​യാ​ണ് പു​ലി​യെ​ന്ന് സം​ശ​യി​ക്കു​ന്ന അ​ജ്ഞാ​ത ജീ​വി​യെ ടാ​പ്പിം​ഗ് തൊ​ഴി​ലാ​ളി​ക​ൾ അ​ടു​ത്തു ക​ണ്ട​ത്. മ​ണി​യ​ന്ത​ടം പാ​റ്റാ​മ​ല​യി​ൽ ഭാ​സ്ക​ര​ൻ, ഭാ​ര്യ ത​ങ്ക എ​ന്നി​വ​രാ​ണ് പു​ലി​യെ ക​ണ്ട​താ​യി സ​മീ​പ​വാ​സി​ക​ളെ അ​റി​യി​ച്ചി​ട്ടു​ള്ള​ത്.
മ​ണി​യ​ന്ത​ട​ത്ത് റ​ബ​ർ ടാ​പ്പിം​ഗ് ന​ട​ത്തി​ക്കൊ​ണ്ടി​രി​ക്കു​മ്പോ​ൾ തൊ​ട്ട​ടു​ത്ത് പൊ​ന്ത​യ്ക്കു​ള്ളി​ൽ അ​ന​ക്കം​ക​ണ്ട് നോ​ക്കി​യ​പ്പോ​ഴാ​ണ് ഇ​വ​ർ പു​ലി ന​ട​ന്നു​മ​റ​യു​ന്ന​ത് ക​ണ്ട​ത്. ക​ഴി​ഞ്ഞ 13നു ​മ​ണി​യ​ന്ത​ടം ആ​ല​യ്ക്ക​ൽ സോ​ന​യു​ടെ വീ​ട്ടി​ലെ ആ​ടി​നെ കൊ​ന്നി​ട്ട പ്ര​ദേ​ശ​ത്തി​നു സ​മീ​പ​മു​ള്ള റ​ബ​ർ തോ​ട്ട​ത്തി​ലാ​ണ് ഇ​ന്ന​ലെ വീ​ണ്ടും അ​ജ്ഞാ​ത ജീ​വി​യെ ക​ണ്ട​ത്. ആ​ടി​നെ കൊ​ന്ന പ്ര​ദേ​ശ​ത്തി​നു സ​മീ​പം വ​നം​വ​കു​പ്പ് കാ​മ​റ സ്ഥാ​പി​ച്ചി​രു​ന്നെ​ങ്കി​ലും സം​ശ​യാ​സ്പ​ദ​മാ​യ രീ​തി​യി​ൽ ഒ​ന്നും ക​ണ്ടി​രു​ന്നി​ല്ല. കാ​മ​റ നീ​ക്കം ചെ​യ്ത​തി​നു ശേ​ഷ​മാ​ണ് ഇ​ന്ന​ലെ ഇ​വി​ടെ അ​ജ്ഞാ​ത ജീ​വി​യെ വീ​ണ്ടും ക​ണ്ട​ത്.
ഡീ​ൻ കു​ര്യാ​ക്കോ​സ് എം​പി പ്ര​ദേ​ശം സ​ന്ദ​ർ​ശി​ച്ച് വ​നം വ​കു​പ്പു​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തി. തു​ട​രെ​ത്തു​ട​രെ അ​ജ്ഞാ​ത ജീ​വി​യു​ടെ ആ​ക്ര​മ​ണം ഉ​ണ്ടാ​കു​ന്ന​തി​നാ​ൽ നി​യ​മ ന​ട​പ​ടി​ക​ൾ നോ​ക്കാ​തെ പു​ലി​ക്കെ​ണി സ്ഥാ​പി​ക്കാ​ൻ ഡി​എ​ഫ്ഒ യ്ക്ക് ​എം​പി നി​ർ​ദേ​ശം ന​ൽ​കി. ഫോ​റ​സ്റ്റ് റേ​ഞ്ച് ഓ​ഫീ​സ​ർ ലി​ബി​ൻ ജോ​ൺ, ഫോ​റ​സ്റ്റ് സെ​ക്ഷ​ൻ ഓ​ഫീ​സ​ർ സാ​ജു തു​ട​ങ്ങി​യ​വ​രും സ്ഥ​ല​ത്തെ​ത്തി​യി​രു​ന്നു.
മ​ണി​യ​ന്ത​ടം, വ​ട​കോ​ട് പ്ര​ദേ​ശ​ങ്ങ​ളി​ൽ മൂ​ന്നാ​ഴ്ച​യോ​ള​മാ​യി തു​ട​രു​ന്ന അ​ജ്ഞാ​ത ജീ​വി​യു​ടെ ആ​ക്ര​മ​ണ ഭീ​ഷ​ണി​യി​ൽ അ​ധി​കൃ​ത​ർ നി​സം​ഗ​ത പു​ല​ർ​ത്തു​ക​യാ​ണെ​ന്ന പ്ര​തി​ഷേ​ധ​വും പ്ര​ദേ​ശ​വാ​സി​ക​ൾ​ക്കു​ണ്ട്. അ​ര​കി​ലോ​മീ​റ്റ​ർ ചു​റ്റ​ള​വി​ൽ ഈ ​ദി​വ​സ​ങ്ങ​ളി​ൽ പ​ല​രും പു​ലി​യെ അ​ടു​ത്തു ക​ണ്ട​താ​യി പ​റ​യു​മ്പോ​ഴും പു​ലി​യെ​ന്ന് കൃ​ത്യ​മാ​യ തെ​ളി​വു ല​ഭി​ച്ചെ​ങ്കി​ലേ ന​ട​പ​ടി സ്വീ​ക​രി​ക്കാ​നാ​വൂ എ​ന്ന അ​ധി​കൃ​ത​രു​ടെ നി​ല​പാ​ടി​ൽ അ​മ​ർ​ഷ​ത്തി​ലാ​ണ് നാ​ട്ടു​കാ​ർ.

Copyright @ 2022 , Rashtra Deepika Ltd.