കൊച്ചി: ഹൃദയസംരക്ഷണത്തിന്‍റെ പ്രാധാന്യം ഓർമിപ്പിച്ചും അതിനുവേണ്ട വ്യായാമമുറകൾ പരിശീലിപ്പിച്ചും വിവിധ പരിപാടികളോടെ നാടെങ്ങും ഹൃദയദിനാഘോഷം നടത്തി.
ചാവറ കള്‍ച്ചറല്‍ സെന്‍റര്‍, ചാവറ ഇന്‍സ്റ്റിറ്റ്യൂട്ട്, കൊച്ചി മെട്രോ, വേള്‍ഡ് മലയാളി കൗണ്‍സില്‍ തിരുകൊച്ചി പ്രോവിന്‍സ് എന്നിവയുടെ സംയുക്ത സഹകരണത്തോടെ ഇടപ്പള്ളി മെട്രോ സ്‌റ്റേഷനില്‍ നടത്തിയ ലോക ഹൃദയ ദിനാഘോഷം ഹൃദ്രോഗ വിദഗ്ധന്‍ ഡോ. ജോ ജോസഫ് ഉദ്ഘാടനം ചെയ്തു.
കെഎംആര്‍എല്‍ എച്ച്ആര്‍ മാനേജര്‍ ശ്രീജിത്ത്, ചാവറ കള്‍ച്ചറല്‍ സെന്‍റര്‍ ഡയറക്ടര്‍ ഫാ. തോമസ് പുതുശേരി, വേള്‍ഡ് മലയാളി കൗണ്‍സില്‍ പ്രസിഡന്‍റ് ജോസഫ് മാത്യു, ചാവറ ഫാമിലി വെല്‍ഫെയര്‍ സെന്‍റര്‍ എക്‌സിക്യൂട്ടീവ് ഡയറക്ടര്‍ ജോണ്‍സണ്‍ സി. ഏബ്രഹാം, ചാവറ കള്‍ച്ചറല്‍ സെന്‍റര്‍ സ്ട്രാറ്റജിക് അഡ്വൈസര്‍ ജിജോ പാലത്തിങ്കല്‍, ചാവറ ഇന്‍സ്റ്റിറ്റ്യൂട്ട് ടൂറിസം വിഭാഗം എച്ച്ഒടി ടിയ മനോജ്, ചാവറ ഇന്‍സ്റ്റിറ്റ്യൂട്ട് ഹോട്ടല്‍ മാനേജ്‌മെന്‍റ് വിഭാഗം എച്ച്ഒടി ജയ്‌മോള്‍ മേരി ടോ എന്നിവര്‍ പ്രസംഗിച്ചു.
അങ്കമാലി ലിറ്റിൽ ഫ്ലവർ ആശുപത്രിയും അങ്കമാലി ടൗണിലെ ഓട്ടോ ഡ്രൈവർമാരും സംയുക്തമായി ഹാർട്ടത്തോൺ സംഘടിപ്പിച്ചു. അങ്കമാലി സർക്കിൾ ഇൻസ്പെക്ടർ പി.എം. ബൈജു ഫ്ലാഗ് ഓഫ് ചെയ്തു. ഹാർട്ടത്തോണിന്‍റെ സമാപന സമ്മേളനവും ലോക ഹൃദയ ദിനാചരണ ഉദ്ഘാടനവും ആലുവ റൂറൽ ഡിവൈഎസ്പി പി.കെ. ശിവൻകുട്ടി നിർവഹിച്ചു. ആശുപത്രി ജോയിന്‍റ് ഡയറക്ടർ ഫാ. തോമസ് വാളുക്കാരൻ അധ്യക്ഷത വഹിച്ചു. ഡോ. സ്റ്റിജി ജോസഫ്, ആശുപത്രി ഡയറക്ടർ റവ. ഡോ. ജോയ് ഐനിയാടൻ, ഫാ. വർഗീസ് പാലാട്ടി, ഡോ. എ.കെ. റഫീഖ്, ഡോ. സാജൻ നാരായണൻ എന്നിവർ ആശംസകൾ നേർന്നു സംസാരിച്ചു.
ആസ്റ്റർ ഡിഎം ഹെൽത്ത് കെയറിന്‍റെ സിഎസ്ആർ വിഭാഗമായ ആസ്റ്റർ വോളന്‍റിയേഴ്സിന്‍റെ നേതൃത്വത്തിൽ ലോക ഹൃദയ ദിനത്തിൽ മാരത്തൺ നടത്തി. ക്വീൻസ് വാക്ക് വേയിൽ നടന്ന മാരത്തൺ കേരള പോലീസ് മുൻ ഡിജിപിയും, കെഎംആർഎൽ മാനേജിംഗ് ഡയറക്ടറുമായ ലോക്നാഥ് ബെഹ്റ ഫ്ളാഗ് ഓഫ് ചെയ്തു. ഡോ. ആർ. അനിൽ കുമാർ, ഫർഹാൻ യാസിൻ എന്നിവർ പ്രസംഗിച്ചു.
അമൃത ആശുപത്രിയില്‍ കാര്‍ഡിയോളജി വിഭാഗത്തിന്‍റെ നേതൃത്വത്തില്‍ നടന്ന ദിനാച രണത്തിൽ അമൃത സ്‌കൂള്‍ ഓഫ് മെഡിസിന്‍ പ്രിന്‍സിപ്പല്‍ ഡോ. വിശാല്‍ മര്‍വ, കാര്‍ഡിയോളജി വിഭാഗം മേധാവി ഡോ. രാജേഷ് തച്ചത്തൊടിയില്‍, ഡോ.എം വിജയകുമാര്‍, ഡോ. പ്രവീണ്‍ ജി. പൈ, ഡോ.ബാലു വൈദ്യനാഥന്‍, ഡോ. മാഷ ബെറ്റേറോ എന്നിവര്‍ സംസാരിച്ചു.
അമൃത ആശുപത്രിയും കൊച്ചി മെട്രോയും സഹകരിച്ച് കൊച്ചി മെട്രോ ജീവനക്കാര്‍ക്ക് സൗജന്യമായി ലഭ്യമാക്കുന്ന സമഗ്ര ഹൃദയപരിശോധനാ പദ്ധതിയുടെ ഉദ്ഘാടനവും എംജി റോഡ് മെട്രോ സ്‌റ്റേഷനില്‍ നടന്നു. കാര്‍ഡിയോളജി വിഭാഗം പ്രഫസര്‍ ഡോ. കെ.യു നടരാജന്‍ കെഎംആര്‍എല്‍ എം.ഡി ലോക്നാഥ് ബെഹ്‌റയ്ക്ക് ടോക്കണുകള്‍ കൈമാറി.
വിപിഎസ് ലേക്‌ഷോര്‍ ആശുപത്രിയുടെ ആഭിമുഖ്യത്തില്‍ സിപിആര്‍ പരിശീലന പരിപാടി സംഘടിപ്പിച്ചു. 'ഹൃദയാരോഗ്യം എല്ലാവര്‍ക്കും (കാര്‍ഡിയോവാസ്‌കുലര്‍ ഹെല്‍ത്ത് ഫോര്‍ എവരിവണ്‍)' എന്ന പ്രമേയത്തില്‍ വൈറ്റില മൊബിലിറ്റി ഹബില്‍ സംഘടിപ്പിച്ച പരിപാടി ഹൈബി ഈഡന്‍ എംപി ഉദ്ഘാടനം ചെയ്തു. വിപിഎസ് ലേക്‌ഷോര്‍ ഹോസ്പിറ്റല്‍ മാനേജിംഗ് ഡയറക്ടര്‍ എസ്.കെ അബ്ദുള്ള, ഹൈബി ഈഡന്‍ എംപിക്ക് ഉപഹാരം സമര്‍പ്പിച്ചു. ചീഫ് ഓപ്പറേറ്റിംഗ് ഓഫീസര്‍ സുഭാഷ് സ്‌കറിയ, ഹെല്‍ത്ത്‌കെയര്‍ പ്രൊമോഷന്സ് മാനേജര്‍ അനു എസ്.കടയത്ത്, കോര്‍പ്പറേറ്റ് കമ്യൂണിക്കേഷന്‍സ് മാനേജര്‍ എം. മായ എന്നിവര്‍ പങ്കെടുത്തു.
ലൂര്‍ദ് ആശുപത്രിയില്‍ ലോകഹൃദയ ദിനത്തിന്‍റെ ഭാഗമായി 'സ്പന്ദനം 2022' എന്ന പേരില്‍ ബോധവത്കരണ സെമിനാറും പൊതുസമ്മേളനവും നടത്തി. റിട്ടയേര്‍ഡ് ചീഫ് കമ്മിഷണര്‍ ഓഫ് ഇന്‍കം ടാക്‌സ് സൂസി വര്‍ഗീസ് ഉദ്ഘാടനം ചെയ്തു. ഡയറക്ടര്‍ ഫാ. ഷൈജു അഗസ്റ്റിന്‍ തോപ്പില്‍ ചടങ്ങിന് അധ്യക്ഷത വഹിച്ചു.
കാര്‍ഡിയോളജി വിഭാഗത്തിന്‍റെ നേതൃത്വത്തില്‍ സംഘടിപ്പിച്ച സെമിനാറില്‍ കാർഡിയോളജി സീനിയര്‍ കണ്‍സള്‍ട്ടന്‍റ് ഡോ. ജോര്‍ജ് തയ്യില്‍, കാര്‍ഡിയോളജി വിഭാഗം മേധാവി ഡോ. സുജിത് കുമാര്‍, കാര്‍ഡിയോ തൊറാസിക് സീനിയര്‍ കണ്‍സള്‍ട്ടന്‍റ് ഡോ. കെ.കെ. പ്രദീപ്, കാര്‍ഡിയാക് അനസ്‌തേഷ്യയോളജി സീനിയര്‍ കണ്‍സള്‍ട്ടന്‍റ് കെ.എ. കോശി, അഡള്‍ട്ട് ആന്‍ഡ് പീഡിയാട്രിക് ഇന്‍റര്‍വെന്‍ഷണല്‍ കാര്‍ഡിയോളോജിസ്റ്റ് ഡോ. ജിനേഷ് തോമസ് എന്നിവര്‍ ബോധവത്കരണ ക്ലാസുകള്‍ക്ക് നേതൃത്വം നല്‍കി. ലൂര്‍ദ് ആശുപത്രി സംഘടിപ്പിച്ച മിനി വാക്കത്തോണിന്‍റെ ഫ്ളാഗ് ഓഫ് ചാത്യാത്ത് മൗണ്ട് കാര്‍മല്‍ പള്ളിയില്‍ വികാരി ഫാ. പോള്‍സണ്‍ കൊറ്റിയത്ത് നിര്‍വഹിച്ചു.