അങ്കമാലി: സെന്റ് വിൻസന്റ് ഡി പോൾ സൊസൈറ്റി അങ്കമാലി ഏരിയ കൗൺസിലിന്റെ 57-ാം വാർഷികാഘോഷം അങ്കമാലി സുബോധന പാസ്റ്ററൽ സെന്ററിൽ നടന്നു. പോട്ട പോപ്പുലർ മിഷൻ ധ്യാനകേന്ദ്ര ഡയറക്ടർ ഫാ. ഡെർബിൻ ഈട്ടിക്കാട്ടിലിന്റെ കുർബാനയ്ക്ക് ശേഷം നടന്ന പൊതുസമ്മേളനം അങ്കമാലി ബസിലിക്ക റെക്ടർ റവ. ഡോ. ജിമ്മി പൂച്ചക്കാട്ട് ഉദ്ഘാടനം ചെയ്തു.
ഏരിയ കൗൺസിൽ പ്രസിഡന്റ് ടി.ടി. മാത്തുക്കുട്ടി അധ്യക്ഷത വഹിച്ചു. സെൻട്രൽ കൗൺസിൽ പ്രസിഡന്റ് അഡ്വ. മാർട്ടിൻ റോയി മുഖ്യ പ്രഭാഷണം നടത്തി. 50 വർഷത്തിലധികം കോൺഫ്രൻസുകളിൽ പ്രവർത്തിച്ച അംഗങ്ങളായ ജോർജ് മാത്യു, ഇയ്യോ കാച്ചപ്പിള്ളി, ജോസ് കൂരൻ കല്ലൂക്കാരൻ, തോമസ് മാളിയേക്കൽ, പോൾ മുണ്ടം പുതുശേരി എന്നിവരെ റവ. ഡോ. ജിമ്മി പൂച്ചക്കാട്ട് ആദരിച്ചു. സുബോധന ഡയറക്ടർ ഫാ. രാജൻ പുന്നയ്ക്കൽ, സെക്രട്ടറി സോണി ചാത്തം പറമ്പിൽ, ട്രഷറർ കെ.ഒ. ജോണി, ബേബി തെക്കൻ, പോളച്ചൻ ഇടശേരി, സെന്റർ കൗൺസിൽ വൈസ് പ്രസിഡന്റ് സിസ്റ്റർ കൊച്ചുത്രേസ്യ സ്റ്റീഫൻ, സെന്റർ കൗൺസിൽ കോ ഓർഡിനേറ്റർ പീറ്റർ സെബാസ്റ്റ്യൻ, ജെയിംസ് പ്ലാക്കൽ, സി.ജെ. മത്തായി എന്നിവർ യോഗത്തിൽ സംസാരിച്ചു.
ബസിലിക്ക ചാവറ യൂത്ത്, അങ്കമാലി സെന്റ് ജോർജ് യൂത്ത്, അങ്കമാലി ലേഡീസ് കോൺഫ്രൻസ് എന്നീ സംഘടനകൾ പരിപാടികൾക്ക് നേതൃത്വം നൽകി.