മൂവാറ്റുപുഴ: വിദ്യാർഥികൾ ഉന്നത ശ്രേണിയിൽ എത്തുവാൻ സ്വപ്നം കാണണമെന്ന് സഫാരി ചാനൽ ഡയറക്ടർ സന്തോഷ് ജോർജ് കുളങ്ങര. മൂവാറ്റുപുഴ നിയോജക മണ്ഡലത്തിൽ എസ്എസ്എൽസി, പ്ലസ്ടു പരീക്ഷകളിൽ ഉന്നതവിജയം നേടിയ കുട്ടികൾക്കുള്ള ‘മെറിറ്റ് അവാർഡ്’ വിതരണം ഉദ്ഘാടനം ചെയ്യുകയായിരുന്നു അദ്ദേഹം. ഇടുക്കി പാർലമെന്റ് മണ്ഡലത്തിൽ നടപ്പാക്കിവരുന്ന വികസന പദ്ധതികളിൽ മണ്ഡലത്തിലെ വിദ്യാഭ്യാസ മേഖലയുടെ സമഗ്ര വികസനത്തിനായി നടപ്പാക്കുന്ന ‘റൈസ്’ പദ്ധതിയുടെ ആഭിമുഖ്യത്തിലാണ് അവാർഡ് വിതരണം നടത്തിയത്. ഡീൻ കുര്യാക്കോസ് എംപി അധ്യക്ഷത വഹിച്ചു.
നിർമല ഹയർ സെക്കൻഡറി സ്കൂൾ പ്രിൻസിപ്പൽ റവ. ഡോ. ആന്റണി പുത്തൻകുളം, മുൻ എംപി കെ. ഫ്രാൻസിസ് ജോർജ്, മുൻ എംഎൽഎ ജോണി നെല്ലൂർ, നഗരസഭാധ്യാക്ഷൻ പി.പി എൽദോസ്, പ്രഫ. ജോസ് അഗസ്റ്റിൻ, മാത്യൂസ് വർക്കി, ജോർജ് ഫ്രാൻസിസ് തെക്കേക്കര, എൻ.എം. ജോസഫ്, കെ.എം. സലിം, ജോസ് പെരുന്പള്ളിക്കുന്നേൽ, സലീം ഹാജി, സിനി ബിജു, ജിനു മാടേക്കൽ, ജോസ് കുര്യാക്കോസ്, അജി മുണ്ടാട്ട്, രാജശ്രീ രാജു, അമൽ ബാബു, ജോയിസ് മേരി ആന്റണി എന്നിവർ പ്രസംഗിച്ചു.