ജി​ല്ല​യി​ല്‍ 10,016 പു​തുസം​രം​ഭ​ങ്ങ​ള്‍
Thursday, December 8, 2022 12:13 AM IST
കൊ​ച്ചി: ഒ​രു വ​ര്‍​ഷം ഒ​രു ല​ക്ഷം സം​രം​ഭം പ​ദ്ധ​തി​യു​ടെ ജി​ല്ല​യി​ല്‍ ഇ​തു​വ​രെ ര​ജി​സ്റ്റ​ര്‍ ചെ​യ്ത​ത് 10016 സം​രം​ഭ​ങ്ങ​ള്‍. നിര്‍​മാ​ണ മേ​ഖ​ല​യി​ല്‍ 1,483 സം​രം​ഭ​ങ്ങ​ളും സേ​വ​ന മേ​ഖ​ല​യി​ല്‍ 3,522 സം​രം​ഭ​ങ്ങ​ളും വാ​ണി​ജ്യ മേ​ഖ​ല​യി​ല്‍ 5,011 സം​രംഭ​ങ്ങ​ളു​മാ​ണ് ഇ​തി​ല്‍ ഉ​ള്‍​പ്പെ​ടു​ന്ന​ത്. 856.43 കോ​ടി രൂ​പ​യു​ടെ നി​ക്ഷേ​പ​മാ​ണ് ഒ​ന്നര മാ​സ​ത്തി​നു​ള്ളി​ല്‍ ജി​ല്ല​യി​ലു​ണ്ടാ​യ​ത്. 24411 തൊ​ഴി​ല​വ​സ​ര​ങ്ങ​ളും സൃ​ഷ്ടി​ച്ചു. പ​ദ്ധ​തി​യു​ടെ ഭാ​ഗ​മാ​യി 10,000 പു​തി​യ സം​രം​ഭ​ങ്ങ​ള്‍ ആ​രം​ഭി​ച്ച ആ​ദ്യ ജി​ല്ല എ​ന്ന നേ​ട്ട​വും ഇ​തോ​ടെ ജി​ല്ല സ്വ​ന്ത​മാ​ക്കി.
തൃ​ക്കാ​ക്ക​ര, അ​ങ്ക​മാ​ലി, മൂ​വാ​റ്റു​പു​ഴ, പെ​രു​മ്പാ​വൂ​ര്‍, ആ​ലു​വ, എ​ട​വ​ന​ക്കാ​ട്, തി​രു​വാ​ണി​യൂ​ര്‍, കു​ഴു​പ്പി​ള്ളി എ​ന്നീ ത​ദ്ദേ​ശ സ്ഥാ​പ​ന​ങ്ങ​ള്‍ 100 ശ​ത​മാ​നം നേ​ട്ടം കൈ​വ​രി​ച്ചു. അ​ഭ്യ​സ്ത​വി​ദ്യ​രാ​യ യു​വ​ജ​ന​ങ്ങ​ളു​ടെ അ​ഭി​രു​ചി​ക്കും ശേ​ഷി​ക്കും അ​നു​സ​രി​ച്ചു​ള്ള തൊ​ഴി​ല്‍ സൃ​ഷ്ടി​ക്കു​ക​യാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. സം​രം​ഭ​ക​ര്‍​ക്കു​ള്ള സ​ഹാ​യ പ​ദ്ധ​തി​യാ​യ നാ​നോ യൂ​ണി​റ്റു​ക​ള്‍​ക്കാ​യു​ള്ള മാ​ര്‍​ജി​ന്‍ മ​ണി ഗ്രാ​ന്‍റ് വ​ഴി ജി​ല്ല​യി​ല്‍ 56 അ​പേ​ക്ഷ​ക​ര്‍​ക്കാ​യി 1.59 കോ​ടി രൂ​പ ധ​ന​സ​ഹാ​യം ന​ല്‍​കി. കേ​ന്ദ്ര​സ​ര്‍​ക്കാ​ര്‍ പ​ദ്ധ​തി​യാ​യ പ്ര​ധാ​ന​മ​ന്ത്രി തൊ​ഴി​ല്‍​ദാ​യ​ക പ​ദ്ധ​തി (പി​എം​ഇ​ജി​പി) വ​ഴി 88 യൂ​ണി​റ്റു​ക​ള്‍​ക്ക് 244.12 ല​ക്ഷം രൂ​പ സ​ബ്‌​സി​ഡി​യാ​യും വി​ത​ര​ണം ചെ​യ്തു.
വ്യ​വ​സാ​യ വാ​ണി​ജ്യ ഡ​യ​റ​ക്ട​റേ​റ്റ് ന​ട​പ്പാ​ക്കി​വ​രു​ന്ന സം​രം​ഭ​ക സ​ഹാ​യ പ​ദ്ധ​തി വ​ഴി ജി​ല്ല​യി​ല്‍ 84 യൂ​ണി​റ്റു​ക​ള്‍​ക്കാ​യി 6.95 കോ​ടി രൂ​പ സ​ഹാ​യം ന​ല്‍​കി. എം​എ​സ്എം​ഇ യൂ​ണി​റ്റു​ക​ള്‍​ക്കാ​യു​ള്ള കോ​വി​ഡ് സ​മാ​ശ്വാ​സ പ​ദ്ധ​തി​യാ​യ വ്യ​വ​സാ​യ ഭ​ദ്ര​ത പ​ദ്ധ​തി വ​ഴി 98 യൂ​ണി​റ്റു​ക​ള്‍​ക്ക് 30.60 ല​ക്ഷം രൂ​പ​യും ഈ ​കാ​ല​യ​ള​വി​ല്‍ ന​ല്‍​കി.

Copyright @ 2022 , Rashtra Deepika Ltd.