കല്ലൂർക്കാട് സെന്‍റ് അഗസ്റ്റിൻസ് പള്ളിയിൽ
കല്ലൂർക്കാട്: സെന്‍റ് അഗസ്റ്റിൻസ് പള്ളിയിൽ ഇടവക മധ്യസ്ഥനായ വിശുദ്ധ ആഗസ്തീനോസിന്റെയും വിശുദ്ധ സെബസ്ത്യാനോസിന്റെയും തിരുനാൾ നാളെ ആരംഭിക്കുമെന്ന് വികാരി ഫാ. മാനുവൽ പിച്ചളക്കാട്ട്, സഹവികാരി ഫാ. ആന്‍റണി ഞാലിപ്പറന്പിൽ എന്നിവർ അറിയിച്ചു. നാളെ രാവിലെ 6.30ന് കുർബാന, വൈകുന്നേരം 4.30ന് കൊടിയേറ്റ്, തിരുസ്വരൂപ പ്രതിഷ്ഠ, ലദീഞ്ഞ് - ഫാ. ജോസ് കുഴികണ്ണിയിൽ, അഞ്ചിന് കുർബാന, സന്ദേശം - ഫാ. ആന്‍റണി ഞാലിപ്പറന്പിൽ. 28ന് രാവിലെ 6.30ന് കുർബാന, വൈകുന്നേരം 4.30ന് ലദീഞ്ഞ്, തിരുനാൾ കുർബാന - ഫാ. പോൾ കളത്തൂർ, സന്ദേശം - ഫാ. ഷിന്‍റോ ആലുങ്കൽ, 6.45ന് ടൗണ്‍ പ്രദക്ഷിണം, 8.15ന് സമാപന പ്രാർഥന, ആകാശ വിസ്മയം. 29ന് രാവിലെ ആറിനും 7.30നും കുർബാന, രാവിലെ 6.30 മുതൽ വൈകുന്നേരം മൂന്ന് വരെ അന്പ് എഴുന്നള്ളിക്കൽ, വൈകുന്നേരം 4.30ന് ലദീഞ്ഞ്, തിരുനാൾ കുർബാന - ഫാ. പോൾ ആക്കപ്പടിക്കൽ, സന്ദേശം - ഫാ. ജയിംസ് മുണ്ടോളിക്കൽ, 6.45 ന് പ്രദക്ഷിണം, എട്ടിന് സമാപന പ്രാർഥന. 30ന് രാവിലെ 6.30ന് മരിച്ചവരുടെ ഓർമയാചരണം, കുർബാന, 7.15ന് സെമിത്തേരി സന്ദർശനം.
ഏനാനല്ലൂർ സെന്‍റ് സെബാസ്റ്റ്യൻസ് പള്ളിയിൽ
ആയവന: ഏനാനല്ലൂർ സെന്‍റ് സെബാസ്റ്റ്യൻസ് പള്ളിയിൽ ഇടവക മദ്ധ്യസ്ഥനായ വിശുദ്ധ സെബസ്ത്യാനോസിന്റെ തിരുനാൾ 27 മുതൽ 29 വരെ ആഘോഷിക്കുമെന്ന് വികാരി ഫാ. ഫ്രാൻസീസ് കാരികുന്നേൽ അറിയിച്ചു. 27ന് ഇടവകയിൽ നിന്നും മരിച്ചപോയവരുടെ ഓർമദിനം, വൈകുന്നേരം 4.30ന് കൊടിയേറ്റ് - ഫാ. തോമസ് മലേക്കുടി, തിരുസ്വരൂപ പ്രതിഷ്ഠ, നൊവേന, അഞ്ചിന് ആഘോഷമായ വിശുദ്ധ കുർബാന - ഫാ. ഫ്രാൻസിസ് കാരിക്കുന്നേൽ. 28ന് രാവിലെ 6.45ന് വിശുദ്ധ കുർബാന, നൊവേന, എട്ടിന് അന്പ് എഴുന്നള്ളിക്കൽ, വൈകുന്നേരം മൂന്നിന് അന്പ് പ്രദക്ഷിണം, 4.30ന് ആഘോഷമായ തിരുനാൾ കുർബാന - ഫാ. ജെയിംസ് മുണ്ടോളിക്കൽ, സന്ദേശം - ഫാ. ജോസഫ് ആര്യാപ്പിള്ളിൽ എംസിബിഎസ്, ആറിന് പ്രദക്ഷിണം, ഏഴിന് സമാപനം, ആകാശ വിസ്മയം. 29ന് രാവിലെ ഏഴിന് വിശുദ്ധ കുർബാന, എട്ടിന് അന്പ് എഴുന്നള്ളിക്കൽ, വൈകുന്നേരം മൂന്നിന് അന്പ് പ്രദക്ഷിണം, 4.15ന് ലദീഞ്ഞ്, 4.30ന് ആഘോഷമായ തിരുനാൾ കുർബാന - റവ.ഡോ. ആന്‍റണി പുത്തൻകുളം, സന്ദേശം - ഫാ. പോൾ ചൂരത്തൊട്ടി, 6.15ന് പ്രദക്ഷിണം, 7.30ന് സമാപന പ്രാർത്ഥന, ഇൻസ്ട്രുമെന്‍റൽ ഫ്യൂഷൻ സോംഗ്.
വാഴക്കുളം ബസ്‌ലഹം പള്ളിയിൽ
വാഴക്കുളം: ബസ്‌ലഹം തിരുക്കുടുംബ ദേവാലയത്തിൽ ഇടവക മധ്യസ്ഥരായ തിരുക്കുടുംബത്തിന്‍റെയും വിശുദ്ധ സെബസ്ത്യാനോസിന്റെയും തിരുനാൾ 20 മുതൽ 29 വരെ ആഘോഷിക്കുമെന്ന് ഫാ. ജോർജ് തച്ചിൽ അറിയിച്ചു. ഇന്ന് രാവിലെ ജപമാല, 6.30ന് കുർബാന, നൊവേന, വൈകുന്നേരം 4.45ന് ജപമാല, 5.15ന് കുർബാന, നൊവേന - ഫാ. ഫെബിൻ കുന്നത്ത്. 27ന് രാവിലെ ആറിന് ജപമാല, 6.30ന് കുർബാന, നൊവേന, 4.45ന് ജപമാല, 5.15ന് കൊടിയേറ്റ്, തിരുസ്വരൂപ പ്രതിഷ്ഠ, കുർബാന, നൊവേന - ഫാ. ആന്‍റണി മരുത്വാമലയിൽ. 28ന് രാവിലെ ആറിന് ജപമാല, 6.30ന് കുർബാന, നൊവേന, അന്പ് വീടുകളിലേക്ക്, 11ന് കുർബാന - ഫാ. പോൾ വാലംപാറയിൽ, വൈകുന്നേരം 4.30ന് അന്പ് പ്രദക്ഷിണം, 4.45ന് ലദീഞ്ഞ്, നൊവേന, അഞ്ചിന് ആഘോഷമായ കുർബാന, 6.30ന് പ്രദക്ഷിണം, എട്ടിന് സമാപന ആശീർവാദം. 29ന് രാവിലെ 6.30ന് ജപമാല, ഏഴിനും 10നും കുർബാന - ഫാ. സ്കറിയ മെതിപ്പാറ, വൈകുന്നേരം 4.15ന് ജപമാല, 4.45ന് ലദീഞ്ഞ്, അഞ്ചിന് ആഘോഷമായ തിരുനാൾ കുർബാന - ഫാ. ജോണ്സണ് വാമറ്റത്തിൽ, പ്രസംഗം - ഫാ. ടോമി പുത്തൻകടുപ്പിൽ, 6.30ന് പ്രദക്ഷിണം, സമാപന ആശീർവാദം. 30ന് മരിച്ചവരുടെ ഓർമദിനം, രാവിലെ ആറിന് ജപമാല, 6.30ന് കുർബാന, സെമിത്തേരി സന്ദർശനം.
കദളിക്കാട് വിമലമാത പള്ളിയിൽ
വാഴക്കുളം: കദളിക്കാട് വിമലമാത പള്ളിയിൽ പരിശുദ്ധ വിമല മാതാവിന്‍റെയും വിശുദ്ധ സെബസ്ത്യാനോസിന്റെയും വിശുദ്ധ ഗീവർഗീസ് സഹദായുടെയും തിരുനാൾ നാളെ ആരംഭിക്കുമെന്ന് വികാരി ഫാ. മാത്യു അരീക്കാട്ട് അറിയിച്ചു. നാളെ രാവിലെ ആറിന് കുർബാന, ഉച്ചകഴിഞ്ഞ് 3.30ന് കൊടിയേറ്റ്, തിരുസ്വരൂപ പ്രതിഷ്ഠ, ലദീഞ്ഞ്, നാലിന് കുർബാന, പ്രസംഗം, നൊവേന - ഫാ. മാത്യു പുത്തൻകുളം, ആറിന് അന്പ്, മുടി എഴുന്നള്ളിക്കൽ. 28ന് രാവിലെ ആറിന് കുർബാന. ഉച്ചകഴിഞ്ഞ് 3.45 ന് ലദീഞ്ഞ്, നൊവേന, നാലിന് തിരുനാൾ പാട്ടുകുർബാന - ഫാ. സെബാസ്റ്റ്യൻ തുന്പമറ്റത്തിൽ, പ്രസംഗം - റവ.ഡോ. ഫ്രാൻസിസ് കണ്ണാടൻ, 5.30ന് തെക്കുംമല കപ്പേളയിലേക്ക് പ്രദക്ഷിണം, ഏഴിന് സമാപന പ്രാർഥന. 29ന് രാവിലെ ആറിനും 7.30നും കുർബാന, 10ന് തിരുനാൾ കുർബാന - ഫാ. മാത്യു വിച്ചാട്ട്, പ്രസംഗം - റവ.ഡോ. മോണ്. പയസ് മലേക്കണ്ടത്തിൽ, 11.30ന് സെന്‍റ് ജോർജ് കുരിശടിയിലേക്ക് പ്രദക്ഷിണം, 12ന് സമാപനാശീർവാദം.
പുന്നേക്കാട് വിശുദ്ധ ഗത്സീമോൻ പള്ളിയിൽ
കോതമംഗലം: പുന്നേക്കാട് വിശുദ്ധ ഗത്സീമോൻ യാക്കോബായ പള്ളിയിലെ കല്ലിട്ട പെരുന്നാളും മോർ ശെമവൂൻ സോബോയുടെ ഓർമയും പരിശുദ്ധ അബ്ദുൽ ജലീൽ ബാവായുടെ തിരുശേഷിപ്പ് സ്ഥാപന വാർഷിക പെരുന്നാളും ഇന്ന് മുതൽ രണ്ടു വരെ നടക്കുമെന്ന് സംഘാടകർ പത്രസമ്മേളനത്തിൽ അറിയിച്ചു. ഇന്ന് രാവിലെ 7.15ന് കുർബാനയ്‌ക്ക് ശേഷം പെരുന്നാളിന് കൊടിയേറും. വൈകുന്നേരം ആറിന് നമസ്കാരവും ഏഴിന് സൺഡേ സ്കൂളിന്‍റെയും ഭക്ത സംഘടനകളുടെയും സംയുക്ത വാർഷികവും നടക്കും. ഏലിയാസ് മാർ യൂലിയോസ് മെത്രാപ്പോലീത്ത വാർഷിക പരിപാടികൾ ഉദ്ഘാടനം ചെയ്യും.
29ന് രാവിലെ 8.15ന് കുർബാനയും തുടർന്ന് തമുക്ക് നേർച്ചയും ഉണ്ടായിരിക്കും. 11ന് ശ്രേഷ്ഠ ബസേലിയോസ് തോമസ് പ്രഥമൻ കാതോലിക്ക ബാവായെക്കുറിച്ച് സിജു പുന്നേക്കാട് എഴുതിയ പുസ്തകത്തിന്‍റെ പ്രകാശനം എംഎ കോളജ് അസോസിയേഷൻ സെക്രട്ടറി വിന്നി വർഗീസ് നിർവഹിക്കും. ശ്രേഷ്ഠ ബാവ പുസ്തകം ഏറ്റുവാങ്ങും. ഏലിയാസ് മാർ യൂലിയോസ് മെത്രാപ്പോലീത്ത, ആന്‍റണി ജോണ് എംഎൽഎ, കീരംപാറ പഞ്ചായത്ത് പ്രസിഡന്‍റ് മാമച്ചൻ ജോസഫ്, എംജെഎസ്എസ്എ ജനറൽ സെക്രട്ടറി എം.ജെ. മർക്കോസ് തുടങ്ങിയവർ പങ്കെടുക്കും.
ഒന്നിന് രാവിലെ 9.30ന് കുർബാന, വൈകുന്നേരം 6.30ന് മാർക്കോസ് മാർ ക്രിസോസ്റ്റമോസ് മെത്രാപ്പോലീത്തയുടെ നേതൃത്വത്തിൽ നമസ്കാരവും അനുഗ്രഹ പ്രഭാഷണവും തുടർന്ന് നേർച്ചസദ്യയും പ്രദക്ഷിണവും ഉണ്ടായിരിക്കും. പ്രധാന പെരുന്നാൾ ദിനമായ രണ്ടിന് രാവിലെ മാർക്കോസ് മാർ ക്രിസോസ്റ്റമോസ് മെത്രാപ്പോലീത്തയുടെ നേതൃത്വത്തിൽ കുർബാനയും അബ്ദുൽ ജലീൽ മാർ ഗ്രിഗറിയോസ് ബാവയുടെ തിരുശേഷിപ്പ് വണക്കവും. തുടർന്ന് പ്രദക്ഷിണവും ആശിർവാദവും നേർച്ചസദ്യയും. വൈകുന്നേരം മുന്നിന് പെരുന്നാളിന് കൊടിയിറങ്ങും. പത്രസമ്മേളനത്തിൽ വികാരി ഫാ. ജോസ് ജോണ് പരണായിൽ, ട്രസ്റ്റി കെ.ഡി. വർഗീസ് കദളിപ്പറന്പിൽ, പബ്ലിസിറ്റി കണ്‍വീനർ സാം കുന്നത്ത്, പുസ്തക രചയിതാവ് സിജു പുന്നേക്കാട് എന്നിവർ പങ്കെടുത്തു.
കായനാട് സെന്‍റ് ജോർജ് പള്ളിയിൽ
മൂവാറ്റുപുഴ: കായനാട് സെന്‍റ് ജോർജ് യാക്കോബായ സുറിയാനി പള്ളിയിൽ 95-ാമത് ശിലാസ്ഥാപന പെരുന്നാളും പരിശുദ്ധ ഇഗ്നാത്തിയോസ് ഏലിയാസ് തൃതീയൻ പാത്രിയർക്കീസ് ബാവയുടെ ഓർമപ്പെരുന്നാളും 29 മുതൽ 31വരെ നടക്കും. പെരുന്നാളിന് വികാരി ഫാ. പ്രിൻസ് കളപ്പുരയ്ക്കൽ കൊടിയേറ്റി. ഫാ.ജോൺ വള്ളിക്കാട്ടിൽ, ട്രസ്റ്റിമാർ, ഇടവകാംഗങ്ങൾ തുടങ്ങിയവർ പങ്കെടുത്തു. 29ന് രാവിലെ 7.30ന് പ്രാർഥന, എട്ടിന് കുർബാന, വൈകിട്ട് ആറിന് പ്രാർഥന, ഏഴിന് പ്രദക്ഷിണം, ഒമ്പതിന് ആശീർവാദം. 30ന് രാവിലെ ഏഴിന് പ്രാർഥന (മൂന്ന് നോമ്പ് ), വൈകിട്ട് 6.30ന് പ്രാർഥന, 7.30ന് പ്രസംഗം-റവ.ജോർജ് മാന്തോട്ടം കോർ എപ്പിസ്കോപ്പ, എട്ടിന് ഓണിയേൽവയൽ കുരിശിങ്കലേക്ക് പ്രദക്ഷിണം, 10ന് ആശീർവാദം, 10.30ന് ഭക്ഷണം. 31ന് രാവിലെ 8.30 ന് പ്രാർഥന, 9.30ന് മൂന്നിന്മേൽ കുർബാന, 11.30 ന് പ്രസംഗം, 12.30ന് സ്ലീബാ എഴുന്നള്ളിപ്പ്, ഒന്നിന് ആശീർവാദം, 1.15 ന് നേർച്ചസദ്യ, 1.30 ന് ലേലം.