കിഴക്കമ്പലം: കുമ്മനോട് ഗവ. യുപി സ്കൂളിന് ബെന്നി ബെഹന്നാൻ എംപിയുടെ ഫണ്ടിൽ നിന്ന് അനുവദിച്ച തുക ഉപയോഗിച്ച് വാങ്ങിയ സ്‌കൂൾ ബസിന്‍റെ ഫ്‌ളാഗ് ഓഫ് കർമവും പ്രീ -പ്രൈമറി വിദ്യാർഥികളുടെ സർഗോത്സവം മുത്തുമണിക്കൂട്ടവും നടത്തി.
സ്‌കൂൾ ബസ് ബെന്നി ബഹനാൻ എംപി ഫ്ലാഗ് ഓഫ് ചെയ്തു. അഡ്വ. പി.വി. ശ്രീനിജിൻ എംഎൽഎ അധ്യക്ഷനായി. എഇഒ ടി. ശ്രീകല സ്‌കോളർഷിപ്പുകളും ബിപിഒ കെ.ബി. സിനി സമ്മാനങ്ങളും വിതരണം ചെയ്തു. എം.പി. രാജൻ, ജോളി ബേബി, ബാബു സെയ്താലി, പ്രധാനാധ്യാപിക കെ.എം. മേരി, പിടിഎ പ്രസിഡന്‍റ് സി.സി. കുഞ്ഞുമുഹമ്മദ്, സി.പി. ഗോപാലകൃഷ്ണൻ, എസ്എംസി ചെയർമാൻ ഷാഹുൽ ഹമീദ്, പ്രീത മോഹൻ, ജിൻസ് ടി. മുസ്തഫ, കെ.വി. മണിയപ്പൻ, എസ്. തങ്കപ്പൻ, എം.പി. ജോയി, എം.സി. കുട്ടപ്പൻ, എം.കെ. അലിയാർ, ടി.എം. നജീല, വീണ വിശ്വനാഥൻ, ബീമ ബീവി എന്നിവർ പ്രസംഗിച്ചു.