മ​ല​യി​ന്‍​കീ​ഴ്-​പു​ന്നേ​ക്കാ​ട് റോ​ഡി​ൽ പ​ണി​ക​ൾ ബാ​ക്കി
Monday, March 27, 2023 12:47 AM IST
കോ​ത​മം​ഗ​ലം: മ​ല​യി​ന്‍​കീ​ഴ്-​പു​ന്നേ​ക്കാ​ട് റോ​ഡ് നി​ര്‍​മാ​ണം പൂ​ർ​ത്തീ​ക​രി​ക്കാ​തെ അ​ന​ന്ത​മാ​യി നീ​ളു​ന്നു. അ​ഞ്ച് വ​ര്‍​ഷം മു​മ്പ് ക​രാ​ര്‍ ന​ല്‍​കി​യ എ​ട്ട് കി​ലോ​മീ​റ്റ​ര്‍ റോ​ഡ് നി​ർ​മാ​ണം വി​വി​ധ കാ​ര​ണ​ങ്ങ​ള്‍ നി​ര​ത്തി അ​ന​ന്ത​മാ​യി നീ​ളു​ക​യാ​ണെ​ന്നാ​ണ് ആ​രോ​പ​ണം. പൊ​തു​മ​രാ​മ​ത്തി​ന്‍റെ പി​ടി​പ്പു​കേ​ടും ക​രാ​റു​കാ​രന്‍റെ അ​നാ​സ്ഥ​യു​മാ​ണ് റോ​ഡ് നി​ർ​മാ​ണം വൈ​കി​പ്പി​ക്കു​ന്ന​തെ​ന്നാ​ണ് ആ​രോ​പ​ണം ഉ​യ​ർ​ന്നി​രി​ക്കു​ന്ന​ത്.

ര​ണ്ട് റീ​ച്ചു​ക​ളി​ലാ​യി നാ​ല് കി​ലോ​മീ​റ്റ​ര്‍ വീ​തം ദൈ​ര്‍​ഘ്യ​മു​ള്ള റോ​ഡി​ന്‍റെ ന​വീ​ക​ര​ണ ജോ​ലി​ക​ളു​ടെ ഉ​ദ്ഘാ​ട​നം ക​ഴി​ഞ്ഞ് അ​ഞ്ച് വ​ർ​ഷം പി​ന്നി​ടു​മ്പോ​ഴും പ​ണി​ക​ള്‍ പി​ന്നെ​യും ബാ​ക്കി. ബി​എം​ബി​സി നി​ല​വാ​ര​ത്തി​ല്‍ ടാ​റിം​ഗ് ന​ട​ത്തേ​ണ്ട റോ​ഡി​ല്‍ ബി​എം പ​ല​ഭാ​ഗ​ത്തും ചെ​യ്‌​തെ​ങ്കി​ലും ര​ണ്ടാ​മ​ത്തെ ലെ​യ​ര്‍ ബി​സി ചെ​യ്യാ​തെ കി​ട​ക്കു​ക​യാ​ണ്.

ആ​ദ്യ ക​രാ​റു​കാ​ര​നെ പ​ണി തു​ട​ങ്ങും മു​മ്പേ ഒ​ഴി​വാ​ക്കി​യാ​ണ് ഇ​പ്പോ​ഴ​ത്തെ ക​രാ​ര്‍ ന​ല്‍​കി​യ​ത്. ര​ണ്ടാ​മ​ത്തെ ആ​ളും പ​ണി പൂ​ര്‍​ത്തി​യാ​ക്കു​ന്ന ല​ക്ഷ​ണ​മി​ല്ലെ​ന്നാ​ണ് ആ​രോ​പ​ണം. എ​ത്ര​യും വേ​ഗം ടാ​റിം​ഗ് ന​ട​ത്ത​ണ​മെ​ന്ന് പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​ര്‍ ക​രാ​റു​കാ​ര​ന് അ​ന്ത്യ​ശാ​സ​നം ന​ല്‍​കി​യി​ട്ടും ന​ട​പ​ടി​യാ​യി​ല്ല.

ആ​ദ്യ റീ​ച്ചി​ല്‍ മൂ​ന്ന് ഭാ​ഗ​ത്താ​യി ഒ​രു കി​ലോ​മീ​റ്റ​ര്‍ പ​ണി തീ​രാ​നു​ണ്ട്. ര​ണ്ടാം റീ​ച്ചി​ല്‍ നാ​ല് കി​ലോ​മീ​റ്റ​ര്‍ ബി​എം ടാ​റിം​ഗും മു​ക്കാ​ല്‍ ഭാ​ഗ​ത്തോ​ളം ബി​സി​യും പൂ​ർ​ത്തി​യാ​ക്കി. ഒ​ന്നോ ര​ണ്ടോ ദി​വ​സം പ​ണി ന​ട​ക്കും പി​ന്നെ കു​റ​ച്ച് ദി​വ​സ​ത്തേ​ക്ക് പ​ണി ഉ​ണ്ടാ​കി​ല്ല. ഈ ​രീ​തി​യാ​യി​രു​ന്നു മാ​സ​ങ്ങ​ളാ​യി ന​ട​ക്കു​ന്ന​ത്. നാ​ട്ടു​കാ​രെ കു​ഴി​യി​ല്‍ ചാ​ടി​ച്ചും പൊ​ടി​യി​ല്‍ ആ​റാ​ടി​ച്ചും ബു​ദ്ധി​മു​ട്ടി​ച്ചു. ഏ​താ​നും ദി​വ​സ​മാ​യി പ​ണി നി​ല​ച്ച​മ​ട്ടാ​ണ്.

ടാ​റിം​ഗ് ജോ​ലി​ക്കു​ള്ള യ​ന്ത്ര സാ​മ​ഗ്രി​ക​ളും ഉ​പ​ക​ര​ണ​ങ്ങ​ളു​മെ​ല്ലാം ക​രാ​റു​കാ​ര​ന്‍ സ്ഥ​ല​ത്തു​നി​ന്ന് നീ​ക്കി. മ​ല​യി​ന്‍​കീ​ഴ് മു​ത​ല്‍ ചേ​ലാ​ട് വ​രെ ആ​ദ്യ റീ​ച്ചി​ലെ പ​ണി പൂ​ര്‍​ത്തീ​ക​രി​ക്കാ​ന്‍ ക​രാ​റു​കാ​ര​ന് താ​ല്‍​പ്പ​ര്യ​മി​ല്ലെ​ന്ന ആ​രോ​പ​ണ​വും ഉ​യ​ര്‍​ന്നി​രു​ന്നു. ക​രാ​റു​കാ​ര​ന്‍ പി​ന്‍​മാ​റി​യാ​ല്‍ അ​വ​ശേ​ഷി​ക്കു​ന്ന പ​ണി​ക്ക് വീ​ണ്ടും ടെ​ണ്ട​ര്‍ വി​ളി​ച്ച് പു​തി​യ ക​രാ​റു​കാ​ര​നെ ക​ണ്ടെ​ത്തേ​ണ്ടി​വ​രും. അ​ങ്ങ​നെ വ​ന്നാ​ല്‍ അ​ടു​ത്ത മ​ഴ​ക്കാ​ല​ത്തി​ന് മു​മ്പ് ടാ​റിം​ഗ് ന​ട​ത്താ​ന്‍ ക​ഴി​യി​ല്ലെ​ന്നാ​ണ് അ​ധി​കൃ​ത​രി​ല്‍​നി​ന്ന് ല​ഭി​ച്ച സൂ​ച​ന.

ഈ ​സാ​ഹ​ച​ര്യ​ത്തി​ല്‍ ഏ​തു വി​ധ​ത്തി​ല്‍ സ​മ്മ​ര്‍​ദം ചെ​ലു​ത്തി​യും ഇ​പ്പോ​ഴ​ത്തെ ക​രാ​റു​കാ​ര​നെ​കൊ​ണ്ട് പ​ണി ന​ട​ത്തി​ക്കാ​നു​ള്ള ശ്ര​മ​ത്തി​ലാ​ണ് ഉ​ദ്യോ​ഗ​സ്ഥ​ർ. ഇ​തു​വ​രെ ചെ​യ്ത പ​ണി​യു​ടെ ബി​ല്‍ തു​ക ക​രാ​റു​കാ​ര​ന് മാ​റി കി​ട്ടി​യി​ല്ലെ​ന്നും പ​റ​യു​ന്നു. ടാ​റിം​ഗ് ന​ട​ത്തി​യ ക​രി​ങ്ങ​ഴ പാ​ല്‍ സൊ​സൈ​റ്റി​പ്പ​ടി ഭാ​ഗ​ത്ത് നി​ര്‍​മി​ച്ച കാ​ന​യ്‌​ക്ക് മു​ക​ളി​ല്‍ സ്ലാ​ബ് ഇ​ടാ​ത്ത​ത് അ​പ​ക​ട ഭീ​ഷ​ണി​യാ​യി​രി​ക്കു​ക​യാ​ണ്.

പു​ല്ലും കാ​ടും വ​ള​ര്‍​ന്ന് കാ​ന അ​റി​യാ​തെ വാ​ഹ​ന​ങ്ങ​ള്‍ അ​പ​ക​ട​ത്തി​ല്‍​പ്പെ​ടാ​നും സാ​ധ്യ​ത​യേ​റെ​യാ​ണ്. പു​ന്നേ​ക്കാ​ട് ഭാ​ഗ​ത്ത് ക​ഴി​ഞ്ഞ ആ​ഴ്ച ടാ​റിം​ഗ് ന​ട​ത്തി മ​ണി​ക്കൂ​റു​ക​ള്‍​ക്ക് അ​കം പൊ​ട്ടി​യ​ത് പ​ണി​യി​ലെ അ​പാ​ക​ത​യാ​ണെ​ന്ന് നാ​ട്ടു​കാ​ര്‍ ചൂ​ണ്ടി​ക്കാ​ട്ടി. ടാ​റിം​ഗ് ന​ട​ത്തി​യ ഭാ​ഗ​ത്ത് ലോ​റി ക​യ​റി​യ​താ​ണ് വി​ള്ള​ല്‍ വീ​ഴാ​ന്‍ കാ​ര​ണ​മാ​യ​തെ​ന്ന് പൊ​തു​മ​രാ​മ​ത്ത് അ​ധി​കൃ​ത​ര്‍ പ​റ​യു​ന്നു.

Copyright @ 2022 , Rashtra Deepika Ltd.