കൊച്ചി: പരീക്ഷാക്കാലത്തിന് വിട നല്കി രണ്ടു മാസത്തെ അവധിക്കാലം അടിച്ചുപൊളിക്കാനുള്ള തയാറെടുപ്പിലാണ് കുട്ടികൾ. കുട്ടിയും കോലും കുഴിപ്പന്തും കളിച്ചു നടന്നിരുന്ന തലമുറയില് നിന്ന് പുതുതലമുറ എത്തിനിൽക്കുന്നത് സ്മാര്ട്ട് ഗെയിമുകളിലാണ്. മക്കളുടെ അഭിരുചി അറിഞ്ഞ് പണം മുടക്കിത്തന്നെ അവരെ അവധിക്കാല കോഴ്സുകളില് ചേര്ക്കാന് ഇന്ന് മാതാപിതാക്കളും തയാറാണ്. അതുകൊണ്ടുതന്നെ കുട്ടികള്ക്കായി അവധിക്കാല കോഴ്സുകളും റെഡിയാണ്.
റീജണല് സ്പോര്ട്സ് സെന്റര് ?
ഏപ്രില് മൂന്നു മുതല് മേയ് 27 വരെയാണ് റീജണല് സ്പോര്ട്സ് സെന്ററില് അവധിക്കാല കോച്ചിംഗ് ക്യാമ്പ് ഒരുക്കിയിരിക്കുന്നത്. എയ്റോബിക്സ്/ സൂംബ, ബാഡ്മിന്റണ്, ബാസ്കറ്റ് ബോള്, ബോക്സിംഗ്, കാരംസ്, ചെസ്, ക്രിക്കറ്റ്, സൈക്ലിംഗ്, ഫുട്ബോള്, കരാട്ടെ, സ്കേറ്റിംഗ്, നീന്തല്, തായ്ക്വാണ്ട, ടെന്നീസ്, വോളിബോള്, യോഗ, കൈയക്ഷരം മെച്ചപ്പെടുത്താനുള്ള പരിശീല ക്ലാസ്, ശില്പനിര്മാണം എന്നിവയാണ് ക്യാമ്പിലുള്ളത്. ഫോണ്: 0484 2204068.
നാടകക്കളരി
ചങ്ങമ്പുഴ സാംസ്കാരിക കേന്ദ്രത്തിന്റെ കീഴിലുള്ള നാം കുട്ടികളുടെ നാടകവേദിയുടെ അവധിക്കാല നാടക ശില്പശാല ഏപ്രില് ഒന്നു മുതല് അഞ്ചു വരെ നടക്കും. സ്ക്രിപ്റ്റ്, രചന, കഥപറച്ചില്, മാസ്ക് നിര്മാണം, ചിത്രരചന, ഡബ്ബിംഗ്, ആങ്കറിംഗ്, തീയറ്റര് ഗെയിംസ്, ശബ്ദ പരിശീലനം, ഫിസിക്കല് തീയറ്റര്, സംഗീതം എന്നിവയിലാണ് പരിശീലനം. നാമിന്റെ പുതിയ നാടകമായ നിഴലിലേക്കുള്ള അഭിനേതാക്കളെയും കളരിയില് നിന്ന് തെരഞ്ഞെടുക്കും. ഫോണ്: 99954 00634.
മെട്രോ സ്റ്റേഷനുകളിൽ
കൊച്ചി മെട്രോ കുട്ടികള്ക്കായി സംഘടിപ്പിക്കുന്ന ഒരു മാസം നീണ്ടു നില്ക്കുന്ന സമ്മര് ക്യാന്പ്- ഡിസ്കവര് 2023 ഏപ്രില് 10ന് ആരംഭിക്കും. പാട്ട്, നൃത്തം, ചിത്രരചന, റോബോട്ടിക്സ്, കോഡിംഗ്, യോഗ, കളരി തുടങ്ങിയവയില് പരിശീലനം നല്കും. അഞ്ച് വയസ് മുതല് 17 വയസ് വരെയുള്ളവര്ക്ക് പങ്കെടുക്കാം. ഏപ്രില് 10 മുതല് മേയ് 10 വരെ തിങ്കള് മുതല് വെള്ളി വരെയുള്ള ദിവസങ്ങളിലാണ് ക്യാന്പ്. രജിസ്ട്രേഷനും കൂടുതൽ വിവരങ്ങൾക്കും ഫോൺ: 7593833664.
കലാഭവനില്
കൊച്ചിന് കലാഭവനില് അവധിക്കാല കലാപരിശീലന ക്ലാസ് ഏപ്രിൽ മൂന്നിന് ആരംഭിക്കും. തിങ്കള് മുതല് ബുധന് വരെ രാവിലെ 9.30 മുതല് 12.30 വരെയാണ് ക്ലാസ്. ക്ലാസിക്കല് ഡാന്സ്, സിനിമാറ്റിക് ഡാന്സ്, ക്ലാസിക്കല് വോക്കല്, കീ ബോര്ഡ്, ഗിറ്റാര്, ഡ്രംസ്, കരാട്ടെ, ഡ്രോയിംഗ്, പെയിന്റിംഗ് എന്നിവയിലാണ് പരീശീലനം നല്കുന്നത്. ഫോണ്: 0484 2354522.
കടവന്ത്ര വൈഎംസിഎ
കടവന്ത്ര വൈഎംസിഎ ബ്രാഞ്ചിന്റെ നേതൃത്വത്തിലുള്ള സമ്മര് ക്യാമ്പ് കടവന്ത്ര വൈഎംസിഎ ബ്രാഞ്ചില് നടക്കും. ബാഡ്മിന്റണ്, ബാസ്കറ്റ് ബോള്, ചെസ്, ഡ്രോയിംഗ് ആന്ഡ് പെയിന്റിംഗ്, കരാട്ടെ, സ്കേറ്റിംഗ്, ടേബിള് ടെന്നീസ് എന്നീ ഇനങ്ങളിലാണ് പരിശീലനം. ഫോണ്: 7736659444.
കൊച്ചിന് വേവ്സില്
പാലാരിവട്ടം കൊച്ചിന് വേവ്സില് (മ്യൂസിക്, ഡാന്സ്, ആര്ട്ട് അക്കാദമി) അവധിക്കാല ക്ലാസുകള് ഏപ്രില് മൂന്നിന് ആരംഭിക്കും. വയലിന്, ഗിറ്റാര്, ഓര്ഗൺ, വീണ, ഡ്രംസ്, തബല, മൃദംഗം, ഫ്ലൂട്ട്, ക്ലാസിക്കല് മ്യൂസിക്, ലൈറ്റ് മ്യൂസിക്, കരോക്കെ ട്രെയിനിംഗ്, ഭരതനാട്യം, സിനിമാറ്റിക് ഡാന്സ്, പെയിന്റിംഗ്, വാട്ടര് കളറിംഗ്, ഓയില് പെയിന്റിംഗ്, ക്ലേ മോഡലിംഗ്, ഗ്ലാസ് പെയിന്റിംഗ് എന്നിവയിലാണ് പരിശീലനം. വാഹന സൗകര്യവും ലഭ്യമാണ്.