മുവാറ്റുപുഴ : രാഹുൽ ഗാന്ധിയെ അയോഗ്യനാക്കിയതിൽ പ്രതിഷേധിച്ച് മുസ്ലിം യൂത്ത് ലീഗ് മുവാറ്റുപുഴ മണ്ഡലം കമ്മിറ്റിയുടെ നേതൃത്വത്തിൽ നൈറ്റ് മാർച്ച് നടത്തി. ജനാധിപത്യ അവകാശങ്ങളെ കുഴിച്ചു മൂടി ശബ്ദിക്കുന്നവരുടെ വായ മൂടിക്കെട്ടുന്ന സംഘപരിവാർ ഭീകരതക്കെതിരെ യൂത്ത് ലീഗ് പേഴക്കാപ്പിള്ളിയിൽ പാതിരാവോടടുത്ത് നടത്തിയ മാർച്ച് പ്രതിഷേധത്തിന്റെ പുതിയൊരു അധ്യായമായി. സമരങ്ങൾക്ക് ഡൽഹിയിൽ നേതൃത്വം കൊടുക്കുന്ന ഡീൻ കുര്യാക്കോസ് എംപി മാർച്ചിൽ യൂത്ത് ലീഗ് പ്രവർത്തകരോടൊപ്പം പങ്കെടുത്തത് ആവേശമായി.
പേഴക്കാപ്പിള്ളി പള്ളിപ്പടിയിൽ നിന്നും ആരംഭിച്ച പ്രകടനം പായിപ്ര കവലയിൽ സമാപിച്ചു. ഡീൻ കുര്യാക്കോസ് എംപി ഉദ്ഘാടനം ചെയ്തു. പ്രതിഷേധ യോഗത്തിൽ മുസ്ലിം യൂത്ത് ലീഗ് മുവാറ്റുപുഴ മണ്ഡലം പ്രസിഡന്റ് പി.എ. ആരിഫ് അധ്യക്ഷത വഹിച്ചു.
ജനറൽ സെക്രട്ടറി കെ.എസ്. സുലൈമാൻ, മുസ്ലിം ലീഗ് ജില്ലാ പ്രസിഡന്റ് കെ.എം. അബ്ദുൽ മജീദ്, വൈസ് പ്രസിഡന്റ് പി.എം. അമീറലി, മണ്ഡലം പ്രസിഡന്റ് പി.എ. ബഷീർ, ജനറൽ സെക്രട്ടറി ഒ.എം. സുബൈർ, ജില്ലാ പ്രവർത്തക സമിതി അംഗം അൻസാർ മുണ്ടാട്ട്, യൂത്ത് ലീഗ് ജില്ലാ വൈസ് പ്രസിഡന്റ് പി.ഇ. സജൽ, സെക്രട്ടറിമാരായ ടി.എം. ഹാഷിം, കെ.എം. അബ്ദുൽ കരീം, എംഎസ്എഫ് ജില്ലാ പ്രസിഡന്റ് റമീസ് ഇബ്രാഹിം, പായിപ്ര പഞ്ചായത്ത് സ്ഥിരംസമിതി അധ്യക്ഷൻ വി.ഇ. നാസർ, മുവാറ്റുപുഴ നഗരസഭ സ്ഥിരംസമിതി അധ്യക്ഷൻ പി.എം. അബ്ദുൽ സലാം, മുസ്ലിം ലീഗ് മണ്ഡലം ഭാരവാഹികളായ ജലാൽ സ്രാന്പിക്കൽ, വി.എ .ഇബ്രാഹിം, മുഹമ്മദ് സാലിഹ്, ഫാറൂഖ് മടത്തോടത്ത്, മൊയ്തു മരങ്ങാട്ട്, കെ.എം. ഷെക്കീർ, യൂത്ത് ലീഗ് മണ്ഡലം ട്രഷറർ പി.കെ. അജാസ്, സീനിയർ വൈസ് പ്രസിഡന്റ് മുഹമ്മദ് ഇയാസ് തുടങ്ങിയവർ പ്രസംഗിച്ചു.