വാട്ടർ അഥോറിറ്റി പൊളിച്ച റോഡുകൾ പുനർനിർമിക്കാൻ

കാ​ല​ടി: ജ​ൽ​ജീ​വ​ൻ പ​ദ്ധ​തി​യു​ടെ ഭാ​ഗ​മാ​യി പൈ​പ്പു​ക​ൾ സ്ഥാ​പി​ക്കു​ന്ന​തി​ന് വെ​ട്ടി​പ്പൊ​ളി​ച്ച റോ​ഡു​ക​ൾ പു​ന​ർനിർമി​ക്ക​ണ​മെ​ന്നാ​വ​ശ്യ​പ്പെ​ട്ട് കാ​ഞ്ഞൂ​ർ പ​ഞ്ചാ​യ​ത്തി​ലെ അം​ഗ​ങ്ങ​ൾ പെ​രു​മ്പാ​വൂ​ർ ജ​ല അ​ഥോ​റി​റ്റി എ​ക്സി​ക്യൂ​ട്ടീ​വ് എ​ൻ​ജി​നീ​യ​റു​ടെ ഓ​ഫീ​സ് ഉ​പ​രോ​ധി​ച്ചു.

ജ​ൽജീ​വ​ൻ പ​ദ്ധ​തി​യു​ടെ ഭാ​ഗ​മാ​യി ര​ണ്ടു വ​ർ​ഷ​ത്തോ​ള​മാ​യി കാ​ഞ്ഞൂ​രി​ലെ വി​വി​ധ ഭാ​ഗ​ങ്ങ​ളി​ലാ​യി 65 കി​ലോ​മീ​റ്റ​റോളം ​റോ​ഡുകളാണ് ഇ​നി​യും റീ​സ്റ്റോ​റേ​ഷ​നും, റീ ​ടാ​റിം​ഗും ന​ട​ത്താ​നു​ള്ള​ത്. നി​ര​വ​ധി ത​വ​ണ പ​ഞ്ചാ​യ​ത്തി​ൽ ഇ​തു​മാ​യി ബ​ന്ധ​പ്പെ​ട്ട യോ​ഗ​ങ്ങ​ൾ ന​ട​ത്തി​യെ​ങ്കി​ലും ജ​ല അ​ഥോ​റി​റ്റി​യും കോ​ൺ​ട്രാ​ക്ട​റും നി​ഷേ​ധാ​ത്മ​ക​ സ​മീ​പ​ന​മാ​ണ് സ്വീ​ക​രി​ച്ച​തെന്ന് അംഗ ങ്ങൾ ആരോപിച്ചു.

അ​ൻ​വ​ർ സാ​ദ​ത്ത് എം​എ​ൽ​എ​യു​ടെ നേ​തൃ​ത്വ​ത്തി​ൽ ര​ണ്ടു​മാ​സം മു​മ്പ് വി​ളി​ച്ചു​ചേ​ർ​ത്ത യോ​ഗ​ത്തി​ൽ അം​ഗീ​ക​രി​ച്ച തീ​രു​മാ​ന​ങ്ങ​ൾ പോ​ലും ബ​ന്ധ​പ്പെ​ട്ട​വ​ർ ന​ട​പ്പാ​ക്കി​യി​ല്ലെ​ന്ന് പ​ഞ്ചാ​യ​ത്തം​ഗ​ങ്ങ​ൾ ആ​രോ​പി​ച്ചു. ജ​ൽ​ജീ​വ​ൻ പ​ദ്ധ​തി​യു​മാ​യി ബ​ന്ധ​പ്പെ​ട്ട് കു​ഴി​ച്ച റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ ന​ട​ത്താ​തെ പ​ഞ്ചാ​യ​ത്തി​ന് ഈ ​റോ​ഡു​ക​ളി​ൽ റീ​ടാ​റിം​ഗ് ഉ​ൾ​പ്പെ​ടെ​യു​ള്ള പ​ദ്ധ​തി​ക​ൾ ന​ട​ത്താ​ൻ ക​ഴി​യാ​ത്ത സാ​ഹ​ച​ര്യ​മാ​ണ്.

60 ല​ക്ഷ​ത്തോ​ളം രൂ​പ​യു​ടെ പ​ദ്ധ​തി​ക​ളാ​ണ് ഈ ​മാ​ർ​ച്ച് 31ന് ​മു​മ്പ് പൂ​ർ​ത്തി​യാ​ക്കു​ന്ന​തി​ന് ആ​വ​ശ്യ​മാ​യ ടെ​ൻ​ഡ​ർ ന​ട​പ​ടി​ക​ൾ ഗ്രാ​മ​പ​ഞ്ചാ​യ​ത്ത് സ്വീ​ക​രി​ച്ചി​ട്ടു​ള്ള​ത്. ഈ ​റോ​ഡു​ക​ൾ റീ​ടാ​റിം​ഗി​ന് സ​ജ്ജ​മാ​ക്കി ന​ൽ​കേ​ണ്ട​ത് ജ​ല​ജീ​വ​ൻ മി​ഷ​ന്‍റെ ഉ​ത്ത​ര​വാ​ദി​ത്വ​മാ​ണെ​ന്നും അ​ല്ലാ​ത്ത​​ക്ഷം പ​ഞ്ചാ​യ​ത്തി​ന്‍റെ പ​ദ്ധ​തി​ത്തു​ക ന​ഷ്ട​പ്പെ​ടു​ന്ന സാ​ഹ​ച​ര്യം ഉ​ണ്ടാ​കു​മെ​ന്നും അ​ത് ഗൗ​ര​വ​മാ​യ വി​ഷ​യ​മാ​ണെ​ന്നും പ​ഞ്ചാ​യ​ത്തം​ഗ​ങ്ങ​ൾ പ​റ​ഞ്ഞു.

പ​ഞ്ചാ​യ​ത്ത് ടാ​റിം​ഗ് പൂ​ർ​ത്തി​യാ​ക്കി ചു​രു​ങ്ങി​യ മാ​സ​ങ്ങ​ൾ​ക്കു​ള്ളി​ൽ പൊ​ളി​ച്ച റോ​ഡു​ക​ൾ നാ​ശോ​ൻ​മു​ഖം ആ​യി​രി​ക്കു​ക​യാ​ണ്. ഈ ​റോ​ഡു​ക​ളി​ൽ റീ​ടാ​റിം​ഗ് നി​ശ്ചി​ത കാ​ലാ​വ​ധി പൂ​ർ​ത്തീ​ക​രി​ക്കാ​തെ ന​ട​ത്തു​വാ​ൻ നി​യ​മ​പ​ര​മാ​യ ത​ട​സ​ങ്ങ​ളും ഉ​ണ്ട്.

ചെ​യ്തു​തീ​ർ​ത്ത പ്ര​വൃ​ത്തി​ക​ളു​ടെ വ​ൻ കു​ടി​ശി​ക തു​ക ല​ഭി​ക്കാ​ത്ത​തി​നാ​ൽ ക​രാ​റു​കാ​ർ സ​മ​ര​ത്തി​ലാ​ണെ​ന്നും സ​ർ​ക്കാ​രി​ൽ നി​ന്നും ഫ​ണ്ട് ല​ഭി​ച്ചാ​ൽ മാ​ത്ര​മാ​ണ് റീ​സ്റ്റോ​റേ​ഷ​ൻ ഉ​ൾ​പ്പെ​ടെ​യു​ള്ള പ്ര​വൃത്തി​ക​ൾ പു​ന​രാ​രം​ഭി​ക്കു​വാ​ൻ ക​ഴി​യു​ക​യു​ള്ളൂ​വെ​ന്നും എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ പ​റ​ഞ്ഞു. ഇ​ക്കാ​ര്യം എ​ല്ലാ ഉ​ന്ന​ത​ല യോ​ഗ​ങ്ങ​ളി​ലും മേ​ലു​ദ്യോ​ഗ​സ്ഥ​രു​ടെ​യും സ​ർ​ക്കാ​രി​ന്‍റെ​യും ശ്ര​ദ്ധ​യി​ലും പെ​ടു​ത്തു​ന്നു​ണ്ടെ​ന്നും, ഇ​തി​ന​പ്പു​റ​മു​ള്ള മ​റ്റു കാ​ര്യ​ങ്ങ​ൾ ത​ന്‍റെ പ​രി​ധി​യി​ൽ വ​രു​ന്ന​ത​ല്ലെ​ന്നും എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ പ​റ​ഞ്ഞു.

സാ​ങ്കേ​തി​ക പ്ര​ശ്ന​ങ്ങ​ൾ പ​രി​ഹ​രി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ചു വ​രി​ക​യാ​ണെ​ന്നും അ​ത് എ​പ്പോ​ൾ പൂ​ർ​ത്തീ​ക​രി​ക്കാ​ൻ ക​ഴി​യു​മെ​ന്ന് ഇ​പ്പോ​ൾ പ​റ​യാ​നാ​വി​ല്ലെ​ന്നും അ​വ​ർ പ​റ​ഞ്ഞു. കാ​ഞ്ഞൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഇ​ൻ ചാ​ർ​ജ് കെ.​വി. പോ​ള​ച്ച​ൻ, കെ.​എ​ൻ. കൃ​ഷ്ണ​കു​മാ​ർ, ജ​യ​ശ്രീ ടീ​ച്ച​ർ, സി​മി ടി​ജോ, ഗ്രേ​സി ദ​യാ​ന​ന്ദ​ൻ, പ്രി​യ ര​ഘു, ജി​ഷി ഷാ​ജു, സ​രി​ത ബാ​ബു, ച​ന്ദ്ര​വ​തി രാ​ജ​ൻ, റി​ൻ​സി സാ​ജു എ​ന്നി​വ​ർ പ​ങ്കെ​ടു​ത്തു.