197 കു​ടും​ബ​ങ്ങ​ള്‍​ക്ക് ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള വീ​ട് ഒരുങ്ങും

കൊ​ച്ചി: അ​ടു​ക്കി​വെ​ച്ച സോ​പ്പു​പെ​ട്ടി ക​ണ​ക്കെ​യു​ള്ള കൂ​ര​യി​ല്‍ നി​ന്ന് ന​ഗ​ര​ജീ​വി​ത​ത്തി​ന്‍റെ നി​റ​പ്പ​കി​ട്ടാ​ര്‍​ന്ന ‘ഹൈ ​ലൈ​ഫ്' ലേ​ക്കു​ള്ള ശാ​ന്തി​പു​രം കോ​ള​നി നി​വാ​സി​ക​ളു​ടെ സ്വ​പ്‌​നം സ​ഫ​ല​മാ​കു​ന്നു.

ശാ​ന്തി​പു​രം കോ​ള​നി നി​വാ​സി​ക​ളു​ടെ ഭ​വ​ന നി​ര്‍​മാ​ണ പ​ദ്ധ​തി യാ​ഥാ​ര്‍​ഥ്യ​മാ​ക്കാ​നൊ​രു​ങ്ങു​ക​യാ​ണ് കൊ​ച്ചി കോ​ര്‍​പ​റേ​ഷ​ന്‍. സ്ഥ​ല​പ​രി​മി​തി​യു​ടെ സ​ങ്കീ​ര്‍​ണ​ത​ക​ളി​ല്‍ കു​ടു​ങ്ങി​യ മു​ട​ങ്ങി​യേ​ക്കു​മെ​ന്ന് ആ​ശ​ങ്ക​പ്പെ​ട്ട പ​ദ്ധ​തി​യാ​ണ് ത​ട​സ​ങ്ങ​ള്‍ നീ​ങ്ങി ഇ​പ്പോ​ള്‍ യാ​ഥാ​ര്‍​ഥ്യ​ത്തി​ലേ​ക്ക് എ​ത്തി​യ​ത്.

കൊ​ച്ചി കോ​ര്‍​പ​റേ​ഷ​ന്‍ 44-ാം ഡി​വി​ഷ​നി​ലെ കാ​ര​ണ​ക്കോ​ടം ഭാ​ഗ​ത്തെ ശാ​ന്തി​പു​രം കോ​ള​നി​യി​​ൽ താ​മ​സി​ക്കു​ന്ന 197 കു​ടും​ബ​ങ്ങ​ള്‍​ക്കാ​ണ് ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള വീ​ടു​ക​ള്‍ പ​ണി​യു​ന്ന​ത്. പോ​ക്ക​റ്റ് ഹോം​സ് എ​ന്ന ആ​ശ​യ​ത്തി​ലൂ​ന്നി ആ​സാ​ദി ഗ്രൂ​പ്പി​ന്‍റെ ആ​ര്‍​ക്കി​ടെ​ക്ട് എ​ന്‍​ജി​നീ​യ​റിം​ഗ് കോ​ള​ജാ​ണ് പ്ലാ​ന്‍ ത​യാ​റാ​ക്കി​യ​ത്.

ര​ണ്ട് ബെ​ഡ്‌​റൂ​മു​ക​ള്‍, ഡൈ​നിം​ഗ് കം ​ലി​വിം​ഗ് റൂം, ​അ​ടു​ക്ക​ള, ബാ​ത്ത് റൂം ​എ​ന്നീ സൗ​ക​ര്യ​ങ്ങ​ള്‍ ഓ​രോ വീ​ടി​നും ഉ​ണ്ടാ​കും. മൂ​ന്ന് സെ​ന്‍റി​ലാ​ണ് നി​ര്‍​മാ​ണം. താ​ഴെ​യും മു​ക​ളി​ലു​മാ​യി ര​ണ്ടു വീ​തം വീ​ടു​ക​ളു​ണ്ടാ​കും. എ​ട്ടു വീ​ടു​ക​ളെ ഒ​രു ബ്ലോ​ക്കാ​യാ​ണ് ക​ണ​ക്കാ​ക്കു​ന്ന​ത്. അ​ത്ത​ര​ത്തി​ല്‍ 25 ബ്ലോ​ക്കു​ക​ള്‍. ആ​കെ 200 വീ​ടു​ക​ള്‍. അ​പ്പാ​ര്‍​ട്ട്‌​മെ​ന്‍റു​ക​ള്‍​ക്ക് പു​റ​മേ ഓ​ഡി​റ്റോ​റി​യം, പ്ലേ ​സ്‌​കൂ​ള്‍, ലൈ​ബ്ര​റി, പ്രാ​ഥ​മി​കാ​രോ​ഗ്യ കേ​ന്ദ്രം എ​ന്നി​വ​യും പ​ദ്ധ​തി പ്ര​ദേ​ശ​ത്ത് നി​ര്‍​മി​ക്കും.

ഒ​രു വീ​ടി​ന് 10 ല​ക്ഷം രൂ​പ​യാ​ണ് ചെ​ല​വ് ക​ണ​ക്കാ​ക്കു​ന്ന​ത്. നാ​ല് ല​ക്ഷം രൂ​പ പി​എം​എ​വൈ പ​ദ്ധ​തി​വ​ഴി ല​ഭ്യ​മാ​ക്കും ശേ​ഷി​ക്കു​ന്ന തു​ക സി​എ​സ്ആ​ര്‍ ഫ​ണ്ടി​ല്‍ നി​ന്ന് ക​ണ്ടെ​ത്താ​നാ​ണ് ശ്ര​മം. ബി​പി​സി​എ​ല്‍ ഒ​രു കോ​ടി​യും മ​രീ​ന വ​ണ്‍ ഗ്രൂ​പ്പ്‌ 50 ല​ക്ഷ​വും സി​എ​സ്ആ​ര്‍ ഫ​ണ്ട് വാ​ഗ്ദാ​നം ചെ​യ്തി​ട്ടു​ണ്ട്. 20 കോ​ടി​ക്ക് മേ​ലെ​യാ​ണ് പ​ദ്ധ​തി​യു​ടെ ആ​കെ ചെ​ല​വ്.

നി​ല​വി​ല്‍ ല​ഭ്യ​മാ​യ സി​എ​സ്ആ​ര്‍ ഫ​ണ്ട് ഉ​പ​യോ​ഗി​ച്ച് ര​ണ്ടോ മൂ​ന്നോ ബ്ലോ​ക്കു​ക​ള്‍ ആ​ദ്യ​ഘ​ട്ട​മാ​യി നി​ര്‍​മി​ക്കും. നി​ര്‍​മാ​ണ​പ്ര​വ​ര്‍​ത്ത​ന​ങ്ങ​ള്‍ ഉ​ട​ന്‍ ആ​രം​ഭി​ക്കു​മെ​ന്ന് മേ​യ​ര്‍ അ​ഡ്വ.​എം. അ​നി​ല്‍​കു​മാ​റും ഡി​വി​ഷ​ന്‍ കൗ​ണ്‍​സി​ല​ര്‍ ജോ​ര്‍​ജ് നാ​നാ​ട്ടും പ​റ​ഞ്ഞു.