നാ​ശ​വും ദു​രി​ത​വും വി​ത​ച്ച് കാ​റ്റും മ​ഴ​യും
Thursday, August 8, 2019 12:47 AM IST
കൊ​ച്ചി/​ആ​ല​ങ്ങാ​ട്/​ആ​ലു​വ: ഇ​ന്ന​ലെ​യു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും ജി​ല്ല​യു​ടെ വ​ട​ക്കു പ​ടി​ഞ്ഞാ​റ​ൻ മേ​ഖ​ല​ക​ളി​ൽ വ​ൻ നാ​ശ​ന​ഷ്ടം. മ​ര​ങ്ങ​ൾ ഒ​ടി​ഞ്ഞു വീ​ണു മി​ക്ക​യി​ട​ങ്ങ​ളി​ലും വീ​ടു​ക​ൾ ത​ക​ർ​ന്നു. താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി. ദേ​ശീ​യ​പാ​ത ഉ​ൾ​പ്പ​ടെ​യു​ള്ള പ്ര​ധാ​ന റോ​ഡു​ക​ളി​ലും ഇ​ട​റോ​ഡു​ക​ളി​ലും വെ​ള്ളം ക​യ​റി​യും മ​ര​ങ്ങ​ൾ വീ​ണും ഗ​താ​ഗ​തം ത​ട​സ​പ്പെ​ട്ടു.

മ​ഴ​ക്കെ​ടു​തി​യു​ണ്ടാ​യ പ്ര​ദേ​ശ​ങ്ങ​ളി​ൽ രാ​ത്രി​യും വൈ​ദ്യു​തി ബ​ന്ധം പു​ന​സ്ഥാ​പി​ക്കാ​നാ​യി​ല്ല.
ആ​ല​ങ്ങാ​ട് പ​ഞ്ചാ​യ​ത്തി​ൽ അ​തി​ശ​ക്ത​മാ​യ കാ​റ്റി​ലും മ​ഴ​യി​ലും വീ​ടു​ക​ൾ ത​ക​ർ​ന്നു. ആ​ല​ങ്ങാ​ട് നീ​റി​ക്കോ​ട് ചേ​ലാ​ട്ട്പ​റ​ന്പി​ൽ അ​ഗ​സ്റ്റി​ന്‍റെ വീ​ടാ​ണു ത​ക​ർ​ന്ന​ത്. വീ​ടി​ന്‍റെ അ​ടു​ക്ക​ള​യും അ​തോ​ടു ചേ​ർ​ന്നു​ള്ള ഭാ​ഗ​വും ഇ​ടി​ഞ്ഞു വീ​ണു. പു​തു​ക്കി​പ്പ​ണി​ത ഭാ​ഗ​ത്തി​നു കേ​ടു​പാ​ടു​ക​ൾ സം​ഭ​വി​ച്ചി​ട്ടി​ല്ല. ഈ ​സ​മ​യം വീ​ടി​ന്‍റെ അ​ടു​ക്ക​ള​ഭാ​ഗ​ത്ത് ആ​രും ഇ​ല്ലാ​തി​രു​ന്ന​തി​നാ​ൽ അ​പ​ക​ട​മൊ​ന്നും സം​ഭ​വി​ച്ചി​ട്ടി​ല്ല.

നീ​റി​ക്കോ​ട് കാ​ച്ച​പ്പി​ള്ളി ദേ​വ​സി​ക്കു​ട്ടി​യു​ടെ വീ​ടി​നു മു​ക​ളി​ലേ​ക്ക് ര​ണ്ടു വ​ലി​യ ആ​ഞ്ഞി​ലി മ​ര​ങ്ങ​ൾ ക​ട​പു​ഴ​കി വീ​ണ് നാ​ശ​ന​ഷ്ട​ങ്ങ​ൾ സം​ഭ​വി​ച്ചു. ബാ​ത്ത് റൂ​മും ആ​സ്ബ​സ്റ്റോ​സ് മേ​ഞ്ഞ മേ​ൽ​ക്കൂ​ര​യും ത​ക​ർ​ന്നു. പാ​ല​ക്കാ​പ​റ​ന്പി​ൽ ജേ​ക്ക​ബി​ന്‍റെ വീ​ടി​നു മു​ക​ളി​ലേ​ക്കു മ​രം​വീ​ണ് ഷെ​ഡ് ത​ക​ർ​ന്നു. പു​തു​ശേ​രി കൊ​ച്ചു​തൊ​മ്മ​ന്‍റെ വീ​ട്ടി​ലെ മ​തി​ലും കാ​റ്റി​ലും മ​ഴ​യി​ലും ഇ​ടി​ഞ്ഞു വീ​ണു. ചേ​ലാ​ട്ട് സി.​വി. അ​ഗ​സ്റ്റി​ന്‍റെ വീ​ടി​ന്‍റെ മേ​ൽ​ക്കൂ​ര അ​ട​യ്ക്കാ​മ​രം വീ​ണു ത​ക​ർ​ന്നു. ക​രി​ങ്ങാ​ൻ​തു​രു​ത് ത​ണ്ണി​ക്കോ​ട് ജോ​യി​യു​ടെ ക​ട​യ്ക്ക് മു​ക​ളി​ൽ മാ​വ് ഒ​ടി​ഞ്ഞു വീ​ണു കെ​ട്ടി​ട​ത്തി​നു സാ​ര​മാ​യ ന​ഷ്ടം സം​ഭ​വി​ച്ചു. ​നീ​റി​ക്കോ​ട് സെ​ന്‍റ് ജോ​സ​ഫ്സ് പ​ള്ളി​യു​ടെ വ​ള​പ്പി​ലെ തേ​ക്ക് മ​രം ഒ​ടി​ഞ്ഞു​വീ​ണ് മ​തി​ൽ ത​ക​ർ​ന്നു.

കോ​ട്ട​പ്പു​റം കു​ന്നും​പു​റം ജ​ന്ന​ത് വീ​ട്ടി​ൽ ഷാ​ജി​യു​ടെ വീ​ട് കാ​റ്റി​ലും മ​ഴ​യി​ലും അ​പ​ക​ടാ​വ​സ്ഥ​യി​ലാ​യി. ക​ന​ത്ത മ​ഴ​യെ തു​ട​ർ​ന്നു വീ​ടി​നോ​ടു ചേ​ർ​ന്നു ക​രി​ങ്ക​ല്ലു​കൊ​ണ്ടു കെ​ട്ടി ഉ​റ​പ്പി​ച്ചി​രു​ന്ന സം​ര​ക്ഷ​ണ​ഭി​ത്തി പ​തി​ന​ഞ്ച​ടി​യോ​ളം താ​ഴ്ച​യി​ലേ​ക്കു ഒ​ലി​ച്ചു​പോ​യി. കൂ​ടാ​തെ വീ​ടി​ന്‍റെ പി​ൻ​ഭാ​ഗ​ത്തെ മ​ണ്ണി​ടി​യു​ക​യും വീ​ടി​ന് ഇ​ള​ക്കം സം​ഭ​വി​ക്കു​ക​യും ചെ​യ്തു. വീ​ട്ടു​കാ​രെ മ​റ്റൊ​രു വീ​ട്ടി​ലേ​ക്ക് മാ​റ്റി താ​മ​സി​പ്പി​ച്ചു. പ്ര​ദേ​ശ​ത്ത് വൈ​ദ്യു​തി ബ​ന്ധം നി​ല​ച്ചു.

ആ​ല​ങ്ങാ​ട്, ക​രു​മാ​ലൂ​ർ പ്ര​ദേ​ശ​ങ്ങ​ളി​ൽ ആ​യി​ര​ത്തോ​ളം വാ​ഴ​ക​ൾ ഒ​ടി​ഞ്ഞ് വീ​ണു. പു​ല​ർ​ച്ചെ വീ​ശി​യ ശ​ക്ത​മാ​യ കാ​റ്റി​ൽ കൊ​ടു​വ​ഴ​ങ്ങ​യി​ൽ റോ​ഡി​ലേ​ക്കു തെ​ങ്ങ് മ​റി​ഞ്ഞു വീ​ണു വൈ​ദ്യു​തി ലൈ​നു​ക​ൾ പൊ​ട്ടി. വാ​ഹ​ന​ഗ​താ​ഗ​ത​വും ത​ട​സ​പ്പെ​ട്ടു. പ​റ​വൂ​രി​ൽ ചേ​ന്ദ​മം​ഗ​ലം, വ​ട​ക്കേ​ക്ക​ര, ചി​റ്റാ​ത്തു​ക​ര പ​ഞ്ചാ​യ​ത്തു​ക​ളി​ലെ താ​ഴ്ന്ന പ്ര​ദേ​ശ​ങ്ങ​ളി​ൽ കൈ​ത്തോ​ടു​ക​ൾ ക​വി​ഞ്ഞൊ​ഴു​കി. റോ​ഡു​ക​ളി​ൽ വെ​ള്ള​ക്കെ​ട്ട് ഉ​ണ്ടാ​യ​തോ​ടെ വാ​ഹ​ന​ഗ​താ​ഗ​തം ത​ട​സ​പ്പെ​ട്ടു.

ആ​ലു​വ ന​ഗ​ര​ത്തി​ന്‍റെ കി​ഴ​ക്ക​ൻ മേ​ഖ​ല​യി​ൽ നി​ര​വ​ധി സ്ഥ​ല​ങ്ങ​ളി​ൽ മ​രം മ​റി​ഞ്ഞു വീ​ണു. പ​ന്പ് ക​വ​ല​യി​ൽ നി​ർ​ത്തി​യി​ട്ട കാ​റി​നു മു​ക​ളി​ലേ​ക്കു മ​രം ഒ​ടി​ഞ്ഞു വീ​ണു. ക​നാ​ൽ റോ​ഡി​ൽ വീ​ടി​ന്‍റെ ചാ​യ്പ് പി​ക്ക്അ​പ് വാ​നി​ന്‍റെ മു​ക​ളി​ലേ​ക്ക് വീ​ണു. കാ​ഞ്ഞി​ര​ത്തി​ങ്ക​ൽ വീ​ട്ടി​ൽ ബാ​ബു​വി​ന്‍റെ വാ​ഹ​ന​ത്തി​നു മു​ക​ളി​ലേ​ക്കാ​ണു സ​മീ​പ​ത്തെ വീ​ടി​ന്‍റെ മേ​ൽ​ക്കൂ​ര മ​റി​ഞ്ഞു വീ​ണ​ത്. ഇ​വി​ടെ മ​രം മ​റി​ഞ്ഞു വീ​ണു ക​നാ​ൽ റോ​ഡ് ഗ​താ​ഗ​തം ത​ട​സ​പ്പെ​ട്ടു. കൊ​ടി​കു​ത്തി​മ​ല- കോ​ന്പാ​റ റൂ​ട്ടി​ലും മ​രം മ​റി​ഞ്ഞു വീ​ണു ഗ​താ​ഗ​തം ത​ട​സ​പ്പെ​ട്ടു.

ക​ള​മ​ശേ​രി​യി​ൽ മെ​ട്രോ സ്റ്റേ​ഷ​നു സ​മീ​പം വെ​ള്ള​ക്കെ​ട്ടു രൂ​പ​പ്പെ​ട്ട​തി​നെ തു​ട​ർ​ന്നു ദേ​ശീ​യ​പാ​ത​യി​ൽ ഒ​രു മ​ണി​ക്കൂ​റോ​ളം ഗ​താ​ഗ​തം ത​ട​സ​പ്പെ​ട്ടു. പു​ല​ർ​ച്ചെ​യു​ണ്ടാ​യ ശ​ക്ത​മാ​യ കാ​റ്റി​ൽ ടി​വി​എ​സ് ജം​ഗ്ഷ​നി​ൽ മ​രം ഒ​ടി​ഞ്ഞു വീ​ണ് ദേ​ശീ​യ​പാ​ത​യി​ൽ അ​ര​മ​ണി​ക്കൂ​റി​ലേ​റെ ഗ​താ​ഗ​തം നി​ല​ച്ചു. പോ​ലീ​സും ഫ​യ​ർ​ഫോ​ഴ്സും എ​ത്തി മ​ര​ച്ചി​ല്ല​ക​ൾ മു​റി​ച്ചു​മാ​റ്റി​യാ​ണ് ഗ​താ​ഗ​തം പു​ന​സ്ഥാ​പി​ച്ച​ത്.

ക​ന​ത്ത കാ​റ്റി​ല്‍ അ​ഡ്വ​ക്കേ​റ്റ് ജ​ന​റ​ലി​ന്‍റെ ഓ​ഫീ​സി​ന്‍റെ അ​ലൂ​മി​നി​യം ഷീ​റ്റ് പ​റ​ന്നു പോ​യി. ഇ​ന്ന​ലെ വൈ​കു​ന്നേ​രം അ​ഞ്ചോ​ടെ​യാ​യി​രു​ന്നു സം​ഭ​വം. ഹൈ​ക്കോ​ട​തി​ക്ക് സ​മീ​പ​ത്ത് സ്ഥി​തി ചെ​യ്യു​ന്ന കെ​ട്ടി​ട​ത്തി​ലെ അ​ഞ്ചാം നി​ല​യി​ല്‍ പ്ര​വ​ര്‍​ത്തി​ക്കു​ന്ന ഓ​ഫീ​സി​ലെ ഷീ​റ്റാ​ണ് പ​റ​ന്നു പോ​യ​ത്. ക്ല​ബ് റോ​ഡ് ഫ​യ​ര്‍ സ്റ്റേ​ഷ​നി​ല്‍ നി​ന്നെ​ത്തി​യ അ​ഗ്നി​ര​ക്ഷാ​സേ​നാം​ഗ​ങ്ങ​ളെ​ത്തി താ​ല്‍​ക്കാ​ലി​ക​മാ​യി ഇ​വി​ടെ ഒ​രു ട​ര്‍​പ്പാ​യ വ​ലി​ച്ചു കെ​ട്ടി​യി​രി​ക്കു​ക​യാ​ണ്. ഇ​ന്ന​ലെ പു​ല​ര്‍​ച്ചെ​യു​ണ്ടാ​യ ക​ന​ത്ത കാ​റ്റി​ല്‍ വ​ടു​ത​ല റോ​ഡി​ന് സ​മീ​പം സ്ഥി​തി ചെ​യ്യു​ന്ന വീ​ട്ടി​ലേ​ക്ക് തെ​ങ്ങു മ​റി​ഞ്ഞു​വീ​ണു. ഉ​ദ​യം​പേ​രൂരി​ലും തൃ​പ്പൂ​ണി​ത്തു​റ​യി​ലും നി​ര​വ​ധി വീ​ടു​ക​ൾ​ക്കു നാ​ശ​ന​ഷ്ടം സം​ഭ​വി​ച്ചു. വൈ​ദ്യു​തി ലൈ​നു​ക​ൾ റോ​ഡി​ൽ പൊ​ട്ടി വീ​ണ​തി​നെ തു​ട​ർ​ന്ന് ഗ​താ​ഗ​തം ത​ട​സ​പ്പെ​ട്ടു.