വെളിയന്നൂർ തീപിടിത്തം; സം​വി​ധാ​ന​ങ്ങ​ളി​ല്ല; ഫ​യ​ർ ഫോ​ഴ്സ് "വെ​ള്ളം​കു​ടി​ച്ചു’
Thursday, October 6, 2022 12:46 AM IST
തൃ​ശൂ​ർ: മൂ​ന്നു നി​ല​ക​ൾ മാ​ത്ര​മു​ള്ള ചാ​ക്ക​പ്പാ​യി സൈ​ക്കി​ൾ സ്റ്റോ​ഴ്സി​ന്‍റെ മു​ക​ളി​ലെ നി​ല​യി​ലെ തീ​യ​ണ​യ്ക്കാ​ൻ ഫ​യ​ർ​ഫോ​ഴ്സ് ശ​രി​ക്കും "വെ​ള്ളം​കു​ടി​ച്ചു’. മൂ​ന്നു നി​ല​ക​ൾ മാ​ത്ര​മു​ള്ള കെ​ട്ടി​ട​ത്തി​ലെ തീ​യ​ണ​യ്ക്കാ​ൻ സം​വി​ധാ​ന​മി​ല്ലാ​ത്ത ഫ​യ​ർ​ഫോ​ഴ്സി​നു ന​ഗ​ര​ത്തി​ലെ ബ​ഹു​നി​ല കെ​ട്ടി​ട​ത്തി​ലും ഫ്ലാറ്റി​ലു​മൊ​ക്കെ തീ​ പ​ട​ർ​ന്നാ​ൽ എ​ങ്ങ​നെ​യാ​ണു തീ​യ​ണ​യ്ക്കാ​നാ​കു​ക​യെ​ന്നാ​യി​രു​ന്നു അ​വി​ടെ കൂ​ടി​യ ജ​ന​ങ്ങ​ളു​ടെ സം​ശ​യം.

താ​ഴെനി​ന്ന് വെ​ള്ള​മ​ടി​ച്ചി​ട്ടും തീ​ ആ​ളി​ക്ക​ത്തി​യി​രു​ന്ന മൂ​ന്നാം നി​ല​യി​ലേ​ക്കു വെ​ള്ളം ചീ​റ്റി​ക്കാ​ൻ ഫ​യ​ർ​ഫോ​ഴ്സി​നു ക​ഴി​ഞ്ഞി​ല്ല. മു​ക​ളി​ലെ നി​ല​യി​ലേ​ക്കു വെ​ള്ള​മെ​ത്തി​ക്കാ​നാ​യി ചെ​റി​യ ക്രെ​യി​ൻ സം​വി​ധാ​ന​മോ മ​റ്റു അ​ത്യാ​ധു​നി​ക ഉ​പ​ക​ര​ണ​ങ്ങ​ളോ ഇ​നി​യും ഫ​യ​ർ​ഫോ​ഴ്സി​നി​ല്ല. അ​ടു​ത്തു​ള്ള വീ​ടി​ന്‍റെ മു​ക​ളി​ലെ നി​ല​യി​ലേ​ക്കു പാ​ടു​പെ​ട്ട് ഓ​ടി​ക്ക​യ​റി​യാ​ണു പൈ​പ്പ് എ​ത്തി​ച്ച് വെ​ള്ളം ഒ​രു വി​ധം മൂ​ന്നാം നി​ല​യി​ലേ​ക്ക് എ​ത്തി​ക്കാ​നാ​യ​ത്. അ​ര​മ​ണി​ക്കൂ​റി​ല​ധി​കം സ​മ​യ​മെ​ടു​ത്താ​ണ് പൈ​പ്പ് മൂ​ന്നാം നി​ല​യി​ലേ​ക്കെ​ത്തി​ച്ച​ത്. അ​ടു​ത്തു​ള്ള വീ​ട്ടു​കാ​രെ വി​ളി​ച്ച് വാ​തി​ൽ തു​റ​പ്പി​ച്ച് വീ​ടി​ന്‍റെ മു​ക​ളി​ൽ എ​ത്തു​ക​യാ​യി​രു​ന്നു. വൈ​ദ്യു​തി വ​കു​പ്പി​നു​ള്ള​തു​പോ​ലു​ള്ള ക്രെ​യി​ൻ സൗ​ക​ര്യ​മു​ള്ള വാ​ഹ​ന​മെ​ങ്കി​ലും ഉ​ണ്ടെ​ങ്കി​ൽ ഇ​ത്ത​ര​ത്തി​ൽ അ​ടു​ത്തു​ള്ള വീ​ടു​ക​ളി​ൽ ക​യ​റി​പ്പ​റ്റി വെ​ള്ള​മ​ടി​ക്കേ​ണ്ട ഗ​തി​കേ​ട് ഫ​യ​ർ​ഫോ​ഴ്സി​നു​ണ്ടാ​കി​ല്ല.

കൂ​ടാ​തെ ഇ​ല​ക്ട്രി​ക് പോ​സ്റ്റി​ൽ നി​റ​യെ കേ​ബി​ളു​ക​ളും ഇ​ല​ക്ട്രി​ക് ക​ന്പി​ക​ളും ഫ​യ​ർ​ഫോ​ഴ്സി​നു ത​ട​സ​മാ​യി. ഇ​തു​മൂ​ലം ഫ​യ​ർ​ഫോ​ഴ്സിനു വാ​ഹ​നം ക​ട​ത്താ​നും സാ​ധി​ച്ചി​ല്ല. ഇ​ത്ത​ര​ത്തി​ൽ പ​ല സ്ഥ​ല​ങ്ങ​ളും കേ​ബി​ളു​ക​ളും ക​ന്പി​ക​ളും ഉ​ള്ള​തു വ​ൻ ഭീ​ഷ​ണി​ യാ​യി മാ​റി​യി​രി​ക്ക​യാ​ണ്.

Copyright @ 2022 , Rashtra Deepika Ltd.