തൃശൂർ: തൃശൂർ പൗരാവലിയുടെ കൂട്ട നടത്തം വാക്കത്തോണ് നാലിന് തൃശൂർ പാലസ് ്ഗ്രൗണ്ടിൽ നിന്നാരംഭിക്കും. പുത്തൂർ പുഴയോരത്തിലേക്കാണ് നടത്തം. നടത്തം ആരോഗ്യത്തിനും കൂട്ടായ്മയ്ക്കും ലഹരിമുക്ത സമൂഹത്തിനും എന്ന സന്ദേശം ഉണർത്തിയാണ് വാക്കത്തോണ് നടത്തുന്നതെന്ന് കണ്വീനർ വർഗീസ് മാളിയേക്കൽ പത്രസമ്മേളനത്തിൽ പറഞ്ഞു.
ടിഎംഎ, വർക്കേഴ്സ് ക്ലബ്, വെറ്ററൻസ്, റോട്ടറി ക്ലബ്, റീജൻസി ക്ലബ്, അക്വാറ്റിക് ക്ലബ്, ബാനർജി ക്ലബ്, കല്യാണ് സിൽക്സ്, ബെസ്റ്റ് ഗ്രൂപ്പ്, മഞ്ഞിലാസ് ഫുഡ് ടെക്, എലൈറ്റ് സൂപ്പർ മാർക്കറ്റ്, സിറ്റി സെന്റർ, ഡിസിബി ബാങ്ക് തുടങ്ങിയ സ്ഥാപനങ്ങളുടെ സഹകരണത്തോടെയാണ് വാക്കത്തോണ് സംഘടിപ്പിക്കുന്നത്. രാവിലെ 6.30ന് പോലീസ് അക്കാദമി അസിറ്റന്റ് ഡയറക്ടർ പി. വാഹിദ് ഉദ്ഘാടനം ചെയ്യും.
പുത്തൂരിൽ സമാപനം മന്ത്രി കെ. രാജൻ ഉദ്ഘാടനം ചെയ്യും. പത്രസമ്മേളനത്തിൽ ചേംബർ ഓഫ് കൊമേഴ്സ് പ്രസിഡന്റ് പി.കെ. ജലീൽ, സെക്രട്ടറി ജിജി ജോർജ്, വാക്കേഴ്സ് ക്ലബ് പ്രസിഡന്റ് എൻ. സുരേഷ് ബാബു, വെറ്ററൻസ് അസോസിയേഷൻ സെക്രട്ടറി ജോസഫ് തോമസ് എന്നിവരും പങ്കെടുത്തു.
ചക്കുളത്തുകാവ് പൊങ്കാല ഏഴിന്
തൃശൂർ: ചക്കുളത്തുകാവ് ശ്രീ ഭഗവതി ക്ഷേത്രത്തിലെ പൊങ്കാല മഹോത്സവം ഏഴിന് നടക്കും. പൊങ്കാലയുടെ ഉദ്ഘാടനം രാവിലെ 10.30ന് സജി ചെറിയാൻ എംഎൽഎയുടെ അധ്യക്ഷതയിൽ നടൻ സുരേഷ് ഗോപി ഉദ്ഘാടനം ചെയ്യും. കൊടിക്കുന്നിൽ സുരേഷ് എംപി, കുട്ടനാട് കാർഷിക വികസന സമിതി ചെയർമാൻ ഗോപൻ ചെന്നിത്തല തുടങ്ങിയവർ മുഖ്യാതിഥികളാകും.
വൈകീട്ട് അഞ്ചിനു സാംസ്കാരിക സമ്മേളനം മന്ത്രി പി. പ്രസാദ് ഉദ്ഘാടനം ചെയ്യും. തോമസ് കെ.തോമസ് എംഎൽഎ, ഡോ . സി.വി. ആനന്ദബോസ് തുടങ്ങിയവർ പങ്കെടുക്കും. വാർത്താ സമ്മേളനത്തിൽ കെ.കെ. ഗോപാലകൃഷ്ണൻ, രമേശ് ഇളമണ് നന്പൂതിരി, അജിത്ത്കുമാർ പിഷാരത്ത് എന്നിവർ പങ്കെടുത്തു.