മാള: ഹോളി ഗ്രേസ് ഗ്രൂപ്പ് ഓഫ് ഇൻസ്റ്റിട്യൂഷന്‍റെ നേതൃത്വത്തിൽ ഒന്‍പത്, 10, 11 തീയതികളിൽ മെഗാ എക്സിബിഷൻ - ഹോളി ഫെയർ ഫിയസ്റ്റ 2022 നടത്തും. നവീന ഷോപ്പിംഗ് അനുഭവം പ്രധാനം ചെയ്യുന്ന വാണിജ്യ സ്റ്റാളുകൾ, കിഡ്സ് പാർക്ക് എല്ലാ ദിവസവും കലാസന്ധ്യ എന്നീ പരിപാടികളാണ് ഒരുക്കിയിട്ടുള്ളത്.
ഇതിനോടൊപ്പം പെറ്റ് ഷോ, ടെക്നിക്കൽ എക്സ്പോ, ഓട്ടോ എക്സ്പോ തുടങ്ങി വിക്രം സാരാഭായി സ്പെയ്സ് സെൻറർ, ആർമി, നേവി, മെഡിക്കൽ കോളേജുകൾ, ബി എസ് എൻ എൽ, കെ എസ് ആർ ടി സി, കെ എസ് ഇ ബി, റോബോട്ടിക്സ് എക്സിബിഷൻ, നൂതന കന്പ്യൂട്ടർ ടെക്നിക് പ്രോജക്ട് എക്സിബിഷൻ, വെർച്വൽ റിയാലിറ്റി എന്നിവയും ഉൾക്കൊള്ളിച്ചിട്ടുണ്ട്.
പ്രശസ്ത ഗായകനും നടനുമായ സിദ്ധാർത്ഥ് മേനോൻ പ്രധാന ഗായകനായി എത്തുന്ന മദ്രാസ് മൈൽ ബാൻഡ് ഷോ, മെന്‍റലിസ്റ്റ് നിബിൻ നിരാവത്തിന്‍റെ ക്രിപ്രിക് ഷോ, ഡി ജെ, വിദ്യാർഥികൾ അവതരിപ്പിക്കുന്ന സംഗീത വിരുന്ന് എന്നിവ ഈ എക്സിബിഷന്‍റെ ആകർഷകങ്ങളാണ്. നൂറിൽ പരം ഷോപ്പിംഗ് സ്റ്റാളുകൾ, 50ൽ പരം വിവിധ ഭക്ഷണ സ്റ്റാളുകൾ എന്നിവ ഈ എക്സിബിഷന്‍റെ മറ്റു സവിശേഷതകളാണ്. വിവരങ്ങൾക്ക് - 8281440832, 8940343100.