തൃശൂർ: ഉത്പാദന ചെലവിലുണ്ടായിരിക്കുന്ന അമിതമായ വർധനവ് കണക്കിലെടുത്ത് കാർഷിക വിളകളുടെ മിനിമം താങ്ങുവില വർധിപ്പിക്കാൻ സംസ്ഥാന സർക്കാർ അടിയന്തിര നടപടികൾ സ്വീകരിക്കണമെന്ന് കേരള കോണ്ഗ്രസ്്-എം സംസ്ഥാന ജനറൽ സെക്രട്ടറി കെ.ജെ. ദേവസ്യ ആവശ്യപ്പെട്ടു.
കളക്ടറേറ്റിനു മുന്നിൽ ജില്ലാ കമ്മിറ്റി നടത്തിയ കർഷക പ്രതിഷേധ ധർണ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് ഉണ്ണികൃഷ്ണൻ ഉൗച്ചരത്ത് അധ്യക്ഷത വഹിച്ചു. സംസ്ഥാന ഉന്നത അധികാരസമിതി അംഗം സെബാസ്റ്റ്യൻ ചൂണ്ടൽ, ബേബി മാത്യു കാവുങ്ങൽ, ജോർജ് താഴെക്കാടൻ, ബേബി നെല്ലിക്കുഴി, തോമസ് മായാലി, വർഗീസ് നീലങ്കാവിൽ, സെബാസ്റ്റ്യൻ മഞ്ഞളി, പി.ജെ. സേവ്യർ, ജൂലിയസ് ആന്റണി, പി.എസ്. ജയരാജ്, വി.സി. വിൻസെന്റ്, ഷാജി ആനിത്തോട്ടം, റീന റോബി, നെൽ കർഷക യൂണിയൻ ജില്ലാ പ്രസിഡന്റ്, എ.ഐ. കൃഷ്ണൻകുട്ടി തുടങ്ങിയവർ പ്രസംഗിച്ചു.