തൃശൂർ: ട്രിച്ചൂർ ലയണ്സ് ക്ലബ്ബിന്റെ നേതൃത്വത്തിൽ തൃശൂർ ഒബ്സ്റ്റട്രിക് ആൻഡ് ഗൈനക്കോളജിക്കൽ സൊസൈറ്റിയുടേയും കണ്ണംകുളങ്ങര ക്രിസ്തുരാജ ദേവാലയത്തിന്റേയും സഹകരണത്തോടെ സ്ത്രീകൾക്കായി സൗജന്യ കാൻസർ നിർണയ മെഡിക്കൽ ക്യാന്പും ബോധവത്കരണ സെമിനാറും നടത്തുന്നു. കണ്ണംകുളങ്ങര പള്ളി വികാരി ഫാ. ജിയോ തെക്കിനിയത്ത് ക്യാന്പ് ഉദ്ഘാടനം ചെയ്യും. ലയണ്സ് സെക്കന്ഡ് വൈസ് ഡിസ്ട്രിക്ട് ഗവർണർ ജെയിംസ് വളപ്പില മുഖ്യാതിഥിയായിരിക്കും. നാളെ രാവിലെ ഒൻപതു മുതൽ ഉച്ചതിരിഞ്ഞ് രണ്ടുവരെ കണ്ണംകുളങ്ങര ക്രിസ്തുരാജ ദേവാലയ ഹാളിൽ നടത്തുന്ന ക്യാന്പിൽ സ്തനാർബുദം, ഗർഭാശയാർബുദം തൈറോയ്ഡ് തുടങ്ങിയ പരിശോധനകളും രോഗ നിർണയങ്ങൾക്കു വേണ്ടതായ പാപ്സ്മിയൻ, തൈറോയ്ഡ്, രക്തപരിശോധന എന്നിവയും സൗജന്യമായി ലഭ്യമാകും.
കർക്കിനോസ് ഹെൽത്ത് കെയർ സൊസൈറ്റി, തൃശൂർ ദയ ഹോസ്പിറ്റൽ, സെന്റ് അൽഫോൻസാമ്മ കുടുംബ യൂണിറ്റ്, മാതൃവേദി സംഘടന കണ്ണംകുളങ്ങര റെസിഡൻസ് അസോസിയേഷനുകൾ തുടങ്ങിയവരുടെയും സഹകരണത്തോടെ നടത്തുന്ന ക്യാന്പിന് വന്ധ്യതാ വിദഗ്ധ ഡോ. വിജി പ്രവീണ്, തൃശൂർ ജൂബിലി മിഷനിലെയും ഒല്ലൂർ സെന്റ് വിൻസെന്റ് ഡി പോൾ ഹോസ്പിറ്റലിലേയും കണ്സൾട്ടന്റ,് ഡോ.നീത ജോർജ് (എംഎസ്, ഡിജിഒ, എഫ്ഐസിഒജി), കാർകിനോസ് കണ്സൾട്ടന്റും ക്ലിനിക്കൽ ഓങ്കോളജിസ്റ്റുമായ ഡോ. പ്രസീദ ഗോവിന്ദ് (എംബിബിഎസ്, എംഡി, ഡിഎൽബി) തുടങ്ങിയ പ്രഗദ്ഭരായ ഡോക്ടർമാർ നേതൃത്വം നൽകും.
തൃശൂർ കോർപ്പറേഷൻ 34-ാം ഡിവിഷൻ കൗണ്സിലർ മുകേഷ് കുളപറന്പിൽ, തൃശൂർ കോർപ്പറേഷൻ 33-ാം ഡിവിഷൻ കൗണ്സിലർ ആൻസി ജേക്കബ് പുലിക്കോട്ടിൽ, ലയണ്സ് ഡിസ്ട്രിക്ട് ക്യാൻസർ കോർഡിനേറ്റർ എം.വി. ഉണ്ണികൃഷ്ണൻ, ട്രിച്ചൂർ ലയണ്സ് ക്ലബ് പ്രസിഡന്റ് ആന്റോ അക്കര, കൈക്കാരൻമാരായ ജോർജ് അലക്സ് മാളിയേക്കൽ, പീയൂസ് പീറ്റർ അൽഫോണ്സാ കുടുംബ യൂണിറ്റ് പ്രസിഡന്റ് വിൽസണ് കയ്യാലയ്ക്കൽ, സെക്രട്ടറി അഡ്വ. വിജോ ഫ്രാൻസിസ് തുടങ്ങിയവരും ചടങ്ങിൽ പങ്കെടുക്കും.