തൃശൂർ: ജനശ്രീ സുസ്ഥിര വികസന മിഷൻ സാഹിത്യ അക്കാദമി ഹാളിൽ ഫെബ്രുവരി രണ്ടിന് നടത്തുന്ന പതിനാറാം ജില്ലാ വാർഷിക സമ്മേളനത്തിൽ തൃശൂർ ബ്ലോക്ക് യൂണിയനിൽ നിന്നും 100 സംഘം ഭാരവാഹികളെ പങ്കെടുപ്പിക്കാൻ തൃശൂർ ബ്ലോക്ക് യൂണിയൻ യോഗത്തിൽ തീരുമാനിച്ചു.
ജില്ലാ ചെയർമാൻ ഒ. അബ്ദുറഹിമാൻ കുട്ടി യോഗം ഉദ്ഘടനം ചെയ്തു. ബ്ലോക്ക് യൂണിയൻ ചെയർമാൻ എം.എസ് ശിവരാമകൃഷ്ണൻ അധ്യക്ഷത വഹിച്ചു. സെക്രട്ടറി കെ.എ അനിൽകുമാർ, വിനോദ് ചേലക്കര, കെ. ഗോപാലകൃഷ്ണൻ, കുരിയൻ മുട്ടത്ത്, പി.വി. രാജു, സി.കെ ഫ്രാൻസിസ്, സുരേഷ് കരുണ്‍, ജിജോ ചാക്കപ്പൻ, മനു പള്ളത്ത്, ജ്യോതി ആനന്ദ്, ജാൻസി ഷാജി, തോമസ് കാളത്തോട്, ടി.എസ് സന്തോഷ്, സോമുമോൾ, സി.എം. സൗമ്യ, അഖിൽ പേരോത്ത് എന്നിവർ പ്രസംഗിച്ചു.