കല്ലൂര് പടിഞ്ഞാറെ പള്ളി
കല്ലൂര്: വെസ്റ്റ് ഹോളി മേരി റോസറി പള്ളിയില് 150-ാമത് തിരുനാള് ഇന്നും നാളെയുമായി ആഘോഷിക്കും.
ഇന്നലെ നടന്ന രൂപം എഴുന്നള്ളിക്കല് ശുശ്രൂഷക്കും കുര്ബാനക്കും റവ. ഡോ. ഫ്രാന്സിസ് ആളൂര്, ഫാ. ആന്റോ രായപ്പന്, ഫാ. ജോളി ചിറമ്മല് എന്നിവര് കാര്മികരായി. ഇന്നു രാവിലെ 6.15ന് കുര്ബാന, തുടര്ന്ന് വീടുകളിലേക്ക് അമ്പ് എഴുന്നള്ളിപ്പ്, രാത്രി 11ന് പള്ളിയില് അമ്പ് എഴുന്നള്ളിപ്പുകള് സമാപിക്കും.
തിരുനാള് ദിനമായ നാളെ രാവിലെ 10ന് ആഘോഷമായ കുര്ബാനയ്ക്ക് ഫാ. ജിമ്മി എടക്കളത്തൂര് മുഖ്യകാര്മികനാകും. ഫാ. ഡൈജോ പൊറത്തൂര് സന്ദേശം നല്കും. വൈകീട്ട് അഞ്ചിന് പാലക്കപറമ്പ് കപ്പേളയില് കുര്ബാന തുടര്ന്ന് പള്ളിയിലേക്ക് തിരുനാള് പ്രദക്ഷിണം. ഏഴിന് സമാപനം. തുടര്ന്ന് ബാന്ഡ് മേളം. വെള്ളിയാഴ്ച രാത്രി 7ന് ഗാനമേള.
വികാരി ഫാ. ജോളി ചിറമ്മല്, പോള് വട്ടക്കുഴി, ലിജോ തേക്കാനത്ത്, ജോവിന്സ് എക്കാടന്, ഗ്ലാന്സന് പള്ളിത്തറ എന്നിവരാണ് തിരുനാളിന് നേതൃത്വം നല്കുന്നത്.
കൊന്പഴ പള്ളി
കൊന്പഴ: സെന്റ് മേരീസ് മലങ്കര സുറിയാനി കത്തോലിക്ക പള്ളിയിൽ വിശുദ്ധ ദൈവമാതാവിന്റെ തിരുനാളിനു വികാരി ഫാ. വിൽസണ് വേലിക്കകത്ത് കൊടിയേറ്റി.
28, 29 തീയതികളിൽ ആണ് ഇടവക തിരുനാൾ. 28ന് വൈകിട്ട് ഇരുന്പുപാലം കുരിശടിയിൽ പീച്ചി സെന്റ് ജോർജ് മലങ്കര കത്തോലിക്ക പള്ളി അസി. വികാരി ഫാ. ജോസഫ് പുല്ലുകാലായിൽ തിരുനാൾ സന്ദേശം നൽകും. തുടർന്ന് പള്ളിയിലേക്ക് റാസ ഉണ്ടാകും.
29ന് ആഘോഷമായ തിരുനാൾ കുർബാനയ്ക്ക് മൂവാറ്റുപുഴ രൂപത മെത്രാപ്പോലീത്ത ഡോ. യൂഹാനോൻ മാർ തെയഡോഷ്യസ് മുഖ്യ കാർമികത്വം വഹിക്കും. ഭക്തസംഘടനകളുടെ വാർഷികം സ്നേഹവിരുന്ന് എന്നിവയും ഉണ്ടാകുമെന്ന് ഇടവക ട്രസ്റ്റി ബിനീഷ് ചാണ്ടി, സെക്രട്ടറി ജിജോ തടത്തിൽ എന്നിവർ അറിയിച്ചു.
പേരാമംഗലം പള്ളി
പേരാമംഗലം: പേരാമംഗലം സെന്റ് മേരീസ് ദേവാലയത്തിൽ ഇടവക മധ്യസ്ഥയായ പരിശുദ്ധ വിജയ മാതാവിന്റെയും വിശുദ്ധ സെബസ്ത്യാനോസിന്റെയും, വിശുദ്ധ അന്തോണീസിന്റെയും, വിശുദ്ധ യൗസേപ്പിതാവിന്റെയും സംയുക്ത തിരുനാൾ ഇന്ന്.
ഇന്നലെ രാവിലെ 6.30 ന്റെ വിശുദ്ധ കുർബാനയ്ക്കും ലദീഞ്ഞിനും നോവേനയ്ക്കും ശേഷം രൂപം എഴുന്നള്ളിപ്പ് അന്പ് വെഞ്ചിരിപ്പ് തുടർന്ന് യൂണിറ്റുകളിലേക്ക് അന്പ് കൊടുത്തു വിടുകയും രാത്രിയിൽ അന്പ് വാദ്യ മേള അകന്പടിയോടെ സമാപിക്കുകയും ചെയ്തു.
ഇന്ന് രാവിലെ 6.30നും 10.30 നും വൈകുന്നേരം നാലിനും വിശുദ്ധ കുർബാന ഉണ്ടായിരിക്കും. 10.30ന്റെ ആഘോഷമായ തിരുനാൾ പാട്ട് കുർബാനയ്ക്ക് ഫാ. ജോബി പുത്തൂർ മുഖ്യ കാർമികനായിരിക്കും.
ഫാ. ജോസ് കിഴക്കേതിൽ തിരുനാൾ സന്ദേശം നൽകും. വൈകീട്ട് നാലിന് ഇടവകാംഗങ്ങളായ വൈദികർ ചേർന്ന് അർപ്പിക്കുന്ന ദിവ്യബലിക്ക് ശേഷം വാദ്യമേള അകന്പടിയോടെ തിരുനാൾ പ്രദക്ഷിണവും തിരുമുറ്റ വാദ്യവും അരങ്ങേറും.
നാളെ രാവിലെ 6.30ന് മരിച്ചു പോയവർക്കുള്ള ദിവ്യബലിയും പ്രത്യേക അനുസ്മരണ പ്രാർത്ഥനയും വൈകുന്നേരം 6.30ന് തൃശൂർ സെവൻ ബീറ്റ്സ് ഓർക്കസ്ട്രയുടെ ഗാനമേളയും അരങ്ങേറും. തിരുനാൾ ആഘോഷങ്ങൾക്ക് വികാരി ഫാ. ജെയ്സണ് മാറോക്കി, കൈക്കാരന്മാരായ വർഗീസ് നീലങ്കാവിൽ, തോമസ് തളിയത്ത്, ജോർജ് വാഴപ്പിള്ളി, ജനറൽ കണ്വീനർ എൻ.എസ്. ലിൻസൻ, മറ്റു കമ്മിറ്റി അംഗങ്ങളും തിരുനാളിനു നേതൃത്വം നൽകും.
വേലൂർ പള്ളി
വേലൂർ: വേലൂർ സെന്റ് ഫ്രാൻസിസ് സേവ്യർ ഫൊറോനാ ദേവാലയത്തിൽ വിശുദ്ധ സെബസ്ത്യാനോസിന്റേയും പരിശുദ്ധ കർമലമാതാവിന്റേയും സംയുക്ത തിരുനാൾ ഭക്തി നിറവിൽ ആഘോഷിച്ചു.
23 ന് രാവിലെ അന്പ്,വള, വെഞ്ചരിച്ച് യൂണിറ്റുകളിലേക്ക് കൊടുത്തുവിടുകയും രാത്രി തേരുകളോടെയും വാദ്യ മേള അകന്പടിയോടെയും അന്പുകൾ പള്ളിയിൽ സമാപിക്കുകയും തുടർന്ന് തേര് മത്സരവും ഉണ്ടായിരുന്നു. തേര് മത്സര വിജയികൾക്ക് കാഷ് പ്രൈസും ട്രോഫിയും നൽകി.
ഇന്നലെ രാവിലെ ആറിനും,പത്തിനും നാലിനും വിശുദ്ധ കുർബാന ഉണ്ടായിരുന്നു. പത്തിനുള്ള ആഘോഷമായ തിരുനാൾ പാട്ടുകുർബാനയ്ക്ക് ഫാ. ഷാജു ഉൗക്കൻ മുഖ്യ കാർമികനായി.
തിരുനാൾ സന്ദേശം ഫാ. സാജൻ മാറോക്കി നൽകി. വൈകിട്ട് നാലിനുള്ള ദിവ്യ ബലിക്കു ശേഷം ഭക്തി നിർഭരമായ പ്രദക്ഷിണവും തുടർന്ന് രാഗദീപം മുണ്ടത്തിക്കോടും സിംഫണി ആന്പല്ലൂരും ചേർന്ന് നടത്തുന്ന ബാൻഡ് വാദ്യമത്സരവും ഉണ്ടായിരുന്നു.
ഇന്ന് രാത്രി 6.30 ന് എയ്ഞ്ചൽ വോയ്സ് മുവാറ്റുപുഴ അവതരിപ്പിക്കുന്ന ഗാനമേളയും ഉണ്ടായിരിക്കും. വികാരി ഫാ. ഡേവിസ് ചിറയത്ത്, അസിസ്റ്റന്റ് വികാരി ഫാ. പ്രകാശ് പുത്തൂർ, കൈകാരന്മാരായ ഷാജൻ ചിരന്പൻ, ജോസഫ് ചാലയ്ക്കൽ, ബിജു ചിരപ്പറന്പിൽ, വിജോയ് തലക്കോടൻ, തിരുനാൾ കണ്വീനർ സജി പനയ്ക്കൽ, പബ്ലിസിറ്റി കണ്വീനർ നിധിൻ അറയ്ക്കൽ എന്നിവർ നേതൃത്വം നൽകുന്നു.