മാ​ലി​ന്യ അ​വ​ശി​ഷ്ട​ങ്ങ​ള്‌ നി​റ​ഞ്ഞ് ച​ങ്ങ​ര​യി​ൽപാടം റോ​ഡ്
Thursday, February 2, 2023 12:50 AM IST
ചേ​ർ​പ്പ്: പെ​രു​ന്പി​ള്ളി​ശേ​രി ച​ങ്ങ​ര​യി​ൽ പാ​ടം റോ​ഡ് മാ​ലി​ന്യ അ​വ​ശി​ഷ്ട​ങ്ങ​ളാ​ൽ നി​റ​ഞ്ഞ് ജ​ന​ങ്ങ​ൾ​ക്ക് ദു​രി​ത സ​ഞ്ചാ​ര മേ​ഖ​ല​യാ​കു​ന്നു.
ചേ​ർ​പ്പ് െകഎ​സ്ഇ​ബി ഓ​ഫീ​സി​ന് സ​മീ​പ​മു​ള്ള റോ​ഡി​ന്‍റെ ഇ​രു​വ​ശ​ങ്ങ​ളി​ലും ചാ​ക്കു​ക​ളി​ലും പ്ലാ​സ്റ്റി​ക് ക​വ​റു​ക​ളി​ലും കൊ​ണ്ടു​ത​ട്ടു​ന്ന ഭ​ക്ഷ​ണ അ​വ​ശി​ഷ്ട​ങ്ങ​ൾ, പ്ല​യി​റ്റു​ക​ൾ, മ​ദ്യ​ക്കുപ്പി​ക​ൾ എ​ന്നി​വ വ്യാ​പ​ക​മാ​യി കി​ട​ക്കു​ന്ന​ത് ജ​ന​ജീ​വി​ത​ത്തെ ബാ​ധി​ച്ചി​രി​ക്കു​ക​യാ​ണ്. വൈ​ദ്യു​തി​യി​ല്ലാ​ത്ത പ്ര​ദേ​ശ​ത്ത് രാ​ത്രി സ​മ​യ​ങ്ങ​ളി​ലാ​ണ് ഇ​വ കൊ​ണ്ടു​ത​ട്ടു​ന്ന​ത്.
വീ​ടു​ക​ൾ, ലൂ​ർ​ദ്മാ​ത സ്കൂ​ൾ, ച​ങ്ങ​ര​യി​ൽ ക്ഷേ​ത്രം, അം​ഗ​ൻ​വാ​ടി എ​ന്നി​വ റോ​ഡി​ന്‍റെ വി​വി​ധ ഭാ​ഗ​ങ്ങ​ളി​ൽ സ്ഥി​തി ചെ​യ്യു​ന്നു​ണ്ട്. ക്ഷേ​ത്ര ദ​ർ​ശ​ന​ത്തി​ന് പോ​കു​ന്ന​വ​രും വി​ദ്യാ​ർ​ഥി​ക​ളും ദു​ർ​ഗ​ന്ധം സ​ഹി​ച്ചാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്.
മാ​ലി​ന്യ​ങ്ങ​ൾ വ്യാ​പ​ക​മാ​യ​തി​നാ​ൽ തെ​രു​വു​നാ​യ് ശ​ല്യ​വും വ​ർ​ധി​ച്ചി​രി​ക്കു​ക​യാ​ണ്. പ​ഞ്ചാ​യ​ത്ത് അ​ധി​കൃ​ത​ർ​ക്ക് പ​രാ​തി ന​ൽ​കി​യെ​ങ്കി​ലും ന​ട​പ​ടി​യാ​യി​ല്ലെ​ന്ന് നാ​ട്ടു​കാ​ർ പ​റ​ഞ്ഞു. നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും പ്ര​വ​ർ​ത്ത​ന​ര​ഹി​ത​മാ​ണ്. റോ​ഡി​ൽ ത​ട്ടു​ന്ന മാ​ലി​ന്യ പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി നാ​ട്ടു​കാ​രും ച​ങ്ങ​ര​യി​ൽ ക്ഷേ​ത്ര സ​മി​തി​യും മു​ൻ​കാ​ല​ങ്ങ​ളി​ൽ പ​ല പ്ര​തി​ഷേ​ധ പ​രി​പാ​ടി​ക​ൾ സം​ഘ​ടി​പ്പി​ച്ചു​ണ്ടാ​യി​രു​ന്നു.
ആ​വ​ർ​ത്തി​ച്ച് മാ​ലി​ന്യ​ങ്ങ​ൾ സാ​മൂ​ഹി​ക വി​രു​ദ്ധ​ർ കൊ​ണ്ടു​ത​ട്ടു​ന്ന​ത് ദു​രി​ത​പൂ​ർ​ണ​മാ​കു​ക​യാ​ണ്.

Copyright @ 2022 , Rashtra Deepika Ltd.