ചാലക്കുടി: ജെസിഐ സെന്റ് മേരീസ് ഫൊ റോന ദേവാലയത്തിലെ അന്പ് തിരുനാളിനോടനുബന്ധിച്ച് 14-ാമത് തിരുനാൾ എക്സിബിഷൻ 4, 5, 6 തിയതികളിലായി നടത്തും. ശനിയാഴ്ച വൈകീട്ട് നാലിന് നഗരസഭ ചെയർമാൻ എബി ജോർജ് ഉദ്ഘാടനം ചെയ്യും. തുടർന്ന് ഡിജെ നൈറ്റ്, ഡാൻസ്, സോളൊ പ്രോഗ്രാംസ് എന്നിവ നടത്തും.
ഞായറാഴ്ച നിർമല കോളജ് പ്രധാന പങ്കാളിത്തം വഹിക്കുന്ന ഫാഷൻഷോയും മത്സരവും ഉണ്ടായിരിക്കും. മത്സരത്തിൽ റജിസ്ട്രേഷനിലൂടെ പങ്കാളികളാകാം. സനീഷ്കുമാർ ജോസഫ് എംഎൽഎ മുഖ്യാതിഥിയായി പങ്കെടുക്കും.
തിങ്കളാഴ്ച മാജിക്ക് ഷോ, ഇൻസ്ട്രുമെന്റ് മ്യൂസിക്, ഡി ജെ നൈറ്റ് തുടങ്ങിയ പരിപാടികൾ ഉണ്ടായിരിക്കും.
എക്സിബിഷനിൽ ഗ്രാമീണ വനിത സംരംഭകർ ഒരുക്കുന്ന തേൻ, ചക്ക തുടങ്ങിയ ഉത്പന്നങ്ങളുടെ വിവിധ സ്റ്റാളുകൾ ഒരുക്കിയിട്ടുണ്ട്. ഫുഡ് കോർട്ട്, കിഡ്സ് സോണ്, അമ്യൂസ്മെന്റ് പാർക്കുകൾ, ഫ്ലവർ ഷോ തുടങ്ങി നിരവധി വിനോദങ്ങളും ഒരുക്കിയിട്ടുണ്ട്.
പ്രസിഡന്റ് അഡ്വ. വി. സുനിൽ ജോസ്, ചെയർമാൻ ഈപ്പൻ തോമസ്, സെക്രട്ടറി സോയൽ ജോസ്, ഡയറ്റ്സ് ഇ ഡേവീസ്, വിനു പ്രദീപ് എന്നിവർ പത്രസമ്മേളനത്തിൽ പങ്കെടുത്തു.
തിരുനാൾ
എക്സ്പോ
ചാലക്കുടി: ബിഎൻഐ തിരുനാൾ എക്സ്പോ ശനിയാഴ്ച വൈകിട്ട് അഞ്ചിന് സനീഷ് കുമാർ ജോസഫ് എംഎൽഎ ഉദ്ഘാടനം ചെയ്യും. മൂന്നു ദിവസങ്ങളിലായി വൈകിട്ട് നാലുമുതൽ മോഡലിംഗ് ഷോ, ഫാഷൻ ഷോ, കാരോക്കെ ഗാനമേള തുടങ്ങിയ കലാപരിപാടികൾ നടത്തും. 35 ഓളം സ്റ്റാളുകളിലായി വിവിധ ഉത്്പന്നങ്ങൾ ഒരുക്കിയിട്ടുണ്ട്. കൂടാതെ ഫുഡ്സ്റ്റാൾ ഉൾപ്പെടെ പത്ത് വിവിധ സ്റ്റാളുകളും ഉണ്ടായിരിക്കുമെന്ന് ഭാരവാഹികൾ അറിയിച്ചു.