പട്ടിക്കാട്: പാണഞ്ചേരി ഗ്രാമപഞ്ചായത്തിന്‍റെ 2023-24 സാന്പത്തിക വർഷത്തേക്കുള്ള ബജറ്റ് അവതരിപ്പിച്ചു.
40,57,72,993 രൂപ വരവും 39,44,15,000 രൂപ ചെലവും പ്രതീക്ഷിക്കുന്ന ബജറ്റാണ് വൈസ് പ്രസിഡന്‍റ് സാവിത്രി സദാനന്ദൻ അവതരിപ്പിച്ചത്. തൊഴിലുറപ്പ് പദ്ധതി 5.16 കോടി, ലൈഫ് പദ്ധതി നാലുകോടി, അങ്കണവാടി പ്രവർത്തനങ്ങൾ ഒരു കോടി, ആരോഗ്യം 96 ലക്ഷം, കൃഷി 80.5 ലക്ഷം, മൃഗസംരക്ഷണം- ക്ഷീരവികസനം 87 ലക്ഷം എന്നീ മേഖലകൾക്കാണ് ബജറ്റിൽ കൂടുതൽ തുകകൾ നീക്കിവച്ചിരിക്കുന്നത്. പഞ്ചായത്ത് പ്രസിഡന്‍റ് പി.പി. രവീന്ദ്രൻ ബജറ്റ് അവതരണ യോഗത്തിന് അധ്യക്ഷതവഹിച്ചു. സ്റ്റാൻഡിംഗ് കമ്മിറ്റി ചെയർമാ·ാരായ ഇ.ടി. ജലജൻ, കെ.വി. അനിത, സുബൈദ അബൂബക്കർ, പഞ്ചായത്ത് സെക്രട്ടറി പി.ആർ. ജോണ്, പഞ്ചായത്ത് അംഗങ്ങൾ എന്നിവർ പങ്കെടുത്തു. ചൊവ്വാഴ്ച ബജറ്റ് ചർച്ച ഉണ്ടായിരിക്കുമെന്ന് വൈസ് പ്രസിഡന്‍റ് സാവിത്രി സദാനന്ദൻ അറിയിച്ചു.
പാവറട്ടി: പാവറട്ടി ബസ് സ്റ്റാൻഡ് നവീകരണത്തിന് ഉൗന്നൽ നൽകി പാവറട്ടി പഞ്ചായത്തിന്‍റെ 2023 - 24 വർഷത്തെ ബജറ്റ് അവതരിപ്പിച്ചു. 25.44 കോടി രൂപ വരവും 25.21 കോടി രൂപ ചെലവും 22.92 ലക്ഷം രൂപ മിച്ചവും പ്രതീക്ഷിക്കുന്ന വാർഷിക ബജറ്റാണ് വൈസ് പ്രസിഡന്‍റ് എം.എം. റെജീന അവതരിപ്പിച്ചത്. പഞ്ചായത്ത് പ്രസിഡന്‍റ് സിന്ധു അനിൽകുമാർ യോഗത്തിൽ അധ്യക്ഷതവഹിച്ചു.
പാവറട്ടി ബസ് സ്റ്റാൻഡ് നവീകരണത്തിന് 3.5 കോടിയും പാർപ്പിടം-കുടിവെള്ള മേഖലയ്ക്ക് 2.5 കോടിയും ഗ്രാമീണ റോഡുകളുടെ നവീകരണത്തിനും തെരുവ് വിളക്കുകൾ സ്ഥാപിക്കുന്നതിനുമായി ഒരു കോടിയും പൊതു ശ്മശാനം 15 ലക്ഷം, പഞ്ചായത്ത് ബിൽഡിംഗ് പ്രവർത്തന സജ്ജമാക്കൽ 25 ലക്ഷം, എംസിഎഫ് നിർമാണം 20 ലക്ഷം എന്നിവയും വകയിരുത്തിയിട്ടുണ്ട്. ജനപ്രതിനിധികളായ ജോസഫ് ബെന്നി, സിബി ജോണ്സൻ, ജെറോം ബാബു, ടി.കെ. സുബ്രഹ്മണ്യൻ, സെക്രട്ടറി കെ. ഷിബുദാസ് തുടങ്ങിയവർ പ്രസംഗിച്ചു.