വാടാനപ്പിള്ളി: ഏങ്ങണ്ടിയൂരിലെ പഞ്ചായത്ത് ഓഫീസിൽ വച്ച് സിപിഎം ലോക്കൽ കമ്മിറ്റി സെക്രട്ടറിയുടെ നേതൃത്വത്തിൽ നടന്ന ആക്രമണത്തിൽ പരിക്കേറ്റ് ചികിത്സയിലായിരുന്ന അമൽ കൃഷ്ണ കൊല്ലപ്പെട്ട കേസിൽ പ്രതികളായ സിപിഎം നേതാക്കൾക്കെതിരെ കൊലക്കുറ്റത്തിനു കേസെടുത്ത് അറസ്റ്റ് ചെയ്യുക, കേസ് പ്രത്യേക പോലീസ് സംഘത്തെ നിയോഗിച്ച് അന്വേഷിക്കുക എന്നീ ആവശ്യങ്ങളുന്നയിച്ച് ഏങ്ങണ്ടിയൂർ മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തിൽ വാടാനപ്പിള്ളി പോ ലീസ് സ്റ്റേഷനിലേക്കു മാർച്ച് നടത്തി. ഡിസിസി പ്രസിഡന്‍റ് ജോസ് വള്ളൂർ ഉദ് ഘാടനം ചെയ്തു.
സിപിഎം നേതൃത്വത്തിന്‍റെ ഇടപെടൽ പോസ്റ്റ്മോർട്ടം റിപ്പോർട്ടിന്റെ പ്രാഥമിക വിവരത്തെ ബാധിച്ചിട്ടുണ്ടെന്നും മൃതദേഹം വീട്ടുവളപ്പിൽ സംസ്കരിക്കുമെന്ന് മുൻകൂട്ടി നിശ്ചയിച്ച പ്രകാരം അനൗണ്‍സ്മെന്‍റും ഫ്ലക്സ് പ്രചാരണവും നടത്തിയിട്ടും നാട്ടുകാർക്കോ കുടുംബക്കാർക്കോ വേണ്ട രീതിയിൽ മൃതദേഹം കാണാൻ സൗകര്യമൊരുക്കാതെ നിർബന്ധ ബുദ്ധിയോടെ പാന്പാടി ഐവർ മഠത്തിലേക്കു മൃതദേഹം സംസ്ക്കാരത്തിനയച്ചത് തെ ളിവുകൾ അവശേഷിക്കാതിരിക്കാനാണെന്നും കോൺഗ്രസ് ആരോപിച്ചു.
അമൽകൃഷ്ണയെ ഏങ്ങണ്ടിയൂർ ഗ്രാമപഞ്ചായത്ത് ഓഫീസിലും പുറത്തും വച്ച് അതിക്രൂരമായി മർദിച്ചു. മൂക്കിന്‍റെ പാലവും തലയ്ക്കു പിൻവശവും പരുക്കേൽപ്പിച്ചു. കൊലപാതകമുൾപ്പടെ ഒട്ടേറെ കേസുകളിൽ പ്രതികളായ എങ്ങണ്ടിയൂരിലെ സിപിഎം നേതാക്കളായ ലോക്കൽ സെക്രട്ടറി പി. എൻ. ജ്യോതിലാൽ, ഏരിയ കമ്മിറ്റി അംഗം കെ.എച്ച്. സുൽത്താൻ, വി.എ. ഷെബി എന്നിവരെ സംരക്ഷിക്കാൻ സിപിഎം ഉന്നത നേതൃത്വം ശ്രമിക്കുന്നുണ്ടെന്നും കോണ്ഗ്രസ് നേതാക്കളെ പോലീസ് അധികാരികൾ വിളിച്ച് സ്റ്റേഷൻ മാർച്ചിൽനിന്നും പിന്തിരിയണമെന്നു പറയുന്നതും അമൽ കൃഷ്ണയുടെ മരണത്തിൽ ദുരൂഹതയുണ്ടെന്നതിന്‍റെ തെളിവാണെന്നും ഡിസിസി പ്രസിഡന്‍റ് ആരോപിച്ചു. ഗുരുവായൂർ ബ്ലോക്ക് കോണ്ഗ്രസ് പ്രസിഡന്‍റ് സി.എ. ഗോപപ്രതാപൻ അധ്യക്ഷനായി.
കെപിസിസി സെക്രട്ടറി സുനിൽ അന്തിക്കാട്, ഏങ്ങണ്ടിയൂർ മണ്ഡലം കോണ്ഗ്രസ് പ്രസിഡന്‍റ് യു.കെ. പീതാംന്പരൻ, ഡിസിസി ഭാരവാഹികളായ സി.എം. നൗഷാദ്, കെ.കെ. ബാബു, അനിൽ പുളിക്കൻ, നൗഷാദ് ആറ്റുപറന്പത്ത്, ഡിസിസി അംഗം ഇർഷാദ് കെ.ചേറ്റുവ, മഹിളാ കോണ്ഗ്രസ് സംസ്ഥാന സെക്രട്ടറി സുബൈദ മുഹമ്മദ്, വാടാനപ്പള്ളി മണ്ഡലം കോണ്ഗ്രസ് പ്രസിഡന്‍റ് കെ.വി. സിജിത്ത് എന്നിവർ പ്രസംഗിച്ചു.
സി.എ. ഗോപാലകൃഷ്ണൻ, സുനിൽ നെടുമാട്ടുമ്മൽ, അക് ബർ ചേറ്റുവ, നൗഷാദ് കൊട്ടിലിങ്ങൽ, ഒ.ജെ.ചാക്കോ, സി. മുസ് താഖലി, എം.വി. അരുണ്‍, ശ്രീധരൻ മാക്കാലി, നിഖിൽ. ജി. കൃഷ്ണ, എച്ച്.എം. നൗഫൽ, സി.എ. ബൈജു, സാലിഷ് തൃഷാര, ഒ.വി. സുനിൽ, എം.ജെ. ഘോഷ് എന്നിവർ മാർച്ചിനു നേതൃത്വം നൽകി. വാടാനപ്പള്ളി പൊലിസ് സ്റ്റേഷനു മുന്നിൽ കൊടുങ്ങല്ലൂർ ഡിവൈഎസ്പി സലീഷ്. എൻ. ശങ്കരന്‍റെ നേതൃത്വത്തിൽ മാർച്ച് തടഞ്ഞു.