ചാലക്കുടി: മാർക്കറ്റ് റോഡിൽ പബ്ലിക് സോഷ്യൽ വെൽഫെയർ സഹകരണ സംഘത്തിന്റെ നേതൃത്വത്തിൽ സൗജന്യ തണ്ണീർപന്തൽ ആരംഭിച്ചു. സഹകരണ അസി. രജിസ്ട്രാർ ബ്ലിസണ് സി. ഡേവീസ് ഉദ്ഘാടനം ചെയ്തു. സഹകരണ സംഘം പ്രസിഡന്റ് യൂജിൻ മോറേലി അധ്യക്ഷതവഹിച്ചു. ഡയറക്ടർമാരായ ജോർജ് വി. ഐനിക്കൽ, എ.എൽ. കൊച്ചപ്പൻ, കെ.കെ. അനിൽകുമാർ, ലിസ ജെയ്സൻ, സുമി ശ്രീധരൻ, സെക്രട്ടറി എബി പോൾ, പോൾ പുല്ലൻ, ജോയ് മേലേടൻ, പി.കെ. കുട്ടൻ, ലിറിൻ ജോണി എന്നിവർ പ്രസംഗിച്ചു.
പുന്നക്കബസാർ: തണ്ണീർ പന്തൽ പദ്ധതി പാപ്പിനിവട്ടം സർവീസ് സഹകരണ ബാങ്കിന്റെ ആഭിമുഖ്യത്തിൽ ആരംഭിച്ചു. ദേശീയ പാതയോരത്തു പുന്നക്കബസാറിലും തീരദേശമായ പൊക്ലായി സെന്ററിലും ആരംഭിച്ച പദ്ധതിയുടെ ഉദ്ഘാടനം ബാങ്ക് പ്രസിഡന്റ് സി.കെ. ഗോപിനാഥൻ നിർവഹിച്ചു. ബാങ്ക് വൈസ് പ്രസിഡന്റ് ബിന്ദു മോഹൻലാൽ അധ്യക്ഷയായി. ഭരണ സമിതി അംഗം എ.ജി. സുരേന്ദ്രൻ, സെക്രട്ടറി ടി.ബി. ജിനി, ഡയറക്ടർ ബോർഡ് മെന്പർമാർ, ജീവനക്കാർ, സഹകാരികൾ തുടങ്ങിയവർ പങ്കെടുത്തു.
നെല്ലായി: നെല്ലായി പറപ്പൂക്കര സർവീസ് സഹകരണ ബാങ്കിന്റെ നേതൃത്വത്തിൽ സഹകരണ തണ്ണീർപന്തൽ ആരംഭിച്ചു. സഹകരണ മുകുന്ദപുരം അസി. രജിസ്ടാർ ബ്ലിസണ് ഡേവിസ് ഉദ്ഘാടനം ചെയ്തു. സഹകരണ ബാങ്ക് പ്രസിഡന്റ് ഡേവിസ് പൊഴൊലിപറന്പിൽ അധ്യക്ഷത വഹിച്ചു. വൈസ് പ്രസിഡന്റ് ് എസ്. ഹരീഷ്കുമാർ, ഭരണസമിതി അംഗങ്ങളായ പി.ആർ. പ്രശാന്ത്, അന്പിളി സജീവൻ, കെ.കെ. സുരേന്ദ്രൻ, സെക്രട്ടറി കെ.കെ. ജയലക്ഷ്മി എന്നിവർ സംസാരിച്ചു.
നെല്ലായി: പറപ്പൂക്കര ഗ്രാമപഞ്ചായത്തിന്റെ ആഭിമുഖ്യത്തിലുള്ള അഞ്ചാമത്തെ തണ്ണീർപന്തൽ നെല്ലായി സെന്ററിൽ പ്രവർത്തനം തുടങ്ങി. പഞ്ചായത്ത് പ്രസിഡന്റ് ഇ.കെ. അനൂപ് ഉദ്ഘാടനം ചെയ്തു. വൈസ് പ്രസിഡന്റ് എം.കെ. ഷൈലജ അധ്യക്ഷതവഹിച്ചു. കെ. രാജേഷ്, ആർ. രാജേഷ്കുമാർ സംസാരിച്ചു.
മേലൂർ: ഗ്രാമപഞ്ചായത്ത്, പൂലാനി നിർമല എൻജിനീയറിംഗ് കോളജ് എന്നിവയുടെ സഹകരണത്തോടെ കുന്നപ്പിള്ളിയിൽ തണ്ണീർ പന്തലോരുക്കി. പഞ്ചായത്ത് പ്രസിഡന്റ് എം.എസ്. സുനിത ഉദ്ഘാടനം ചെയ്തു. ദാഹജലവും ഫലങ്ങളുമാണ് വിതരണം ചെയ്തത്. വാർഡ് മെന്പർ പി.ആർ. ബിബിൻ രാജ് അധ്യക്ഷനായി. നിർമല കോളജ് ജനറൽ കോ-ഓർഡിനേറ്റർ ജെയ്സ് ജേക്കബ്, ഡോണ്, പി.കെ. വിജയൻ തുടങ്ങിയവർ പ്രസംഗിച്ചു.
ഇരിങ്ങാലക്കുട: എഐവൈഎഫ് ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ ഇരിങ്ങാലക്കുട ബസ്സ്റ്റാൻഡിൽ തണ്ണീർപന്തൽ ഒരുക്കി. ഉദ്ഘാടനം സിപിഐ ജില്ലാ കൗണ്സിൽ അംഗവും കേരള ഫീഡ്സ് ചെയർമാനുമായ കെ. ശ്രീകുമാർ നിർവഹിച്ചു. എഐവൈഎഫ് മണ്ഡലം സെക്രട്ടറി ടി.വി. വിബിൻ, ജില്ല കമ്മിറ്റി അംഗങ്ങളായ പി.എസ്. ശ്യാംകുമാർ, സ്വപ്ന നജിൻ, മണ്ഡലം വൈസ് പ്രസിഡന്റ് ഗാവരോഷ്, എക്സി. അംഗം ഷാഹിൽ, എഐഎസ്എഫ് മണ്ഡലം സെക്രട്ടറി മിഥുൻ പോട്ടക്കാരൻ എന്നിവർ നേതൃത്വം നൽകി.
ഇരിങ്ങാലക്കുട: കാട്ടൂർ സർവീസ് സഹകരണ ബാങ്ക് മാർക്കറ്റ് റോഡിൽ ആരംഭിച്ചിട്ടുള്ള സൗജന്യ തണ്ണീർ പന്തൽ മുകുന്ദപുരം സഹകരണ സംഘം അസി. രജിസ്ട്രാർ ബിൽസണ് ഡേവിസ് ഉദ്ഘാടനം ചെയ്തു. ബാങ്ക് പ്രസിഡന്റ് ജോമോൻ വലിയവീട്ടിൽ അധ്യക്ഷത വഹിച്ചു. ഡയറക്ടർമാരായ കെ.കെ. സതീശൻ, പ്രമീള അശോകൻ, സഹകരണ വകുപ്പ് ഉദ്യോഗസ്ഥർ എന്നിവർ പങ്കെടുത്തു. ബാങ്ക് സെക്രട്ടറി ടി.വി. വിജയകുമാർ സ്വാഗതവും ഡയറക്ടർ എം.ജെ. റാഫി നന്ദിയും പറഞ്ഞു.
ഇരിങ്ങാലക്കുട: സഹകരണ തണ്ണീർ പന്തൽ ഇരിങ്ങാലക്കുട ടൗണ് കോ ഓപ്പറേറ്റിവ് ബാങ്ക് നട ബ്രാഞ്ചിൽ ആരംഭിച്ചു. ഇരിങ്ങാലക്കുട അസി.രജിസ്ട്രാർ ബിൽസണ് ഡേവിസ് തണ്ണീർ പന്തൽ ഉദ്ഘാടനം ചെയ്തു. ബാങ്ക് വൈസ് ചെയർമാൻ അഡ്വ. പി.ജെ. തോമസ് അധ്യക്ഷത വഹിച്ചു. ബാങ്ക് സിഇഒ ടി.കെ. ദിലീപ്കുമാർ സ്വാഗതം പറഞ്ഞ ചടങ്ങിൽ അസി.ജനറൽ മാനേജർ എ. അനിത ആശംസയും ബ്രാഞ്ച് മാനേജർ ജോസഫ് ചാക്കോ നന്ദിയും പറഞ്ഞു.