രേ​വ​തി വി​ള​ക്ക് തെളിഞ്ഞു; അ​ശ്വ​തി കാ​വു​തീ​ണ്ട​ൽ ഇ​ന്ന്
Friday, March 24, 2023 1:05 AM IST
കൊ​ടു​ങ്ങ​ല്ലൂ​ർ: പാ​ട​ത്തും പ​റ​ന്പി​ലും പ​ണി​യെ​ടു​ത്ത് ത​ഴ​ന്പി​ച്ച കൈ​ക​ളി​ൽ ആ​രാ​ധ​നാ​മൂ​ർ​ത്തി​യാ​യ കൊ​ടു​ങ്ങ​ല്ലൂ​ര​മ്മ​യ്ക്ക് സ​മ​ർ​പ്പി​ക്കാ​ൻ കു​രു​മു​ള​കും മ​ഞ്ഞ​ൾ​പൊ​ടി​യും ഉ​ൾ​പ്പ​ടെ​യു​ള്ള കാ​ർ​ഷി​ക വി​ഭ​വ​ങ്ങ​ളു​മാ​യി അ​വ​ർ എ​ത്തി. കേ​ര​ള​ത്തി​ന്‍റെ വ​ട​ക്കു-​തെ​ക്കേ അ​തി​ർ​ത്തി​ഗ്രാ​മ​ങ്ങ​ളി​ൽ നി​ന്നു​ള്ള ആ​യി​ര​ക്ക​ണ​ക്കി​ന് ദേ​വി​ഭ​ക്ത​ർ ഭ​ര​ണി​പ്പാ​ട്ടി​ന്‍റെ ഈ​ര​ടി​ക​ൾ മു​ള​ന്ത​ണ്ടി​ന്‍റെ താ​ള​ത്തി​നൊ​ത്ത് പാ​ടി നൃ​ത്തം​ച​വി​ട്ടി ആ​ടി​ത്തി​മ​ർ​ത്ത​പ്പോ​ൾ കൊ​ടു​ങ്ങ​ല്ലൂ​ർ ശ്രീകു​രും​ബ​ക്കാ​വ് അ​ക്ഷ​രാ​ർഥ​ത്തി​ൽ പ​ഴം​ചൊ​ല്ലി​നെ അ​നു​സ്മ​രി​ച്ച് രേ​വ​തി നാ​ളി​ലെ ഇ​ര​ന്പി​ക്ക​യ​റ്റ​മാ​യി.
ഉ​ത്ര​ട്ടാ​തി നാ​ളാ​യ ബു​ധ​നാ​ഴ്ച വൈ​കു​ന്നേ​ര​ത്തോ​ടെ​യാ​ണ് വ്ര​താ​നു​ഷ്ഠാ​ന​ങ്ങ​ളോ​ടെ എ​ത്തി​യ കോ​മ​ര​ങ്ങ​ൾ ഉ​ൾ​പ്പ​ടെ​യു​ള്ള ദേ​വി​ഭ​ക്ത​ർ കൊ​ടു​ങ്ങ​ല്ലൂ​ർ കു​രും​ബ​ക്കാ​വി​ന്‍റെ ന​ട ച​വി​ട്ടി​യ​ത്. മു​ള​ന്ത​ണ്ടി​ൽ താ​ള​മി​ട്ട് ത​പ്പു​കൊ​ട്ടി കോ​മ​ര​ങ്ങ​ൾ​ക്ക് അ​ക​ന്പ​ടി​യാ​യി എ​ത്തി​യ കൂ​ട്ട​ങ്ങ​ൾ ഭ​ക്തി​യു​ടെ മാ​സ്മ​രി​ക ല​ഹ​രി​യി​ൽ ക്ഷേ​ത്ര​ന​ഗ​രി​യെ ആ​റാ​ടി​ക്കു​ക​യാ​ണ്. കൊ​ടു​ങ്ങ​ല്ലൂ​ർ അ​മ്മ​യു​ടെ തി​രു​ന​ട​യി​ൽ ഉ​പാ​സ​നാ മൂ​ർ​ത്തി​യെ ധ്യാ​നി​ച്ച് പ​ള്ളി​വാ​ളു​കൊ​ണ്ട് ശി​ര​സി​ൽ മു​റി​വേ​ൽ​പ്പി​ക്കു​ന്പോ​ൾ അ​വ​ർ നൊ​ന്പ​രം പോ​ലും അ​റി​യു​ന്നി​ല്ല.
ഭ​ര​ണി മ​ഹോ​ത്സ​വ​ത്തി​ന്‍റെ ആ​ചാ​ര​നു​ഷ്ഠാ​ന​ങ്ങ​ൾ​ക്ക് സ​മാ​പ​നം കു​റി​ക്കു​ന്ന അ​ശ്വ​തി നാ​ളി​ലെ കാ​വു​തീ​ണ്ട​ൽ ഇ​ന്നു വൈ​കീ​ട്ടോ​ടെ ന​ട​ക്കു​ക​യാ​ണ്. കാ​വു​തീ​ണ്ട​ലി​ന് കാ​തോ​ർ​ത്ത് ന​ഗ​ര​വീ​തി​ക​ളി​ലൂ​ടെ ഒ​ഴു​കു​ന്ന​വ​രും ക്ഷേ​ത്ര​ന​ട​യി​ലെ അ​വ​കാ​ശ​ത്ത​റ​ക​ളി​ലും സ്ഥാ​ന​മു​റ​പ്പി​ച്ച ദേ​വി​ഭ​ക്ത​ർ ഇ​ന്ന​ലെ വൈ​കീ​ട്ടു​ള്ള രേ​വ​തി വി​ള​ക്ക് ദ​ർ​ശി​ച്ച് സാ​യൂ​ജ്യ​രാ​യി.
ഇ​ന്നു ഉ​ച്ച​ക​ഴി​ഞ്ഞ് നാ​ലോ​ടെ​യാ​ണ് കാ​വു​തീ​ണ്ട​ൽ. ഇ​തി​നു​മു​ന്നോ​ടി​യാ​യു​ള്ള തൃ​ച​ന്ദ​ന​ചാ​ർ​ത്ത് പൂ​ജ ഉ​ച്ച​യ്ക്ക് 12 മ​ണി​യോ​ടെ​യാ​ണ് ആ​രം​ഭി​ക്കു​ക. ക്ഷേ​ത്ര​ത്തി​ലെ ആ​ചാ​ര​നു​ഷ്ഠാ​ന​ങ്ങ​ൾ​ക്ക് അ​നു​മ​തി ന​ൽ​കാ​ൻ പ​ര​മാ​ധി​കാ​രി​യാ​യ കൊ​ടു​ങ്ങ​ല്ലൂ​ർ വ​ലി​യ ത​ന്പു​രാ​ൻ പ​ല്ല​ക്കി​ലേ​റി ക്ഷേ​ത്ര​ത്തി​ന്‍റെ ബ​ലി​ക്ക​ൽ​പു​ര​യി​ൽ ഉ​പ​വി​ഷ്ട​നാ​കു​ന്പോ​ൾ കാ​ർ​മി​ക​രാ​യ കു​ന്ന​ത്തു​മ​ഠ​ത്തി​ലെ​യും മ​ട​ത്തി​ൽ മ​ഠ​ത്തി​ലെ​യും നീ​ല​ത്തു​മ​ഠ​ത്തി​ലെ​യും അ​ടി​ക​ൾ​മാ​ർ ചേ​ർ​ന്ന് തൃ​ച​ന്ദ​ന​ചാ​ർ​ത്ത് പൂ​ജ ആ​രം​ഭി​ക്കും.
ഏ​ഴ​ര​യാ​മം നീ​ണ്ടു​നി​ൽ​ക്കു​ന്ന പൂ​ജാ​ക​ർ​മ​ങ്ങ​ൾ പൂ​ർ​ത്തി​യാ​ക്കി വ​ലി​യ ത​ന്പു​രാ​നും പ​രി​വാ​ര​ങ്ങ​ളും കി​ഴ​ക്കേ ന​ട​യി​ലൂ​ടെ നി​ല​പാ​ടു​ത​റ​യി​ൽ എ​ത്തു​ന്പോ​ൾ കോ​യ്മ ചു​വ​ന്ന പ​ട്ടു​ക്കു​ട നി​വ​ർ​ത്തി കാ​വു​തീ​ണ്ട​ലി​ന് അ​നു​മ​തി ന​ൽ​കും.
ഇ​തോ​ടെ ക്ഷേ​ത്ര​ത്തി​ന്‍റെ പ​ടി​ഞ്ഞാ​റെ ന​ട​യി​ൽ പാ​ല​യ്ക്ക​ൽ വേ​ല​ൻ ദേ​വി​ദാ​സ​ൻ ക്ഷേ​ത്ര​ത്തി​ന്‍റെ ചെ​ന്പോ​ല​ക​ളി​ൽ ത​ട്ടി ആ​ദ്യം കാ​വു​തീ​ണ്ടും. തു​ട​ർ​ന്ന് ക്ഷേ​ത്ര​ത്തി​നു ചു​റ്റും നി​ല​യു​റ​പ്പി​ച്ചി​ട്ടു​ള്ള പ​തി​നാ​യി​ര​ങ്ങ​ൾ ദേ​വി​ശ​ര​ണം വി​ളി​ച്ച് ക്ഷേ​ത്ര​ത്തി​നു​ചു​റ്റും വ​ലം വ​ച്ച് കാ​വു​തീ​ണ്ടി സാ​യൂ​ജ്യ​രാ​കും.

Copyright @ 2022 , Rashtra Deepika Ltd.