ചാലക്കുടി: കോടശേരി പഞ്ചായത്ത് പോന്നാംന്പോളിയിൽ കിണറ്റിൽ വീണ മ്ലാവിനെ രക്ഷപ്പെടുത്തി. പൈനാടത്ത് അന്തോണിയുടെ 15 അടി താഴ്ചയുള്ള കിണറ്റിൽ വീണ മ്ലാവിനെയാണ്ചാലക്കുടിയിൽ നിന്നെത്തിയ അഗ്നിരക്ഷാ സേന നെറ്റ്, റോപ്പ് എന്നിവയുടെ സഹായത്തോടെ രക്ഷപ്പെടുത്തിയത്. മ്ലാവിനെ വനം വകുപ്പ് ഉദ്യോഗസ്ഥർക്കു കൈമാറി.
ഫയർഫോഴ്സ് ഫയർമാന്മാരായ സി.ആർ. രതീഷ്, ടി.എസ്. അജയൻ, പി.എസ്. സന്തോഷ്കുമാർ, യു. അനൂപ്, രോഹിത്. കെ. ഉത്തമൻ
എന്നിവർ രക്ഷാപ്രവർത്തനത്തിൽ പങ്കെടുത്തു. ചായ്പൻകുഴി വനംവകുപ്പ് ജീവനക്കാരും നാട്ടുകാരും രക്ഷാപ്രവർത്തനത്തിൽ പങ്കെടുത്തു.
വാലൻചിറ തോട്
കയർഭൂവസ്ത്രം അണിഞ്ഞു
ഇരിങ്ങാലക്കുട: വാലൻചിറ തോട് കയർ ഭൂവസ്ത്രം അണിയിക്കുന്നതിന്റെ ഉദ്ഘാടനം ചെയർപേഴ്സണ് സോണിയ ഗിരി നിർവഹിച്ചു. ജില്ലയിൽ കയർ ഭൂവസ്ത്രം പദ്ധതി നടപ്പിലാക്കുന്ന ആദ്യത്തെ നഗരസഭയാണ് ഇരിങ്ങാലക്കുട നഗരസഭ. നഗരസഭ വൈസ് ചെയർമാൻ ടി.വി. ചാർളി അധ്യക്ഷത വഹിച്ചു.
നഗരസഭ സെക്രട്ടറി മുഹമ്മദ് അനസ്, കയർ പ്രൊജക്ട് ഓഫീസർ തൃശൂർ ബി. ഗോപകുമാർ, സ്റ്റാൻഡിംഗ് കമ്മിറ്റി അധ്യക്ഷന്മാരായ സി.സി. ഷിബിൻ, സുജാ സഞ്ജീവ് കുമാർ, അംബിക പള്ളിപ്പുറം, അഡ്വ. ജിഷ ജോബി, കൗണ്സിലർമാരായ അൽഫോൻസാ തോമസ്, പി.ടി. ജോർജ്, എ.എസ്. ലിജി, ഹരിത കേരളം മിഷൻ റിസോഴ് സ് പേഴ്സണ് കെ.സി. രബിൻ, തൊഴിലുറപ്പ് എൻജിനീയർ ടി.എസ്. സിജിൻ, എന്നിവർ സംസാരിച്ചു.