ADVERTISEMENT

ADVERTISEMENT

ചേരമാൻ ജുമാമസ്ജിദ് ഇന്ത്യൻ മതേതരത്വത്തിന്‍റെ പ്രതീകം: ഗവർണർ സി.വി. ആനന്ദബോസ്

കൊടുങ്ങല്ലൂർ: പശ്ചിമ ബംഗാൾ ഗവർണർ സി.വി. ആനന്ദബോസ് കൊടുങ്ങല്ലൂർ ചേരമാൻ ജുമാ മസ്ജിദ് സന്ദർശിച്ചു. ചേരമാൻ ജുമാ മസ്ജിദ് ഇന്ത്യൻ മതേതരത്വത്തിന്‍റെ പ്രതീകമാണെന്ന് അദ്ദേഹം പറഞ്ഞു. പുരാതനമായ മസ്ജിദിന്‍റെ അകത്തളങ്ങൾ വീക്ഷിച്ച അദ്ദേഹം താൻ എഴുതിയ സർഗപ്രപഞ്ചം എന്ന പുസ്തകം മഹല്ല് ഭാരവാഹികൾക്കു സമ്മാനിച്ചു.

ചേരമാൻ മഹല്ല് ഇമാം ഡോ. മുഹമ്മദ് സലിം നദ്‌വി, പ്രസിഡന്‍റ് എൻ.എ. റഫീഖ്, സെക്രട്ടറി സി. വൈ. സലിം, വൈസ് പ്രസിഡന്‍റ് കെ.എസ്. മുഹമ്മദ് ബഷീർ, വി.എ. ഇബ്രാഹിം, പി.ഐ. ബഷീർ, എ.കെ. നവാസ്, നൗഷാദ് അറക്കൽ, എം.എം. സിനീർ, ടി.എ. ഹൈദറാലി, വി.എസ്. സുനൈസ് തുടങ്ങിയവർ ചേർന്ന് സ്വീകരിച്ചു.

ADVERTISEMENT

മേലൂർ ശാന്തിപുരത്ത് കിണർ ഇടിഞ്ഞുതാണു

മേലൂർ: ശാന്തിപുരം ഒന്നാം വാർഡിൽ വീട്ടുപറമ്പിലെ കിണർ പൂർണമായി ഇടിഞ്ഞുതാഴ്ന്നത് വീട്ടുടമയെയും പ്രദേശവാസികളെയും ആശങ്കയിലാഴ്ത്തി. ശാന്തിപുരം പള്ളിക്കുസമീപം നെറ്റിക്കാടൻ ജോസ്മോന്‍റെ വീട്ടിലെ കിണറാണ് ഇടിഞ്ഞത്. ഇന്നലെ രാവിലെ പത്തരയോടെയായിരുന്നു സംഭവം. വെട്ടുകല്ലിന്‍റെ സാന്നിധ്യമുള്ള പ്രദേശത്ത് കിണർ ഇടിയാനുള്ള സാഹചര്യവും സാധ്യതയും പരിശോധിക്കണമെന്നാണ് പ്രദേശവാസികളുടെ ആവശ്യം. സംഭവമറിഞ്ഞ് വില്ലേജ് അധികൃതരും സ്ഥലത്തെത്തിയിരുന്നു.

വിജയോത്സവം നടത്തി

കുറ്റിക്കാട് സെന്‍റ് സെബാസ്റ്റ്യൻസ് കുറ്റിക്കാട്: സെന്‍റ് സെബാസ്റ്റ്യൻസ് ഹൈസ്കൂളിൽ വിജയോത്സവം നടത്തി. ഇരിങ്ങാലക്കുട രൂപതാ വികാരി ജനറൽ മോൺ. വിൽ‌സൺ ഈരത്തറ ഉദ്ഘാടനം ചെയ്തു. സ്കൂൾ മാനേജർ ഫാ.ലിജു പോൾ പറമ്പത്ത് അധ്യക്ഷത വഹിച്ചു. സനീഷ് കുമാർ ജോസഫ് എംഎൽഎ മുഖ്യാതിഥിയായിരുന്നു. ഇരിങ്ങാലക്കുട കോർപ്പറേറ്റ് മാനേജർ ഫാ. സീജോ ഇരിമ്പൻ അനുഗ്രഹ പ്രഭാഷണം നടത്തി. പരിയാരം ഗ്രാമപഞ്ചായത്ത് വൈസ് പ്രസിഡന്‍റ് ഡെസ്റ്റിൻ താക്കോൽക്കാരൻ, പിടിഎ പ്രസിഡന്‍റ് സെബാസ്റ്റ്യൻ കല്ലേലി, എംപിടിഎ പ്രസിഡന്‍റ് ബിന്ദു ജേക്കബ്, ഹെഡ് മാസ്റ്റർ എം.ടി. ജെയ്സൻ, ഹയർസെക്കൻഡറി പ്രിൻസിപ്പൽ പി.കെ. ആന്‍റു, എൽപി സ്കൂൾ ഹെഡ്‌മിസ്ട്രസ് ജെസി ജോസ്, ഇടവക ട്രസ്റ്റീ അഗസ്റ്റിൻ കരിപ്പായി, ആർഎസ്എ കൺവീനർ ഡേവിസ് പേങ്ങിപ്പറമ്പിൽ, ഒഎസ്എ പ്രസിഡന്‍റ്് ലോനപ്പൻ വെണ്ണാട്ടുപറമ്പിൽ, കാസ് പ്രതിനിധി ആന്‍റണി തോമസ്, ഫസ്റ്റ് അസിസ്റ്റന്‍റ് എ.ഡി. ലിൻസി , സ്റ്റാഫ് പ്രതിനിധി ബിറ്റു സാമൂവൽ എന്നിവർ പ്രസംഗിച്ചു. മൂര്‍ക്കനാട് സെന്‍റ്് ആന്‍റണീസ് മൂര്‍ക്കനാട്: മൂര്‍ക്കനാട് സെന്‍റ് ആന്‍റണീസ് ഹൈസ്‌കൂളില്‍ വിജയോത്സവവും പൊതുയോഗവും എന്‍എംഎംഎസ്, സംസ്‌കൃതം, യുഎസ്എസ് സ്‌കോളര്‍ഷിപ്പുകള്‍ ലഭിച്ചവര്‍ക്കുള്ള അനുമോദനവും സംയുക്തമായി നടത്തി. ഇരിങ്ങാലക്കുട കോ ര്‍പ്പറേറ്റ് മാനേജര്‍ ഫാ. സിജോ ഇരുമ്പന്‍ ഉദ്ഘാടനം നിര്‍വഹിച്ചു. സ്‌കൂള്‍ മാനേജര്‍ ഫാ. സിന്‍റോ മാടവന അനുഗ്രഹപ്രഭാഷണവും നിര്‍വഹിച്ചു. സ്‌കൂള്‍ ഹെഡ്മിസ്ട്രസ് പ്രീത ഫിലിപ്പ്, പിടിഎ പ്രസിഡന്‍റ് എം.എം. ഗിരീഷ് അധ്യക്ഷത വഹിച്ചു. പള്ളി ട്രസ്റ്റിമാരായ പോള്‍ തേരുപറമ്പില്‍, ജെറാള്‍ഡ് ജോണ്‍ എന്നിവര്‍ ആശംസകള്‍ അര്‍പ്പിച്ചു. പിടിഎ സെക്രട്ടറി പഞ്ചമി ഡേവിസ് റിപ്പോര്‍ട്ട് അവതരിപ്പിച്ചു. ഫസ്റ്റ് അസിസ്റ്റന്‍റ്് ബിന്ദു തോമസ് വരവു ചെലവ് കണക്കുകള്‍ അവതരിപ്പിച്ചു. സ്റ്റാഫ് സെക്രട്ടറി എം.എല്‍. ശാലിനി നന്ദി പറഞ്ഞു.

മെറ്റ്സിൽ വിദ്യാർഥികൾക്ക് ഇൻഡക്ഷൻ പ്രോഗ്രാം

മാള: മെറ്റ്സ് കോളേജ് ഓഫ് അഡ്വാൻസ്ഡ് സ്റ്റഡീസിലെ നാലുവർഷ ബിരുദ കോഴ്സിലെ ഒന്നാം വർഷ വിദ്യാർഥികളുടെ ഇൻഡക്ഷൻ പ്രോഗ്രാം "ആരംഭം 2കെ25' നടത്തി. മാള എഡ്യുക്കേഷണൽ ട്രസ്റ്റ് ചെയർമാൻ ഡോ. ഷാജു ആന്‍റണി ഐനിക്കൽ ഉദ്ഘാടനം ചെയ്തു. മെറ്റ്സ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് സിഇഒ പ്രഫ. ജോർജ് കോലഞ്ചേരി അധ്യക്ഷത വഹിച്ചു. അക്കാദമിക് ഡയറക്ടർ ഡോ. എ. സുരേന്ദ്രൻ, പ്രിൻസിപ്പൽ പ്രഫ. ഫോൺസി ഫ്രാൻസിസ്, മാനേജ്മെന്‍റ്് വിഭാഗം മേധാവി പ്രഫ. പി. എസ്. പ്രസിത, പി.ജി. ഷിൻസി , മുഹമ്മദ് ഷമീൽ, കായിക വിഭാഗം മേധാവി കെ.എം. സനീഷ്, സി.എസ്. ശ്രീലക്ഷ്മി തുടങ്ങിയവർ സംസാരിച്ചു.

എന്‍ജിനീയറിംഗ് കോളജിനെ ചുമതലപ്പെടുത്തും: മന്ത്രി

കാട്ടൂര്‍: സിഡ്‌കോയുടെ കീഴിലുള്ള മിനി ഇന്‍ഡസ്ട്രിയല്‍ എസ്റ്റേറ്റിനുസമീപത്തെ കുടിവെള്ള സ്രോതസുകളില്‍ രാസമാലിന്യം കണ്ടെത്തിയ സംഭവത്തെക്കുറിച്ച് പഠിക്കാന്‍ തൃശൂര്‍ ഗവ. എന്‍ജിനീയറിംഗ് കോളജിനെ ചുമതലപ്പെടുത്താന്‍ മന്ത്രി ഡോ. ആര്‍. ബിന്ദുവിന്‍റെ അധ്യക്ഷതയില്‍ ചേര്‍ന്ന യോഗം തീരുമാനിച്ചു. പ്രദേശങ്ങളിലെ മണ്ണ് പരിശോധിക്കാനും യോഗത്തില്‍ തീരുമാനമായി. കൂടാതെ കോഴിക്കോട് ലാബിലേക്ക് അയച്ച ജല സാമ്പിളുകളുടെ പരിശോധനാ ഫലം വന്നതിനുശേഷം തുടര്‍ നടപടികള്‍ സ്വീകരിക്കാനും തീരുമാനിച്ചു. കാട്ടൂര്‍ പഞ്ചായത്ത് മലിനീകരണ നിയന്ത്രണ ബോര്‍ഡിനും മറ്റ് വകുപ്പുകള്‍ക്കും പരാതി നല്‍കുകയും പ്രശ്നം താലൂക്ക് വികസനസമിതിയില്‍ ഉന്നയിക്കുകയും ചെയ്തിരുന്നു. മലിനീകരണ നിയന്ത്രണ ബോര്‍ഡ്, കാക്കനാടുള്ള റീജണല്‍ അനലിറ്റിക്കല്‍ ലബോറട്ടറി എന്നിവിടങ്ങളില്‍ നടത്തിയ പരിശോധനയില്‍ ചുറ്റുവട്ടത്തുള്ള കിണറുകളിലെ വെള്ളത്തിന്‍റെ പിഎച്ച് വളരെ താഴെയാണെന്നും അലുമിനിയം, സിങ്ക്, ഓയില്‍, ഗ്രീസ് തുടങ്ങിയ മാലിന്യങ്ങള്‍ കാണുന്നുണ്ടെന്നും കണ്ടെത്തിയിരുന്നു. എസ്റ്റേറ്റിലെ ചില കമ്പനികള്‍ പുറന്തള്ളുന്ന രാസമാലിന്യങ്ങള്‍ നിറഞ്ഞ വെള്ളമാണ് ഒരു കിലോമീറ്ററിലേറെ ദൂരമുള്ള കിണറുകളെ പോലും മലിനമാക്കുന്നതെന്നും ഇത്തരം സ്ഥാപനങ്ങള്‍ക്കെതിരേ നടപടി വേണമെന്നാണ് പ്രദേശവാസികളുടെ ആവശ്യം. കാട്ടൂര്‍ പഞ്ചായത്ത് ഹാളില്‍നടന്ന യോഗത്തില്‍ പഞ്ചായത്ത് പ്രസിഡന്‍റ് ടി.വി. ലത, പഞ്ചായത്ത് സെക്രട്ടറി വി.എ. ഉണ്ണികൃഷ്ണന്‍, വിവിധ വകുപ്പ് ഉദ്യോഗസ്ഥര്‍ എന്നിവര്‍ പങ്കെടുത്തു.

പുതിയ സ്‌കൂൾ കെട്ടിടങ്ങളുടെ നിര്‍മാണോദ്ഘാടനം നിര്‍വഹിച്ചു

ഇരിങ്ങാലക്കുട: ഗവ. മോഡല്‍ ഗേള്‍സ് ഹൈസ്‌കൂളിന്‍റേയും വിഎച്ച്എസ്ഇയുടെയും പുതിയ കെട്ടിടങ്ങളുടെ നിര്‍മാണോദ്ഘാടനം മന്ത്രി ആര്‍. ബിന്ദു നിര്‍വഹിച്ചു. എല്ലാ കുട്ടികള്‍ക്കും മികച്ച വിദ്യാഭ്യാസം ഒരുക്കണമെന്ന് സര്‍ക്കാരിന്‍റെ ലക്ഷ്യമെന്ന് മന്ത്രി പറഞ്ഞു. സംസ്ഥാന സര്‍ക്കാരിന്‍റെ പ്ലാന്‍ ഫണ്ടില്‍നിന്ന് രണ്ടുകോടി രൂപ ഉപയോഗിച്ചാണ് ഇരിങ്ങാലക്കുട ഗവ. ഗേള്‍സ് ഹൈസ്‌കൂളിന് പുതിയ കെട്ടിടം നിര്‍മിക്കുന്നത്. കിഫ്ബി പദ്ധതിയില്‍ ഒരുകോടി 30 ലക്ഷം രൂപ വിനിയോഗിച്ചാണ് വിഎച്ച്എസ്ഇ ബ്ലോക്കിന്‍റെ മൂന്നാമത്തെ നില നിര്‍മിക്കുന്നത്. നഗരസഭാ ചെയര്‍പേഴ്സണ്‍ മേരിക്കുട്ടി ജോയ് ചടങ്ങില്‍ അധ്യക്ഷയായി. പിഡബ്ല്യുഡി അസിസ്റ്റന്‍റ് എക്സിക്യുട്ടീവ് എന്‍ജിനീയര്‍ നിമേഷ്, ഇരിങ്ങാലക്കുട മുനിസിപ്പാലിറ്റി അസിസ്റ്റന്‍റ് എന്‍ജിനീയര്‍ ബിനു, സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍മാരായ അഡ്വ. ജിഷ ജോബി, അംബിക പള്ളിപ്പുറത്ത്, വിദ്യാകിരണം ജില്ലാ കൊ ഓഡിനേറ്റര്‍ എന്‍.കെ. രമേഷ്, പ്രിന്‍സിപ്പല്‍മാരായ കെ.ആര്‍. ഹേന, ബിന്ദു പി. ജോണ്‍, ഹെഡ്മിസ്ട്രസ്മാരായ കെ.എസ്. സുഷ, പി.എം. അസീന, പിടിഎ പ്രസിഡന്‍റ്് പി.കെ. അനില്‍കുമാര്‍, എസ്എംസി ചെയര്‍മാന്‍ എ.വി. ഷൈന്‍, ഒഎസ്എ പ്രതിനിധി അംബിക മുരളി എന്നിവര്‍ പങ്കെടുത്തു.

ക്ഷേത്രത്തിൽ ആനയെ പ്രതീകാത്മകമായി നടയിരുത്തി

ഗുരുവായൂർ: ക്ഷേത്രത്തിൽ പ്രതീകാത്മകമായി ആനയെ നടയിരുത്തി. മുംബൈ ചെമ്പൂർ ശങ്കരാചാര്യ ട്രസ്റ്റ് ഭാരവാഹി കലവായി മാമദേവേന്ദ്രയും ഭാര്യ സരസ്വതിയുമാണ് പ്രതീകാത്മക നടയിരുത്തൽ നിർവഹിച്ചത്. ഇതിനായി പത്തുലക്ഷം രൂപ ദേവസ്വത്തിലടച്ചു. രാവിലെ ശീവേലിക്ക് ശേഷമായിരുന്നു ചടങ്ങ്. ദേവസ്വത്തിലെ കൊമ്പൻ ജൂണിയർ വിഷ്ണുവിനെയാണ് പ്രതീകാത്മകമായി നടയിരുത്തിയത്. മേൽശാന്തി കെ.എം. അച്യുതൻ നമ്പൂതിരിയാണ് ചടങ്ങ് നിർവഹിച്ചത്. ദേവസ്വം ചെയർമാൻ ഡോ.വി.കെ. വിജയൻ, ക്ഷേത്രം ഊരാളൻ മല്ലിശേരി പരമേശ്വരൻ നമ്പൂതിരിപ്പാട്, അഡ്മിനിസ്ട്രേറ്റർ ഒ.ബി. അരുൺകുമാർ, ക്ഷേത്രം ഡിഎ പ്രമോദ് കളരിക്കൽ എന്നിവർ ചടങ്ങിൽ പങ്കെടുത്തു.

മദ്യലഹരിയില്‍ യുവാക്കളെ ആക്രമിച്ച കേസില്‍ രണ്ടുപേര്‍ അറസ്റ്റില്‍

പുതുക്കാട്: ആമ്പല്ലൂരില്‍ ബാറില്‍വച്ച് ഓട്ടോറിക്ഷ പുറകിലേക്ക് എടുക്കുന്നതുകണ്ട് ചിരിച്ചതിലുള്ള ദേഷ്യത്തില്‍ യുവാക്കളെ ആക്രമിച്ച രണ്ടുപേരെ പുതുക്കാട് പോലീസ് അറസ്റ്റ് ചെയ്തു. നിരവധി ക്രിമിനല്‍ കേസുകളില്‍ പ്രതികളായ കല്ലൂര്‍ കോട്ടായി സ്വദേശി ചിങ്ങിനിക്കാടന്‍വീട്ടില്‍ ഡെന്നീസ്, കല്ലൂര്‍ പാലയ്ക്കപറമ്പ് സ്വദേശി കോന്നത്തുപറമ്പില്‍ വീട്ടില്‍ രജീഷ് എന്നിവരാണ് അറസ്റ്റിലായത്. അമ്പല്ലൂര്‍ വട്ടണാത്ര സ്വദേശി കിഴക്കൂട്ട് വീട്ടില്‍ അഭിരാം, കല്ലൂര്‍ സ്വദേശി മണപ്പെട്ടി വീട്ടില്‍ നിധിന്‍ എന്നിവര്‍ക്കാണ് ആക്രമണത്തില്‍ പരിക്കേറ്റത്. ചൊവ്വാഴ്ച രാത്രിയിലായിരുന്നു കേസിനാസ്പദമായ സംഭവം. പ്രതികളെ സംഭവസ്ഥലത്തെത്തിച്ച് തെളിവെടുപ്പ് നടത്തി. കൊലപാതകം, കൊലപാതക ശ്രമം, കവര്‍ച്ച, മോഷണം, ജയിലില്‍ മൊബൈല്‍ ഫോണ്‍ ഉപയോഗിക്കല്‍ തുടങ്ങി പത്തോളം കേസുകളില്‍ പ്രതിയാണ് ഡെന്നീസ്. ഇയാള്‍ക്കെതിരേ പുതുക്കാട്, വരന്തരപ്പിള്ളി, ഒല്ലൂര്‍, പേരാമംഗലം, വിയ്യൂര്‍ പോലീസ് സ്റ്റേഷനുകളിലായി കേസുകളുണ്ട്. പുതുക്കാട് ഇന്‍സ്‌പെക്ടര്‍ മഹേന്ദ്ര സിംഹന്‍, എസ്‌ഐ എന്‍. പ്രദീപ്, സീനിയര്‍ സിപിഒമാരായ ഷമീര്‍, ഫൈസല്‍, സിപിഒ കിഷോര്‍ എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്.

വാർഷികവും കുടുംബസംഗമവും

പുന്നയൂർക്കുളം: മർച്ചന്‍റ്സ് അസോസിയേഷൻ വാർഷികവും കുടുംബ സംഗമവും നടത്തി. വ്യാപാരി വ്യവസായി ഏകോപനസമതി ജില്ലാ പ്രസിഡന്‍റ് കെ.വി. അബ്ദുൾ ഹമീദ് ഉദ്ഘാടനംചെയ്തു. യൂണിറ്റ് പ്രഡിഡന്‍റ് ലൂക്കോസ് തലക്കോട്ടൂർ അധ്യക്ഷതവഹിച്ചു. കുടുംബസുരക്ഷാ പദ്ധതിയായ ഭദ്രം, ഭദ്രം പ്ലസ്, ബെനവലന്‍റ് സൊസൈറ്റി എന്നിവയിൽനിന്നായി ആശ്രിതർക്ക് 18.5 ലക്ഷം രൂപയുടെ സഹായം വിതരണംചെയ്തു. മെഡിക്കൽ ഇൻഷൂറൻസ് പദ്ധതി വിശദികരിച്ചു. കവി ടി.എം. ഡെറി പോളിനെ നടൻ ശിവജി ഗുരുവായൂർ ആദരിച്ചു. വ്യാപാരികളുടെ മക്കളിൽ ഉന്നതവിജയം നേടിയ 16പേർക്ക് ഉപഹാരം നൽകി. ജില്ലാസെക്രട്ടറി എം.കെ. പോൾസൺ, നിയോജകമണ്ഡലം ജനറൽ കൺവീനർ ജോജി തോമസ്, വിവിധ യൂണിറ്റ് പ്രസിഡന്‍റുമാരായ ഷാജൻ വാഴ പ്പുള്ളി, ഉണ്ണികൃഷ്ണൻ, ലിയോൺ വാഴപ്പുളളി, ഒ. ഏനു എന്നിവർ പ്രസംഗിച്ചു.

പോലീസുകാർക്കെതിരേ കേസെടുക്കാന്‌ കോടതി വിധി

കുന്നംകുളം: യൂത്ത് കോൺഗ്രസ് ചൊവ്വന്നൂർ മണ്ഡലം പ്രസിഡന്‍റ് വി.എസ്. സുജിത്തിനെ മർദിക്കുകയും പരിക്കേൽപ്പിക്കുകയുംചെയ്ത സംഭവത്തിൽ കുന്നംകുളം പോലീസ് സ്റ്റേഷനിലെ നാലു പോലീസുകാർക്കെതിരേ കേസെടുത്ത് കുന്നംകുളം ഫസ്റ്റ്ക്ലാസ് ജുഡീഷ്യൽ മജിസ്ട്രേറ്റ് കോടതിയുടെ ഉത്തരവ്. വളരെ അപൂർവമായ നടപടികളിലൂടെയാണ് കോടതി പോലീസുകാരെ പ്രതികളാക്കി കേസെടുക്കുന്നത്. 2023 ഏപ്രിൽ അഞ്ചിന് ചൊവ്വന്നൂരിൽവച്ച് വഴിയരികിൽനിന്ന സുഹൃത്തുക്കളെ പോലീസ് ഭീഷണിപ്പെടുത്തുന്നത് ശ്രദ്ധയിൽപ്പെട്ട സുജിത്ത് കാര്യം തിരക്കുകയും ഇത് ഇഷ്ടപ്പെടാതിരുന്ന കുന്നംകുളം സ്റ്റേഷനിലെ എസ്ഐ നുഹ‌്മാൻ, സുജിത്തിനെ സ്റ്റേഷനിലേക്ക് കൊണ്ടുപോവുകയും തുടർന്ന് എസ്ഐയും സിപിഒമാരായ ശശിന്ദ്രൻ, സന്ദീപ്, സജീവൻ എന്നിവർ ദേഹോപദ്രവം ഏൽപ്പിക്കുകയുമായിരുന്നു. മദ്യപിച്ച് പ്രശ്നമുണ്ടാക്കി, പോലീസിനെ ഉപദ്രവിച്ചു, കൃത്യനിർവഹണം തടസപ്പെടുത്തിയെന്ന് വ്യാജ എഫ്ഐആര്‌ ഉണ്ടാക്കി സുജിത്തിനെ ജയിലിലടയ്ക്കാനായിരുന്നു പോലീസ് നീക്കം. എന്നാൽ വൈദ്യ പരിശോധനയിൽ സുജിത്ത് മദ്യപിച്ചിട്ടില്ല എന്ന് മനസിലാക്കിയ ചാവക്കാട് മജിസ്ട്രേറ്റ് കോടതി സുജിത്തിന് ജാമ്യം അനുവദിച്ചു. തുടർന്ന് കോടതിയുടെ നിർദേശാനുസരണം വൈദ്യപരിശോധനയിൽ പോലീസ് അക്രമണത്തിൽ സുജിത്തിന്‍റെ ചെവിക്ക് തകരാർ സംഭവിച്ചു എന്നു തെളിഞ്ഞു. തുടർന്ന് സുജിത്ത് മുതിർന്ന പോലീസ് ഉദ്യോഗസ്ഥർക്കും മനുഷ്യാവകാശ കമ്മീഷനും പരാതിനൽകി. ഉന്നത പോലീസ് ഉദ്യോഗസ്ഥരുടെ അന്വേഷണത്തിൽ സുജിത്തിനെ അഞ്ചു പോലീസുകാർചേർന്ന് മർദിക്കുന്ന സിസിടിവി ദൃശ്യങ്ങളും ലഭ്യമായി. പോലീസിനെതിരേ സുജിത്ത് നടത്തിയ നിയമപോരാട്ടങ്ങൾക്കൊടുവിലാണ് പോലീസുകാർക്കെതിരേ കേസ് രജിസ്റ്റർ ചെയ്യുന്നതിന് കുന്നംകുളം ഒന്നാം ക്ലാസ് ജുഡീഷണൽ മജിസ്ട്രേറ്റ് എൽ. ജയന്ത് ഉത്തരവിട്ടത്. സുജിത്തിനുവേണ്ടി കുന്നംകുളം ബ്ലോക്ക്‌ കോൺഗ്രസ്‌ പ്രസിഡന്‍റ്കൂടിയായ അഡ്വ.സി.ബി. രാജീവ്‌ ഹാജരായി. പോലീസുകാർതന്നെ പ്രതികളായ കേസായതിനാൽ കോടതിയുടെ നേരിട്ടുള്ള നിയന്ത്രണത്തിലായിരിക്കും കേസിന്‍റെ തുടർനടപടികൾ.

ആക്ട്സ് തൃശൂരിന്‍റെ അഭിമാനം: കളക്ടർ

വടക്കാഞ്ചേരി: ജീവൻരക്ഷാ രംഗത്ത് മഹനീയ മാതൃകതീർത്ത തൃശൂരിന്‍റെ അഭിമാനമാണ് ആക്ട്സെന്ന് ജില്ലാ കളക്ടർ അർജുൻ പാണ്ഡ്യൻ പറഞ്ഞു. ആക്ട്സ് രജതജൂബിലിയോടനുബന്ധിച്ച് നിർധനരോഗികൾക്കുവേണ്ടിയുള്ള സൗജന്യ ഡയാലിസിസ് കെയർ ആംബുലൻസ് സർവീസിന്‍റെ ഉദ്ഘാടനം നിർവഹിച്ചു സംസാരിക്കുകയായിരുന്നു കളക്ടർ. വി.വി. ഫ്രാൻസിസ് അധ്യക്ഷതവഹിച്ചു. സേവ്യർ ചിറ്റിലപ്പിള്ളി എംഎൽഎ മുഖ്യപ്രഭാഷണം നടത്തി. നഗരസഭ ചെയർമാൻ പി.എൻ. സുരേന്ദ്രൻ സ്വപ്നസൗധം ഭവന നിർമാണപദ്ധതിയുടെ ഗുണഭോക്താക്കൾക്ക് ഓഫർലെറ്റർ വിതരണംചെയ്തു. ചടങ്ങിൽ വ്യാപാരി വ്യവസായി ഏകോപനസമിതി ജില്ലാ പ്രസിഡന്‍റ് കെ. വി. അബ്ദുൾഖാദറിന് 'ഭദ്രപഥം' അവാർഡ് സമർപ്പിച്ചു. മാധ്യമ പ്രവർത്തനത്തിന് അവാർഡ് നേടിയ വടക്കാഞ്ചേരി പ്രസ് ക്ലബ് അംഗങ്ങളായ ടി.ഡി. ഫ്രാൻസിസ്, ശിവപ്രസാദ് പട്ടാമ്പി എന്നിവരെ ആദരിച്ചു. കൗൺസിലർ പി.എൻ. വൈശാഖ്, ആക്ട്സ് ജില്ലാ വൈസ് പ്രസിഡന്‍റ് സി. ആർ. വത്സൻ, ബ്രാഞ്ച് രക്ഷാധികാരി അജിത്കുമാർ മല്ലയ, ട്രഷറർ വി. അനിരുദ്ധൻ, സെക്രട്ടറി കെ.എം. അബ്ദുൾ സലീം, സിബിൻ ജോണി, കെ.ബി. ഷംസുദ്ധീൻ എന്നിവർ സംസാരിച്ചു.

അന്വേഷണം ആവശ്യപ്പെട്ട് കൊടകര ബ്ലോക്ക് പഞ്ചായത്ത്

പുതുക്കാട്: താലൂക്ക് ആശുപത്രിയിലെ ഐസൊലേഷൻ വാർഡിന്‍റെ സീലിംഗ് തകർന്ന സംഭവത്തിൽ അന്വേഷണംനടത്താൻ സർക്കാരിനോട് ആവശ്യപ്പെടുമെന്ന് കൊടകര ബ്ലോക്ക് പഞ്ചായത്ത് പ്രസിഡന്‍റ് കെ.എം. ചന്ദ്രൻ. പുതുക്കാട് വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. ഇതുമായി ബന്ധപ്പെട്ട് ബ്ലോക്ക് പഞ്ചായത്ത് യോഗത്തിൽ തീരുമാനമായതായും അദ്ദേഹം പറഞ്ഞു. സീലിംഗ് തകർന്നതിലുണ്ടായ നഷ്ടം കരാർ കമ്പനിയിൽനിന്ന് ഈടാക്കാനും തീരുമാനമായി. ബ്ലോക്ക് പഞ്ചായത്തിന്‍റെ കീഴിലുള്ള താലൂക്ക് ആശുപത്രിയിലെ ഐസൊലേഷൻ വാർഡ് ബ്ലോക്ക് പഞ്ചായത്തിന് കൈമാറുന്നതിനുള്ള നടപടികൾ സ്വീകരിക്കാൻ സർക്കാരിനോട് ആവശ്യപ്പെടും. കഴിഞ്ഞദിവസമാണ് ഐസൊലേഷൻ വാർഡിന്‍റെ മുൻവശത്തെ സീലിംഗ് കാറ്റിൽവീണത്. വാർഡിൽ നടക്കുന്ന വൈദ്യുതീകരണത്തിന്‍റെ നിർമാണ പ്രവർത്തനങ്ങൾക്കിടെയാണ് ഇത് സംഭവിച്ചതെന്നും അദ്ദേഹം പറഞ്ഞു. ചെറിയതോതിലുള്ള പോരായ്മകൾ വലുതാക്കി, ജില്ലയിലെതന്നെ മികച്ച രീതിയിൽ പ്രവർത്തിക്കുന്ന താലൂക്ക് ആശുപത്രിയെ മോശമായി ചിത്രീകരിക്കാനും സർക്കാർ ആശുപത്രികളിൽ ജനങ്ങൾക്കുള്ള വിശ്വാസം ഇല്ലാതാക്കി സ്വകാര്യ ആശുപത്രികൾക്ക് നേട്ടമുണ്ടാക്കാനുമാണ് ചിലർ ശ്രമിക്കുന്നതെന്നും കെ.എം. ചന്ദ്രൻ പറഞ്ഞു.

തിരുവില്വാമല കുടുംബാരോഗ്യകേന്ദ്രം : വികസനം വാക്കില്‌മാത്രം

തിരുവില്വാമല: കുടുംബാരോഗ്യകേന്ദ്രത്തിൽ എക്സ് റേ യൂണിറ്റ്, ക്വാർട്ടേഴ്സ്, രാത്രികാല സേവനം തുടങ്ങിയ സൗകര്യങ്ങൾ കടലാസിനും വാക്കിലും ഒതുങ്ങുന്നു. അപകടാവസ്ഥയിലായ ക്വാർട്ടേഴ്സ് കെട്ടിടം പൊളിച്ചു ഇവിടെ കൂടുതൽ സൗകര്യങ്ങൾ ഒരുക്കുമെന്നൊക്കെ അധികൃതർ പറഞ്ഞിരുന്നെങ്കിലും ആശുപത്രി തരംതാഴ്ത്തി ഉള്ളസൗകര്യങ്ങൾ ഇല്ലാതാകുന്ന അവസ്ഥയാണിവിടെ. ക്വാട്ടേഴ്സ് കെട്ടിടങ്ങൾ വീഴുന്നതിനുമുമ്പ് പൊളിച്ചെങ്കിലും ആ സ്ഥാനത്ത് എക്സ്റേ യൂണിറ്റിനു പകരം മാലിന്യം സൂക്ഷിക്കാനുള്ള ഷെഡാണ് പണിതത്. ബാക്കി ആശുപത്രി കെട്ടിടത്തോടുചേർന്ന ഭാഗം കാടുപിടിച്ചു കിടക്കുകയാണ്. മാലിന്യം സംസ്കരിക്കാനുള്ള ഇൻസിനറേറ്റർ കുഴൽപൊട്ടി നാളുകളായി ഉപയോഗശൂന്യമാണ്. ഇവിടത്തെ പ്ലാസ്റ്റിക് മാലിന്യങ്ങൾ ഇടയ്ക്കൊക്കെ കൊണ്ടുപോകാറുണ്ടെങ്കിലും ബാക്കിയുള്ളവ ആശുപത്രിവളപ്പിൽതന്നെ കത്തിക്കുകയാണ് പതിവെന്ന് പരിസരവാസികൾ പറയുന്നു. ബ്ലോക്ക് പഞ്ചായത്തിന് കീഴിലുള്ള ആശുപത്രി തരംതാഴ്ത്തിയതോടെ ഓഫീസും ഫയലുകളും ഇവിടെനിന്ന് കൊണ്ടുപോയി. വണ്ടിയും ഡ്രൈവറുമടക്കം ബ്ലോക്ക് തലത്തിലുള്ള ഉദ്യോഗസ്ഥരെയും ഇവിടെനിന്നുമാറ്റി . ആശുപത്രി തരംതാഴ്ത്തിയ ഉത്തരവ് പുനഃപരിശോധിക്കണമെന്നാവശ്യപ്പെട്ട് മന്ത്രിയായിരുന്ന കെ. രാധാകൃഷ്ണന് നാട്ടുകാർ പരാതി നൽകിയിരുന്നു. ജില്ലയുടെ വടക്കേ അറ്റത്തു പാലക്കാട് ജില്ലയോടുചേർന്നുള്ള ആരോഗ്യകേന്ദ്രത്തിൽ നിലവിൽ രാത്രിയിൽ ഡോക്ടറുടെ സേവനം ലഭ്യമല്ല. ഇതിനിടെയായിരുന്നു തരംതാഴ്ത്തൽ നടപടി. തിരുവില്വാമലയിലേയും പരിസരപ്രദേശങ്ങളിലേയും സാധാരണക്കാരായ രോഗികളുടെ ഏക ആശ്രയമാണ് ഈ ആരോഗ്യകേന്ദ്രം. രാവിലെ ഒ.പി. വിഭാഗത്തിൽ നല്ല തിരക്കാണ്. എന്നാൽ ആറുമണി കഴിഞ്ഞാൽ രോഗികൾ ഉണ്ടെങ്കിലും ഡോക്ടറുടെ സേവനം ലഭ്യമല്ല. പ്രാഥമിക ആരോഗ്യകേന്ദ്രങ്ങളായിരുന്ന സർക്കാർ ആശുപത്രികളെല്ലാം സൗകര്യങ്ങള്‌, ജീവനക്കാരുടെ എണ്ണം എന്നിവ കൂട്ടിയപ്പോൾ ഇവിടെ ഉണ്ടായിരുന്ന സൗകര്യങ്ങൾ കുറയുന്ന അവസ്ഥയാണ്.

മൂന്നുപീടികയിൽ സവാള കയറ്റിവന്ന ലോറിയും കാറും കൂട്ടിയിടിച്ചു

മൂന്നുപീടിക: ദേശീയപാത 66 മൂന്നുപീടികയിൽ കാറും ലോറിയും കൂട്ടിയിടിച്ച് കാർ യാത്രക്കാരായ രണ്ടുപേർക്കു പരിക്ക്. ഡ്രൈ വർ ചാവക്കാട് അകലാട് സ്വദേശി വെണ്ടാട്ടിൽ റഫീക്ക് (48), മണത്തല സ്വദേശി റജബ് മൻസിലിൽ ഫർഹാൻ (18) എന്നിവർക്കാണു പരിക്കേറ്റത്. ഇവരെ മൂന്നുപീടികയിലെ ഫസ്റ്റ് എയ്‌ഡ് ആംബുലൻസ് പ്രവർത്തകർ കൊടുങ്ങല്ലൂരിലെ ആശുപത്രിയിൽ പ്രവേശിപ്പിച്ചു. ഇന്നലെ പുലർച്ചെ നാലോടെ മൂന്നുപീടിക സെന്‍ററിനു തെക്കുഭാഗത്താണ് അപകടമുണ്ടായത്. നെടുമ്പാശേരി വിമാനത്താവളത്തിൽനിന്നും ചാവക്കാട്ടേയ്ക്കു പോയിരുന്ന കാറും സവാള കയറ്റി എറണാകുളം ഭാഗത്തേയ്ക്കുപോയിരുന്ന ചരക്കുലോറിയുമാണ് അപകടത്തിൽപ്പെട്ടത്. കാറിന്‍റെ മുൻഭാഗം പൂർണമായും തകർന്നിട്ടുണ്ട്. കയ്പമംഗലം പോലീസ് സ്ഥലത്തെത്തിയിരുന്നു.

ബിജെപി മാർച്ച് തടയാൻ പോലീസ് ഏർപ്പെടുത്തിയ സന്നാഹം ജനത്തെ വലച്ചു

കൊടുങ്ങല്ലൂർ: ബിജെപി മാർച്ചിനെ തുടർന്ന് നഗരത്തിൽ പൊലീസ് ഏർപ്പെടുത്തിയ നിയന്ത്രണത്തിൽ ജനം വലഞ്ഞു. നഗരസഭയിലെ വിവിധ ആവശ്യങ്ങൾ ഉയർത്തിയാണ് ബിജെപി ഇന്നലെ നഗരസഭ ഓഫീസ് മാർച്ച് നടത്തിയത്. എന്നാൽ രാവിലെത്തന്നെ നഗരത്തിലേക്കുള്ള വാഹന ഗതാഗതത്തിന് പോലീസ് നിയന്ത്രണം ഏർപ്പെടുത്തിയതോടെ വിദ്യാർഥികൾ ഉൾപ്പെടെയുള്ള യാത്രക്കാർ ബുദ്ധിമുട്ടിലായി. ചന്തപ്പുരയിൽനിന്നും വടക്കേനട വഴിയുള്ള ഗതാഗതം പൂർണമായും നിരോധിച്ചു. വടക്കേ നടയിൽ ഗേൾസ് ഹയർ സെക്കൻഡറി സ്കൂളിനു സമീപം സമരക്കാരെ നേരിടാൻ ബാരിക്കേഡുകൾ ഉയർത്തിയതോടെ ഈ വഴിക്കുള്ള കാൽ നടയാത്രപോലും തടസപ്പെട്ടു. തൃശൂരിൽ നിന്നും വന്ന ബസുകളെല്ലാം കാവിൽക്കടവിൽ സർവീസ് അവസാനിപ്പിക്കേണ്ടിവന്നു. തൃശൂരിലേക്കു പോകേണ്ട യാത്രക്കാർ നഗരത്തിൽ ബസില്ലാതെ പലയിടങ്ങളിലായി വലഞ്ഞു. വാഹനങ്ങൾ തെക്കേനടയിലേക്ക് വരുന്നതിനും നിയന്ത്രണം ഏർപ്പെടുത്തി. താലൂക്ക് ആശുപത്രിയിലേക്കും ആശുപത്രിയിൽനിന്ന് തിരിച്ചും പോകേണ്ടിയിരുന്ന ആംബുലൻസുകളും വഴിമാറി സഞ്ചരിക്കേണ്ടിവന്നു. കനത്ത പോലീസ് ബന്തവസിലായിരുന്നു നഗരം. അക്ഷരാർഥത്തിൽ നഗരത്തിലേക്കുവന്ന പൊതുജനങ്ങളെയും വാഹനങ്ങളെയും മൂന്നു മണിക്കൂറോളം പോലീസ് തടയുകയായിരുന്നു. ബിജെപി മാർച്ചിനെതിരെ പോ ലീസ് നടത്തിയ ഉപരോധം മൂന്നുമണിക്കൂർ നേരത്തേയ്ക്ക് കൊടുങ്ങല്ലൂരിന്‍റെ ഗതാഗതവും ജനജീവിതവും സ്തംഭിപ്പിച്ചതിൽ സ്വാസ്ഥ്യം ആരോഗ്യപരിസ്ഥിതിക്കൂട്ടായ്മ ശക്തിയായി പ്രതിഷേധിച്ചു.

ആരോഗ്യമേഖല ഇങ്ങനെപോയാൽ ജീവനുകൾ ഇനിയും പൊലിയും: അഡ്വ. ജോസഫ് ടാജറ്റ്

തൃശൂർ: കേരളം ഭരിക്കുന്ന മന്ത്രിമാരുടെ കെടുകാര്യസ്ഥതയുടെ രക്തസാക്ഷിയാണു കോട്ടയം മെഡിക്കൽ കോളജിൽ കെട്ടിടം തകർന്നുവീണു മരിച്ച ബിന്ദുവെന്ന് ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. ആരോഗ്യമേഖലയോടുള്ള സർക്കാർ അവഗണനയ്ക്കും അനാസ്ഥയ്ക്കുമെതിരേ ആരോഗ്യമന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് കോണ്‍ഗ്രസ് സംഘടിപ്പിച്ച ധർണയുടെ ജില്ലാതല ഉദ്ഘാടനം തൃശൂർ ജനറൽ ആശുപത്രിക്കു മുന്നിൽ നിർവഹിക്കുകയായിരുന്നു അദ്ദേഹം. സംസ്ഥാനത്തെ ആരോഗ്യമേഖല ഇങ്ങനെ മുന്നോട്ടുപോയാൽ നിരവധി മനുഷ്യജീവനുകൾ ഇനിയും പൊലിയും. നാടിന്‍റെ ഹൃദയമിടിപ്പായ ആരോഗ്യമേഖലയെ എൽഡിഎഫ് സർക്കാർ സ്വാഭാവികമരണത്തിലേക്കു തള്ളിവിട്ടിരിക്കുകയാണ്. തെറ്റു ചൂണ്ടിക്കാട്ടിയ ഡോ. ഹാരിസ് ചിറക്കലിനെ മുഖ്യമന്ത്രി ഉൾപ്പെടെയുള്ള എൽഡിഎഫ് നേതാക്കൾ സംഘംചേർന്ന് ആക്രമിക്കുന്നതു കുറ്റബോധം കൊണ്ടാണെന്നും ടാജറ്റ് പറഞ്ഞു. തൃശൂർ ബ്ലോക്ക് പ്രസിഡന്‍റ് ഫ്രാൻസിസ് ചാലിശേരി അധ്യക്ഷത വഹിച്ചു. ടി.വി. ചന്ദ്രമോഹൻ, ഐ.പി. പോൾ, രാജൻ പല്ലൻ, ബൈജു വർഗീസ്, പി. ശിവശങ്കരൻ, കെ.എച്ച്. ഉസ്മാൻ ഖാൻ, എം.എസ്. ശിവരാമകൃഷ്ണൻ, രവി ജോസ് താണിക്കൽ, സുബി ബാബു, ജേക്കബ് പൂലിക്കോട്ടിൽ, കെ. ഗോപാലകൃഷ്ണൻ, അഡ്വ. ആശിഷ് മൂത്തേ ടത്ത്, മുകേഷ് കൂളപ്പറന്പിൽ, മേഴ്സി അജി, ലീല, സിന്ധു ആന്‍റോ ചാക്കോള, റെജി ജോയ്, ആൻസി ജേക്കബ് എന്നിവർ പങ്കെടുത്തു. വിവിധ ബ്ലോക്കുകളിൽ താലൂക്ക്, സർക്കാർ ആശുപത്രികൾക്കു മുന്നിൽ പ്രതിഷേധ ധർണ സംഘടിപ്പിച്ചിരുന്നു.

തൃശൂർ - കുറ്റിപ്പുറം റോഡ് നിർമാണം ജില്ലാകളക്ടർ വിലയിരുത്തി

തൃശൂർ: കെഎസ്ടിപി ഏറ്റെടുത്തു നടത്തുന്ന തൃശൂർ-കുറ്റിപ്പുറം റോഡിന്‍റെ നിർമാണപുരോഗതി ജില്ല കളക്ടർ അർജുൻ പാണ്ഡ്യൻ വിലയിരുത്തി. ഏറ്റവും കൂടുതൽ ഗതാഗതപ്രശ്നം നേരിടുന്ന മുതുവറ മുതൽ പൂങ്കുന്നം വരെയുള്ള ഭാഗത്താണു സന്ദർശനം നടത്തിയത്. മൂന്നു കിലോമീറ്റർ നടന്നാണ് ഓരോ സ്ഥലത്തെയും നിർമാണം വിലയിരുത്തിയത്. പൂങ്കുന്നം മൈനർ പാലത്തിന്‍റെ നിർമാണം പൂർത്തിയാക്കി ക്യൂറിംഗ് ഘട്ടത്തിലാണ്. കൽവെർട്ടിന്‍റെ നിർമാണം പൂർത്തിയായാൽ ഒരാഴ്ചയ്ക്കകം പൂങ്കുന്നം-പുഴയ്ക്കൽ റോഡിന്‍റെ ഇരുവശവും തുറന്നുകൊടുക്കുമെന്ന് കെഎസ്ടിപി അധികൃതർ പറഞ്ഞു. പുഴയ്ക്കൽ മുതൽ മുതുവറ വരെ വലതുവശത്തെ കോണ്‍ക്രീറ്റ് പ്രവൃത്തികൾ ഈ മാസം അവസാനത്തോടെ പൂർത്തിയാക്കി ഗതാഗതയോഗ്യമാക്കും. ഇരുവശങ്ങളും ഓഗസ്റ്റ് അവസാനത്തോടെ പൂർത്തിയാക്കി ഗതാഗതത്തിനു തുറന്നുകൊടുക്കുമെന്നും കെഎസ്ടിപി ജില്ലാ കളക്ടറെ അറിയിച്ചു. കനത്ത മഴയും പ്രതികൂല കാലാവസ്ഥയും കാരണമാണു പുഴയ്ക്കൽ ശോഭാസിറ്റിക്കു സമീപമുള്ള പാലത്തിന്‍റെ നിർമാണം പുനരാരംഭിക്കാൻ കഴിയാത്തത്. ഓരോ അബട്ട്മെന്‍റിനും ചുറ്റും റിംഗ് ബണ്ട് നിർമിച്ചുമാത്രമേ നിർമാണം നടത്താൻ കഴിയൂ. മഴ കുറഞ്ഞാൽ ഓഗസ്റ്റിൽ പാലം നിർമാണം പൂർത്തിയാക്കും. പുഴയ്ക്കൽ ടൊയോട്ട ജംഗ്ഷൻ മുതൽ നെസ്റ്റോ വരെയുള്ള ഭാഗത്തു വലതുവശത്ത് ഷോൾഡർ പ്രൊട്ടക്്ഷൻ ജോലികളും ഫുട്പാത്ത് നിർമാണവും ഇതുഭാഗത്തു ഡ്രെയിനേജ്, മീഡിയൻ നിർമാണവും ഉടൻ ആരംഭിക്കും. തൃശൂർ - കുറ്റിപ്പുറം റോഡിന്‍റെ മറ്റു ഭാഗങ്ങളിലെ നിർമാണപ്രവൃത്തികളും രാപ്പകൽ പുരോഗമിക്കുന്നെന്നും ഉദ്യോഗസ്ഥർ അറിയിച്ചു. മുതുവറ മുതൽ പുഴക്കൽ വരെയുള്ള കുഴികൾ അടിയന്തരമായി അടക്കാൻ കളക്ടർ നിർദേശം നൽകി. കഐസ്ടിപി എഇ കെ.എം. മനോജ്, കണ്‍സ്ട്രക്്ഷൻ പ്രോജക്ട് മാനേജർ ശ്രീരാജ് എന്നിവരും കളക്ടർക്കൊപ്പമുണ്ടായി.

മാര്‍ ജെയിംസ് പഴയാറ്റില്‍ വിനയവും സ്നേഹവും വിശുദ്ധിയും മുഖമുദ്രയാക്കി: മാര്‍ പൊഴോലിപ്പറമ്പില്‍

ഇരിങ്ങാലക്കുട: വിനയവും സ് നേഹവും വിശുദ്ധിയും നിരന്തര പ്രാ‌ര്‍ഥനയും മുഖമുദ്രയാക്കിയ, ദൈവതിരുമനസിനു പൂര്‍ണമായും കീഴ്‌വഴങ്ങിയ ഇടയശ്രേഷ്ഠനായിരുന്നു ബിഷപ് മാര്‍ ജെയിംസ് പഴയാറ്റിലെന്ന് ഹൊസൂര്‍ രൂപത ബിഷപ് മാര്‍ സെബാസ്റ്റ്യന്‍ പൊഴോലിപ്പറമ്പില്‍. രൂപതയുടെ പ്രഥമ ബിഷപ് മാര്‍ ജെയിംസ് പഴയാറ്റിലിന്‍റെ ഒമ്പതാം ചരമവാര്‍ഷിക അനുസ്മരണബലിക്കിടെ സന്ദേശം നൽകുകയായിരുന്നു ബിഷപ്. പഴയാറ്റി ൽ പിതാവ് എപ്പോഴും സന്തോഷവാനായിരുന്നു. അതിനുകാരണം പഞ്ചശീലങ്ങള്‍ അദ്ദേഹം അഭ്യസിച്ചിരുന്നു- ബിഷപ് കൂട്ടിച്ചേര്‍ത്തു. വികാരി ജനറാള്‍മാരായ മോണ്‍. ജോസ് മാളിയേക്കല്‍, മോണ്‍. വില്‍സന്‍ ഈരത്തറ, മോണ്‍. ജോളി വടക്കന്‍, കത്തീഡ്രല്‍ വികാരി റവ. ഡോ. ലാസര്‍ കുറ്റിക്കാടന്‍ തുടങ്ങിയവര്‍ സഹകാര്‍മികരായിരുന്നു. രൂപതയിലെ ഇടവകകളില്‍ നിന്നുള്ള പാസ്റ്ററല്‍ കൗണ്‍സില്‍ അംഗങ്ങളും വൈദികരും സന്യസ്തരും പങ്കെടുത്തു. ദിവ്യബലിക്കുശേഷം കബറിടത്തില്‍ നടന്ന ശുശ്രൂഷകള്‍ക്കും ബിഷപ് മാര്‍ സെബാസ്റ്റ്യന്‍ പൊഴോലിപ്പറമ്പില്‍ നേതൃത്വം നല്‍കി.

സിപിഐ ജില്ലാസമ്മേളനം തുടങ്ങി

ഇരിങ്ങാലക്കുട: ഇന്‍ക്വിലാബിന്‍റെ ഇടിമുഴക്കത്തില്‍ ആയിരങ്ങള്‍ ഒരേശബ്ദമായി ഏറ്റുവിളിച്ച മുദ്രാവാക്യങ്ങള്‍ക്കിടെ സിപിഐ ഇരുപത്തിയഞ്ചാം പാര്‍ട്ടി കോണ്‍ഗ്രസിനു മുന്നോടിയായുള്ള തൃശൂര്‍ ജില്ലാ സമ്മേളനത്തിന് ഇരിങ്ങാലക്കുടയില്‍ ചെങ്കൊടി ഉയര്‍ന്നു. റെഡ് വോളന്‍റിയര്‍മാരുടെ അകമ്പടിയോടെ പതാക, ബാനര്‍, കൊടിമര ജാഥകള്‍ പൊതുസമ്മേളന നരിയില്‍ എത്തിച്ചേര്‍ന്നപ്പോള്‍ മുതിര്‍ന്ന നേതാവ് കെ. ശ്രീകുമാര്‍ പതാക ഉയര്‍ത്തി. തുടര്‍ന്ന് നടന്ന പൊതുസമ്മേളനം ദേശീയ കൗണ്‍സിലംഗമായ റവന്യൂമന്ത്രി കെ. രാജന്‍ ഉദ്ഘാടനം ചെയ്തു. സിപിഐ ജില്ലാ സെക്രട്ടറി കെ.കെ. വത്സരാജ് അധ്യക്ഷത വഹിച്ചു. സംഘാടക സമിതി കണ്‍വീനര്‍ ടി.കെ. സുധീഷ് സ്വാഗതം പറഞ്ഞു. സിപിഐ ദേശീയ എക്സിക്യൂട്ടീവ് അംഗങ്ങളായ കെ.പി. രാജേന്ദ്രന്‍, ദേശീയ കൗണ്‍സിലംഗങ്ങളായ സത്യന്‍ മൊകേരി, രാജാജി മാത്യു തോമസ്, സംസ്ഥാന എക്സിക്യൂട്ടീവ് അംഗങ്ങളായ സി.എന്‍. ജയദേവന്‍, എന്‍. രാജന്‍, സംസ്ഥാന കൗണ്‍സിലംഗങ്ങളായ വി.എസ്. സുനില്‍കുമാര്‍, വി.എസ്. പ്രിന്‍സ്, ഷീല വിജയകുമാര്‍, കെ.ജി. ശിവാനന്ദന്‍, കെ.പി. സന്ദീപ്, രാകേഷ് കണിയാംപറമ്പില്‍, ജില്ലാ അസി. സെക്രട്ടറിമാരായ പി. ബാലചന്ദ്രന്‍ എംഎല്‍എ, ടി.ആര്‍. രമേഷ്‌കുമാര്‍, സംഘാടക സമിതി ഭാരവാഹികളായ എന്‍.കെ. ഉദയപ്രകാശ്, പി. മണി തുടങ്ങിയവര്‍ പ്രസംഗിച്ചു. പ്രതിനിധി സമ്മേളനം ഇന്നു തുടങ്ങും ഇരിങ്ങാലക്കുട: സിപിഐ ജില്ലാസമ്മേളനത്തിന്‍റെ പ്രതിനിധി സമ്മേളനം ഇന്നു മുതല്‍ 13 വരെ നടക്കും. രാവിലെ 10ന് പി.കെ. ചാത്തന്‍മാസ്റ്റര്‍ നഗറില്‍ (മുനിസിപ്പല്‍ ടൗണ്‍ഹാള്‍) നടക്കുന്ന സമ്മേളനം സിപിഐ സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും. സംസ്ഥാന എക്സിക്യുട്ടീവ് അംഗം സി.എന്‍. ജയദേവന്‍ പതാക ഉയര്‍ത്തും. നേതാക്കളായ കെ.പി. രാജേന്ദ്രന്‍, പി.പി. സുനീര്‍, കെ. രാജന്‍, ജെ. ചിഞ്ചുറാണി, സത്യന്‍ മൊകേരി, മുല്ലക്കര രത്നാകരന്‍, എന്‍. രാജന്‍, സി.എന്‍. ജയദേവന്‍, രാജാജി മാത്യു തോമസ് തുടങ്ങിയവര്‍ പ്രസംഗിക്കും. ജില്ലയിലെ 17,827 പാര്‍ട്ടി അംഗങ്ങളെ പ്രതിനിധീകരിച്ച് 362 പ്രത്യേക ക്ഷണിതാക്കളും 21 ക്ഷണിതാക്കളും ഉള്‍പ്പടെ 395 പ്രതിനിധികള്‍ സമ്മേളനത്തില്‍ പങ്കെടുക്കും.

പാലത്തിൽനിന്ന് പുഴയിൽ ചാടിയ ആളുടെ മൃതദേഹം കിട്ടി

കാടുകുറ്റി: ഞർളക്കടവ് പാലത്തിൽനിന്ന് ചാലക്കുടി പുഴയിൽ ചാടിയ ആളുടെ മൃതദേഹം കിട്ടി. കണ്ടെടുത്ത മൃതദേഹം ശിൽപ്പിയും ചിത്രകാരനുമായ പുത്തൻചിറ ഉല്ലാസ് നഗറിൽ പണിക്കശേരി സുഗതന്‍റേ(53)താണെന്ന് സ്ഥിരീകരിച്ചു. പാലത്തിൽ നിന്ന് ഏകദേശം 400 മീറ്റർ അകലെ ഇന്നലെ രാവിലെ മൃതദേഹം പൊന്തുകയായിരുന്നു. വിവരമറിയിച്ചതിനെ തുടർന്ന് അഗ്നിരക്ഷാ സേന സ്ഥലത്തെത്തി മൃതദേഹം കരയ്ക്കെത്തിച്ച് പോലീസിനു കൈമാറി. തഹസിൽദാരും സ്ഥലത്തെത്തിയിരുന്നു. ഇക്കഴിഞ്ഞ ചൊവ്വാഴ്ച രാവിലെ ഒമ്പതരയോടെയാണ് കാടുകുറ്റി ഞർളക്കടവ് പാലത്തിൽ നിന്ന് ഇയാൾ ചാലക്കുടി പുഴയിലേക്ക് ചാടിയത്. തുടർന്ന് കഴിഞ്ഞ രണ്ടു ദിവസങ്ങളിലായി എൻഡിആർഎഫും, സ്കൂബ ടീമും ഫയർഫോഴ്സും ചാലക്കുടി പുഴയിൽ ഊർജിതമായ തെരച്ചിൽ നടത്തിയെങ്കിലും കണ്ടെത്താനായില്ല. ഇന്നലെ തെരച്ചിൽ തുടരാനിരിക്കെ ആയിരുന്നു പുഴയിൽ മൃതദേഹം പൊന്തിയത്. സംസ്കാരം നടത്തി. ഭാര്യ: സിമി.

തമിഴ്നാട്ടിൽ വാഹനാപകടം; ഗുരുവായൂരിൽ താമസിക്കുന്ന ഏഴുവയസുകാരി മരിച്ചു

ഗുരുവായൂർ: തമിഴ്നാട്ടിലെ പൊള്ളാച്ചിയിൽ ബുധനാഴ്ചയുണ്ടായ വാഹനാപകടത്തിൽ രണ്ടാം ക്ലാസുകാരി മരിച്ചു. കാസർകോഡ് സ്വദേശിയും ഗുരുവായൂർ മാവിൻചുവട് വാടകയ്ക്ക് താമസിക്കുന്ന മോംസ് കേഫ് ജീവനക്കാരനുമായ നീലേശ്വരം എളേരി കുന്നുക്കൈ അറയ്ക്കൽ വീട്ടിൽ സാബിറിന്‍റെ മകൾ സിയ ഫാത്തിമ (ഏഴ്) ആണ് മരിച്ചത്. ഗുരുവായൂർ ജിയുപി സ്കൂളിലെ രണ്ടാം ക്ലാസ് വിദ്യാർഥിനിയാണ്. ബുധനാഴ്ച കട അവധിയായതിനാൽ ഇവർ കുടുംബസമേതം തമിഴ്നാട്ടിലേക്ക് യാത്ര പോയതായിരുന്നു. കാർ നിയന്ത്രണം വിട്ട് താഴ്ചയിലേക്ക് മറിഞ്ഞാണ് അപകടം. മറ്റുള്ളവർക്കും പരിക്കേറ്റിട്ടുണ്ട്. മാതാവ്: ബുഷറ. സഹോദരങ്ങൾ: മുഹമ്മദ് സയാൻ(ജിയുപി സ്കൂൾ ഒന്നാംക്ലാസ് വിദ്യാർഥി), കൈകുഞ്ഞായ സുൽഫ.

പുതുക്കാട് സെന്‍റ് സേവ്യേഴ്സ് സ്‌കൂള്‍ പിടിഎ യോഗം

പുതുക്കാട്: സെന്‍റ് സേവ്യേഴ്സ് സിയുപിഎസ് വിദ്യാലയത്തിന്‍റെ അധ്യാപക രക്ഷാകർതൃയോഗം നിർമല പ്രൊവിൻസിലെ ഫെയ്ത്ത് ഫോർമേഷൻ കൗണ്‍സിലറായ സിസ്റ്റർ മേഴ്സി പോൾ ഉദ്ഘാടനം ചെയ്തു. പിടിഎ പ്രസിഡന്‍റ് വി.ജി. ഡാനിയൽ അധ്യക്ഷത വഹിച്ചു. പുതുക്കാട് എസ്ഐ മാതാപിതാക്കൾക്കായി ലഹരിവിരുദ്ധബോധവത്കരണ ക്ലാസ് പ്രദീപ് നൽകി. കെയർ ആൻഡ് സേഫ് സ്ഥാപനത്തിന്‍റെ സിഇഒ ശങ്കർ അയ്യറിന്‍റെ നേതൃത്വത്തിൽ കാൻസർ ബോധവത്കരണ ക്ലാസ് സംഘടിപ്പിച്ചു. ഹെഡ്മിസ്ട്രസ് സിസ്റ്റർ വന്ദന മാതാപിതാക്കൾക്ക് മാർഗനിർദേശങ്ങൾ നൽകി. പുതിയ അധ്യയനവർഷത്തേക്കുള്ള പിടിഎ കമ്മിറ്റി രൂപീകരിച്ചു. സ്റ്റാഫ് പ്രതിനിധി മരിയ മാത്യു നന്ദി പറഞ്ഞു.

പുറ്റേക്കര സെന്‍റ് ജോർജസ് എച്ച്എസ്എസിൽ വിജയോത്സവം സംഘടിപ്പിച്ചു

കൈപ്പറന്പ്: പുറ്റേക്കര സെന്‍റ് ജോർജസ് ഹയർ സെക്കൻഡറി സ്കൂളിൽ വിജയോത്സവം മികവ് 2025 സംഘടിപ്പിച്ചു. ദേശീയ പഞ്ചഗുസ്തിയിൽ സ്വർണമെഡൽ നേടിയ ആൻറിയ ജോണിനെയും എസ്എസ്എൽസി, പ്ലസ്ടു, യുഎസ്എസ്, പരീക്ഷകളിൽ ഉന്നതവിജയം നേടിയവർക്കുള്ള അനുമോദനച്ചടങ്ങും ആലത്തൂർ എംപി കെ. രാധാകൃഷ്ണൻ ഉദ്ഘാടനംചെയ്തു. പിടിഎ പ്രസിഡന്‍റ് ഒ.കെ. ഗ്ലെഷിൻ അധ്യക്ഷത വഹിച്ചു. കൈപ്പറന്പ് ഗ്രാമപഞ്ചായത്ത് പ്രസിഡന്‍റ് കെ.കെ. ഉഷാദേവി, മുൻ പ്രധാനാധ്യാപിക ജയലത കെ. ഇഗ്നേഷ്യസ് എന്നിവർ മുഖ്യാതിഥികളായി. സ്കൂൾ പ്രിൻസിപ്പൽ ബിനു ടി. പനയ്ക്കൽ, പ്രധാനാധ്യാപിക എം. നിർമലാദേവി, വാർഡ് മെന്പറും ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സനുമായ ലിന്‍റി ഷിജു, സ്കൂൾ മാനേജർ ബാബു ജി. മേക്കാട്ടുകുളം, ഗോസാ പ്രസിഡന്‍റ് സി.പി. ജോസ്, മുൻ പുഴക്കൽ ബ്ലോക്ക് പഞ്ചായത്ത് പ്രസിഡന്‍റ് സി.വി. കുര്യാക്കോസ്, പിടിഎ വൈസ് പ്രസിഡന്‍റ് സിജോ ഒൗസേഫ് എന്നിവർ ആശംസകൾ അർപ്പിച്ചു.

അപകടഭീഷണി ഒഴിയാതെ വടക്കാഞ്ചേരി ബൈപാസ്

വടക്കാഞ്ചേരി: അപകട ഭീഷണി ഒഴിയാതെ തൃശൂർ -ഷൊർണൂർ സംസ്ഥാനപാതയിൽ വടക്കാഞ്ചേരി റെയിൽവേ മേൽപാലം ബൈപാസ്. കുന്നിടിച്ചുനിർമിച്ച ബൈപാസിന്‍റെ പാറക്കെട്ടുകൾ നിറഞ്ഞ കുത്തനെയുള്ള ഭാഗം ഇടിഞ്ഞുവീഴുമോയെന്ന ഭീതിയിലാണ് നാട്ടുകാർ. കുന്നിൻമുകളിൽ പടർന്നുപന്തലിച്ച കൂറ്റൻ വൃക്ഷങ്ങളും വേരിളകി സംസ്ഥാനപാതയിലേക്ക് വീഴാവുന്ന സ്ഥിതിയാണുള്ളത്. അധികൃതർ ഇടപ്പെട്ട് വിഷയം പരിഹരിക്കണമെന്നാണു നാട്ടുകാരുടെ ആവശ്യം. കഴിഞ്ഞതവണ ഇടിഞ്ഞുവീണ കല്ലുംമണ്ണും മരങ്ങളും ഇതുവരെ നീക്കംചെയ്യാൻ അതികൃതർക്കു കഴിഞ്ഞിട്ടില്ല. സംഭവം ജില്ലാ കളക്ടറുടെ ശ്രദ്ധയിൽപ്പെടുത്തുമെന്ന് പൊതുപ്രവർത്തകൻ വി. അനിരുദ്ധൻ പറഞ്ഞു.

പുതുക്കാട് താലൂക്ക് ആശുപത്രിയിൽ പ്രതിപക്ഷത്തെ തടഞ്ഞു; പ്രതിഷേധം

പുതുക്കാട്: താലൂക്ക് ആശുപത്രിയിലെ ഐസൊലേഷൻ വാർഡിന്‍റെ സീലിംഗ് തകർന്നുവീണതു സന്ദർശിക്കാനെത്തിയ ബ്ലോക്ക് പഞ്ചായത്ത് പ്രതിപക്ഷാംഗങ്ങൾക്ക് വാർഡ് തുറന്നുനൽകാതിരുന്നതു പ്രതിഷേധത്തിനിടയാക്കി. ബ്ലോക്ക് പഞ്ചായത്ത് പ്രതിപക്ഷനേതാവ് പോൾസണ്‍ തെക്കുംപീടിക, അംഗങ്ങളായ സതി സുധീർ, മിനി ഡെന്നി എന്നിവരാണ് ആശുപത്രിയിൽ എത്തിയത്. ആദ്യം വാർഡ് തുറന്നുനൽകാമെന്നുപറഞ്ഞ സൂപ്രണ്ട് പിന്നീട് താക്കോൽ ഇല്ലെന്നുപറഞ്ഞ് ഒഴിഞ്ഞുമാറുകയായിരുന്നു. ബ്ലോക്ക് പഞ്ചായത്തിന്‍റെ കീഴിലുള്ള ആശുപത്രിയിലെ ഐസൊലേഷൻ വാർഡ് തുറന്നുകാണണമെന്ന് മെന്പർമാർ ആവശ്യപ്പെട്ടെങ്കിലും സൂപ്രണ്ട് അംഗീകരിച്ചില്ല. തുടർന്ന് മെന്പർമാരും കോണ്‍ഗ്രസ് പ്രവർത്തകരും വാർഡിനുമുൻപിൽ പ്രതിഷേധിച്ചു. ഒന്നേമുക്കാൽ കോടി രൂപ ചെലവിൽ നിർമിച്ച ഐസൊലേഷൻ വാർഡ് തുറന്നുനൽകാത്തത് നിർമാണത്തിലെ അഴിമതി പുറത്തറിയാതിരിക്കാനാണെന്ന് പോൾസണ്‍ തെക്കുംപീടിക ആരോപിച്ചു. കിഫ്ബി ഫണ്ട് വകയിരുത്തി ഉപകരാർ നൽകി കെട്ടിടം നിർമിച്ചതിൽ വൻ അഴിമതി ഉണ്ടെന്നും കഴിഞ്ഞ ഫെബ്രുവരിയിൽ ഉദ്ഘാടനം ചെയ്ത ഐസൊലേഷൻ വാർഡ് തുറന്നുനൽകാത്തത് അനാസ്ഥയാണെന്നും കോണ്‍ഗ്രസ് ആരോപിച്ചു. പ്രതിഷേധം ശക്തമായതോടെ സൂപ്രണ്ട് പോലീസിനെ വിളിച്ചു. പുതുക്കാട് എസ്എച്ച്ഒ മഹേന്ദ്ര സിംഹന്‍റെ നേതൃത്വത്തിൽ പുതുക്കാട്, വരന്തരപ്പിള്ളി സ്റ്റേഷനുകളിൽനിന്ന് പോലീസെത്തി കോണ്‍ഗ്രസ് നേതാക്കളുമായി ചർച്ച നടത്തിയതോടെയാണ് പ്രതിഷേധം അവസാനിപ്പിച്ചത്. ഉദ്ഘാടനം കഴിഞ്ഞ ഐസൊലേഷൻ വാർഡ് കെട്ടിടം കിഫ്ബി ആശുപത്രിക്കു കൈമാറിയിട്ടില്ലെന്ന വിചിത്രന്യായമാണ് അധികൃതർ പറയുന്നതെന്നു നേതാക്കൾ പറഞ്ഞു. ഡിസിസി ജനറൽ സെക്രട്ടറിമാരായ കെ. ഗോപാലകൃഷ്ണൻ, സെബി കൊടിയൻ, യൂത്ത് കോണ്‍ഗ്രസ് പുതുക്കാട് നിയോജകമണ്ഡലം പ്രസിഡന്‍റ് ഫൈസൽ ഇബ്രാഹിം, ഷാഫി കല്ലുപറന്പിൽ, ജിമ്മി മഞ്ഞളി, സിജോ പുന്നക്കര, കെ.എസ്. മനോജ്കുമാർ, ഹരണ്‍ ബേബി, ജെൻസണ്‍ കണ്ണത്ത്, കെ.പി സതീശൻ തുടങ്ങിയവരും സ്ഥലത്തെത്തിയിരുന്നു.

പുതുക്കാട് താലൂക്ക് ആശുപത്രിയിൽ തെരുവുനായ്ശല്യം രൂക്ഷം

പുതുക്കാട്: താലൂക്ക് ആശുപത്രിയിൽ തെരുവുനായ്ശല്യം രൂക്ഷമായി. തെരുവുനായ്ക്കളെകൊണ്ടു പൊറുതിമുട്ടുകയാണ് ആശുപത്രിയിലെത്തുന്ന രോഗികളും കൂട്ടിരിപ്പുകാരും. പലപ്പോഴും തെരുവുനായ്ക്കൾ കുരച്ചുകൊണ്ട് പാഞ്ഞടുക്കാറുണ്ടെന്നു നാട്ടുകാർ പറയുന്നു. ഒപി ടിക്കറ്റ് കൊടുക്കുന്നിടത്തും മുൻവശത്തുമായാണു തെരുവുനായ്ക്കൾ തന്പടിച്ചിരിക്കുന്നത്. പരാതിപ്പെട്ടിട്ടും ആശുപത്രിയിലെ തെരുവുനായ്ശല്യം പരിഹരിക്കാൻ അധികൃതർ യാതൊരു നടപടിയും എടുക്കുന്നില്ലെന്ന് നാട്ടുകാർ പറയുന്നു.

കഞ്ചാവുകേസിൽ ജാമ്യത്തില്‍ ഇറങ്ങിയ യുവാവ് ഹാഷിഷ് ഓയിലുമായി പിടിയിൽ

ഗുരുവായൂർ: കഞ്ചാവ് കൈവശംവച്ചതിനു ജയിൽശിക്ഷ കഴിഞ്ഞു ജാമ്യത്തിലിറങ്ങിയ പ്രതിയെ 124.68 ഗ്രാം ഹാഷിഷ് ഓയിലുമായി എക്സൈസ് സംഘം അറസ്റ്റ് ചെയ്തു. കണ്ടാണശേരി ചൊവ്വല്ലൂർ കറുപ്പംവീട്ടിൽ അൻസാർ(24)നെയാണു ചാവക്കാട് എക്സൈസ് റേഞ്ച് ഇൻസ്പെക്ടർ സി.ജെ. റിന്േ‍റായുടെ നേതൃത്വത്തിലുള്ള സംഘം അറസ്റ്റ് ചെയ്തത്. തൈക്കാട് പള്ളിറോഡിൽ പരിശോധനയ്ക്കിടെയാണ് ഇയാൾ പിടിയിലായത്. നേരത്തെ ഒന്നരക്കിലോ കഞ്ചാവുമായി ഇയാൾ അറസ്റ്റിലായിരുന്നു. ഈ കേസിൽ 55 ദിവസത്തെ ജയിൽവാസം കഴിഞ്ഞ് ജാമ്യത്തിലിറങ്ങിയപ്പോഴാണ് മയക്കുമരുന്നുകേസിൽ പിടിയിലായത്. തീരദേശമേഖലയിൽ മയക്കുമരുന്ന് വിൽപന നടത്തുന്ന സംഘത്തിലെ പ്രധാനകണ്ണിയാണ് ഇയാളെന്ന് എക്സൈസ് ഉദ്യോഗസ്ഥർ പറഞ്ഞു. ഇയാൾക്ക് മയക്കുമരുന്ന് എത്തിച്ചുനൽകുന്ന സംഘത്തിനുവേണ്ടി അന്വേഷണം ഉൗർജിതമാക്കി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. അസി. എക്സൈസ് ഇൻസ്പെക്ടർ രാമകൃഷ്ണൻ, പ്രിവന്‍റീവ് ഓഫീസർമാരായ ബാഷ്പജൻ, ടി.ആർ. സുനിൽ, എ.എൻ. ബിജു, എം.എ. അക്ഷയകുമാർ തുടങ്ങിയവരും പ്രതിയെ പിടികൂടിയ സംഘത്തിലുണ്ടായിരുന്നു.

ഹൃദയ ഫൗണ്ടേഷൻ പ്രഥമ പുരസ്കാരം പോപ്പ് പോൾ മേഴ്സിഹോമിനു സമ്മാനിച്ചു

അത്താണി: തൃശൂരിലെ ജീവകാരുണ്യസംഘടനയായ ഹൃദയ ഫൗണ്ടേഷൻ ഏർപ്പെടുത്തിയ പ്രഥമ പുരസ്കാരം പെരിങ്ങണ്ടൂർ പോപ്പ് പോൾ മേഴ്സി ഹോമിനു സമ്മാനിച്ചു. ഡോ. എം.പി. അബ്ദുസമദ് സമദാനി എംപി ഉദ്ഘാടനവും പുരസ്കാരദാനവും നിർവഹിച്ചു. ഒരു ലക്ഷം രൂപയും പ്രശസ്തിപത്രവും ഫലകവും അടങ്ങുന്ന പുരസ്കാരം പോപ്പ് പോൾ മേഴ്സി ഹോം ഡയറക്ടർ ഫാ. ജോണ്‍സണ്‍ അന്തിക്കാട്ട് ഏറ്റുവാങ്ങി. കരുതിക്കൂട്ടി വെറുപ്പ് ഉത്പാദിപ്പിക്കുന്ന കരുണവറ്റിയ സമൂഹമായി നാടുമാറിയെന്നും സമൂഹമാധ്യമങ്ങളുടെ വരവോടെ ആർക്കും ആരെയും എന്തും പറയാനും അവഹേളിക്കാനുമുള്ള ഇടമായി കേരളം കൂപ്പുകുത്തുകയാണെന്നും സമദാനി പറഞ്ഞു. സ്നേഹശൂന്യതയാണ് ഈ നാട് നേരിടുന്ന ഏറ്റവും വലിയ പ്രശ്നമെന്നും ഈ സാഹചര്യത്തിലാണ് ഹൃദയ ഫൗണ്ടേഷന്‍റെ നന്മയുള്ള പ്രവൃത്തിയെന്നതു പ്രശംസനീയമാണെന്നും അദ്ദേഹം അഭിപ്രായപ്പെട്ടു. ഹൃദയ ഫൗണ്ടേഷൻ ചെയർമാൻ ജോസ് വള്ളൂർ അധ്യക്ഷത വഹിച്ചു. തൃശൂർ അതിരൂപത സഹായമെത്രാൻ മാർ ടോണി നീലങ്കാവിൽ അനുഗ്രഹപ്രഭാഷണം നടത്തി. കവയിത്രി ശ്രീദേവി അന്പലപുരം മുഖ്യപ്രഭാഷണം നടത്തി. വടക്കാഞ്ചേരി നഗരസഭ കൗണ്‍സിലർ മധു അന്പലപുരം, ഡോ. ജയിംസ് ചിറ്റിലപ്പിള്ളി, ഫാ. അനീഷ് ചിറ്റിലപ്പിള്ളി, എൽദോ തോമസ്, അഡ്വ. സുശീൽ ഗോപാൽ തുടങ്ങിയവർ പങ്കെടുത്തു. തുടർന്ന് പോപ്പ് പോൾ മേഴ്സി ഹോമിലെ വിദ്യാർഥികളുടെ കലാപരിപാടികളും ജെറിൻ ആൻഡ് ടീമിന്‍റെ കോമഡി ഫിഗർഷോയും ഉണ്ടായിരുന്നു.

നിർമാണപ്രവൃത്തികൾക്കിടെ സുരക്ഷ കടലാസിൽമാത്രം!

കൊരട്ടി: ദേശീയപാതയിലെ നിർമാണ പ്രവൃത്തികളോടനുബന്ധിച്ച് കൊരട്ടി സിഗ്നൽ ജംഗ്ഷനിൽ സ്ഥാപിച്ചിരുന്ന ഹൈമാസ്റ്റ് വിളക്കും നിരീക്ഷണ കാമറകളും അഴിച്ചുമാറ്റി. ജനമൈത്രി പോലീസും കൊരട്ടി ജനകീയ സമിതി ട്രസ്റ്റും സുമനസുകളുടെയും സ്ഥാപനങ്ങളുടെയും സഹകരണത്തോടെ ലക്ഷങ്ങൾ മുടക്കി സ്ഥാപിച്ച കാമറകൾ യാതൊരു സുരക്ഷാമാനദണ്ഡവും പാലിക്കാതെയാണ് ജീവനക്കാരൻ ക്രെയിനിന്‍റെ അഗ്രത്തിൽ കയറിയിരുന്ന് അഴിച്ചുമാറ്റിയത്. ക്രെയിനിൻ ഘടിപ്പിച്ച ബക്കറ്റിൽ കയറിയിരുന്ന് സുരക്ഷ ഉറപ്പാക്കിയാണ് ഇത്തരം പണികൾ ചെയ്യേണ്ടതെന്നാണ് സുരക്ഷാരംഗത്ത് പ്രവർത്തിക്കുന്നവർ പറയുന്നത്. ദേശീയപാത വികസനത്തിന്‍റെ ഭാഗമായി കൊരട്ടി, മുരിങ്ങൂർ, ചിറങ്ങര മേഖലകളിൽ നടക്കുന്ന നിർമാണങ്ങളുടെ തുടക്കം മുതൽ കരാർ കമ്പനി യാതൊരു സുരക്ഷാ മാനദണ്ഡങ്ങളും പാലിക്കുന്നില്ലെന്ന നാട്ടുകാരുടെ പരാതി ശരിവയ്ക്കുന്നതാണ് ഇത്തരം പ്രവൃത്തികൾ. ട്രാഫിക് ലംഘനങ്ങളും അപകടങ്ങളും സാമൂഹ്യവിരുദ്ധ പ്രവർത്തനങ്ങളും ഏറിയ പശ്ചാത്തലത്തിൽ കുറ്റകൃത്യങ്ങൾക്ക് തടയിടുന്നതിനും ജനങ്ങളുടെ സുരക്ഷ ഉറപ്പാക്കുന്നതിനുമായി ലക്ഷങ്ങൾ മുടക്കി സ്ഥാപിച്ച കാമറകൾ അഴിച്ചു മാറ്റുകയും കേബിളുകൾ മുറിച്ചുമാറ്റുകയുമായിരുന്നു. കഴിഞ്ഞ ദിവസം ചിറങ്ങരയിൽ കാനയുടെ സ്ലാബ് തകർന്നിട്ടും മാറ്റി സ്ഥാപിച്ചിട്ടില്ലെന്ന് പരാതിയുണ്ട്. സുരക്ഷാ മുന്നൊരുക്കത്തിന്‍റെ അഭാവം മൂലം ഒട്ടേറെ അപകടങ്ങൾ നിർമാണം നടക്കുന്ന ഈ മൂന്നു സ്ഥലങ്ങളിലുണ്ടായിട്ടും പരാതികളുയർന്നിട്ടും അധികൃതർക്ക് കേട്ട ഭാവം ഇല്ല. നിലവിൽ ബദൽ റോഡുകൾ കുണ്ടും കുഴിയുമായി ചെളി നിറഞ്ഞ അവസ്ഥയിലാണ്. വാഹനങ്ങൾ വഴിതിരിച്ചുവിടുന്ന ഗ്രാമീണ റോഡുകളുടെയും സ്ഥിതി വ്യത്യസ്ഥമല്ല. നിർമാണം നടക്കുന്ന ഇടങ്ങളിൽ ആവശ്യത്തിന് തൊഴിലാളികൾ ഇല്ലാത്തത് പ്രവർത്തികൾ വൈകാനും ജനങ്ങൾ കൂടുതൽ ദുരിതത്തിലാകുന്നതിനും കാരണമാകും. കുണ്ടും കുഴിയുമടച്ച് ബദൽ പാതകളിൽ സുരക്ഷിത യാത്രയ്ക്ക് സാഹചര്യമൊരുക്കണമെന്നും വെള്ളക്കെട്ട് ഒഴിവാക്കാൻ പ്രഥമ പരിഗണന നൽകണമെന്നാണ് നാട്ടുകാർ ആവശ്യപ്പെടുന്നത്.

കുടിവെള്ള മലിനീകരണത്തിനെതിരേ നിരാഹാരസത്യഗ്രഹം ആരംഭിച്ചു

കാട്ടൂര്‍: ജനകീയ കുടിവെള്ള സംരക്ഷണ സമിതിയുടെ നേതൃത്വത്തില്‍ മിനി എസ്റ്റേറ്റില്‍ നിന്നുള്ള കുടിവെള്ള മലിനീകരണത്തിനെതിരെ നിരാഹാര സത്യഗ്രഹം ആരംഭിച്ചു. ആദ്യദിനത്തില്‍ കാട്ടൂര്‍ പഞ്ചായത്തംഗം മോളി പിയൂസ് സത്യഗ്രഹമിരുന്നു. ഡിസിസി സെക്രട്ടറി ആന്‍റോ പെരുമ്പിള്ളി ഉദ്ഘാടനം ചെയ്തു. ദേശീയ മനുഷ്യാവകാശ പ്രവര്‍ത്തകനും കേരള സെക്രട്ടറിയേറ്റ് അസോസിയേഷന്‍ മുന്‍ ജനറല്‍ സെക്രട്ടറിയുമായ പ്രസന്നകുമാര്‍ മുഖ്യപ്രഭാഷണം നടത്തി. കാട്ടൂര്‍ ഗ്രാമപഞ്ചായത്ത് അംഗങ്ങളായ അംബുജ രാജന്‍, സ്വപ്ന അരുണ്‍, ഇ.എല്‍. ജോസ്, മുന്‍ പഞ്ചായത്തംഗങ്ങളായ ബെറ്റി ജോസ്, സി.എല്‍. ജോയ്, ബിജെപി കാട്ടൂര്‍ പ്രസിഡന്‍റ് കെ. ഷെറിന്‍ എന്നിവര്‍ സംസാരിച്ചു.

പകര്‍ച്ചവ്യാധി വ്യാപകം, ശുചിത്വം കടലാസില്‍തന്നെ

ഇരിങ്ങാലക്കുട: കാലവര്‍ഷം കനത്തതോടെ മാലിന്യം പലയിടത്തും കുന്നുകൂടി ചീഞ്ഞളിയുന്നു. പനിയും ഛര്‍ദിയും വയറിളക്കുവമായി നിരവധിപേർ ആശുപത്രികളില്‍ ചികിത്സതേടുമ്പോഴാണ് മാലിന്യം അഴുകി പകര്‍ച്ചവ്യാധിഭീഷണി ഉയര്‍ത്തുന്നത്. മഴക്കാലരോഗങ്ങള്‍ വര്‍ധിക്കുമ്പോഴും പലയിടത്തും കുന്നുകൂടി കിടക്കുന്ന മാലിന്യങ്ങള്‍ നീക്കം ചെയ്യുന്നില്ല. ശുചിത്വമില്ലാത്തതാണ് രോഗങ്ങള്‍ പടരാന്‍ കാരണമെന്നാണ് ആരോഗ്യ വിദഗ്ധര്‍ പറയുന്നത്. എന്നാല്‍ ശുചിത്വ പ്രവര്‍ത്തനങ്ങള്‍ നടത്താന്‍ പലപ്പോഴും പിന്നിലാണ്. ബോധവത്കരണ പരിപാടികളും കുറവ്. കൊതുകുകളും മറ്റും പെരുകുന്ന ഇടങ്ങള്‍ ശുചീകരിക്കാനുള്ള ഇടങ്ങള്‍ നടപടികള്‍ എങ്ങുമെത്തിയിട്ടില്ല. മഴക്കാല രോഗങ്ങളുടെ വ്യാപനം തടയുവാന്‍ മാലിന്യങ്ങള്‍ നീക്കം ചെയ്യുക, ഫോഗിംഗ് നടത്തുക എന്നിവയാണ് പ്രധാനമായും ചെയ്യേണ്ടത്. നഗരത്തിലെ പലതോടുകളിലും മാലിന്യം കെട്ടികിടക്കുകയാണ്. മഴക്കാലപൂര്‍വ ശുചീകരണം പലയിടത്തും പാളിയ സ്ഥിതിയിലാണ്. ഹോട്ടല്‍ ജീവനക്കാര്‍ക്ക് ഹെല്‍ത്ത് കാര്‍ഡ് നിര്‍ബന്ധമാക്കിയിട്ടുണ്ടെങ്കിലും പലയിടത്തും ഇതൊന്നുമില്ലാതെയാണ് ഹോട്ടലുകളില്‍ പണിയെടുക്കുന്നത്. രോഗികളില്‍ രോഗലക്ഷണങ്ങള്‍ കാര്യമായിട്ടില്ലെന്നും പ്രാഥമിക ചികിത്സ കൊണ്ട് ഭേദമാക്കാം എന്നാണ് ആശുപത്രി അധികൃതര്‍ പറയുന്നത്. ഡെങ്കിപ്പനിയാണ് കൂടുതല്‍ പടരുന്നത്. കഴിഞ്ഞ മാസം അഞ്ചുപേരാണ് ഡെങ്കിപ്പനി ബാധിച്ചച്ച് ഇരിങ്ങാലക്കുട ജനറല്‍ ആശുപത്രിയില്‍ ചികിത്സ തേടിയത്. പനിയടക്കമുള്ള മഴക്കാല രോഗങ്ങളാല്‍ ബുദ്ധിമുട്ടുന്ന പാവപ്പെട്ട രോഗികള്‍ക്ക് ആശ്രയമാകേണ്ട സര്‍ക്കാര്‍ ആശുപത്രികളില്‍ വേണ്ടത്ര ഡോക്ടര്‍മാരില്ലാത്തത് പലയിടത്തും തിരിച്ചടിയാകുകയാണ്. ഡോക്ടറെ കാണാന്‍ മണിക്കൂറുകളോളം ക്യൂ നില്‍ക്കേണ്ടി വരുന്ന സ്ഥിതിവിശേഷമാണ് ഇരിങ്ങാലക്കുട ജനറല്‍ ആശുപത്രിയിലുള്ളത്. കഴിഞ്ഞ ഒരാഴ്ചക്കുള്ളില്‍ ഓരോ ദിവസവും അമ്പതോളം പേരാണ് പനിയുമായി ചികിത്സ തേടിയെത്തിയത്. നഗരത്തിലെ പല തോടുകളിലും മാലിന്യം കുന്നുകൂടി കിടക്കുകയാണ്. പഞ്ചായത്തുകളിലൂടെ ഒഴുകുന്ന തോടുകളിലും ഇതുതന്നെയാണ് സ്ഥിതി. പുല്ലൂര്‍ തൊമ്മാന ചെങ്ങാറ്റുമുറി റോഡിനു സമീപമുള്ള പാടശേഖരത്തിനു സമീപം മാലിന്യം കുന്നുകൂടി കിടക്കുകയാണ്.

ഇരിങ്ങാലക്കുട നഗരസഭാ അധികൃതരില്‍ നിന്നും വിശദീകരണം തേടും

ഇരിങ്ങാലക്കുട: മുകുന്ദപുരം താലൂക്ക് വികസനസമിതിയില്‍ ഹാജരാകാത്ത തദ്ദേശസ്ഥാപന അധികൃതരില്‍ നിന്നും വിശദീകരണം തേടാന്‍ സമിതി യോഗത്തില്‍ തീരുമാനം. ബസ് സ്റ്റാന്‍ഡില്‍ പോലീസ് എയ്ഡ് പോസ്റ്റ് സ്ഥാപിക്കല്‍, തകര്‍ന്നുകിടക്കുന്ന പട്ടണത്തിലെ റോഡുകള്‍, നഗരസഭ പാര്‍ക്കിന്‍റെ പോരായ്മകള്‍ തുടങ്ങിയ വിഷയങ്ങള്‍ യോഗത്തിന് മുമ്പാകെ എത്തിയെങ്കിലും നഗരസഭയെ പ്രതിനിധീകരിച്ച് ജനപ്രതിനിധിയോ ഉദ്യോഗസ്ഥനോ യോഗത്തിന് എത്തിയിരുന്നില്ല. വികസന സമിതിയെ അവഗണിക്കുന്ന സമീപനം ശരിയല്ലെന്ന് യോഗത്തില്‍ അധ്യക്ഷത വഹിച്ച ബ്ലോക്ക് പഞ്ചായത്ത് പ്രസിഡന്‍റ്് ലളിത ബാലന്‍ പറഞ്ഞു. നഗരസഭ അധികൃതരുടെ ഭാഗത്ത് നിന്ന് വീഴ്ച പ്രകടമാണെന്ന് കോണ്‍ഗ്രസ് പ്രതിനിധി ആന്‍റോ പെരുമ്പിള്ളിയും യോഗത്തില്‍ ജനപ്രതിനിധികളുടെ സാന്നിധ്യം ഉണ്ടാകേണ്ടതുണ്ടെന്ന് കേരള കോണ്‍ഗ്രസ് പ്രതിനിധി സാം തോംസണും പറഞ്ഞു. കാറളം പഞ്ചായത്തിലെ 72 ഗുണഭോക്താക്കള്‍ക്കുള്ള ഫ്ലാറ്റ് നിര്‍മാണ പദ്ധതിയുമായി ബന്ധപ്പെട്ട് സെക്രട്ടറിയില്‍ നിന്ന് വിശദീകരണം ലഭിക്കാത്ത സാഹചര്യത്തില്‍ പഞ്ചായത്ത് അധികൃതരില്‍ നിന്നും വിശദീകരണം തേടാനും യോഗം തീരുമാനിച്ചു. എടതിരിഞ്ഞി വില്ലേജിലെ ഫെയര്‍ വാല്യു വിഷയത്തില്‍ കൃത്യമായ നടപടികള്‍ നടക്കുന്നില്ലെന്നും സര്‍ക്കാര്‍ ഉത്തരവ് വരേണ്ടതുണ്ടെന്നും ആന്റോ പെരുമ്പിള്ളി പറഞ്ഞു. അനുകൂലമായ ഉത്തരവ് പ്രതീക്ഷിക്കുന്നുണ്ടെന്നും ലഭിച്ചിട്ടുള്ള അപേക്ഷകളില്‍ നടപടികള്‍ നടക്കുന്നുണ്ടെന്നും തഹസില്‍ദാര്‍ അറിയിച്ചു. ഇരിങ്ങാലക്കുട റെയില്‍വേ സ്റ്റേഷനില്‍ രാത്രി കാലങ്ങളില്‍ ആവശ്യത്തിന് വെളിച്ചമില്ലാത്ത വിഷയം യോഗത്തില്‍ ഉയര്‍ന്നു. വിഷയം ബന്ധപ്പെട്ടവരുടെ ശ്രദ്ധയില്‍പെടുത്താമെന്ന് കേന്ദ്രമന്ത്രിയുടെ പ്രതിനിധി കൃപേഷ് ചെമ്മണ്ട അറിയിച്ചു. തൃശൂര്‍ കൊടുങ്ങല്ലൂര്‍ റോഡ് നവീകരണ പദ്ധതിയുടെ പ്രവര്‍ത്തനങ്ങള്‍ കരുവന്നൂര്‍ ഭാഗത്ത് നിലച്ച അവസ്ഥയാണെന്ന് വിമര്‍ശനം ഉയര്‍ന്നു. ഇത് സംബന്ധിച്ച ആശങ്കകള്‍ കെഎസ്ടിപി അധികൃതരെ അറിയിക്കാനും യോഗം തീരുമാനിച്ചു. നാലമ്പല തീര്‍ഥാടനം ആരംഭിക്കുന്നതിന്‍റെ മുന്നോടിയായി പടിയൂര്‍ പുളിക്കലച്ചിറയിലെ താത്കാലിക ബണ്ട് നിര്‍മാണം അടിയന്തരമായി പൂര്‍ത്തീകരിക്കണമെന്ന് കൃപേഷ് ചെമ്മണ്ട ആവശ്യപ്പെട്ടു. ചാലക്കുടി എംപിയുടെ പ്രതിനിധി എ. ചന്ദ്രന്‍, പുതുക്കട് എംഎല്‍എയുടെ പ്രതിനിധി എ.വി. ചന്ദ്രന്‍, കെഡിപി പ്രതിനിധി കാര്‍ത്തികേയന്‍, കേരള കോണ്‍ഗ്രസ് പ്രതിനിധി ടി.കെ. വര്‍ഗീസ് മാസ്റ്റര്‍, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. തഹസില്‍ദാര്‍ സിമീഷ് സാഹു സ്വാഗതം പറഞ്ഞു.

സഹപാഠിയായ ജനപ്രതിനിധിയുടെ പദ്ധതിക്ക് സുഹൃത്തുക്കളുടെ സ്നേഹസമ്മാനം

പെരിഞ്ഞനം: സഹപാഠിയായ ജനപ്രതിനിധിയുടെ അഭിമാനപദ്ധതിക്ക് പ്രിയ സുഹൃത്തുക്കളുടെ സ്നേഹ സമ്മാനം. മതിലകം ബ്ലോക്ക് മെമ്പർ ആർ.കെ. ബേബിയുടെ നേതൃത്വത്തിൽ നടപ്പാക്കുന്ന "വായനാവാടി' എന്ന മാതൃകാ പദ്ധതിയുടെ ഭാഗമായി പെരിഞ്ഞനം പഞ്ചായത്ത് രണ്ടാം വാർഡിലെ ജയശ്രീ അങ്കണവാടിയിൽ അഞ്ചു ലക്ഷം രൂപയുടെ പുസ്തകങ്ങളും വായന സൗകര്യങ്ങളുമുള്ള വായനശാല ഒരുക്കുകയാണ് സുഹൃത്തുക്കൾ. ഈ വായനാവാടിയിലേക്ക് കെകെടിഎം കോളജിലെ പഴയ എസ്എഫ്ഐ പ്രവർത്തകരായ കുറച്ചുപേർ ചേർന്ന് വാട്സാപ്പ് ഗ്രൂപ്പ് വഴി സമാഹരിച്ച 30,000 രൂപയുടെ പുസ്തകങ്ങളാണ് വാങ്ങിനൽകുന്നത്. ഈ ജനകീയ പദ്ധതി നടപ്പാക്കുന്ന ബ്ലോക്ക് മെമ്പറുടെ കലാലയ സുഹൃത്തുക്കളാണിവരെല്ലാം എന്ന പ്രത്യേകതയുമുണ്ട്. ബ്ലോക്ക് ഡിവിഷൻ 14ലെ സാധ്യമായ എല്ലാ അങ്കണവാടികളിലും ഇത്തരത്തിൽ വായനശാലകളൊരുക്കുന്ന വായനാവാടിയെന്ന പദ്ധതിയുടെ ഭാഗമായൊരുക്കുന്ന ആദ്യ വായനശാലയിലേക്കാണ് 30,000 രൂപയുടെ പുസ്തകങ്ങൾ ഇവർ വാങ്ങി നൽകുന്നത്. സഹായ സന്നദ്ധതയുടെ ഔപചാരിക രേഖകൾ സംഘാടകർ ഏറ്റുവാങ്ങി. പദ്ധതിയുടെ ജനറൽ കോ ഓർഡിനേറ്ററായ ആർ.കെ. ബേബി, കൺവീനർ കെ.ജി. സജീവ്, ട്രഷറർ ആർ.എസ്. രഘുനാഥ്, സഹഭാരവാഹികളായ കോഴിപ്പറമ്പിൽ സജീവൻ, നിഷ രവീന്ദ്രൻ, പൂർവ വിദ്യാർഥി നേതാക്കളായ ടി. കെ. സജീവൻ, അനിത, നിസാർ, സജ ശശിധരൻ എന്നിവർ ചടങ്ങിൽ പ്രസംഗിച്ചു.

തൃശൂരിലും കുടുംബശ്രീ ക്വിക്ക് സെർവ്

തൃശൂർ: വീടു വൃത്തിയാക്കണോ, കുട്ടികളെ നോക്കണോ... വീട്ടിലെ പാചകപ്പണികൾ ചെയ്യണോ... ഓഫീസുകളും വ്യാപാരസ്ഥാപനങ്ങളും ക്ലീനാക്കണോ... ഇനി എന്തിനും ഏതിനും തൃശൂരിൽ കുടുംബശ്രീയുടെ സേവനം കിട്ടും. ക്വിക്ക് സെർവ് എന്നപേരിൽ കുടുംബശ്രീ നൽകുന്ന പുതിയ സേവനങ്ങൾക്കു തൃശൂരിലും തുടക്കമായി. തൃശൂർ കോർപറേഷൻ കുടുംബശ്രീയാണ് ഇതുനു തുടക്കമിട്ടിരിക്കുന്നത്. ഒരു ഫോണ്‍വിളിയിൽ നിങ്ങൾക്കാവശ്യമുള്ള സേവനങ്ങൾ ചെയ്തുതരാൻ തയാറായ ഒരു വലിയ സംഘത്തെത്തന്നെ കുടുംബശ്രീ പരിശീലനംനൽകി തയാറാക്കിയിട്ടുണ്ട്. കിടപ്പുരോഗികളെ പരിചരിക്കാനും കുഞ്ഞുങ്ങളെ നോക്കാനും പ്രായമായവരെ പരിചരിക്കാനും ആശുപത്രിയിൽ കൂട്ടിരിപ്പിനും കുടുംബശ്രീ ക്വിക്ക് സെർവിൽ പരിശീലനം സിദ്ധിച്ച അംഗങ്ങളുണ്ട്. കുടുംബശ്രീയുടെ മേൽനോട്ടത്തിലുള്ള സേവനമായതുകൊണ്ടുതന്നെ ജോലികൾ വിശ്വസിച്ചേൽപ്പിക്കാമെന്നതാണ് നേട്ടം. കോർപറേഷൻ പരിധിയിൽ മാത്രമല്ല, കോർപറേഷനു പുറത്തേക്കും സേവനം നൽകും. സംസ്ഥാനത്തെ എല്ലാ തദ്ദേശഭരണസ്ഥാപനങ്ങളിലും കുടുംബശ്രീ ക്വിക്ക് സെർവ് ടീമുകളെ സജ്ജരാക്കാൻ നേരത്തേതന്നെ സംസ്ഥാനതലത്തിൽ കുടുംബശ്രീ തീരുമാനിച്ച് നടപടികളുമായി മുന്നോട്ടുപോയിരുന്നു. മണിക്കൂർ അടിസ്ഥാനത്തിൽ തുടങ്ങി വീട്ടിൽ താമസിച്ചു സേവനംനൽകുന്ന തരത്തിൽവരെയുള്ള പാക്കേജുകളാണുള്ളത്. ചെറിയ ജോലികൾക്കു 350 രൂപയാണ് ആദ്യമണിക്കൂറിൽ ഈടാക്കുക. പിന്നീടുള്ള ഓരോ മണിക്കൂറിലും 75 രൂപവീതം. വീടുകളിൽ താമസിച്ച് സേവനംചെയ്യുന്നതിനു പ്രതിമാസനിരക്ക് വേറെയാണ്. പണം ക്വിക്ക് സെർവിന്‍റെ അക്കൗണ്ടിലേക്കാണ് അയയ്ക്കേണ്ടത്. തൃശൂർ കോർപറേഷനിൽ ക്വിക്ക് സർവ് തുടങ്ങിയപ്പോൾതന്നെ നല്ല പ്രതികരണമാണ് ലഭിക്കുന്നതെന്ന് അധികൃതർ പറഞ്ഞു. ഇപ്പോൾ നൽകുന്ന സേവനങ്ങൾക്കുപുറമെ പുതിയ സേവനങ്ങൾ നൽകുന്നതിനായി കുടുംബശ്രീ യൂണിറ്റുകളിലെ അംഗങ്ങൾക്കു പരിശീലനം നൽകാനും തീരുമാനിച്ചിട്ടുണ്ട്. 85474 33669, 79070 68798 എന്നീ ഫോണ്‍നന്പറുകളിൽ ബന്ധപ്പെട്ടാൽ കുടുംബശ്രീ ക്വിക്ക് സെർവിന്‍റെ സേവനം ലഭിക്കും.

ഗുരുവായൂരിൽ ഭക്തരുടെ വൻ തിരക്ക്; പ്രസാദഉൗട്ടിൽ പങ്കെടുത്തത് 10,000 പേർ

ഗുരുവായൂർ: ദേശീയ പണിമുടക്കുദിനത്തിലും ക്ഷേത്രത്തിൽ ഭക്തജനത്തിരക്ക്. ഹോട്ടലുകൾ ഉൾപ്പെടെയുള്ള സ്ഥാപനങ്ങൾ അടഞ്ഞുകിടന്നതിനാൽ ക്ഷേത്രത്തിലെ പ്രസാദഉൗട്ട് ഭക്തർക്ക് അനുഗ്രഹമായി. ഉച്ചയ്ക്ക് 7,500 പേർക്കുള്ള ഭക്ഷണം വിതരണംചെയ്തു. 2,500 പേർക്ക് പ്രഭാതഭക്ഷണവും നൽകി. ആദ്യം തയാറാക്കിയ പ്രഭാതഭക്ഷണം തീർന്നതിനാൽ വീണ്ടും ഉണ്ടാക്കിനൽകുകയായിരുന്നു. രാവിലെ 9.30വരെ പ്രഭാതഭക്ഷണവും വൈകീട്ട് മൂന്നുവരെ ഉച്ചഭക്ഷണവും നൽകി. അഡ്മിനിസ്ട്രറ്റേർ ഒ.ബി. അരുണ്‍കുമാറിന്‍റെ നേതൃത്വത്തിൽ ദേവസ്വം ഉദ്യോഗസ്ഥർ പ്രസാദഉൗട്ടിനാവശ്യമായ ക്രമീകരണങ്ങൾ ഒരുക്കി. ക്ഷേത്രത്തിൽ ഇന്നലെ 17 വിവാഹങ്ങളും 141 ചോറൂണും നടന്നു. ക്ഷേത്രനഗരിയിൽ പണിമുടക്ക് പൂർണമായിരുന്നു. ക്ഷേത്രനടയിൽ തുറന്ന ഹോട്ടൽ അടക്കമുള്ള ഏതാനും വ്യാപാരസ്ഥാപനങ്ങൾ സമരക്കാർ അടപ്പിച്ചു. ഹോട്ടലിനുനേരെ ആക്രമണം ഗുരുവായൂർ: പടിഞ്ഞാറെനടയിൽ തുറന്നുപ്രവർത്തിച്ച ഹോട്ടലിനുനേരെ സമരാനുകൂലികൾ ആക്രമണം നടത്തി. ഹോട്ടൽ സൗപർണികയ്ക്കുനേരെയാണ് രാവിലെ പതിനൊന്നരയോടെ ആക്രമണമുണ്ടായത്. ഹോട്ടലിനുമുന്നിലെ ചില്ലുവാതിലും കാഷ് കൗണ്ടറും തകർന്നു. ഹോട്ടലിൽ ഭക്ഷണം കഴിച്ചിരുന്നവർ ഇറങ്ങിയോടി. ടെന്പിൾ എസ്എച്ച്ഒ ജി. അജയകുമാറിന്‍റെ നേതൃത്വത്തിൽ പോലീസ് സ്ഥലത്തെത്തി കണ്ടാലറിയാവുന്ന അഞ്ചുപേർക്കെതിരെ കേസെടുത്തു. പടിഞ്ഞാറേ നടയിൽ ഇന്നർ റിംഗ് റോഡിൽ തുറന്നുപ്രവർത്തിച്ച തുണിക്കടയിലെ സാധനങ്ങൾ സമരാനുകൂലികൾ വലിച്ചുപുറത്തിട്ടു. ക്ഷേത്രപരിസരത്ത് അക്രമം നടത്തിയതിൽ ബിജെപി പ്രതിഷേധിച്ചു.

കേന്ദ്ര- സംസ്ഥാന സർക്കാരുകൾക്കെതിരേ ശക്തമായ പോരാട്ടം അനിവാര്യം: പ്രതാപൻ

തൃശൂർ: കേന്ദ്രസർക്കാരിന്‍റെ തൊഴിലാളി - കർഷകവിരുദ്ധ നയങ്ങൾക്കെതിരേയും സംസ്ഥാനസർക്കാരിന്‍റെ ജനദ്രോഹ നടപടികൾക്കെതിരേയും സന്ധിയില്ലാസമരവുമായി മുഴുവൻ തൊഴിലാളികളും രംഗത്തിറങ്ങുമെന്നും ടി.എൻ. പ്രതാപൻ. സംസ്ഥാനത്തെ ആശ, അങ്കണവാടി തൊഴിലാളികൾ നടത്തുന്ന സമരത്തെ കണ്ടില്ലെന്നുനടിക്കുന്ന സർക്കാരിന്‍റെ വഞ്ചനപരമായ നിലപാടുകൾ തിരിച്ചറിയണമെന്നും അദ്ദേഹം പറഞ്ഞു. ദേശീയ പണിമുടക്കിനോടനുബന്ധിച്ച് യുഡിഎഫ് സംഘടനകളുടെ കൂട്ടായ്മയായ യുഡിടിഎഫിന്‍റെ (ഐക്യ ജനാധിപത്യ ട്രേഡ് യൂണിയൻ) നേതൃത്വത്തിൽ സിഎംഎസ് സ്കൂളിനു മുൻപിൽനിന്നും എജി ഓഫീസിനു മുൻവശത്തേക്കു നടത്തിയ പ്രകടനത്തിനുശേഷമുള്ള പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. യുഡിടിഎഫ് ജില്ലാ ചെയർമാൻ സുന്ദരൻ കുന്നത്തുള്ളി അധ്യക്ഷത വഹിച്ചു. ട്രേഡ് യൂണിയൻ നേതാക്കളായ വി.എ. ഷംസുദീൻ, കെ.എൻ. നാരായണൻ, പി.എ. ഷാഹുൽഹമീദ്, സി.വി. കുരിയാക്കോസ്, തോമസ്, ബി. ശശീന്ദ്രൻ, കെ.ബി. രതീഷ് തുടങ്ങിയവർ സംസാരിച്ചു.

അന്തിമപോരാട്ടം ഇനി സുപ്രീംകോടതിയിൽ

തൃശൂർ: കോർപറേഷൻ കെട്ടിടനികുതി വിഷയത്തിൽ കെട്ടിട ഉടമകളും കോർപറേഷനും തമ്മിലുള്ള പോരാട്ടം ഇനി സുപ്രീംകോടതിയിലേക്ക്. നിയമപ്രകാരമുള്ള നിബന്ധനകളൊന്നും പാലിക്കാതെ കെട്ടിടനികുതിയും പിഴയും പിഴപ്പലിശയും ഈടാക്കിയെന്നാരോപിച്ച് 198 കെട്ടിട ഉടമകളാണ് കോർപറേഷനെതിരേ ഹൈക്കോടതിയെ സമീപിച്ചിരുന്നത്. ഹൈക്കോടതി സിംഗിൾ ബെഞ്ച് കെട്ടിട ഉടമകൾക്ക് അനുകൂലമായി തീരുമാനമെടുത്തിരുന്നു. ഇതു കനത്ത തിരിച്ചടിയായതോടെ സിംഗിൾ ബെഞ്ചിന്‍റെ തീരുമാനത്തിനെതിരേ കോർപറേഷൻ നൽകിയ ഹർജി ഡിവിഷൻ ബെഞ്ചും തള്ളിയതു കോർപറേഷനു വൻആഘാതമായി. കോടതി ചൂണ്ടിക്കാട്ടിയ പോരായ്മകൾ തിരുത്തി ഇനി സുപ്രീംകോടതിയിലേക്കു നിയമനടപടികളുമായി പോകാനാണ് കോർപറേഷന്‍റെ നീക്കം. നികുതിപരിഷ്കരണം സംബന്ധിച്ച് പത്രപ്പരസ്യംപോലും കോർപറേഷൻ നൽകിയിരുന്നില്ലെന്നു കെട്ടിട ഉടമകൾ ഹൈക്കോടതിയിൽ സമർപ്പിച്ച ഹർജിയിൽ പറഞ്ഞിരുന്നു. 2013ൽ നൽകേണ്ട പത്രപ്പരസ്യം വൈകിയതിനാൽ നൽകാൻ സാധിക്കുന്നില്ലെന്നായിരുന്നു ഇതിനു കോർപറേഷൻ നൽകിയ മറുപടി. ഇതു പരിഗണിച്ച കോടതി എത്രയും വേഗം പത്രപ്പരസ്യം നൽകാൻ കോർപറേഷനു നിർദേശം നൽകി. എന്നാൽ, ഇത്തരം പരസ്യം നൽകുന്നതിലെ ചില നിർദേശങ്ങൾ കോർപറേഷനു തിരിച്ചടിയാണെന്നതുകൊണ്ടാണ് സുപ്രീംകോടതിയെ സമീപിക്കാൻ ഒരുങ്ങുന്നത്. അടിസ്ഥാനവസ്തുനികുതി നിർണയം കോർപറേഷൻ നിയമാനുസൃതമായി നടപ്പാക്കിയില്ലെന്നു കോടതി ഉത്തരവിൽ കുറ്റപ്പെടുത്തിയിരുന്നു. കാര്യങ്ങൾ വ്യക്തമാക്കുന്ന വിജ്ഞാപനം പരസ്യപ്പെടുത്തിയില്ല. ഇതുമൂലം ഡിമാൻഡ് നോട്ടീസുകളിൽ ആവശ്യപ്പെടുന്ന വാർഷികവസ്തുനികുതി പുതുക്കിയ നിരക്കിൽ അടയ്ക്കാൻ ഹർജിക്കാർക്കു ബാധ്യതയില്ലെന്നുമാണ് വിധി. റിട്ട് ഹർജികളിൽ പരാമർശിച്ചിരിക്കുന്ന എല്ലാ ഡിമാൻഡ് നോട്ടീസുകളും റദ്ദാക്കുകയും ചെയ്തു. കോടതി ഉത്തരവ് കോർപറേഷൻ ഭരണസമിതിക്കെതിരേ ശക്തമായ ആയുധമാക്കാനാണ് പ്രതിപക്ഷനീക്കം. നികുതിദായകർക്കും കോർപറേഷനും ഒരുപോലെ ബാധ്യത വരുത്തിവച്ച നടപടികളാണ് കോർപറേഷൻ ഭരണസമിതിയുടെ ഭാഗത്തുനിന്നുണ്ടായിരിക്കുന്നതെന്നു പ്രതിപക്ഷം ആരോപിക്കുന്നു. കൗൺസിൽ അനുമതിയില്ലാതെ ഏഴുലക്ഷം രൂപ മുൻകൂറായി നൽകി സിംഗിൾ ബെഞ്ച് വിധിക്കെതിരേ അപ്പീൽ പോയതിനെയും പ്രതിപക്ഷം രൂക്ഷഭാഷയിൽ വിമർശിച്ചു.

മാര്‍ ജെയിംസ് പഴയാറ്റില്‍ അനുസ്മരണം ഇന്ന്

ഇരിങ്ങാലക്കുട: രൂപതയുടെ പ്രഥമ മെത്രാന്‍ മാര്‍ ജെയിംസ് പഴയാറ്റിലിന്‍റെ ഒമ്പതാം ചരമവാര്‍ഷികം ഇന്ന്. വൈകീട്ട് അഞ്ചിന് സെന്‍റ് തോമസ് കത്തീഡ്രലില്‍ നടക്കുന്ന അനുസ്മരണദിവ്യബലിക്കും കബറിടത്തിലുള്ള ശുശ്രൂഷകള്‍ക്കും ഹൊസൂര്‍ രൂപത ബിഷപ് മാര്‍ സെബാസ്റ്റ്യന്‍ പൊഴോലിപറമ്പില്‍ മുഖ്യകാര്‍മികത്വം വഹിക്കും. രൂപത വികാരി ജനറാള്‍മാരായ മോണ്‍. ജോസ് മാളിയേക്കല്‍, മോണ്‍. ജോളി വടക്കന്‍, മോണ്‍. വില്‍സണ്‍ ഈരത്തറ എന്നിവര്‍ സഹകാര്‍മികരായിരിക്കും. 1978ല്‍ ഇരിങ്ങാലക്കുട രൂപത രൂപീകരിച്ചതു മുതല്‍ അധ്യക്ഷനായി സേവനം ചെയ്തിരുന്ന ബിഷപ് 2010 ഏപ്രില്‍ 18നാണ് ഔദ്യോഗികസ്ഥാനം ഒഴിഞ്ഞത്. ഇരിങ്ങാലക്കുട സെന്‍റ് പോള്‍സ് മൈനര്‍ സെമിനാരിയില്‍ വിശ്രമജീവിതം നയിച്ചുകൊണ്ടിരിക്കെ 2016 ജൂലൈ 10നാണ് ദിവംഗതനായത്.

റെഡ് വോളന്‍റിയർ പരേഡും പൊതുസമ്മേളനവും ഇന്ന്

ഇരിങ്ങാലക്കുട: സിപിഐ തൃശൂർ ജില്ലാ സമ്മേളനത്തിന്‍റെ ഭാഗമായി റെഡ് വോളന്‍റിയർ മാർച്ചും പൊതുസമ്മേളനവും ഇന്ന്. എടതിരിഞ്ഞിയിലെ വി.വി. രാമൻ സ്മൃതിമണ്ഡപത്തിൽനിന്നുള്ള കൊടിമരജാഥയും അന്തിക്കാട് രക്തസാക്ഷിമണ്ഡപത്തിൽനിന്നുള്ള പതാകജാഥയും പരിയാരം കർഷക സമരകേന്ദ്രത്തിൽനിന്നുള്ള ബാനർ ജാഥയും വൈകീട്ടു നാലിനു കുട്ടംകുളം പരിസരത്തു സംഗമിക്കും. ജാഥാ ക്യാപ്റ്റൻ ടി. പ്രദീപ് കുമാറിൽനിന്ന് സ്വാഗതസംഘം ജനറൽ കണ്‍വീനർ ടി.കെ. സുധീഷ് കൊടിമരം ഏറ്റുവാങ്ങും. ജാഥാ ക്യാപ്റ്റൻ കെ.പി. സന്ദീപിൽനിന്നു പതാക ടി.ആർ. രമേഷ് കുമാറും കെ.എസ്. ജയയിൽനിന്ന് ബാനർ കെ.ജി. ശിവാനന്ദനും ഏറ്റുവാങ്ങും. തുടർന്നു റെഡ് വോളന്‍റിയർ പരേഡ് ആരംഭിക്കും. പൊതുസമ്മേളനവേദിയായ അയ്യങ്കാവ് മൈതാനിയിൽ മുതിർന്ന സിപിഐ നേതാവ് കെ. ശ്രീകുമാർ പതാക ഉയർത്തും. റവന്യു മന്ത്രി കെ. രാജൻ പൊതുസമ്മേളനം ഉദ്ഘാടനം ചെയ്യും.

ദേശീയ പണിമുടക്ക് പൂർണമെന്ന് ഇടതു തൊഴിലാളിസംഘടനകൾ

തൃശൂർ: ദേശീയപണിമുടക്ക് തൃശൂർ ജില്ലയിൽ പൂർണമെന്ന് ഇടതുതൊഴിലാളി സംഘടനകളായ സിഐടിയുവും എഐടിയുസിയും. സ്വകാര്യ ബസ് സർവീസുകൾ പൂർണമായും നിലച്ചു. ഓട്ടോ, ടാക്സി തൊഴിലാളികൾ പണിമുടക്കിൽ പങ്കെടുത്തു. കെ‌എസ്ആർടിസിയുടെ നാലു ബസുകളാണ് ഓടിയതെന്നും അപ്പോളോ ടയേഴ്സ്, കേരള ഫീഡ്സ്, ഔഷധി, ബാങ്ക്, ഇൻഷ്വറൻസ് തുടങ്ങിയ പൊതുമേഖലാസ്ഥാപനങ്ങൾ സ്തംഭിച്ചെന്നും സംഘടനകൾ അവകാശപ്പെട്ടു. തൃശൂർ ബിഎസ്എൻഎൽ ഓഫീസിനുമുന്നിൽ നടത്തിയ ധർണ സിഐടിയു സംസ്ഥാന വൈസ് പ്രസിഡന്‍റ് എം.കെ. കണ്ണൻ ഉദ്ഘാടനം ചെയ്തു. എഐടിയുസി നേതാവ് എം. രാധാകൃഷ്ണൻ, യു.പി. ജോസഫ്, പി.കെ. ഷാജൻ, മീര നിമേഷ് - സിഐടിയു, എം.കെ. തങ്കപ്പൻ- ടിയുസിഐ, ഉണ്ണികൃഷ്ണൻ ഈച്ചരത്ത്- കെടിയുസി, എം.കെ. പ്രഭാകരൻ- കെ‌എസ്കെടിയു, പി.കെ. കൃഷ്ണൻ- എച്ച്എംകെപി, മോഹൻദാസ് എടക്കാടൻ- എൻസിപിസിഎസ്, ഇ. നന്ദകുമാർ- എഫ്ഇഎസ്ടിഒ, ആർ.ടി. യാദവ്- എഐബിഇഎ, ജെറിൻ ജോണ്‍-ബെഫി, ആർ. ഹരീഷ്- ജോയിന്‍റ് കൗണ്‍സിൽ, ഡോ. കെ.ആർ. രാജീവ്- കെജിഒഎ, ഷൈലേഷ്- കെ‌എസ്ഇബി, എ. സിയാവുദീൻ, എം.ആർ. രാജൻ- സിഐടിയു, സിഐടിയു ജില്ലാ സെക്രട്ടറി ടി. സുധാകരൻ, കെ.എൻ. രഘു- എഐടിയുസി എന്നിവർ പ്രസംഗിച്ചു. എൽഐസി ജീവനക്കാർ ദേശീയ പണിമുടക്കിന്‍റെ ഭാഗമായി. തൃശൂർ ഡിവിഷണൽ ഓഫീസിനുമുന്നിൽ നടന്ന പ്രതിഷേധപ്രകടനം ബെഫി മുൻ സംസ്ഥാന പ്രസിഡന്‍റ് ടി. നരേന്ദ്രൻ ഉദ്ഘാടനം ചെയ്തു. തൃശൂർ ഡിവിഷൻ ജനറൽ സെക്രട്ടറി ദീപക് വിശ്വനാഥ്, ഡിവിഷണൽ വൈസ് പ്രസിഡന്‍റ് എ.കെ. ജയ, വനിതാ സബ് കമ്മിറ്റി കണ്‍വീനർ കെ.കെ. പ്രിയ എന്നിവർ പ്രസംഗിച്ചു.

കാണാതായ വക്കീൽ ഗുമസ്തന്‍റെ മൃതദേഹം കണ്ടെത്തി

കൊടുങ്ങല്ലൂർ: എറണാകുളം ജില്ലയിലെ മൂത്തകുന്നത്തുനിന്ന് കാണാതായ വക്കീൽ ഗുമസ്തന്‍റെ മൃതദേഹം കാഞ്ഞിരപുഴയിൽ കണ്ടെത്തി. മൂത്തകുന്നം കളവപാറ അജിത്തി(46)ന്‍റെ മൃതദേഹമാണ് അഴിക്കോട് കോസ്റ്റൽ പോലീസ് ഇന്നലെ വൈകീട്ട് പുഴയിൽ നിന്ന് കണ്ടെത്തിയത്. ചൊവ്വാഴ്ച രാവിലെ മുതലാണ് ഇയാളെ കാണാതായത്. മേൽനടപടികൾക്കായി മൃതദേഹം വടക്കേകര പോലീസിനു കൈമാറി.

ബൈക്ക് ഇടിച്ച് കുടുംബനാഥൻ മരിച്ചു

ചാവക്കാട്: ബൈക്ക് ഇടിച്ച് കുടുംബനാഥൻ മരിച്ചു; ബൈക്ക് നിർത്താതെ പോയി. തളിയക്കുളത്തിനു സമീപം തകിടിയിൽ ജോൺ മകൻ തോമസാ(ബേബി -66)ണ് മരിച്ചത്. തിങ്കളാഴ്ച രാത്രി ഏഴിന് ശേഷം പാലയൂർ സെന്‍ററിനു സമീപമാണ് അപകടം. നടന്ന് പോയിരുന്ന തോമസിനെ ബൈക്ക് ഇടിക്കുകയായിരുന്നു. തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചുവെങ്കിലും ഇന്നലെ മരിച്ചു. സംസ്കാരം ഇന്ന് പാലയൂർ മാർതോമ മേജർ ആർക്കിഎപ്പിസ്കോപ്പൽ തീർഥകേന്ദ്രത്തിൽ. മാതാവ്: അമ്മിണി. ഭാര്യ: ലില്ലി. മക്കൾ: സിബി, ലിസി. മരുമക്കൾ: റെയ്നി, സോജൻ.

മാർ അപ്രേമിന്‍റെ വിയോഗത്തിൽ അനുശോചനപ്രവാഹം

തൃശൂര്‍: തൃശൂരിനു മറക്കാന്‍ സാധിക്കാത്ത അനുഭവങ്ങള്‍ സമ്മാനിച്ച മഹാവ്യക്തിത്വത്തിന് ഉടമയായിരുന്നു കാലംചെയ്ത മാര്‍ അപ്രേം തിരുമേനിയെന്നു മുസ്‌ലിം ലീഗ് ജില്ലാ പ്രസിഡന്‍റ് സി.എ. മുഹമ്മദ് റഷീദ് അനുശോചിച്ചു. എന്തിനെയും നര്‍മ്മത്തോടെ കാണുകയും നിറചിരിയോടെ എല്ലാവരെയും സ്വീകരിക്കുകയും ചെയ്ത മാര്‍ അപ്രേം മുസ്‌ലിം ലീഗുമായി അടുത്ത ബന്ധമുള്ളയാളായിരുന്നുവെന്നു മാർ അപ്രേം എന്നു സി.എ. മുഹമ്മദ് റഷീദ് അനുശോചനസന്ദേശത്തില്‍ പറഞ്ഞു. ജില്ലാ സെക്രട്ടറിമാരായ പി.കെ. ഷാഹുല്‍ഹമീദ്, എം.എ. അസീസ്, നിയോജകമണ്ഡലം ജനറല്‍ സെക്രട്ടറി സി.കെ. ബഷീര്‍, ട്രഷറര്‍ കെ.എ. സുബൈര്‍, മുസ്‌ലിം യൂത്ത് ലീഗ് ജില്ലാ സെക്രട്ടറി പി.ജെ. ജെഫീഖ്, ദുബായ് കെഎംസിസി ജില്ലാ സെക്രട്ടറി ഷെമീര്‍ പണിക്കര്‍ എന്നിവര്‍ ആദരാഞ്ജലികള്‍ അര്‍പ്പിച്ചു. തൃശൂര്‍: മാർ അപ്രേം മെത്രാപ്പോലീത്തയുടെ നിര്യാണത്തിൽ ചർച്ച് ഹിസ്റ്ററി അസോസിയേഷൻ ഓഫ് ഇന്ത്യ (സി എച്ച്എഐ) സൗത്ത് ഇന്ത്യൻ ചാപ്റ്റർ അനുശോചനം രേഖപ്പെടുത്തി. സൗത്ത് ഇന്ത്യൻ ചാപ്റ്റർ പ്രസിഡന്‍റ് പ്രഫ. ജോർജ് മേനാച്ചേരി അധ്യക്ഷത വഹിച്ചു. ജനറൽ സെക്രട്ടറി ഡോ. ചാൾസ് ഡയസ് , വൈസ് പ്രസിഡന്‍റ് പ്രഫ. വി.പി. ജോൺസ്, പ്രഫ. വി.എ. വർഗീസ്, ഡേവിസ് കണ്ണമ്പുഴ തുടങ്ങിയവർ പങ്കെടുത്തു. സിഎച്ച്എഐയുടെ ദേശീയ പ്രസിഡന്‍റും സഭാ ചരിത്രകാരനുമായിരുന്നു മാർ അപ്രേം. തൃശൂര്‍: മാർ അപ്രേം മെത്രാപ്പോലീത്തയുടെ ദേഹവിയോഗത്തിൽ മാർ തിമോഥെയൂസ് മെട്രോപ്പോലിറ്റൻ മെമ്മോറിയൽ ഫെലോഷിപ്പ് പ്രവർത്തകസമിതി യോഗം അനുശോചിച്ചു. ‍പ്രസിഡന്‍റ് ടോണി ചിറയത്ത് അധ്യക്ഷത വഹിച്ചു. സെക്രട്ടറി സിജോ ജോൺ അനുശോചനപ്രമേയം അവതരിപ്പിച്ചു. തൃശൂര്‍: ക്രൈസ്റ്റ് വിഷൻ സൊസൈറ്റി രക്ഷാധികാരിയും പ്രചാരകനുമായിരുന്ന മാർ അപ്രേമിന്‍റെ വിയോഗത്തിൽ ക്രൈസ്റ്റ് വിഷൻ സൊസൈറ്റി അനുശോചിച്ചു. സാംസ്കാരിക തലസ്ഥാനനഗരിയുടെ മതസൗഹാർദ അന്തരീക്ഷം ഹൃദ്യമായ നിലയിൽ മുന്നോട്ടുകൊണ്ടുപോകുന്നതിൽ മാർ അപ്രേം വലിയ പങ്കുവഹിച്ചിട്ടുണ്ടെന്നും അനുസ്മരിച്ചു. യോഗത്തിൽ സെക്രട്ടറി പി.ജെ. സേവിയർ, ജിയോ തോളൂർ, കെ. ജോജൻ, ഷാജു മാത്യു, ലോനപ്പൻ ചക്കച്ചാംപറന്പിൽ, ആന്‍റണി വളപ്പില തുടങ്ങിയവർ പങ്കെടുത്തു.

മുഖംതിരിക്കുന്ന സർക്കാരുകൾക്കെതിരേ ആഞ്ഞടിക്കണം: സണ്ണി ജോസഫ്

തൃശൂര്‍: സംസ്ഥാനസർക്കാർ സാധാരണക്കാരുടെ പ്രശ്‌നങ്ങള്‍ക്കുനേരേ മുഖംതിരിക്കുകയാണെന്നും വിലക്കയറ്റം നിയന്ത്രിക്കാനാവാതെ കേന്ദ്ര, സംസ്ഥാന സര്‍ക്കാരുകള്‍ നോക്കിനില്‍ക്കുകയാണെന്നും കെപിസിസി പ്രസിഡന്‍റ് സണ്ണി ജോസഫ് പറഞ്ഞു. സംസ്ഥാന സർക്കാരിന്‍റെ ജനദ്രോഹനങ്ങൾക്കെതിരേയും ജില്ലയെ ബാധിക്കുന്ന വിഷയങ്ങൾ ഉയർത്തിയും കോൺഗ്രസ് സംഘടിപ്പിച്ച സമരസംഗമം ടൗൺഹാളിൽ ഉദ്ഘാടനംചെയ്യുകയായിരുന്നു അദ്ദേഹം. കൂട്ടായ ചെറുത്തുനില്‍പ്പ് അനിവാര്യമാണ്. ആഞ്ഞടിക്കണം. ജനജീവിതത്തിന്‍റെ സമസ്തതലങ്ങളിലും ബുദ്ധിമുട്ടിക്കുന്ന സര്‍ക്കാരുകളാണു സംസ്ഥാനത്തും കേന്ദ്രത്തിലും ഭരണം നടത്തുന്നത്. പെട്രോളിയം ഉത്പനങ്ങളുടെ വില കേന്ദ്രസര്‍ക്കാര്‍ വര്‍ധിപ്പിച്ചപ്പോള്‍ സംസ്ഥാനം ചെയ്തതു സെസ് ഏര്‍പ്പെടുത്തി ഇരട്ടിഭാരം ജനത്തിനുമേല്‍ അടിച്ചേല്‍പ്പിക്കുകയാണ്. കാര്‍ഷികമേഖല തകര്‍ന്നു. വന്യജീവി ആക്രമണം വാര്‍ത്തയല്ലാതാകുന്നവിധം നിത്യസംഭവമായി. കഷ്ടപ്പെട്ടുപഠിച്ച് പിഎസ്‌സി റാങ്ക് ലിസ്റ്റില്‍ ഉള്‍പ്പെട്ടവര്‍ സര്‍ക്കാര്‍ജോലി ലഭിക്കാന്‍ സമരംചെയ്യേണ്ട ഗതികേടാണ്. എന്നിട്ടും ആവശ്യങ്ങൾ അംഗീകരിക്കപ്പെടുന്നില്ല. ആശാവര്‍ക്കര്‍മാര്‍ ജീവിക്കാനായി നടത്തുന്ന സമരത്തെ അവഹേളിക്കുന്നു. ഒരുദിവസം കിട്ടുന്ന 232 രൂപകൊണ്ട് ഈ വിലക്കയറ്റകാലത്ത് ആശാവര്‍ക്കര്‍മാര്‍ എങ്ങിനെ ജീവിക്കും. ക്ഷേമപെന്‍ഷനുകളും വിദ്യാര്‍ഥികള്‍ക്കുള്ള സ്റ്റൈപ്പന്‍റുകളടക്കം മുടങ്ങുന്നു. ഇങ്ങനെയൊക്കെയാണെങ്കിലും സർക്കാരിന്‍റെ പ്രതിഛായ കൂട്ടാൻ പിആർ ഏജന്‍സികള്‍ക്കു വാരിക്കോരിനല്‍കാന്‍ സര്‍ക്കാര്‍ പണം ചെലവഴിക്കുന്നു. പിഎസ്‌സി അംഗങ്ങളുടെ പ്രതിഫലം വര്‍ധിപ്പിച്ചു. സര്‍ക്കാര്‍കേസുകള്‍ വാദിക്കുന്ന അഭിഭാഷകര്‍ക്കും ശമ്പളം കൂട്ടിനല്‍കിയെന്നും സണ്ണി ജോസഫ് ചൂണ്ടിക്കാട്ടി. ഡിസിസി പ്രസിഡന്‍റ് ജോസഫ് ടാജറ്റ് അധ്യക്ഷത വഹിച്ചു. യുഡിഎഫ് കണ്‍വീനര്‍ അടൂര്‍ പ്രകാശ്, കെപിസിസി വര്‍ക്കിംഗ് പ്രസിഡന്‍റുമാരായ എ.പി. അനില്‍കുമാര്‍, പി.സി. വിഷ്ണുനാഥ്, ഷാഫി പറമ്പില്‍, കെപിസിസി മുന്‍ വര്‍ക്കിംഗ് പ്രസിഡന്‍റ് ടി. സിദ്ധിഖ് എന്നിവര്‍ പ്രസംഗിച്ചു. ഡിസിസി ഭാരവാഹികളായ കെ.കെ. ബാബു സ്വാഗതവും അഡ്വ. സുരേഷ്‌കുമാര്‍ നന്ദിയും പറഞ്ഞു. യുഡിഎഫ് ജില്ലാ ചെയര്‍മാന്‍ ടി.വി. ചന്ദ്രമോഹന്‍, മുന്‍സ്പീക്കര്‍ തേറമ്പില്‍ രാമകൃഷ്ണന്‍, സനീഷ്‌കുമാര്‍ ജോസഫ് എംഎല്‍എ, നേതാക്കളായ ടി.എന്‍. പ്രതാപന്‍, പി.എ. മാധവന്‍, ഒ. അബ്ദുറഹിമാന്‍കുട്ടി, എം.പി. വിന്‍സെന്‍റ്, അനില്‍ അക്കര, ടി.യു. രാധാകൃഷ്ണന്‍, ജോസ് വള്ളൂര്‍, സുനില്‍ അന്തിക്കാട്, രമ്യ ഹരിദാസ് തുടങ്ങിയവര്‍ പങ്കെടുത്തു.

സര്‍ക്കാര്‍ വൃദ്ധസദനത്തില്‍ മനംപോലെ മംഗല്യം

വിയ്യൂര്‍: തൃശൂര്‍ ഗവ. വൃദ്ധസദനത്തില്‍നിന്ന് വിജയരാഘവനും സുലോചനയും ഇനി ഒരുമിച്ചൊരു യാത്ര ആരംഭിക്കുന്നു. എൺപതിന്‍റെ പടിവാതിൽക്കൽ സ്‌പെഷല്‍ മാരേജ് ആക്ട് പ്രകാരം വിവാഹിതരായ പേരാമംഗലം സ്വദേശി വിജയരാഘവനും (79). ഇരിങ്ങാലക്കുട സ്വദേശിനി സുലോചനയുമാണു (75) ജീവിതയാത്ര തുടങ്ങുന്നത്. വിജയരാഘവന്‍ 2019ലും സു ലോചന 2024 ലുമാണ് വൃദ്ധസദനത്തില്‍ എത്തിയത്. ഇരുവരും ഒരുമിച്ചു ജീവിക്കണമെന്ന ആവശ്യം വാര്‍ഡനെ അറിയിക്കുകയായിരുന്നു. സാമൂഹികനീതി വകുപ്പാണ് ചടങ്ങിനു നേതൃത്വം നല്‍കിയത്. മന്ത്രി ഡോ. ആര്‍. ബിന്ദു, മേയര്‍ എം.കെ. വര്‍ഗീസ് എന്നിവരടക്കമുള്ളവരുടെ സാന്നിധ്യത്തിലായിരുന്നു വിവാഹം. അഞ്ചുവര്‍ഷങ്ങള്‍ക്കുമുന്പേ ഇരിങ്ങാലക്കുട സ്വദേശിയും തമിഴ്നാട് സ്വദേശിയുമായുള്ള വിവാഹം ഇവിടെ നടന്നിരുന്നു. കോർപറേഷൻ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ശ്യാമള മുരളീധരന്‍, ജില്ലാ സാമൂഹ്യനീതി ഓഫീസര്‍ കെ.ആര്‍. പ്രദീപന്‍, വൃദ്ധസദനം സൂപ്രണ്ട് രാധിക തുടങ്ങിയവർ പങ്കെടുത്തു.

സർവീസ് മുടക്കാതെ കിരണ്‍ ബസ്, പ്രതിഷേധവുമായി സമരസമിതി

തൃശൂർ: സ്വകാര്യബസ് പണിമുടക്കിനിടെ തൃശൂരിൽനിന്നു തൃപ്രയാർ, കാഞ്ഞാണി റൂട്ടിൽ സർവീസ് നടത്തുന്ന കിരണ്‍ മോട്ടോഴ്സിന്‍റെ ബസുകൾ സമരത്തിൽ പങ്കെടുക്കാതെ സർവീസ് നടത്തി. അത്യാവശ്യം തിരക്കും ഈ ബസിൽ അനുഭവപ്പെട്ടു. സമരത്തിൽ പങ്കെടുക്കണമെന്നും സർവീസ് നടത്തരുതെന്നും സമരസമിതിക്കാർ കിരണ്‍ മോട്ടോഴ്സ് ഉടമയുടെ വീട്ടിൽ ചെന്നുകണ്ട് പറഞ്ഞെങ്കിലും, താൻ ഒരു ബസ് സംഘടനയിലും ഇല്ലെന്നും അതുകൊണ്ട് ബസ് ഓടിക്കുമെന്നുമുള്ള മറുപടിയാണ് തന്നതെന്നു ബസുടമാസംഘടന നേതാവ് പ്രേംകുമാർ പറഞ്ഞു. സർവീസ് നടത്തുന്നതിൽ പ്രതിഷേധിച്ച് സമരസമിതി തൃശൂർ ശക്തൻ സ്റ്റാൻഡിൽ കിരണ്‍ മോട്ടോഴ്സിന്‍റെ ബസ് തടഞ്ഞു.

സ്വകാര്യബസ് സമരം ജില്ലയിൽ പൂർണം

തൃശൂർ: വിവിധ ആവശ്യങ്ങളുന്നയിച്ച് ബസുടമ സംയുക്തസമിതി നടത്തുന്ന സ്വകാര്യബസ് പണിമുടക്ക് ജില്ലയിൽ പൂർണം. പണിമുടക്ക് പൊതുജീവിതത്തെ കാര്യമായി ബാധിച്ചില്ല. പതിവിലേറെ സ്വകാര്യവാഹനങ്ങൾ നിരത്തിലിറങ്ങി. ഓഫീസുകൾക്കും സ്കൂളുകൾക്കും അവധിയില്ലാത്തതുകൊണ്ട് ജീവനക്കാരും വിദ്യാർഥികളും ഓഫീസുകളിലെത്താൻ കെഎസ്ആർടിസി-സ്വകാര്യവാഹനങ്ങളെ ആശ്രയിച്ചു. ഇരുചക്രവാഹനങ്ങളും കാറുകളും ധാരാളമായി റോഡിലിറങ്ങിയതിനാൽ രാവിലെ ഓഫീസ് സമയത്തു റോഡുകളിൽ വലിയ തിരക്ക് അനുഭവപ്പെട്ടു. കെഎസ്ആർടിസി കൂടുതൽ സർവീസുകൾ ഹ്രസ്വദൂരയാത്രകൾക്ക് ഏർപ്പെടുത്തിയതു സഹായകമായി. നല്ല തിരക്കാണ് കെഎസ്ആർടിസി ബസുകളിൽ അനുഭവപ്പെട്ടത്. ലിമിറ്റഡ് സ്റ്റോപ്പ് ബസുകളുടെയും ദീർഘദൂരബസുകളുടെയും പെർമിറ്റുകൾ കൃത്യമായി പുതുക്കിനൽകുക, വിദ്യാർഥികളുടെ യാത്രാനിരക്ക് വർധിപ്പിക്കുക, ബസ് തൊഴിലാളികൾക്കു പോലീസ് ക്ലിയറൻസ് നിർബന്ധമാക്കിയ നടപടി പിൻവലിക്കുക തുടങ്ങി വിവിധ ആവശ്യങ്ങൾ ഉന്നയിച്ചാണ് സ്വകാര്യ ബസുകൾ സർവീസ് നിർത്തിവച്ചത്. വിദ്യാർഥികളുടെ യാത്രാനിരക്ക് വർധിപ്പിക്കുന്നതിൽ അടക്കം അനുകൂലതീരുമാനം ഇല്ലെങ്കിൽ 22 മുതൽ അനിശ്ചിതകാലസമരമെന്നു ബസുടമ സംയുക്തസമരസമിതി പ്രഖ്യാപിച്ചിട്ടുണ്ട്. കേന്ദ്രസർക്കാരിനെതിരേ പത്തു തൊഴിലാളിസംഘടനകളുടെ ദേശീയപണിമുടക്ക് നടക്കുന്നതിനാൽ ഇന്നും സംസ്ഥാനത്തു സ്വകാര്യബസുകൾ സർവീസ് നടത്തില്ല. ദേശീയപണിമുടക്കിൽ പത്തു തൊഴിലാളിയൂണിയനുകൾ പങ്കെടുക്കുന്നതിനാൽ കെഎസ്ആർടിസി സർവീസുകളും മുടങ്ങാൻ സാധ്യതയുണ്ട്.

സഹൃദയ എൻഎസ്എസ് യൂണിറ്റ് വനമഹോത്സവം സംഘടിപ്പിച്ചു

കൊടകര: സഹൃദയ കോളജ് ഓഫ് അഡ്വാൻസ്ഡ് സ്റ്റഡീസിലെ എൻഎസ്എസ് യൂണിറ്റ് പരിയാരം ഫോറസ്റ്റ് റേഞ്ചിന്‍റെ സഹകരണത്തോടെ വനമഹോത്സവം സംഘടിപ്പിച്ചു. ഉരുൾപൊട്ടലിൽ തകർന്ന കൊന്നക്കുഴി ചാട്ടുകല്ലുംതറ വനമേഖലയിൽ കാടിനെ പുനരുജ്ജീവിപ്പിക്കുന്നതിനായി എൻഎസ്എസ് വോളന്‍റിയർമാർ വിത്തുണ്ടകൾ നിക്ഷേപിച്ചു. എൻഎസ്എസ് പ്രോഗ്രാം ഓഫിസർ കെ. ജയകുമാർ, സ്റ്റുഡന്‍റ് കോർഡിനേറ്റർ സാമുവൽ വർഗീസ്, ഫോറസ്റ്റ് ഓഫിസർമാരായ ബിബിൻ, ജിഷോർ ജൈനി, സാജു എന്നിവർ നേതൃത്വം നൽകി.

സിപിഐ ജില്ലാസമ്മേളനം: സാംസ്കാരികോത്സവത്തിനു തുടക്കം

ഇരിങ്ങാലക്കുട: സിപിഐ ജില്ലാ സമ്മേളനത്തോടനുബന്ധിച്ചു സംഘടിപ്പിക്കുന്ന സാംസ്കാരികോത്സവത്തിനു തുടക്കം. ആദ്യദിനം ഇരിങ്ങാലക്കുട മുനിസിപ്പൽ ടൗണ്‍ഹാൾ അങ്കണത്തിൽ സജ്ജമാക്കിയ ടി.എൻ. നന്പൂതിരി - കെ.വി. രാമനാഥൻ മാസ്റ്റർ നഗറിൽ സാഹിത്യോത്സവം സംഘടിപ്പിച്ചു. സമ്മേളനത്തിനു മുന്നോടിയായി കുട്ടംകുളം സമരസ്മാരക സ്തൂപം കൃഷിമന്ത്രി പി. പ്രസാദ് അനാഛാദനം ചെയ്തു. ടി.എൻ. നന്പൂതിരി പുരസ്കാരസമർപ്പണവും സാഹിത്യോത്സവവും മന്ത്രി പി. പ്രസാദ് ഉദ്ഘാടനം ചെയ്തു. കെ. ദാമോദരന്‍റെ പാട്ടബാക്കി എന്ന രാഷ്ട്രീയനാടകം പുനരാവിഷ്കരിച്ച യുവ സംവിധായകൻ ബാബു വൈലത്തൂരിനെ പുരസ്കാരം നൽകി ആദരിച്ചു. കലാമണ്ഡലം രാജീവിന്‍റെയും സംഘത്തിന്‍റെയും മിഴാവിൽ പഞ്ചാരിമേളവും തൃശൂർ നാടകസംഘത്തിന്‍റെ തിയറ്റർ സ്‌കെ ച്ചുകളുമുണ്ടായിരുന്നു. ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് അധ്യക്ഷത വഹിച്ചു. സാഹിത്യകാര·ാരായ കുരീപ്പുഴ ശ്രീകുമാർ, ലിസി, ഡോ. വത്സലൻ വാതുശേരി, സിപിഐ ജില്ലാ സെക്രട്ടറി കെ.കെ. വത്സരാജ്, ജില്ലാ അസിസ്റ്റന്‍റ് സെക്രട്ടറി ടി.ആർ. രമേഷ് കുമാർ, സംസ്ഥാന കൗണ്‍സിലംഗം വി.എസ്. സുനിൽകുമാർ, കെ.പി. സന്ദീപ്, സംഘാടകസമിതി കണ്‍വീനർ ടി.കെ. സുധീഷ്, കെ.എസ്. ജയ എന്നിവർ പങ്കെടുത്തു. കെ. ശ്രീകുമാർ സ്വാഗതവും അഡ്വ. രാജേഷ് തന്പാൻ നന്ദിയും പറഞ്ഞു.

ചാലക്കുടി ലയൺസ് ക്ലബ് ഭാരവാഹികളുടെ സ്ഥാനാരോഹണം

ചാലക്കുടി: ലയൺസ് ക്ലബ് 2025-26 വർഷത്തേക്കുള്ള പുതിയ ഭാരവാഹികളുടെ സ്ഥാനാ‌രോഹണവും പുതിയ അംഗങ്ങളുടെ ഇൻഡക്‌ഷനും നാളെ വൈകീട്ട് 7.30ന് ലയൺസ് ക്ലബ് ഹാളിൽ നടക്കും. മൾട്ടിപ്പൾ ജിഎംടി കോ-ഒാർഡിനേറ്റർ ജി. വേണുകുമാർ മുഖ്യാതിഥിയായി പങ്കെടുക്കും. മുൻ മൾട്ടിപ്പിൾ കൗൺസിൽ ചെയർപേഴ്‌സൻ സാജു പാത്താടൻ പുതിയ അംഗങ്ങളുടെഇൻഡക്‌ഷൻ നിർവഹിക്കും. പുതിയ ഭാരവാഹികളായ ഡോ. ജോർജ് കോലഞ്ചേരി - പ്രസിഡന്‍റ്, എം.ജെ. ജോബി - സെക്രട്ടറി, വി.സി. പീറ്റർ - ട്രഷറർ എന്നിവർ സ്ഥാനമേറ്റെടുക്കും. താലൂക്ക് ആശുപത്രിയിലെ ലയൺസ് വിമുക്തി സെന്‍ററിന്‍റെ തുടർപ്രവർത്തനം, പാലസ് റിംഗ് റോഡിൽ തുടങ്ങിയ "എന്‍റെ പരിസരശുചിത്വം" പദ്ധതിയുടെ മറ്റു വാർഡുകളിലേക്കുള്ള വ്യാപനം, സ്‌കൂൾ, കോളജ് വിദ്യാർഥികൾക്കായി നേതൃത്വപരിശീലന ക്യാമ്പുകൾ, രാസലഹരി ക്കെതിരായ ജനകീയ ബോധവത്കരണ പ്രവർത്തനങ്ങൾ, വീടില്ലാത്തവർക്ക് നാലു വീടുകളുടെ നിർമാണം, ആവശ്യമുള്ളവർക്ക് കൃത്രിമ കൈ-കാലുകൾ നൽകൽ തുടങ്ങിയവയാണു പദ്ധതികൾ. ഡോ. ജോർജ് കോലഞ്ചേരി, എം.ജെ. ജോബി, വി.സി. പീറ്റർ, സാജു പാത്താടൻ, ജോസ് മൂത്തേടൻ എന്നിവർ പത്രസമ്മേളനത്തിൽ പങ്കെടുത്തു.

വായനശാലകൾ നാടിന്‍റെ സാംസ്കാരിക കേന്ദ്രങ്ങളാകണം: മന്ത്രി ബിന്ദു

കല്ലേറ്റുംകര: വായനശാലകൾ നാടിന്‍റെ സാംസ്കാരികകേന്ദ്രങ്ങളായി പ്രവർത്തിക്കണമെന്ന് മന്ത്രി ഡോ. ആർ. ബിന്ദു. ഫാ. ആൻഡ്രൂസ് മെമ്മോറിയൽ വില്ലേജ് വായനശാലയ്ക്ക് എംഎൽഎ ഫണ്ടിൽ നിന്നും 50,000 രൂപയ്ക്കുള്ള പുസ്തകങ്ങൾ വിതരണംചെയ്തു സംസാരിക്കുകയായിരുന്നു മന്ത്രി. പുതുതലമുറയിൽ വായനാശീലം കുറഞ്ഞുകൊണ്ടിരിക്കുന്ന ഈ കാലയളവിൽ വായനശാലകളുടെ പങ്ക് നിർണായകമാണെന്നും അവർ കൂട്ടിച്ചേർത്തു. ആളൂർ പഞ്ചായത്ത് പ്രസിഡന്‍റ് കെ.ആർ. ജോജോ അധ്യക്ഷത വഹിച്ചു. മുൻ പഞ്ചായത്ത് പ്രസിഡന്‍റ് പോൾ കോക്കാട്ട്, പഞ്ചായത്ത് അംഗങ്ങളായ ടി.വി. ഷാജു, യു.വി. പ്രഭാകരൻ, മിനി സുധീഷ്, വായനശാല മുൻ പ്രസിഡന്‍റ് ഡേവീസ് തുളുവത്ത്, കെ.എൽ. റോയി, ആൽഫി ഡേവിസ് തുടങ്ങിയവർ പ്രസംഗിച്ചു.

ജെസിഐ വാർഷികാഘോഷം

ഇരിങ്ങാലക്കുട: ജെസിഐ ഇരിങ്ങാലക്കുടയുടെ 20-ാം വാർഷികാഘോഷം ജെസിഐ ഇന്ത്യ മുൻ നാഷണൽ പ്രസിഡന്‍റ് അഡ്വ. രാകേഷ് ശർമ ഉദ്ഘാടനം ചെയ്തു. ജെസിഐ പ്രസിഡന്‍റ് ഡിബിൻ അന്പുക്കൻ അധ്യക്ഷത വഹിച്ചു. സോണ്‍ പ്രസിഡന്‍റ് മെജോ ജോണ്‍സണ്‍, ജൂണിയർ ഇന്നസെന്‍റ് എന്നിവർ മുഖ്യാതിഥികളായിരുന്നു. മുൻ പ്രസിഡന്‍റുമാരായ ലിയോ പോൾ, അഡ്വ. ജോണ്‍ നിധിൻ തോമസ്, ജെയിംസ് അക്കരക്കാരൻ, ടെൽസണ്‍ കോട്ടോളി, ഡോ. സിജോ പട്ടത്ത്, അഡ്വ. ഹോബി ജോളി, ലിജോ പൈലപ്പൻ, സെക്രട്ടറി ഷിജു കണ്ടംകുളത്തി, ട്രഷറർ സോണി സേവ്യർ, അജോ ജോണ്‍ എന്നിവർ പ്രസംഗിച്ചു. 20-ാം വാർഷികാഘോഷങ്ങളുടെ ഭാഗമായി നടത്തപ്പെടുന്ന വിദ്യാനിധിപദ്ധതിയുടെ ഉദ്ഘാടനം ഇരിങ്ങാലക്കുട ഗവ. മോഡൽ ബോയ്സ് ഹയർ സെക്കൻഡറി പ്രിൻസിപ്പൽ മുരളി നിർവഹിച്ചു. സമ്മേളനത്തിൽ ജെഇഇ അഡ്വാൻസ്ഡ്, കീം പരീക്ഷകളിൽ ഉന്നതവിജയം നേടിയ അലൻ ടെൽസനെയും ഗവ. നോട്ടറിയായി നിയമിതനായ അഡ്വ. പോളി മൂഞ്ഞേലിയേയും ആദരിച്ചു.

നഗരവീഥികളില്‍ മഴക്കുഴികള്‍; മരണക്കെണിയൊരുക്കി അധികൃതര്‍

ഇരിങ്ങാലക്കുട: നഗരത്തിലെ തിരക്കേറിയ പല റോഡുകളും മരണക്കെണികളായി മാറി. കാല്‍ നടയാത്രക്കാര്‍ക്കുപോലും റോഡിലൂടെ നടക്കാന്‍ സാധിക്കാത്ത അവസ്ഥ. നഗരത്തിലെ പ്രധാന റോഡുകളായ ബസ് സ്റ്റാന്‍ഡ് - എകെപി ജംഗ്ഷന്‍ റോഡ്, ബൈപാസ് റോഡ്, ക്രൈസ്റ്റ് കോളജ് റോഡ്, മാസ് റോഡ്, ഫയര്‍സ്റ്റേഷന്‍ റോഡ്, ഫാ. ഡിസ്മസ് റോഡ്, മാര്‍ക്കറ്റ് ഇരട്ട കപ്പേള റോഡ് എന്നിവ ഏറെ ശോചനീയമായ അവസ്ഥയിലാണ്. തകര്‍ന്നു തരിപ്പണമായ റോഡുകളില്‍ ഭൂരിഭാഗവും ഭരണകക്ഷി കൗണ്‍സിലര്‍മാരുടെ വാര്‍ഡുകളില്‍ ഉള്‍പ്പെടുന്നതാണ്. മഴപെയ്തതോടെ പല ചെറുകുഴികളും വന്‍കുഴികളാകുകയും വന്‍ കുഴികള്‍ പിന്നീട് കുളങ്ങളായും മാറിയ അവസ്ഥയിലാണ്. ജനങ്ങളില്‍ നിന്നും പ്രതിഷേധം ഉയര്‍ന്നപ്പോള്‍ കണ്ണില്‍ പൊടിയിടാനെന്ന‌പോലെ പലയിടത്തും ക്വാറിവേസ്റ്റ് ഇട്ടു. ബസ് സ്റ്റാന്‍ഡു മുതല്‍ എകെപി ജംഗ്ഷന്‍ വരെയുള്ള റോഡില്‍ സണ്ണി സില്‍ക്ക് സിനു മുന്നില്‍ ക്വാറി വേസ്റ്റ് ഇട്ടിട്ടും തുടര്‍ന്നുണ്ടായ മഴയില്‍ ഒലിച്ചുപോകുകയായിരുന്നു. പലയിടത്തും കുഴികളിലിട്ട മണ്ണ് ചെളിക്കൂനയായി മാറി. ചെളിയിലൂടെ വാഹനം ഓടിച്ച് വീഴുന്നവര്‍ നിരവധിയാണ്. പലരും ഭാഗ്യം കൊണ്ടുമാത്രമാണു രക്ഷ പ്പെടുന്നത്. മഴ മാറിയാല്‍ തകര്‍ന്നുകിടക്കുന്ന റോഡുകള്‍ പൂര്‍ണമായും നന്നാക്കുമെന്ന് നഗരസഭ അധികൃതര്‍ ആവര്‍ത്തിച്ചു പറയുന്നുണ്ടെങ്കിലും നടപടികള്‍ ഒന്നും‌തന്നെ ആയിട്ടില്ല. ബസ് സ്റ്റാന്‍ഡ് എകെപി ജംഗ്ഷന്‍ റോഡില്‍ വെള്ളക്കെട്ടുള്ള ഭാഗം ടൈലിട്ടുയര്‍ത്തി പ്രശ്നം പരിഹരിക്കുമെന്നാണ് അധികൃതര്‍ പറയുന്ന ഉറപ്പ്. യാത്രാദുരിതം ഏറിയതോടെ വിവിധ രാഷ്ട്രീയ സംഘടനകളും സമുദായ സംഘടനകളും പ്രതിഷേധവുമായി രംഗത്തിറങ്ങിയിട്ടും അധികൃതര്‍ കണ്ടില്ലെന്ന അവസ്ഥയിലാണ്.

കെസിഎസ്എൽ പ്രവർത്തനവർഷം ഉദ്ഘാടനം ചെയ്തു

കൊടുങ്ങല്ലൂർ: കോട്ടപ്പുറം രൂപത കേരള കത്തോലിക്ക സ്റ്റുഡൻസ് ലീഗ് പ്രവർത്തനവർഷോദ്ഘാടനം കോട്ടപ്പുറം ആനിമേഷൻ സെന്‍ററിൽ കോട്ടപ്പുറം രൂപത ബിഷപ് ഡോ. അംബ്രോസ് പുത്തൻവീട്ടിൽ നിർവഹിച്ചു. കെസിഎസ്‌എൽ ഡയറക്ടർ ഫാ. സിബിൻ ഫ്രാൻസിസ് കല്ലറയ്ക്കൽ, പ്ര സിഡന്‍റ് ആൻസലീന ആൻസൺ എന്നിവർ പ്രസംഗിച്ചു. ജനറൽ ഓർഗനൈസർ സിസ്റ്റർ ജോബി സിടിസി അധ്യയനവർഷപ്രവർത്തനങ്ങളെക്കുറിച്ചു വിശദീകരിച്ചു.

കാർ ഡിവൈഡറിൽ ഇടിച്ചുമറിഞ്ഞു; നാലുപേർക്കു പരിക്ക്

പട്ടിക്കാട്: ദേശീയപാതയിൽ പാണഞ്ചേരിയിൽ നിയന്ത്രണംവിട്ട കാർ ഡിവൈഡറിൽ ഇടിച്ച് മറിഞ്ഞുണ്ടായ അപകടത്തിൽ വാഹനത്തിൽ ഉണ്ടായിരുന്ന നാല് പേർക്ക് പരിക്കേറ്റു. ഒരാളുടെ പരിക്ക് ഗുരുതരമാണ്. തമിഴ്‌നാട് സ്വദേശികളായ മാരിമുത്തു (34), അർമുഖൻ (52), ഗുണശേഖർ (54), രാജേന്ദ്രൻ (32) എന്നിവർക്കാണ് പരിക്കേറ്റത്. ഇന്നലെ ഉച്ചയ്ക്ക് 2.35 നാണ് അപകടം ഉണ്ടായത്. തൃശൂർ ഭാഗത്തേക്ക് പോയിരുന്ന കാർ ദേശീയപാതയിൽ ഗതാഗത നിയന്ത്രണം ഏർപ്പെടുത്തിയിരുന്ന ഭാഗത്താണ് അപകടത്തിൽപ്പെട്ടത്. അമിത വേഗതയിൽ എത്തിയകാർ ഗതാഗത നിയന്ത്രണത്തിനായി സ്ഥാപിച്ചിരുന്ന കോൺക്രീറ്റ് ഡിവൈഡറുകളിൽ ഇടിച്ച് മറിയുകയായിരന്നു. അപകടം കണ്ട് ഓടിയെത്തിയ നാട്ടുകാരാണ് കാർ ഉയർത്തി കാറിൽ നിന്നും യാത്രക്കാരെ പുറത്തെടുത്തത്. പരിക്കേറ്റവരെ തൃശൂർ ജില്ലാ ആശുപത്രിയിൽ പ്രവേശിപ്പിച്ചു. ഹൈവേ പോലീസ് സ്ഥലത്തെത്തി മേൽ നടപടികൾ സ്വീകരിച്ചു.

ആക്ട്സ് സൗജന്യ ആംബുലൻസ് സർവീസ്

വടക്കാഞ്ചേരി: ഡയാലിസിസിന് വിധേയരാകുന്ന നിർധന രോഗികൾക്ക് വേണ്ടി ആക്ട്സ് വടക്കാഞ്ചേരി ബ്രാഞ്ച് സൗജന്യ ആംബുലൻസ് സർവീസ് ആരംഭിക്കുന്നുവെന്ന് ആക്ട്സ് ഭാരവാഹികൾ പത്രസമ്മേളനത്തിൽപറഞ്ഞു. വടക്കാഞ്ചേരിയുടെ പത്തു കിലോമീറ്റർ പരിധിയിൽ താമസിക്കുന്നവരും മുളങ്കുന്നത്തുകാവ് മെഡിക്കൽ കോളജ് ആശുപത്രി, വടക്കാഞ്ചേരി ജില്ലാ ആശുപത്രി എന്നിവിടങ്ങളിലെ ഡയാലിസിസ് സെന്‍ററിൽ ചികിത്സ നടത്തുന്നവരുമായ രോഗികൾക്കാണ് ഈ സേവനം ലഭ്യമാവുക. ആക്ട്സ് സ്ഥാപിതമായതിന്‍റെ രജത ജൂബിലിയുടെ ഭാഗമായാണ് പുതിയ സേവനത്തിന് തുടക്കം കുറിക്കുന്നത്. കൊച്ചൗസേപ്പ് ചിറ്റിലപ്പിള്ളി ഫൗണ്ടേഷനാണ് ആംബുലൻസ് സ്പോൺസർ ചെയ്ത്‌തിരിക്കുന്നത്. നാളെ രാവിലെ 10 ന് ഓട്ടുപാറ ഡെലിസ റെസിഡൻസി കോൺഫറൻസ് ഹാളിൽ നടക്കുന്ന യോഗം സേവ്യർ ചിറ്റിലപ്പിള്ളി എം.എൽ.എ ഉദ്ഘാടനം ചെയ്യും. ജില്ലാ കളക്ടർ അർജുൻ പാണ്ഡ്യൻ ഡയാലിസിസ് കെയർ ആംബുലൻസിന്‍റെ സമർപ്പണം നടത്തും. തൃശൂർ മേയറും ആക്ട്സ് ജനറൽ സെക്രട്ടറിയുമായ എം.കെ വർഗീസ്, വടക്കാഞ്ചേരി നഗരസഭ ചെയർമാൻ പി.എൻ സുരേന്ദ്രൻ, കൗൺസിലർ പി.എൻ.വൈശാഖ്, കെവിവിഇഎസ് ജില്ലാ പ്രസിഡന്‍റ് കെ.വി. അബ്ദുൾ ഹമീദ് എന്നിവർ പങ്കെടുക്കും. വ്യാപാരി വ്യവസായി ഏകോപന സമിതി ജില്ല പ്രസിഡന്‍റ് കെ.വി. അബ്ദുൾ ഹമീദിന് ആക്ട്സ് ഭദ്രപഥം പുരസ്കാരം നൽകും. പത്രസമ്മേളനത്തിൽ ആക്ട്സ് രക്ഷാധികാരി അജിത് കുമാർ മല്ലയ്യ, ബ്രാഞ്ച് പ്രസിഡന്‍റ് വി.വി. ഫ്രാൻസീസ്, വൈസ് പ്രസിഡന്‍റ് പി.എം. അബൂബക്കർ, ട്രഷറർ വി. അനിരുദ്ധൻ എന്നിവർ പങ്കെടുത്തു.

മാർ കൂറിലോസ് ബാവയുടെ ഓർമപ്പെരുന്നാൾ ഇന്നും നാളെയും

വടക്കേക്കാട്: തൊഴിയൂർ മലബാർ സ്വതന്ത്ര സുറിയാനി സഭ സ്ഥാപകൻ കാട്ടുമങ്ങാട്ട് എബ്രഹാംമാർ കൂറിലോസ് വലിയ ബാവയുടെ ഓർമപ്പെരുന്നാൾ ഇന്നും നാളെയുമായി ആലോഷിക്കും. രണ്ടു ദിവസമായി നടക്കുന്ന പെരുന്നാളിന്‍റെ കൊടിയേറ്റം സഭ ആസ്ഥാനമായ തൊഴിയൂർ സെന്‍റ് ജോർജ് ഭദ്രാസന ദേവാലയങ്ക ണത്തിൽ സഭാധ്യക്ഷൻ സിറി ൾ മാർ ബസേലിയോസ്‌ മെത്രാപോലീത്ത നിർവഹിച്ചു. ഇന്നു രാവിലെ ഒമ്പതിന് വിശുദ്ധ കുർബാന, ഉച്ചകഴിഞ്ഞ് 3.30ന് കുന്നംകുളം സെന്‍റ് തോമസ് പള്ളിയിൽ നിന്ന് തൊഴിയൂർ ഭദ്രാസന പള്ളിയിലെ പരിശുദ്ധ ബാവയുടെ കബറിടത്തിലേക്കു പദ യാത്ര, 5.30 ന് മലങ്കര യാക്കോബായ സുറിയാനി സഭയുടെ ശ്രേഷ്ഠ കാതോലിക്ക ആബൂൻ മാർ ബസേലിയോസ്‌ ജോസഫ് ബാവാക്ക് സ്വീകരണം. നാളെ രാവിലെ 8.30നു സഭാധ്യക്ഷൻ സിറിൾ മാർ ബസേലിയോസ്‌ മെത്രാപ്പാലീത്തയുടെ മുഖ്യകാർമ്മികത്വത്തിൽ വിശുദ്ധഒൻപതിന്മേൽ കുർബാനയും, മാർ ബഹനാം ചാപ്പലിലേക്ക് പ്രദക്ഷിണം, തുടർന്ന് പൊതുസദ്യ യും നടത്തുമെന്ന് ഇടവക വികാരി ഫാ. തോമസ് കുരിയൻ, അൽമായ ട്രസ്റ്റി ഗീവർ മാണി പനക്കൽ, സഭ സെക്രട്ടറി ബിനോയ്‌ പി. മാത്യു, ജനറൽ കൺവീനർ സി. വി. ബാബു, കെ. എസ്. റെജി എന്നിവർ അറിയിച്ചു.

കുരുത്തോല അരങ്ങുമായി പാലയൂർ തിരുനാൾ

പാലയൂർ: മാർ തോമ മേജർആർക്കിഎപ്പിസ്കോപ്പൽ തീർഥകേന്ദ്രത്തിലെ തർപ്പണതിരുനാളിനോടനുബന്ധിച്ചുള്ള കുരുത്തോല അലങ്കാരത്തിന്‍റെ ഒരുക്കങ്ങൾ പൂർത്തിയായി. തിരുനാളിനെ മറ്റു ദേവാലയങ്ങളിലെ തിരുനാളുകളിൽ നിന്നു വ്യത്യസ്തമാക്കുന്നത് കുരുത്തോല അരങ്ങാണ്. കുരുത്തോല പ്രത്യേകരീതിയിൽ വെട്ടി മെടഞ്ഞാണ് തോരണം ഉണ്ടാകുന്നത്. നൂറിൽപരം തെങ്ങുകളിൽ നിന്ന് വെട്ടിയെടുക്കുന്ന കൂമ്പോല കൊണ്ടാണ് ഒരുപറ്റം യുവജനങ്ങളും മുതിർന്നവരും ദിവസങ്ങളോളം ഇരുന്ന് അരങ്ങു ഒരുക്കി കെട്ടുന്നതെന്ന് അലങ്കാരം കൺവീനർ സൈജോ സൈമൺ, ജോയിന്‍റ് കൺവീനർ റൊണാൾഡ് ആന്‍റണി എന്നിവർ പറഞ്ഞു. ഇടവകയിലെ യുവജനങ്ങളും, മുതിർന്നവരും ചേർന്നു മെടഞ്ഞ കുരുത്തോല കെട്ടുന്ന തോടെ പള്ളിമുറ്റം അലങ്കാര പൂരിതമാകും.

ബാറിൽ മധ്യവയസ്കനെ ആക്രമിച്ച് പരിക്കേൽപ്പിച്ച പ്രതി അറസ്റ്റിൽ

വലപ്പാട്: പരിചയത്തിന്‍റെ പേരിൽ ബാറിൽവച്ച് ചിരിച്ചതിനു മധ്യവയസ്കനെ ആക്രമിച്ച പ്രതി അറസ്റ്റിൽ. ചെമ്മാപ്പിള്ളി സ്വദേശി കോരമ്പി വീട്ടിൽ അജീഷി (37) നെയാണ് വലപ്പാട് പോലീസ് അറസ്റ്റുചെയ്തത്. കഴിഞ്ഞ ദിവസം രാത്രി എട്ടോടെ തൃപ്രയാറുള്ള ബാറിലിരുന്ന് പെരിങ്ങോട്ടുകര വടക്കുംമുറി സ്വദേശി ഇരിക്കലിൽ വീട്ടിൽ സുരേഷ് കുമാറും സുഹൃത്തുംകൂടി മദ്യപിച്ചുകൊണ്ടിരിക്കെ മുൻപ് കണ്ടുപരിചയമുള്ള അജീഷിനെ നോക്കി ചിരിച്ചപ്പോൾ ഇയാൾ സുരേഷ് കുമാറിനെ അസഭ്യം പറയുകയും കൈയിലിരുന്ന ഗ്ലാസ് കൊണ്ട് മുഖത്തടിച്ചും മറ്റും പരിക്കേൽപ്പിക്കുകയുമായിരുന്നു. തുടർന്ന് ഇയാളുടെ പരാതിയിൽ വലപ്പാട് പോലീസ് രജിസ്റ്റർ ചെയ്ത കേസിലാണ് പ്രതിയെ പോലീസ് അറസ്റ്റുചെയ്തത്. കോടതിയിൽ ഹാജരാക്കിയ പ്രതിയ റിമാൻഡ് ചെയ്തു. വലപ്പാട് പോലീസ് സ്റ്റേഷൻ ഇൻസ്പെക്ടർ എം.കെ.രമേഷ്, എസ്ഐ സദാശിവൻ, സിപിഒ മാരായ പി.എസ്. സോഷി, സന്ദീപ്, സതീഷ് എന്നിവരാണ് അന്വേഷണ സംഘത്തിലുണ്ടായിരുന്നത്.

ജനവാസമേഖലയിൽ വീണ്ടും കാട്ടാനയിറങ്ങി കൃഷികൾ നശിപ്പിച്ചു

വടക്കാഞ്ചേരി: ജനവാസമേഖലയിൽ വീണ്ടും കാട്ടാനയിറങ്ങി കൃഷികൾ നശിപ്പിച്ചു. ഇന്നലെ പുലർച്ചെയായിരുന്നു സംഭവം. നഗരസഭ 16-ാം ഡിവിഷൻ ചേപ്പലക്കോട് പ്രദേശത്താണ് കാട്ടാനകളിറങ്ങിതെങ്ങുകളും മറ്റു കൃഷികളും നശിപ്പിച്ചത്. ചേപ്പലക്കോട് സ്വദേശി ഭാസ്ക്കരന്‍റെ കൃഷിയിടത്തിലാണ് കാട്ടാന താണ്ഡവമാടിയത്. സ്ഥലം എംഎൽഎ പ്രദേശം സന്ദർശിക്കണമെന്നും ജനങ്ങൾക്ക് ഭയം കൂടാതെ ജീവിക്കാനുള്ള സൗകര്യം ഒരുക്കണമെന്നും നാട്ടുകാർ ആവശ്യപ്പെട്ടു. കാട്ടാനകൾ ഇടക്കിടെ ജനവാസ മേഖലയിലിറങ്ങുന്നത് റബർ ടാപ്പിംഗ് തൊഴിലാളികൾക്ക് ഭീഷണിയാകുന്നുണ്ട്. കഴിഞ്ഞ ദിവസം ഈ പ്രദേശത്ത് ഇറങ്ങിയ കാട്ടാന ആൾതാമസമില്ലാത്ത ഓടുമേഞ്ഞ വീട് തകർത്തിരുന്നു.

വെള്ളക്കെട്ട് ഒഴിയാതെ മനക്കൊടി - പുള്ള് റോഡ് : വാഹനയാത്ര നിലച്ചിട്ട് ഒരു മാസം

അരിമ്പൂർ: മനക്കൊടി - പുള്ള് റോഡിൽ വെള്ളം കയറിക്കിടക്കുന്നതു കാരണം ഇതുവഴി ഗതാഗതം നിലച്ചിട്ട് ഒരു മാസത്തിലേറെയായി. പ്രധാന ചാലിൽ കുളവാഴയും കരിവാരി ചണ്ടിയും നിറഞ്ഞ് കിടക്കുന്നായതിനാൽ വെള്ളം ഒഴിഞ്ഞ് പോകാൻ തടസമായിരിക്കുകയാണ്. ഇതു മൂലം ഒരുപാടുദൂരം വളഞ്ഞ് സഞ്ചരിക്കേണ്ട ഗതികേടിലാണ് യാത്രക്കാർ. കരാഞ്ചിറയിൽ നിന്നും അരിമ്പൂർ, അന്തിക്കാട്, മണലൂർ കോൾ മേഖലകൾ വഴിയാണ് വെള്ളം ഒഴുകി ഏനാമ്മാവ് റെഗുലേറ്റർ വഴി കടലിൽ പോകേണ്ടത്. മഴക്കാലമായാൽ മനക്കൊടി - പുള്ള് പ്രദേശം മുതൽ പെരുമ്പുഴവരെ കെഎൽ ഡിസി യുടെ പ്രധാന ചാലിൽ കുളവാഴയും അതിനടിയിൽ ചണ്ടിയും കരിവാരിയും നിറഞ്ഞ് വെള്ളത്തിന്‍റെ ഒഴുക്ക് തടസപ്പെടും. തടസങ്ങൾ നീക്കേണ്ട ഇറിഗേഷൻ ഡിപ്പാർട്ട്മെന്‍റ് ഇക്കാര്യത്തിൽ കാണിക്കുന്ന നിരുത്തരവാദപരമായ സമീപനമാണ് വാരിയം പടവിലും, അഞ്ചുമുറി പടവിലും വെള്ളം ഒഴിയാത്തതിന്‍റെ കാരണമെന്ന് കർഷകർ ആരോപിച്ചു. മാത്രമല്ല മനക്കൊടി പുള്ള് റോഡിൽ പലയിടത്തും റോഡ് താഴ്ന്നാണ് കിടക്കുന്നത്. അതിനാൽ ചാലിൽ കുളവാഴകൾ മൂലം ഒഴുക്ക് നിലക്കുമ്പോൾ വെള്ളം റോഡു കവിഞ്ഞ് പാടശേഖരത്തിലേക്കു പ്രവഹിച്ച് പലതവണ കൃഷിനാശം സംഭവിച്ചിട്ടുണ്ട്. റോഡ് ഒരു മീറ്ററോളം ഉയർത്തണം എന്നാവശ്യപ്പെട്ട് കർഷകർ മന്ത്രിമാർക്കടക്കം നിവേദനം നൽകിയിരുന്നു. റോഡരികിലെ മരങ്ങൾ പലതും കടപുഴകി വീണു കിടക്കുകയാണ്. പെരുമ്പുഴ - മണലൂർ പ്രദേശങ്ങളിൽ കൂടുതൽ ചീപ്പുകൾ സ്ഥാപിക്കുകയും ചാലിലെ തടസം യഥാസമയം മാറ്റുകയും ചെയ്തെങ്കിൽ മാത്രമാണ് പ്രശ്നത്തിന് ശാശ്വത പരിഹാരം ഉണ്ടാകുകയുള്ളൂ എന്നും കർഷകർ പറയുന്നു. പുള്ള് വിനോദ സഞ്ചാര കേന്ദ്രത്തിൽ ആളുകൾക്ക് എത്താതായതോടെ കടകൾ എല്ലാം അടക്കേണ്ടി വന്നു. തട്ടുകടകൾ നടത്തുന്ന പലർക്കും വരുമാനം നിലച്ച് ജീവിതം പ്രതിസന്ധിയിലുമാണ്. കൊട്ടവഞ്ചി, പെഡൽ ബോട്ട് തുടങ്ങിയവയും കയറ്റിയിട്ടിരിക്കുകയാണ്.

ചുരുളൻവള്ളം "കായൽസുൽത്താൻ' ചേറ്റുവ പുഴയിൽ നീരണിഞ്ഞു

വാടാനപ്പള്ളി: ചേറ്റുവയിൽ പണിതീർത്ത പുതിയ സി ഗ്രേഡ് ചുരുളൻവള്ളം നീരണിഞ്ഞു. പൊന്നാനി പുറങ്ങ് പടിഞ്ഞാറ്റുമുറി കായൽ സുൽത്താൻ ആർട്സ് സ്പോർട്സ് ബോട്ട് ക്ലബ്ബ്‌ ആണ് ചുരുളൻ വള്ളം പണിയിപ്പിച്ചത്. 3,25,000 രൂപ ചെലവിൽ രണ്ടു മാസം എടുത്താണ് പ്രജീഷ് കടാമംഗലം ചുരുളൻ വള്ളത്തിന്‍റെ പണി പൂർത്തീകരിച്ചത്. ക്ലബ്ബ്‌ പ്രസിഡന്‍റ് പി.ടി.ബഷീർ, സെക്രട്ടറി ഒ.വി. ഷഹീർ, ട്രഷറർ എൻ.പി. ജയകുമാർ എന്നിവർ പങ്കെടുത്തു. ചേറ്റുവ സ്വദേശി പഞ്ച പ്രഭാകരന്‍റെ മേൽനോട്ടത്തിലാണ് സി ഗ്രേഡ് ചുരുളൻവള്ളം പണിതീർത്തത്. ചേറ്റുവയിൽ പണിതീർത്ത രണ്ടാമത്തെ സി ഗ്രേഡ് ചുരുളൻവള്ളമാണ് കായൽ സുൽത്താൻ. ചടങ്ങുകൾക്ക്ശേഷം വള്ളം പൊന്നാനിയിലേക്ക് കൊണ്ടുപോയി.

പുതുക്കാട് താലൂക്ക് ആശുപത്രിയിലെ സീലിംഗ് തകര്‍ന്നുവീണു

പുതുക്കാട്: താലൂക്ക് ആശുപത്രിയില്‍ പുതിയതായി നിര്‍മിച്ച ഐസൊലേഷന്‍ വാര്‍ഡിന്‍റെ സീലിംഗ് തകര്‍ന്നുവീണു. ഇന്നലെ രാവിലെ 10 നായിരുന്നു സംഭവം. വാര്‍ഡിന്‍റെ വരാന്തയിലെ പിവിസി ഷീറ്റില്‍ തീര്‍ത്ത സീലിംഗ് ആണ് തകര്‍ന്നുവീണത്. കഴിഞ്ഞ ഫെബ്രുവരിയിലാണ് ഐസൊലേഷന്‍ വാര്‍ഡ് ഉദ്ഘാടനം കഴിഞ്ഞത്. ഇലക്ട്രിക്കല്‍ പണികള്‍ പൂര്‍ത്തിയാകാത്തതു മൂലം ഇതുവരെ വാര്‍ഡ് തുറന്നുകൊടുത്തിട്ടില്ല. കഴിഞ്ഞ രണ്ടു ദിവസമായി ഇവിടെ ഇലക്ട്രിക്കല്‍ പണികള്‍ നടത്തിയിരുന്നു. ഇതിന്‍റെ ഭാഗമായി സീലിംഗ് അഴിച്ച് വയറിംഗ് ജോലികള്‍ ചെയ്തത് പരിശോധിച്ചിരുന്നു. ഇതിനുശേഷം സീലിംഗ് ഉറപ്പിക്കാത്തതാണ് തകര്‍ന്നുവീഴാന്‍ കാരണമെന്ന് പറയുന്നു. ഇന്നലെ രാവിലെ ഉണ്ടായ കാറ്റിലാണ് ഈ ഭാഗം തകര്‍ന്നുവീണത്. കെ.കെ. രാമചന്ദ്രന്‍ എംഎല്‍എയുടെ ആസ്തി വികസന ഫണ്ടും കിഫ്ബി ഫണ്ടും ചേര്‍ത്ത് ഒന്നേമുക്കാല്‍ കോടി രൂപയിലാണ് ഐസൊലേഷന്‍ വാര്‍ഡ് നിര്‍മിച്ചത്. തൃശൂര്‍ ഡിസ്ട്രിക്ട് ലേബര്‍ കോണ്‍ട്രാക്ട് കോ-ഓപ്പറേറ്റീവ് സൊസൈറ്റിക്കായിരുന്നു നിര്‍മാണ ചുമതല. മുഖ്യമന്ത്രി പിണറായി വിജയനാണ് ഐസൊലേഷന്‍ വാര്‍ഡ് ഓണ്‍ലൈനായി ഉദ്ഘാടനം നിര്‍വഹിച്ചത്.

യുവാവിനെതിരേ കേസെടുക്കാൻ കോടതി ഉത്തരവ്

ചാവക്കാട്: കോടതിപരിസരത്ത് ഭാര്യയുമൊത്ത് വക്കീലിനെ കാണാനെത്തിയ ക്ഷേത്രം ശാന്തിക്കാരൻ അന്നകര വടേരിയാട്ടിൽ രതീഷിനെതിരേ കേസെടുക്കാൻ കോടതി ഉത്തരവ്. തന്‍റെ പണവും ഫോണും കാറും കവർച്ച ചെയ്യപ്പെട്ട കേസിൽ വക്കീലിനെ കാണാൻ എത്തിയ രതീഷിനെതിരേ സജീഷ് എന്നയാൾ നൽകിയ ഹണിട്രാപ്പ് പരാതിയിലാണു കോടതി കേസെടുക്കാൻ പോലീസിനോടു നിർദേശിച്ചത്. പരാതിക്കാരനായ പിലക്കാട് സ്വദേശി ഈങ്ങത്ത് കിഴക്കേതിൽ സജീഷിന്‍റെ മുൻഭാര്യ കൈപ്പറന്പ് സ്വദേശി വിളക്കത്തല ശ്രുതിബാബു, കാമുകൻ അന്നകര സ്വദേശിയായ ക്ഷേത്രംശാന്തി വടേരിയാട്ടിൽ രതീഷ് എന്നിവർക്കെതിരേയാണു കേസെടുത്ത് അന്വേഷണം നടത്താൻ കോടതി ഉത്തരവിട്ടത്. അന്നകരയിലെ ക്ഷേത്രത്തിൽ സ്ഥിരമായി ദർശനത്തിനു വന്നിരുന്ന ശ്രുതിയെ വിവാഹം കഴിക്കാനായി ശാന്തിക്കാരനായ രതീഷ് ശ്രുതിയുടെ ഭർത്താവായ സജീഷിനെ ഹണിട്രാപ്പിൽ പെടുത്തിയെന്നാണു കേസ്. ബംഗളൂരുവിൽ താൻ ഫാഷൻ ഷോ നടത്തുന്നുണ്ടെന്നും അതിന്‍റെ മേക്കപ്പ്മാനായി നിയമിക്കാമെന്നും വാഗ്ദാനം നൽകി സജീഷിനെ സഹായിയായ ഒരു സ്ത്രീക്കൊപ്പം ബംഗളുരുവിലേക്ക് അയക്കുകയായിരുന്നു. തുടർന്ന് സജീഷിനെയും ഈ സ്ത്രീയെയും നഗ്നരാക്കിയുള്ള ചിത്രം പകർത്തി ഈ ചിത്രം സജീഷിന്‍റെ ഭാര്യ ശ്രുതിക്ക് അയക്കുകയും പ്രചരിപ്പിക്കുകയും ചെയ്തു. ശ്രുതിയെ തെറ്റിദ്ധരിപ്പിച്ച് വിവാഹംകഴിച്ച പ്രതി സജീഷിനെ ഭീഷണിപ്പെടുത്തി 10 ലക്ഷം രൂപ തട്ടിയെടുത്തെന്നുമാണു കേസ്. അഡ്വ. പി .മുഹമ്മദ് ബഷീർ, അൻഷീന ബഷീർ എന്നിവർ മുഖേനയാണ് സജീഷ് കോടതിയിൽ കേസ് ഫയൽ ചെയ്തത്. രതീഷിനെ ജനുവരി ആറിന് കോടതിപരിസരത്തുവച്ച് ആക്രമിച്ച് കാറും മൊബൈൽഫോണും പണവും കവർന്നെന്ന കേസിൽ കഴിഞ്ഞദിവസം ചാവക്കാട് പോലീസ് തിരുവത്ര സ്വദേശിയായ യുവാവിനെ അറസ്റ്റ് ചെയ്തിരുന്നു. രതീഷിനെ ആക്രമിച്ച കേസിൽ ഉൾപ്പെട്ട സിപിഎം നേതാവിനെ ഉൾപ്പെടെ മറ്റു രണ്ടു പ്രതികളെയും അറസ്റ്റ് ചെയ്യണമെന്നാവശ്യപ്പെട്ട് യൂത്ത് കോണ്‍ഗ്രസും ബിജെപിയും കഴിഞ്ഞദിവസം നടത്തിയ പോലീസ് സ്റ്റേഷൻ മാർച്ച് സംഘർഷത്തിലും ജലപീരങ്കിപ്രയോഗത്തിലും കലാശിച്ചിരുന്നു.

കല്ലൂര്‍ കിഴക്കേ പള്ളിയില്‍ കെസിവൈഎം റൂബി ജൂബിലി

കല്ലൂര്‍: കിഴക്ക് സെന്‍റ് റാഫേല്‍ പള്ളിയില്‍ കെസിവൈഎം സംഘടന സ്ഥാപിതമായതിന്‍റെ റൂബി ജൂബിലി ആഘോഷിച്ചു. ബിഷപ് മാര്‍ ബോസ്‌കോ പുത്തൂരിന്‍റെ കാര്‍മികത്വത്തില്‍ ആഘോഷമായ വിശുദ്ധ കുര്‍ബാന നടന്നു. തുടര്‍ന്നുനടന്ന പൊതുസമ്മേളനം ബിഷപ് ഉദ്ഘാടനം ചെയ് തു. ഇടവകവികാരിയും കെസിവൈഎം ഡയറക്ടറുമായ ഫാ. ജോയ് കൊള്ളന്നൂര്‍ അധ്യക്ഷത വഹിച്ചു. കെസിവൈഎം അതിരൂപത ഡയറക്ടര്‍ ഫാ. സാജന്‍ വടക്കന്‍, പ്രസിഡന്‍റ് ഗോഡ്‌വിന്‍ കെ. ബെന്നി, പുതുക്കാട് ഫൊറോന ഡയറക്ടര്‍ ഫാ. ജെയ്‌സണ്‍ പുതുപ്പള്ളില്‍, അതിരൂപത കെസിവൈഎം പ്രസിഡന്‍റ് ജിഷാദ് ജോസ്, മദര്‍ സുപ്പീരിയര്‍ സിസ്റ്റർ മേബില്‍ ജെയ്ക്കബ്, തൃക്കൂര്‍ ഗ്രാമപഞ്ചായത്ത് പ്രസിഡന്‍റ് സുന്ദരി മോഹന്‍ദാസ്, പുതുക്കാട് ഫൊറോന കെസിവൈഎം പ്രസിഡന്‍റ്് ആന്‍സ് ചുങ്കത്ത്, വൈസ് പ്രസിഡന്‍റ് കെ.സി. സിനി, പള്ളി ട്രസ്റ്റി റിക്‌സന്‍ കളപ്പുര എന്നിവർ പ്രസംഗിച്ചു.

അമല മെഡിക്കൽ കോളജുമായി ഗുരുവായൂർ എൽഎഫ് കോളജിന് അക്കാദമിക് സഹകരണം

ഗുരുവായൂർ: ലിറ്റിൽ ഫ്ലവർ ഓട്ടോണമസ് കോളജും തൃശൂർ അമല ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസും അക്കാദമിക് സഹകരണം നടത്താൻ ധാരണയായി. ഗവേഷണസമന്വയം, സമൂഹകേന്ദ്രീകൃത സംരംഭങ്ങൾ, അധ്യാപകർക്കും വിദ്യാർഥികൾക്കും ഊന്നൽനൽകിക്കൊണ്ടുള്ള നൂതന ഗവേഷണ സംരംഭങ്ങൾ എന്നിവ പ്രോത്സാഹിപ്പിക്കുന്നതിന്‍റെ ഭാഗമായി എഐഎംഎസ് ഡയറക്ടർ ഫാ. ജൂലിയസ് അറയ്ക്കൽ സിഎംഐയും ലിറ്റിൽ ഫ്ലവർ കോളജ് പ്രിൻസിപ്പൽ സിസ്റ്റർ ഡോ. ജെ. ബിൻസിയും ധാരണാപത്രം കൈമാറി. അമല ആശുപത്രി അസോ.ഡയറക്ടർ റവ.ഡോ. ആന്‍റണി മഞ്ഞുമ്മൽ സിഎംഐ, പ്രിൻസിപ്പൽ ഡോ. ബെറ്റ്സി തോമസ്, ചീഫ് അഡ്മിനിസ്ട്രേറ്റീവ് ഓഫീസർ ഡോ. ജോബി. കെ. തോമസ്, ഡയറക്ടർ ഓഫ് റിസർച്ച് ലാബ് ഡോ. ടി.എ.അജിത്, ഡോ. എ. ജൂലി ഡൊമിനിക്, എൽഎഫ് കോളജ് വൈസ് പ്രിൻസിപ്പൽ സിസ്റ്റർ ലൗലി ജേക്കബ്, അമല കോളജ് വൈസ് പ്രിൻസിപ്പൽ ഡോ. ദീപ്തി രാമകൃഷ്ണൻ, സീനിയർ സയന്‍റിഫിക് റിസർച്ച് ഓഫീസർ ഡോ. കായിൻ വടക്കൻ എന്നിവർ പ്രസംഗിച്ചു.

പ്രകൃതിസംരക്ഷണത്തിന്‍റെ പ്രാധാന്യംഅറിയിച്ച് മഴയാത്ര

എരുമപ്പെട്ടി: ഇടം സാംസ്കാരിക‌വേദിയുടെ നേതൃത്വത്തിൽ മഴയാത്ര നടത്തി. കടങ്ങോട് മല്ലൻകുഴി നീർച്ചോലയിലേക്കാണു മഴയാത്ര നടത്തിയത്. ഇടം അംഗങ്ങളും കുടുംബാംഗങ്ങളുമൊന്നി ച്ച് നടത്തിയ മഴയാത്രയിൽ അമ്പതിൽപരം‌പേർ പങ്കെടുത്തു. പ്രകൃതി സംരക്ഷണത്തിന്‍റെ പ്രാധാന്യം ഉയർത്തിക്കാണിക്കുക, ജില്ലയിലെ മഴക്കാല പ്രാദേശിക വിനോദ സഞ്ചാര കേന്ദ്രങ്ങളിൽ ഒന്നായ മല്ലൻകുഴിയുടെ മനോഹാരിത കൂടുതൽ പേരിലെ ത്തിക്കുക എന്ന ലക്ഷ്യത്തോടെയാണു മഴയാത്ര സംഘടിപ്പിച്ചത്. രണ്ടു കിലോമീറ്ററോളം ദൂരം നടന്നാണു മല്ലൻ കുഴിയിലെത്തിയത്. ആഹ്ലാദകരവും ഹൃദ്യവുമായ അനുഭവങ്ങളാണ് മഴയാത്ര സമ്മാനിച്ചതെന്ന് വിനോദസംഘം അഭിപ്രായപ്പെട്ടു. ഇടം സെക്രട്ടറി ഷൗക്കത്ത് കടങ്ങോട്, സബ് കമ്മറ്റി ചെയർപേഴ്സൻ കെ.ആർ.രാധിക, കൺവീനർ സുബ്രു നമ്പിടി, എക്സിക്യൂട്ടീവ് അംഗങ്ങളായ റഷീദ് എരുമപ്പെട്ടി, നാരായണൻ കോടനാട്, നാസിമ ഷെക്കീർ, പി.ടി.സുശാന്ത്, ഇ.വി.എസ്. സന്തോഷ്, ജയൻ കടങ്ങ ട്, പ്രീതി രാജേഷ്, കെ.ജി. ഉഷാദേവി തുടങ്ങിയവർ നേതൃത്വം നൽകി.

മുല്ലശേരി പൊതുമരാമത്ത് റോഡിൽ അപകടക്കെണിയായി വെള്ളക്കുഴികൾ

പാവറട്ടി: പാവറട്ടിയിൽനിന്നും കാഞ്ഞാണിയിലേക്കുള്ള പൊതുമരാമത്ത്റോഡിലെ അപകടക്കുഴികൾ യാത്രക്കാർക്ക് ദുരിതമായി. അമൃത് കുടിവെള്ളപദ്ധതിയുടെ ഭാഗമായി പൊളിച്ച റോഡ് വർഷങ്ങളായി ശോചനീയാവസ്ഥയിലാണ്. തകർന്ന റോഡ് പല ഘട്ടങ്ങളിലായി ചില ഭാഗങ്ങളിൽ നന്നാക്കിയെങ്കിലും മഴ പെയ്തതോടെ റോഡ് നിറയെ വലിയ ഗർത്തങ്ങളാണ്. ഏറെ തിരക്കുള്ള ഈ പൊ തുമരാമത്ത് റോഡിലെ കുഴികളിൽ വെള്ളം കെട്ടിനിൽക്കുന്നതിനാൽ ആഴമറിയാതെ ഇരുചക്രവാഹനങ്ങൾ അപകടത്തിൽപ്പെടുന്നത് പതിവായിട്ടുണ്ട്. വലിയ വാഹനങ്ങൾക്ക് സൈഡ് കൊടുക്കുമ്പോൾ ചെറിയ വാഹനങ്ങൾ കുഴിയിൽ വീണും അപകടം ഉണ്ടാകുന്നു. മുല്ലശേരി സെന്‍ററിനോടുചേർന്നുള്ള റോഡിലെ വലിയ കുഴികൾമൂലം തിരക്കേറിയ സമയങ്ങളിൽ വാഹനങ്ങൾക്ക് കടന്നുപോകാൻ കഴിയാതെ വലിയ ഗതാഗതക്കുരുക്കാണ് രൂപപ്പെടുന്നത്. എന്നും വാഹനങ്ങൾ കുഴിയിൽച്ചാടി അപകടങ്ങൾ ഉണ്ടാകുന്നതും കേടുപാടുകൾ സംഭവിക്കുന്നതും നിത്യസംഭവമായി മാറിയിരിക്കുകയാണെന്നു പൊതുപ്രവർത്തകനും അധ്യാപകനുമായ അജിത്ത് പ്രസാദ് പറഞ്ഞു. മുല്ലശേരി സെന്‍ററിനുസമീപം ബസ് കാത്തിരിപ്പുകേന്ദ്രത്തിനുമുന്നിലെ കുഴികൾ കാൽനട യാത്രക്കാർക്കും വിദ്യാർഥികൾക്കും ദുരിതമാകുന്നുണ്ട്. കരുവന്തല സെന്‍ററിനോടുചേർന്നും ഏനാമാവ് കടവ് സ്റ്റോപ്പിലും റോഡിൽ വലിയ കുഴികൾ രൂപപ്പെട്ടിട്ടുണ്ട്. റോഡിലെ വലിയ കുഴികളിൽ വീഴാതിരിക്കാൻ ചെറുവാഹനങ്ങൾ വലതുഭാഗത്തേക്ക് എടുക്കുന്നത് പലപ്പോഴും അപകടങ്ങൾക്ക് ഇടയാക്കുന്നുണ്ട്. വിവിധ രാഷ്ട്രീയ പാർട്ടികളുടെ നേതൃത്വത്തിൽ നിരവധി പ്രതിഷേധ സമരങ്ങൾ പലതവണ നടന്നു. മുല്ലശേരി ഗ്രാമപഞ്ചാ യത്ത് പ്രസിഡന്‍റുതന്നെ എംഎൽഎയുടെ സാന്നിധ്യത്തിൽ പൊ തുമരാമത്ത് വകുപ്പിലെ ഉന്നത ഉദ്യോഗസ്ഥരോട് പരാതിപ്പെട്ടെങ്കിലും ഇപ്പോഴും കാര്യമായ നടപടിയൊന്നും ഉണ്ടായിട്ടില്ല. പൊതുമരാമത്ത് റോഡിലെ അശാസ് ത്രീയമായ ടാറിംഗ്‌മൂലം വളരെ പെട്ടന്ന് ടാറിംഗ് അടർന്ന് മെറ്റൽ പുറത്തായ നിലയിലാണ്. തകർന്ന റോഡിലൂടെയുള്ള ജനങ്ങളുടെ യാത്രാദുരിതത്തിന് അറുതിവരുത്താൻ ബന്ധപ്പെട്ട അധികൃതർ ഉടൻ നടപടി സ്വീകരിച്ചില്ലങ്കിൽ കോൺഗ്രസ് ശക്തമായ പ്രക്ഷോഭവുമായി രംഗത്തുവരുമെന്ന് മുല്ലശേരി ഗ്രാമപഞ്ചായത്ത് അംഗം ക്ലമെന്‍റ് ഫ്രാൻസിസും കോൺഗ്രസ് മണ്ഡലം പ്രസിഡന്‍റ്് രാജേഷ് മുല്ലശേരിയും പറഞ്ഞു. വെങ്കിടങ്ങ്, മുല്ലശേരി മേഖലയിലെ സഞ്ചാര ദുരിതത്തി നു പരിഹാരം കാണാൻ ജനപ്രതിനിധികളും ബന്ധപ്പെട്ട ഉദ്യോഗസ്ഥരും കാര്യമായ ഇടപെടൽ നടത്തുന്നില്ലന്നാണു നാട്ടുരുടെ പരാതി.

പിടിഎ പൊതുയോഗം

കൊടകര: കൊടകര സെന്‍റ് ഡോണ്‍ ബോസ്കോ ഗേൾസ് ഹൈസ്കൂളിൽ അധ്യാപകരക്ഷാകർതൃസംഘടന പൊതുയോഗവും രക്ഷാകർത്താക്കൾക്കായി ബോധവത്്കരണക്ലാസും സംഘടിപ്പിച്ചു. കൊടകര പോലീസ് അസിസ്റ്റന്‍റ്സബ് ഇൻസ്പെക്ടർ സാജു പൗലോസ് ഉദ്ഘാടനം ചെയ്തു. പിടിഎ പ്രസിഡന്‍റ് വി.ആർ. രഞ്ജിത്ത് അധ്യക്ഷത വഹിച്ചു. പിടിഎ ജനറൽ സെക്രട്ടറി സിബി റിപ്പോർട്ട് അവതരിപ്പിച്ചു. പ്രധാന അധ്യാപിക സിസ്റ്റർ സംഗീത, ലോക്കൽ മാനേജർ സിസ്റ്റർ ജ്യോതിസ്, സ്റ്റാഫ് പ്രതിനിധി ലിജ ആന്‍റോ എന്നിവർ പ്രസംഗിച്ചു. സിന്‍റോ കെ. ദേവസി രക്ഷിതാക്കൾക്കുള്ള ബോധവത്കരണ ക്ലാസ് നയിച്ചു. പുതിയ ഭാരവാഹികളായി ജോണ്‍ ജോസ് - പ്രസിഡന്‍റ്, ഹിമജോഷി - എംപിടിഎ പ്രസിഡന്‍റ് എന്നിവരെ തെരഞ്ഞെ ടുത്തു. എടത്തിരുത്തി: എടത്തിരുത്തി സെന്‍റ് ആൻസ് കോണ്‍വന്‍റ് യുപി സ്കൂളിലെ പിടിഎ ജനറൽ ബോഡി യോഗം മദർ സുപ്പീരിയറും ലോക്കൽ മാനേജരുമായ സിസ്റ്റർ അൽഫേണ്‍സ ഉദ് ഘാടനം ചെയ്തു. പിടിഎ പ്രസിഡന്‍റ് സിജോ ആലപ്പാട്ട് അധ്യക്ഷത വഹിച്ചു. പ്രധാനാധ്യാപിക സിസ്റ്റർ റെമി, സ്റ്റാഫ് സെക്രട്ടറി ലിജി, ബിആർസി കോ ഓർഡിനേറ്റർ രശ്മി, കൊടുങ്ങല്ലൂർ പോലീസ് സ്റ്റേഷൻ എഎസ്ഐ സിജു നന്ദനൻ, സ്റ്റാഫ് പ്രതിനിധി എസ്.ആർ. പ്രദീപ് എന്നിവർ പ്രസംഗിച്ചു. എടത്തിരുത്തി: എടത്തിരുത്തി സെന്‍റ് ആൻസ് ജിഎച്ച്എസ് സ്കൂളിലെ പിടിഎ ജനറൽ ബോഡി യോഗം നടന്നു. സിനി ആർട്ടിസ്റ്റും മോട്ടിവേഷൻ സ് പീക്കറുമായ പയസ് പോൾ ഉദ്ഘാടനം ചെയ്തു. പിടിഎ പ്രസിഡന്‍റ് ജോമോൻ വലിയവീട്ടിൽ അധ്യക്ഷത വഹിച്ചു. പിടിഎ സെക്രട്ടറി റീമ ഫ്രാൻസിസ് റിപ്പോർട്ട് അവതരിപ്പിച്ചു. പ്രധാനാധ്യാപിക സിസ്റ്റർ ലിസ്ജോ, സൂജ സാജൻ തുടങ്ങിയവർ പ്രസംഗിച്ചു.

ആരോഗ്യമന്ത്രിയുടെ രാജിക്കായി ബിജെപി മാർച്ച്

ഇരിങ്ങാലക്കുട: ആരോഗ്യമന്ത്രി വീണാ ജോർജ് രാജിവയ്ക്കണമെന്നാവശ്യപ്പെട്ട് ബിജെപി തൃശൂർ സൗത്ത് ജില്ലാ കമ്മിറ്റിയുടെ നേതൃത്വത്തിൽ ഇരിങ്ങാലക്കുട ജനറൽ ആശുപത്രിയിലേക്കു പ്രതിഷേധമാർച്ച് നടത്തി. അയ്യങ്കാളി സ്ക്വയറിൽ നിന്നാരംഭിച്ച മാർച്ച് ബസ് സ്റ്റാൻഡ് വഴി ഠാണാ മാവേലി സ്റ്റോറിനു മുന്നിൽ മെയിൻ റോഡിൽ പോലീസ് തടഞ്ഞു. തുടർന്നു നടന്ന പ്രതിഷേധയോഗത്തിൽ ജില്ലാ വൈസ് പ്രസിഡന്‍റ് ലോചനൻ അന്പാട്ട് അധ്യക്ഷത വഹിച്ചു. സംസ്ഥാന സെക്രട്ടറി എ. നാഗേഷ് ഉദ്ഘാടനം ചെയ്തു. ജില്ലാ ജനറൽ സെക്രട്ടറിമാരായ കെ.പി. ഉണ്ണികൃഷ്ണൻ, കൃപേഷ് ചെമ്മണ്ട, കെ.പി. ജോർജ് എന്നിവർ പ്രസംഗിച്ചു. സംസ്ഥാനസമിതി അംഗം സന്തോഷ് ചെറാക്കുളം, ജില്ലാ ഭാരവാഹികളായ പി.എസ്. അനിൽകുമാർ, സിബിൻ, വിദ്യാസാഗർ നേതൃത്വം നൽകി.

ആദരം 2025; വിദ്യാഭ്യാസ പുരസ്കാരങ്ങള്‍ വിതരണം ചെയ്തു

ഇരിങ്ങാലക്കുട: നിയോജകമണ്ഡലത്തിലെ വിദ്യാഭ്യാസ പുരസ്കാരവിതരണം ആദരം 2025 ഉന്നത വിദ്യാഭ്യാസമന്ത്രി ഡോ. ആർ. ബിന്ദു ഉദ്ഘാടനം ചെയ്തു. ഇരിങ്ങാലക്കുട ക്രൈസ്റ്റ് കോളജ് ഓഡിറ്റോറിയത്തിൽ സംഘടിപ്പിച്ച പരിപാടിയിൽ എസ്എസ്എൽസി, പ്ലസ്ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് കരസ്ഥമാക്കിയ വിദ്യാർഥികൾക്കും 100 ശതമാനം വിജയം കരസ്ഥമാക്കിയ വിദ്യാലയങ്ങൾക്കും മന്ത്രി ആർ. ബിന്ദു പുരസ്കാരങ്ങൾ സമ്മാനിച്ചു. ഇതോടൊപ്പം സിവിൽ സർവീസ് പരീക്ഷയിൽ മികച്ച വിജയം കരസ്ഥമാക്കിയ ഗംഗ ഗോപി, കീം പരീക്ഷയിൽ മികച്ച വിജയം നേടിയ ഇരിങ്ങാലക്കുട സ്വദേശികളായ ഹരികിഷൻ ബൈജു, കെ.എസ്. അഭിനവ്, ഐഎസ് സി പരീക്ഷയിൽ ഉന്നതവിജയം നേടിയ ഇർഫാൻ മയൂഫ്, പഠനവൈകല്യത്തെ അതിജീവിച്ച് ഇംഗ്ലീഷിൽ പുസ്തകം രചിച്ച നാലാം ക്ലാസുകാരൻ പി.എസ്. ഫിദൽ എന്നിവരെ ചടങ്ങിൽ മന്ത്രി പ്രത്യേകം ആദരിച്ചു. ഇരിങ്ങാലക്കുട മുനിസിപ്പൽ ചെയർപേഴ്സണ്‍ മേരിക്കുട്ടി ജോയ് അധ്യക്ഷത വഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്‍റ് ലളിത ബാലൻ, മുരിയാട് പഞ്ചായത്ത് പ്രസിഡന്‍റ് ജോസ് ചിറ്റിലപ്പിള്ളി, ആളൂർ പഞ്ചായത്ത് പ്രസിഡന്‍റ് കെ.ആർ. ജോർജോ, പൂമംഗലം പഞ്ചായത്ത് പ്രസിഡന്‍റ് കെ.എസ്. തന്പി, പടിയൂർ പഞ്ചായത്ത് പ്രസിഡന്‍റ് ലിജി രതീഷ്, കാട്ടൂർ പഞ്ചായത്ത് പ്രസിഡന്‍റ് ടി.വി. ലത, കാറളം പഞ്ചായത്ത് പ്രസിഡന്‍റ് ബിന്ദു പ്രദീപ്, ജില്ലാ പഞ്ചായത്തംഗം ഷീല അജയഘോഷ്, ക്രൈസ്റ്റ് കോളജ് മാനേജർ ഫാ. ജോയ് പീണിക്കപ്പറന്പിൽ, ഇരിങ്ങാലക്കുട ഡിഇഒ ടി. ഷൈല എന്നിവർ ചടങ്ങിൽ പങ്കെടുത്തു. ജില്ലാ പഞ്ചായത്ത് വൈസ് പ്രസിഡന്‍റ് ലത ചന്ദ്രൻ സ്വാഗതം പറഞ്ഞു.

കുരുക്കൊഴിയാതെ കാളമുറി

കാളമുറി: ദേശീയപാത 66ൽ കയ്പമംഗലം കാളമുറിയിൽ വീണ്ടും ഗതാഗതക്കുരുക്ക്. ഇന്നലെ പുലർച്ചെ തുടങ്ങിയ ഗതാഗതക്കുരുക്ക് വൈകുന്നേരവും തുടരുകയാണ്. ആംബുലൻസ് ഉൾപ്പെടെ എമർജൻസി വാഹനങ്ങളും ബസ് സർവീസുമെല്ലാം മണിക്കൂറുകളോളം കാത്തുകിടന്നാണ് കാളമുറി കടക്കുന്നത്. സർവീസ് റോഡിൽ കാനയുടെ സ്ലാബ് വീണ്ടും തകർന്നതാണ് പ്രധാനമായും ഗതാഗതം സ്തംഭിക്കാൻ കാരണം. സ്ലാബ് വീണ്ടും കോണ്‍ക്രീറ്റ് ചെയ്തിട്ടുണ്ടെങ്കിലും ബലപ്പെടുന്നതിനുമുന്പ് ഇതിലൂടെ വാഹനങ്ങൾ കടക്കാതിരിക്കാൻ തടസം വച്ചിരിക്കുന്നതാണ് കുരുക്ക് നീളാൻ കാരണം. കയ്പമംഗലം 12ൽ നിന്നു കാളമുറിവരെ കിഴക്കേഭാഗത്തെ സർവീസ് റോഡ് പണികൾ പൂർത്തിയാക്കാത്തതും 12 മുതൽ കാളമുറി വഴി പനന്പിക്കുന്നുവരെ നിർദ്ദിഷ്ടപാതയിലെ പടിഞ്ഞാറെ സർവീസ് റോഡിലൂടെ ടൂ വേ അനുവദിച്ചിരിക്കുന്നതുമാണ് ഗതാഗതക്കുരുക്കും അപകടങ്ങളും വർധിക്കാൻ കാരണമാകുന്നതെന്നു പ്രദേശവാസികൾ പറയുന്നു. ജനങ്ങളെ ദുരിതത്തിലാക്കുന്ന ഗതാഗതപരിഷ്ക്കാരങ്ങൾ മാറ്റി പ്രശ്നപരിഹാരത്തിനു നടപടി സ്വീകരിക്കണമെന്നു യാത്രക്കാർ ആവശ്യപ്പെട്ടു.

ലയണ്‍സ് ക്ലബ് ഭാരവാഹികൾ സ്ഥാനമേറ്റു

കൊരട്ടിയിൽ ബേബി ചെറിയാൻ പ്രസിഡന്‍റ് ; ഇരിങ്ങാലക്കുടയില്‍ സോണി സേവ്യർ കോക്കാട്ട് കൊരട്ടി: ലയണ്‍സ് ക്ലബ് ഓഫ് കൊരട്ടിയുടെ 2025-26 വർഷത്തെ ഭാരവാഹികളുടെ സ്ഥാനാരോഹണം 318 ഡി സെക്കൻഡ്വൈസ് ഡിസ്ട്രിക്ട് ഗവർണർ കെ.എം. അഷറഫ് നിർവഹിച്ചു. ചടങ്ങിൽ അംഗങ്ങളുടെ മക്കൾക്കുള്ള വിദ്യാഭ്യാസ പുരസ്കാരവിതരണവും നടന്നു. സർവീസ് പ്രൊജക്റ്റുകളുടെ ഉദ്ഘാടനം വീൽചെയറുകൾ കൈമാറി ക്യാബിനറ്റ് സെക്രട്ടറി ശങ്കരനാരായണൻ നിർവഹിച്ചു. നവാഗതരെ മുൻ ഡിസ്ട്രിക്റ്റ് ഗവർണർ പി. തങ്കപ്പൻ ആദരിച്ചു. പ്രസിഡന്‍റ് കെ.കെ. ജോണ്‍സണ്‍, സെക്രട്ടറി ബേബി ചെറിയാൻ, കാബിനറ്റ് സെക്രട്ടറിമാരായ ഷോജോ വെളിയത്ത്, അലക്സ്പറക്കാടത്ത് റീജിയണ്‍ ചെയർമാൻ ഹാരി ജെ. മാളിയേക്കൽ, ബിജു പൊറത്തൂർ, ജോർജ് വർഗീസ്, സെബാസ്റ്റ്യൻ ജോർജ് എന്നിവർ പ്രസംഗിച്ചു. ഭാരവാഹികൾ: ബേബി ചെറിയാൻ(പ്രസിഡന്‍റ്), സെബാസ്റ്റ്യൻ ജോർജ്(സെക്രട്ടറി), എം.ജെ.ഡെന്നി(ട്രഷറർ). ഇരിങ്ങാലക്കുട: ഇരിങ്ങാലക്കുട ടൗണ്‍ ലയണ്‍സ് ക്ലബ്ബിന്‍റെ പുതിയ ഭാരവാഹികളായി സേവ്യർ കോക്കാട്ട് -പ്രസിഡന്‍റ്, ഷാജു പാറേക്കാടൻ -സെക്രട്ടറി, ഡിബിൻ അന്പൂക്കൻ -ട്രഷറർ എന്നിവർ ചുമതലയേറ്റെടുത്തു. ഇരിങ്ങാലക്കുട ടൗണ്‍ ലയണ്‍സ് ക്ലബ് ഹാളിൽ നടന്ന ചടങ്ങിൽ ലയണ്‍സ് ഡിസ്ട്രിക്റ്റ് 318 ഡിയുടെ ഫസ്റ്റ് വൈസ് ഗവർണർ സുരേഷ് വാര്യർ ഉദ്ഘാടനം ചെയ്തു. ടൗണ്‍ ലയണ്‍സ് ക്ലബ് പ്രസിഡന്‍റ് ഹാരീഷ് പോൾ അധ്യക്ഷത വഹിച്ചു. സെക്രട്ടറി ഡയസ് കാരാത്രക്കാരൻ, കോ ഓർഡിനേറ്റർ അഡ്വ. ജോണ്‍ നിതിൻ തോമാസ്, ഡിസ്ട്രിക്ട് കോ ഓർഡിനേറ്റർ ഷാജൻ ചക്കാലക്കൽ, റീജിണൽ ചെയർമാൻ റോയ് ജോസ്ആലുക്കൽ, ഡിസ്ട്രിക്ട് ഭാരവാഹികളായ ബിജു പൊറത്തൂർ, വിമൽ വേണു എന്നിവർ സംസാരിച്ചു.

അതിരപ്പിള്ളിയിൽ കബാലി വീണ്ടും വാഹനങ്ങൾ തടഞ്ഞു

അതിരപ്പിള്ളി: ആനമല റോഡിൽ കബാലി വീണ്ടുമെത്തി വാഹനങ്ങൾ തടഞ്ഞു. ഇന്നലെ രാവിലെ അന്പലപ്പാറയിലാണ് കാട്ടാന ഇറങ്ങി വാഹനങ്ങൾ തടഞ്ഞത്. കെ എസ്ആർടിസി ബസാണ് ആദ്യം തടഞ്ഞത്. ഏറെസമയം ബസിനു മുൻപിൽ നിലയുറപ്പിച്ച കബാലി അതുവഴി വന്ന ലോറിയും തടഞ്ഞിട്ടു. ഇതോടെ ഗതാഗതം സ്തംഭിച്ചു. ഒരു മണിക്കൂറോളം റോഡിൽനിന്ന ശേഷം കാട്ടിലേക്കു കയറിപ്പോയി. ഇതിനു ശേഷമാണു വാഹനങ്ങൾക്കു പോകാൻ കഴിഞ്ഞത്. അന്പലപ്പാറ ഭാഗത്ത് സ്ഥിരം സാന്നിധ്യമായിരുന്ന കാട്ടാനയെ കുറച്ചുനാളുകളായി റോഡിലേക്കു കാണാറില്ലായിരുന്നു.

മിന്നൽച്ചുഴലി; ലക്ഷങ്ങളുടെ നഷ്ടം

മേലൂർ: ഞായറാഴ്ച വൈകീട്ടോടെ മൂന്നുമിനിട്ടുമാത്രം നീണ്ടുനിന്ന ചുഴലിക്കാറ്റ് സൃഷ്ടിച്ച ഭീതി വിട്ടുമാറാതെ മേലൂർ ഗ്രാമപഞ്ചായത്ത്. മിന്നൽചുഴലിയിൽ ലക്ഷങ്ങളുടെ നഷ്ടമാണുണ്ടായത്. കല്ലുകുത്തി, പന്തൽപാടം, മുള്ളൻപാറ, പിണ്ടാണി പാലപ്പിള്ളി ഭാഗങ്ങളിലാണു കനത്തനാശം നേരിട്ടത്. ഏക്കർകണക്കിന് ഭൂമിയിൽ കാർഷികവിളകൾ നശിച്ചു. കാർഷികഗ്രാമമായ മേലൂരിൽ വർഷങ്ങളായി പല കുടുംബങ്ങളും ഉപജീവനമായി കരുതിയ ജാതികൃഷിക്കാണ് കൂടുതൽ നാശംനേരിട്ടത്. പതിനഞ്ചു വീടുകൾക്കു കേടുപാടുകൾ സംഭവിച്ചു. പിണ്ടാണിയിൽ പയ്യപ്പിള്ളി വർഗീസിന്‍റെ വീടിനോടുചേർന്ന ഷെഡ്ഡിന്‍റെ മേൽക്കൂര പറന്നുവീണു. പറന്പിലെ ജാതി, തേക്ക് എന്നിവ കടപുഴകി. ചാതേലി ബാബു, പോളി എന്നിവരുടെ അന്പതിലേറെ പാകമാവാറായ ഏത്തവാഴകൾ ഒടിഞ്ഞുവീണു. പതപ്പള്ളി രാജന്‍റെ തൊഴുത്തിൽ മേൽക്കൂരയായി കെട്ടിയിരുന്ന ഷീറ്റ് കാറ്റിൽ പറന്നുപോയി. മാനാടൻ ബിജുവിന്‍റെ വീടിനു മുകളിൽ പ്ലാവ് ഒടിഞ്ഞുവീണു കേടുപാടു പറ്റി. പാലപ്പിള്ളിയിൽ മേച്ചേരി മാർട്ടിന്‍റെ വീട്ടിലെ 15 ജാതിമരം കടപുഴകിവീണു. തൊട്ടടുത്ത കൊരട്ടിക്കാരൻ ജോബിയുടെ പറന്പിലെ ആറു ജാതിമരവും കടപുഴകി. ആളുകളെല്ലാം വീടിനകത്ത് ആയിരുന്നതിനാൽ അപകടം ഒഴിവായി. പന്തൽപ്പാടം മേഖലയിലാണ് ചുഴലിക്കാറ്റ് വീടുകളെ ബാധിച്ചത്. പീണിക്ക ഭാസി, വെള്ളാടൻ ഷൈജു, കണിച്ചാത്ത് സജീവൻ, പനന്പിള്ളി ശശി, മാനാടൻ പൗലോസ്, തത്തംപള്ളി ശിവരാമൻ, പടിഞ്ഞാറോട്ട് രവി എന്നിവയുടെ വീടുകൾക്കാണു മരങ്ങൾ വീണു ചെറുതും വലുതുമായ നാശനഷ്ടം സംഭവിച്ചത്. ചുഴലിക്കാറ്റിൽ പന്തൽപാടത്ത് കിഴക്കിനിയേട്ടൻ പൈലന്‍റെ ജീവിതംതന്നെ വഴിമുട്ടി. പതിറ്റാണ്ടുകളായി ജീവിതമാർഗമായിരുന്ന കായ്ഫലമുള്ള 52 ജാതിമരങ്ങൾ കടപുഴകി. ഇനി അവശേഷിക്കുന്നത് മൂന്നുമരങ്ങൾ മാത്രമാണ്. റവന്യൂവകുപ്പിൽ നിന്നു ലഭ്യമാകുന്ന വിവരമനുസരിച്ച് നഷ്ടങ്ങൾ ഇങ്ങനെയാണ്. ജാതിമരം- 497, തെങ്ങ് -46, കവുങ്ങ് - 319, വാഴ - 590. ഏകദേശം 33 ലക്ഷം രൂപയുടെ കാർഷികവിളകൾക്കാണു നാശം സംഭവിച്ചിരിക്കുന്നത്. വീടുകൾക്കു നാശം സംഭവിച്ചതിന്‍റെ കണക്കുകൾ തയ്യാറായിവരുന്നതേയുള്ളൂ. ചുഴലിക്കാറ്റ് നാശംവിതച്ച ഇടങ്ങൾ പഞ്ചായത്ത് പ്രസിഡന്‍റ് എം.എസ്. സുനിത, വൈസ് പ്രസിഡന്‍റ് പോളി പുളിക്കൻ, തഹസിൽദാർ കെ.എ. ജോബി, വില്ലേജ് ഓഫീസർ എം.എൻ. സിന്ധു, വാർഡ് മെന്പർ സതി ബാബു തുടങ്ങിയവർ സന്ദർശിച്ചു.

തൊമ്മാനപ്പാടത്തു പുല്ലും ചണ്ടിയും ഒഴുകിയെത്തി; കർഷകർ നിരാശയിൽ

ഇരിങ്ങാലക്കുട: തൊമ്മാന പാടശേഖരത്തിൽ പുല്ലും ചണ്ടിയും നിറഞ്ഞതോടെ കർഷകർ നിരാശയിൽ. പൊതുന്പുചിറ പൊറംചിറ പാടശേഖരസമിതിയുടെ കീഴിലുള്ള ആന്‍റണി മഞ്ഞളിയുടെ അഞ്ച് ഏക്കർ പാടശേഖരത്തിലാണ് പുല്ലും ചണ്ടിയും ഒഴുകിയെത്തി അടിഞ്ഞുകൂടിയത്. സമീപത്തെ പൊറത്തുക്കാരൻ കോൾകടവ് കഴിഞ്ഞ 20 വർഷമായി കൃഷിചെയ്യാതെ തരിശായികിടക്കുകയായിരുന്നു. അവിടെ ഉണ്ടായിരുന്ന പുല്ലും ചണ്ടിയുമാണ് ഒഴുകിയെത്തിയത്. ഇവ നീക്കം ചെയ്തില്ലെങ്കിൽ മൂന്നുമാസം കഴിയുന്പോൾ പുഞ്ചകൃഷി ഇറക്കാൻ സാധിക്കാത്ത അവസ്ഥയിലാണ്. ഹിറ്റാച്ചി ഉപയോഗിച്ച് പുല്ലുകൾ നീക്കം ചെയ്യുകയാണിപ്പോൾ. ഇതു വലിയ സാന്പത്തികബാധ്യത ഉണ്ടാക്കും. കഴിഞ്ഞതവണ കൊയ്തുകഴിഞ്ഞ് നെല്ല് സംഭരിച്ചതിന്‍റെ പണം ഇതുവരെ ലഭിച്ചിട്ടില്ല. അതിന്‍റെ സാന്പത്തികബുദ്ധിമുട്ടുകൾക്കിടയിലാണ് അധികചെലവ് വന്നിരിക്കുന്നത്. പാടശേഖരത്തിൽ വെള്ളം താഴുന്നതിനുമുന്പ് ചണ്ടിയും പുല്ലും നീക്കംചെയ്തില്ലെങ്കിൽ പിന്നീട് സാധ്യമല്ലാതാകും. ഇക്കാര്യം പഞ്ചായത്ത് അധികൃതരുടെയും കൃഷി ഓഫീസറുടെയും ശ്രദ്ധയിൽപെടുത്തിയിട്ടുണ്ട്. അധികൃതർ ഇക്കാര്യത്തിൽ നടപടി സ്വീകരിക്കണമെന്നാണ് കർഷകരുടെ ആവശ്യം.

ആരോഗ്യമന്ത്രി രാജിവയ്ക്കണം: ബിജെപി മാർച്ച് നടത്തി

തൃശൂർ: ആരോഗ്യമന്ത്രി വീണാ ജോർജ് രാജിവയ്ക്കണമെന്ന് ആവശ്യപ്പെട്ടു ബിജെപി സിറ്റി ജില്ലാ കമ്മിറ്റി ജില്ലാ ആശുപത്രിയിലേക്കു മാർച്ച് നടത്തി. മുൻ ആലപ്പുഴ ജില്ലാ പ്രസിഡന്‍റും തൃശൂർ ജില്ലാ പ്രഭാരിയുമായ എം.വി. ഗോപകുമാർ ഉദ്ഘാടനം ചെയ്തു. ബിജെപി സിറ്റി ജില്ലാ പ്രസിഡന്‍റ് ജസ്റ്റിൻ ജേക്കബ്, മെഡിക്കൽ കോളജ് മുൻ സൂപ്രണ്ട് ഡോ. ഭീം ജയരാജ്, ജില്ലാ ജനറൽ സെക്രട്ടറിമാരായ പി.കെ. ബാബു, അഡ്വ. കെ.ആർ. ഹരി, വൈസ് പ്രസിഡന്‍റുമാരായ ഡോ. വി. ആതിര, പൂർണിമ സുരേഷ്, സുധീഷ് മേനോത്തുപറന്പിൽ, സൗമ്യ സലേഷ്, ടി. സർജു, ജില്ലാ ട്രഷറർ വിജയൻ മേപ്രത് എന്നിവർ പ്രസംഗിച്ചു. സെക്രട്ടറിമാരായ മുരളി കൊളങ്ങാട്ട്, കെ.ജി. നിജി, സജിനി മുരളി, റിക്സ്ൻ ചെവിടൻ, പി. പ്രവീണ്‍, വിൻഷി അരുണ്‍കുമാർ, യുവമോർച്ച ജില്ലാ പ്രസിഡന്‍റ് സബീഷ് മരുതയൂർ, മണ്ഡലം പ്രസിഡന്‍റുമാരായ രഘുനാഥ് സി. മേനോൻ, അശ്വിൻ വാര്യർ, എം.ആർ. വിശ്വൻ എന്നിവർ നേതൃത്വം നൽകി. റോഡ് ഉപരോധിച്ച പ്രവർത്തകരെ പോലീസ് ബലപ്രയോഗത്തിലൂടെ അറസ്റ്റ് ചെയ്തുനീക്കി.

സിപിഐ ജില്ലാ സമ്മേളനം ഇരിങ്ങാലക്കുടയിൽ പത്തുമുതൽ

തൃശൂർ: സിപിഐ തൃശൂർ ജില്ലാ സമ്മേളനം പത്തുമുതൽ 13 വരെ ഇരിങ്ങാലക്കുടയിൽ നടക്കും. വനിതാസംഗമം, മാധ്യമസെമിനാർ, സെമിനാറുകൾ, സ്മൃതിസംഗമം, അവാർഡ് വിതരണം തുടങ്ങിയവ പരിപാടികൾ സംഘടിപ്പിച്ചെന്നും ഒരുക്കങ്ങൾ പൂർത്തിയായെന്നും ജില്ലാ സെക്രട്ടറി കെ.കെ. വത്സരാജ് പറഞ്ഞു. 10ന് രാവിലെ പതാക, ബാനർ, കൊടിമരജാഥകൾ നടക്കും. ഉച്ചകഴിഞ്ഞു മൂന്നിനു കുട്ടംകുളം പരിസരത്തുനിന്നു റെഡ് വോളന്‍റിയർ മാർച്ചും ബഹുജനറാലിയും ആരംഭിക്കും. അഞ്ചിന് അയ്യങ്കാവ് മൈതാനത്തു നടക്കുന്ന പൊതുസമ്മേളനം സിപിഐ ദേശീയ കൗണ്‍സിലംഗവും മന്ത്രിയുമായ കെ. രാജൻ ഉദ്ഘാടനം ചെയ്യും. 11നു രാവിലെ 10നു മുനിസിപ്പൽ ടൗണ്‍ഹാൾ നടക്കുന്ന പ്രതിനിധിസമ്മേളനം സിപിഐ സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും. സംസ്ഥാന എക്സിക്യൂട്ടീവ് അംഗം സി.എൻ. ജയദേവൻ പതാക ഉയർത്തും. നേതാക്കളായ കെ.പി. രാജേന്ദ്രൻ, പി.പി. സുനീർ, കെ. രാജൻ, ജെ. ചിഞ്ചുറാണി, സത്യൻ മൊകേരി, മുല്ലക്കര രത്നാകരൻ, എൻ. രാജൻ, സി.എൻ. ജയദേവൻ, രാജാജി മാത്യു തോമസ് തുടങ്ങിയവർ പ്രസംഗിക്കും. ജില്ലയിലെ 17,827 പാർട്ടി അംഗങ്ങളെ പ്രതിനിധീകരിച്ച് 362 പ്രത്യേക ക്ഷണിതാക്കളും 21 ക്ഷണിതാക്കളും ഉൾപ്പെടെ 395 പ്രതിനിധികൾ സമ്മേളനത്തിൽ പങ്കെടുക്കും. വാർത്താസമ്മേളനത്തിൽ മന്ത്രി കെ. രാജൻ, സംസ്ഥാന കൗണ്‍സിലംഗം വി.എസ്. സുനിൽകുമാർ, ജില്ലാ അസിസ്റ്റന്‍റ് സെക്രട്ടറിമാരായ പി. ബാലചന്ദ്രൻ എംഎൽഎ, അഡ്വ. ടി.ആർ. രമേഷ്കുമാർ, ജില്ലാ സമ്മേളനം സംഘാടകസമിതി കണ്‍വീനർ ടി.കെ. സുധീഷ് എന്നിവർ പങ്കെടുത്തു.

ദേശീയപാതയിലെ യാത്രാദുരിതം: എല്‍ഡിഎഫ് ജില്ലാകമ്മിറ്റി മാര്‍ച്ച് നടത്തി

പാലിയേക്കര: ദേശീയപാതയിലെ യാത്രാദുരിതത്തോടുള്ള കേന്ദ്രസര്‍ക്കാരിനന്‍റെയും കേന്ദ്രമന്ത്രി സുരേഷ്‌ഗോപിയുടെയും അവഗണനയ്ക്കെതിരേ ഇടതുപക്ഷസംഘടനകള്‍ പാലിയേക്കര ടോള്‍പ്ലാസയിലേക്കു മാര്‍ച്ച് നടത്തി. ദേശീയപാതയിലെ അറ്റകുറ്റപ്പണികള്‍ ഉടന്‍ പൂര്‍ത്തീകരിക്കുക, നിര്‍മാണത്തിലെ മെല്ലെപ്പോക്ക് അവസാനിപ്പിക്കുക, യാത്രാദുരിതം പരിഹരിക്കുക തുടങ്ങി ആവശ്യങ്ങള്‍ ഉന്നയിച്ചായിരുന്നു മാര്‍ച്ച്. എല്‍ഡിഎഫ് ജില്ലാ കമ്മിറ്റിയുടെ നേതൃത്വത്തില്‍ തലോരില്‍ നിന്നും പ്രകടനമായി എത്തിയ പ്രവര്‍ത്തകരെ ടോള്‍പ്ലാസയ്ക്കുസമീപം പോലീസ് തടഞ്ഞു. ബാരിക്കേഡുകള്‍ മറികടന്ന പ്രവര്‍ത്തകര്‍ ടോള്‍പ്ലാസയില്‍ എത്തി ടോള്‍ബൂത്തുകള്‍ തുറന്നുവിട്ടു. തുടര്‍ന്നുനടന്ന യോഗം സിപിഎം ജില്ലാ സെക്രട്ടറി കെ.വി. അബ്ദുള്‍ ഖാദര്‍ ഉദ്ഘാടനം ചെയ്തു. സിപഐ ജില്ലാ അസി. സെക്രട്ടറി ടി.ആര്‍. രമേഷ്‌കുമാര്‍ അധ്യക്ഷനായി. കെ.കെ. രാമചന്ദ്രന്‍ എംഎല്‍എ, പി.കെ. ചന്ദ്രശേഖരന്‍, വി.എസ്. പ്രിന്‍സ്, ഉണ്ണികൃഷ്ണന്‍ ഈച്ചരത്ത്, സി.എല്‍. ജോയ്, സി.ടി. ജോഫി, സി.ആര്‍. വത്സന്‍, ജെയ്സണ്‍ മാണി, ഷൈജു, ബഷീര്‍, പോള്‍ എം. ചാക്കോ, ഗോപിനാഥന്‍ താറ്റാട്ട്, യൂജിന്‍ മൊറേലി തുടങ്ങിയവര്‍ പങ്കെടുത്തു.

യൂത്ത് കോണ്‍ഗ്രസ് ഡിഎംഒ ഓഫീസ് മാർച്ച് നടത്തി

തൃശൂർ: ആരോഗ്യമേഖലയുടെ തകർച്ചയുടെ ഉത്തരവാദിത്വം ഏറ്റെടുത്തു മന്ത്രി വീണാ ജോർജ് രാജിവയ്ക്കണമെന്ന് ആവശ്യപ്പെട്ടു യൂത്ത് കോണ്‍ഗ്രസ് തൃശൂർ ജില്ലാ കമ്മിറ്റി ഡിഎംഒ ഓഫീസ് മാർച്ച് നടത്തി. പാറമേക്കാവ് ക്ഷേത്രപരിസരത്തുനിന്ന് ആരംഭിച്ച മാർച്ച് കെപിസിസി സെക്രട്ടറി ജോണ്‍ ഡാനിയൽ ഉദ്ഘാടനം ചെയ്തു. ജില്ലാ പ്രസിഡന്‍റ് ഹരീഷ് മോഹൻ, സംസ്ഥാന ജനറൽ സെക്രട്ടറിമാരായ അഡ്വ. സി. പ്രമോദ്, കാവ്യ രഞ്ജിത്ത്, സംസ്ഥാനസെക്രട്ടറിമാരായ അഡ്വ. സുഷിൽ ഗോപാൽ, അഭിലാഷ് പ്രഭാകർ, നിഖിൽ ജി. കൃഷ്ണൻ, ജെറോണ്‍ ജോണ്‍, ജില്ലാ വൈസ് പ്രസിഡന്‍റ് വിഷ്ണു ചന്ദ്രൻ, അഞ്ജന, ജില്ലാ ജനറൽ സെക്രട്ടറിമാരായ ഷെറിൻ തേർമഠം, ജോഫിൻ ഫ്രാൻസിസ്, ജില്ലാ സെക്രട്ടറിമാരായ അനീഷ ശങ്കർ, അസീസ്, നിയോജകമണ്ഡലം പ്രസിഡന്‍റുമാരായ മഹേഷ് കാർത്തികേയൻ, ഫൈസൽ ഇബ്രാഹിം, എ.വി. യദുകൃഷ്ണൻ, സുമേഷ് അയ്യന്തോൾ, മഹേഷ് തിപ്പലശേരി എന്നിവർ നേതൃത്വം നൽകി. കോൺഗ്രസ് സമരസംഗമം ഇന്ന് തൃശൂർ: സംസ്ഥാനസർക്കാരിന്‍റെ ജനദ്രോഹനങ്ങൾക്കെതിരേയും ജില്ലയെ ബാധിക്കുന്ന വിഷയങ്ങൾ ഉയർത്തിയും കോൺഗ്രസ് സമരസംഗമം ഇന്നു രാവിലെ 10.30നു ടൗൺ ഹാളിൽ കെപിസിസി പ്രസിഡന്‍റ് അഡ്വ. സണ്ണി ജോസഫ് ഉദ്ഘാടനം ചെയ്യും. ഡിസിസി പ്രസിഡന്‍റ് അഡ്വ. ജോസഫ് ടാജറ്റ് അധ്യക്ഷത വഹിക്കും. പ്രതിപക്ഷനേതാവ് വി.ഡി. സതീശൻ, യുഡിഎഫ് കൺവീനർ അടൂർ പ്രകാശ്, കെപിസിസി വർക്കിംഗ് പ്രസിഡന്‍റുമാരായ എ.പി. അനിൽകുമാർ, പി.സി. വിഷ്ണുനാഥ്, ഷാഫി പറമ്പിൽ എന്നിവർ പങ്കെടുക്കും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]