മു​പ്ലി​യം മേ​ഖ​ല​യി​ലെ ര​ണ്ടു വീ​ടു​ക​ളി​ലും കു​മ​ര​ഞ്ചി​റ ക്ഷേ​ത്ര​ത്തി​ലും മോ​ഷ​ണം
Tuesday, September 10, 2019 1:07 AM IST
പു​തു​ക്കാ​ട്: മു​പ്ലി​യം, ന​ന്തി​പു​ലം മേ​ഖ​ല​യി​ൽ പ​ര​ക്കെ മോ​ഷ​ണം. കു​മ​ര​ഞ്ചി​റ ഭ​ഗ​വ​തി ക്ഷേ​ത്ര​ത്തി​ലും മു​പ്ലി​യം പാ​ല​ത്തി​നു സ​മീ​പ​ത്തു​ള്ള ര​ണ്ടു വീ​ടു​ക​ളി​ലു​മാ​ണ് മോ​ഷ​ണം ന​ട​ന്നത്. മാ​ക്കോ​ത്ത് മാ​രാ​ത്ത് മ​ല്ലി​ക ടീ​ച്ച​റു​ടെ വീ​ട്ടു​മു​റ്റ​ത്തു കി​ട​ന്നി​രു​ന്ന കാ​റി​ന്‍റെ മു​ൻ​വ​ശ​ത്തെ ഡോ​റി​ന്‍റെ ചി​ല്ല് ത​ക​ർ​ത്ത് കാ​റി​നു​ള്ളി​ലു​ണ്ടാ​യി​രു​ന്ന ര​ണ്ട് പ​വ​ൻ തൂ​ക്ക​മു​ള്ള സ്വ​ർ​ണമാ​ല​യും 8000 രൂ​പ​യും രേ​ഖ​ക​ളും അ​ട​ങ്ങു​ന്ന പ​ഴ്സും മോ​ഷ​ണം പോ​യി.
മ​ല്ലി​ക ടീ​ച്ച​റു​ടെ മ​ക​ൻ പ്ര​ശാ​ന്തും കു​ടും​ബ​വും ഞാ​യ​റാ​ഴ്ച രാ​ത്രി പ​ത്ത് മ​ണി​യോ​ടെ​യാ​ണ് ബംഗ്ലൂ​രു​വി​ൽനി​ന്ന് മു​പ്ലി​യ​ത്തെ വീ​ട്ടി​ൽ എ​ത്തി​യ​ത്. കാ​റി​ന്‍റെ ഡാ​ഷ് ബോ​ർ​ഡി​ൽ നി​ന്ന് എ​ടു​ക്കാ​ൻ മ​റ​ന്നു​പോ​യ പ​ഴ്സും മാ​ല​യു​മാ​ണ് ന​ഷ്ട​പ്പെ​ട്ട​ത്. സ​മീ​പ​ത്തെ എ​ള​ന്തോ​ളി രാ​ധാ​കൃ​ഷ്ണ​ന്‍റെ വീ​ട്ടു​മു​റ്റ​ത്ത് നി​ന്നും സ്കൂ​ട്ട​ർ എ​ടു​ത്താ​ണ് മോ​ഷ്ടാ​ക്ക​ൾ ര​ക്ഷ​പ്പെ​ട്ട​ത്.
കു​മ​ര​ഞ്ചി​റ ഭ​ഗ​വ​തി ക്ഷേ​ത്ര​ത്തി​ന്‍റെ മൂ​ന്നു ഭ​ണ്ഡാ​ര​ങ്ങ​ൾ കു​ത്തി​പ്പൊ​ളി​ച്ചു, ഭ​ണ്ഡാ​ര​ങ്ങ​ളു​ടെ ഉ​ള്ളി​ലെ താ​ഴു​ക​ൾ ത​ക​ർ​ക്കാ​ൻ ക​ഴി​യാ​ത്ത​തി​നാ​ൽ പ​ണം ന​ഷ്ട​പ്പെ​ട്ടി​ല്ല. ക്ഷേ​ത്രം ഓ​ഫീ​സി​ന്‍റെ വാ​തി​ലും കു​ത്തി​ത്തുറ​ന്ന നി​ല​യി​ലാ​ണ്. വ​ര​ന്ത​ര​പ്പി​ള്ളി പോ​ലീ​സും ഡോ​ഗ് സ്ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.