വ​ട​ക്ക​ഞ്ചേ​രി മേ​ഖ​ല​യി​ൽ നി​ലംനി​ക​ത്ത​ലും കു​ന്നി​ടി​ക്ക​ലും വ്യാ​പ​കം
Wednesday, January 19, 2022 12:43 AM IST
വ​ട​ക്ക​ഞ്ചേ​രി: നി​ലംനി​ക​ത്ത​ലും കു​ന്നി​ടി​ക്ക​ലും വ്യാ​പ​ക​മാ​യ​തോ​ടെ മ​ണ്ണുമാ​ഫി​യ സം​ഘ​ങ്ങ​ൾ​ക്ക് ഇ​തുകൊ​യ്ത്തു​കാ​ലം. മു​ന്പൊ​ക്കെ രാ​ത്രി​കാ​ല​ങ്ങ​ളി​ൽ ഒ​ളി​ഞ്ഞും തെ​ളി​ഞ്ഞും ന​ട​ത്തി​യി​രു​ന്ന നി​ലം നി​ക​ത്ത​ൽ ഇ​പ്പോ​ൾ പ​ക​ൽ സ​മ​യ​ത്തും ത​കൃ​തി​യാ​യി. വ​ട​ക്ക​ഞ്ചേ​രി ടൗ​ണി​ൽ കി​ഴ​ക്ക​ഞ്ചേ​രി റോ​ഡ് സൈ​ഡി​ൽ ന​ട​ന്നി​രു​ന്ന നി​ലം​നി​ക​ത്ത​ൽ നി​ർ​ത്തി​വയ്​ക്കാ​ൻ സ്ഥ​ല ഉ​ട​മയ്​ക്ക് സ്റ്റോ​പ്പ് മെ​മ്മോ കൊ​ടു​ത്ത​താ​യി വി​ല്ലേ​ജ് അ​ധി​കൃ​ത​ർ പ​റ​ഞ്ഞു. രേ​ഖ​ക​ൾ പ​രി​ശോ​ധി​ച്ച് തു​ട​ർ​ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.

നി​ലം നി​ക​ത്തു​ന്ന​തു ക​ണ്ടാ​ൽ പാ​ഞ്ഞ​ടു​ത്തി​രു​ന്ന രാ​ഷ്ട്രീ​യ പാ​ർ​ട്ടി​ക​ളെ​ല്ലാം ഇ​പ്പോ​ൾ നി​ശ​ബ്ദ​മാ​ണ്. വി​ക​സ​ന​മാ​ണ് എ​ല്ലാ​വ​രും ഉ​യ​ർ​ത്തി കാ​ട്ടു​ന്ന​ത്. നി​ലം നി​ക​ത്തു​ന്ന സ്ഥ​ല​ങ്ങ​ളി​ൽ കൊ​ടി​കു​ത്തി ന​ട​ത്തി​യി​രു​ന്ന സ​മ​ര​കോ​ലാ​ഹ​ല​ങ്ങ​ളും കെ​ട്ട​ട​ങ്ങി. വ​ട​ക്ക​ഞ്ചേ​രി ടൗ​ണി​ന​ടു​ത്ത് ശേ​ഷി​ച്ച നി​ല​ങ്ങ​ൾ കൂ​ടി നി​ക​ത്തി കെ​ട്ടി​ട​ങ്ങ​ൾ ഉ​യ​രു​ക​യാ​ണ്. വ​ർ​ഷ​ങ്ങ​ൾ​ക്കു മു​ന്പ് വ​ട​ക്ക​ഞ്ചേ​രി കൃ​ഷി​ഭ​വ​ന്‍റെ മൂ​ക്കി​നു​താ​ഴെ ക​നാ​ൽ നി​ക​ത്തി​യാ​ണ് സ്വ​കാ​ര്യ ഭൂ​മി​ക​ളി​ലേ​ക്കു വ​ഴി​യു​ണ്ടാ​ക്കി​യ​ത്. റോ​ഡാ​യ​തോ​ടെ ഇ​വി​ടു​ത്തെ നി​ല​ങ്ങ​ളെ​ല്ലാം പ​റ​ന്പു​ക​ളാ​യി മാ​റി. കെ​ട്ടി​ട​സ​മു​ച്ച​യ​ങ്ങ​ളാ​ണ് കൂ​ടു​ത​ലും. വൈ​കാ​തെ ഇ​തി​ലൂ​ടെ​യു​ള്ള റോ​ഡി​ന്‍റെ ടാ​റിം​ഗും ന​ട​ക്കു​മെ​ന്നു പ​റ​യു​ന്നു. നി​ലം നി​ക​ത്ത​ൽ വ്യാ​പ​ക​മാ​യ​പ്പോ​ൾ പ​ലഭാ​ഗ​ത്തും ക​നാ​ലു​ക​ൾ ഉ​പ​യോ​ഗ​ശൂ​ന്യ​മാ​യ സ്ഥി​തി​യു​മു​ണ്ട്. മം​ഗ​ല​ത്ത് ഫ​യ​ർ സ്റ്റേ​ഷ​നു സ​മീ​പ​ത്തെ മെ​യി​ൻ ക​നാ​ൽ കൈ​യേ​റി​യാ​ണു കൃ​ഷി​യി​റ​ക്ക​ൽ. ക​നാ​ൽ പു​റ​ന്പോ​ക്കു​ക​ൾ കൈ​യേ​റി സ്വ​ന്ത​മാ​ക്കു​ന്ന​വ​രും കു​റ​വ​ല്ല. കൈ​യേ​റി സ്വ​ന്ത​മാ​ക്കു​ന്ന ഭൂ​മി പി​ന്നീ​ട് ത​ര​ക്കേ​ടി​ല്ലാ​ത്ത വി​ല​യ്ക്ക് വി​ല്പ​ന ന​ട​ത്തു​ന്ന മാ​ഫി​യ​ക​ളു​മു​ണ്ട്. സ്വ​ന്ത​മാ​യി ഭൂ​മി​യോ വീ​ടോ ഇ​ല്ലാ​ത്ത​വ​രാ​ണ് ഇ​വ​രു​ടെ ഇ​ര​ക​ളാ​കു​ന്ന​ത്.