ഒറ്റപ്പാലം : മൂ​ന്നാം ദി​വ​സം ഓ​രോ വേ​ദി​ക​ളി​ലും അ​ര​ങ്ങേ​റി​യ​തു കടുത്ത മ​ത്സ​രം.
ഒ​റ്റ​പ്പാ​ലം പി​ഡ​ബ്ല്യു​ഡി റെ​സ്റ്റ് ഹൗ​സ് വേ​ദി​യി​ൽ ന​ട​ന്ന മോ​ഹി​നി​യാ​ട്ട മ​ത്സ​രം ന​യ​ന മ​നോ​ഹ​ര​മാ​യി. യു​പി, എ​ച്ച്എ​സ്, എ​ച്ച്എ​സ്എ​സ്, വി​ഭാ​ഗ​ങ്ങ​ളി​ലാ​യി ഇ​രു​പ​തി​ല​ധി​കം മ​ത്സ​രാ​ർ​ത്ഥി​ക​ളാ​ണ് ഈ ​ഇ​ന​ത്തി​ൽ മാ​റ്റു​ര​ച്ച​ത്.
എ​ൽ​എ​സ്എ​ൻ ഗേ​ൾ​സ് സ്കൂ​ൾ വേ​ദി ഒ​ന്നി​ൻ ന​ട​ക്ക​ണ്ട മോ​ഹി​നി​യാ​ട്ട മ​ത്സ​രം പി​ഡ​ബ്ല്യു​ഡി റ​സ്റ്റ് ഹൗ​സ് വ​ള​പ്പി​ലെ വേ​ദി ഏ​ഴി​ലേ​ക്ക് മാ​റ്റു​ക​യാ​യി​രു​ന്നു.
എ​ൽ​എ​സ്എ​ൻ ഗേ​ൾ​സ് ഹൈ​സ്ക്കൂ​ളി​ലെ വേ​ദി ഒ​ന്നി​ൽ സം​ഘ​നൃ​ത്തം മ​റ്റ് വേ​ദി​ക​ളാ​യ നാ​ല്, എ​ട്ട്, ഒ​ന്പ​ത്, പ​തി​നാ​ല് എ​ന്നി​വി​ട​ങ്ങ​ളി​ൽ മാ​ർ​ഗം​ക​ളി, കേ​ര​ള ന​ട​നം, ക​ഥാ​പ്ര​സം​ഗം, ത​മി​ഴ് പ​ദ്യം എ​ന്നി​വ​യു​ടെ വാ​ശി​യേ​റി​യ മ​ത്സ​ര​ങ​ളും ന​ട​ന്നു.
മൂ​ന്നു ദി​വ​സ​ങ്ങ​ളാ​യി ഒ​റ്റ​പ്പാ​ല​ത്ത് ന​ട​ന്നു വ​രു​ന്ന ജി​ല്ലാ സ്കൂ​ൾ ക​ലോ​ത്സ​വ​ത്തി​ന് ഇ​ന്നാ​ണ് സ​മാ​പ​നം.
സ​മാ​പ​ന ദി​ന​മാ​യ ഇ​ന്ന് പ​തി​നാ​ല് ഇ​ന​ങ്ങ​ളി​ലാ​യി നാ​ൽ​പ​തോ​ളം മ​ത്സ​ര​ങ്ങ​ൾ ന​ട​ക്കും. തി​രു​വാ​തി​ര​ക്ക​ളി, നാ​ടോ​ടി നൃ​ത്തം, സം​ഘ​ഗാ​നം, മാ​പ്പി​ള​പ്പാ​ട്ട് എ​ന്നീ ഗ്ലാ​മ​ർ ഇ​ന​ങ്ങ​ള​ട​ക്കം ഇ​ന്ന​ത്തെ മ​ത്സ​ര​ങ്ങ​ളി​ലു​ണ്ട്. ബാ​ന്‍റ് വാ​ദ്യം മ​ന്നം മെ​മ്മോ​റി​യ​ൽ സ്കൂ​ൾ ഗ്രൗ​ണ്ടി​ലാ​ണ് ന​ട​ക്കു​ന്ന​ത്.
വേ​ദി ഒ​ന്നി​ലാ​ണ് തി​രു​വാ​തി​ര​ക്ക​ളി മ​ത്സ​ര​ങ്ങ​ൾ. വേ​ദി ര​ണ്ടി​ൽ ഒ​പ്പ​ന, മൂ​ന്നി​ൽ നാ​ടോ​ടി നൃ​ത്തം, നാ​ലി​ൽ പൂ​ര​ക്ക​ളി, പ​രി​ച​മു​ട്ടു​ക​ളി, വേ​ദി അ​ഞ്ചി​ൽ ചാ​ക്യാ​ർ കൂ​ത്ത്, ന​ങ്ങ്യാ​ർ കൂ​ത്ത്, കൂ​ടി​യാ​ട്ടം, ആ​റി​ൽ സം​ഘ​ഗാ​നം, വേ​ദി എ​ട്ടി​ൽ പാ​ഠ​കം, ഒ​ൻ​പ​തി​ൽ ദേ​ശ​ഭ​ക്തി ഗാ​നം, പ​ത്തി​ൽ മാ​പ്പി​ള​പ്പാ​ട്ട്, വേ​ദി പ​തി​നൊ​ന്നി​ൽ പ്ര​സം​ഗം ഉ​റു​ദു, പ​ദ്യം​ചൊ​ല്ല​ൽ ഉ​റു​ദു എ​ന്നി​ങ്ങ​നെ​യാ​ണ് മ​ത്സ​ര​ങ്ങ​ൾ ന​ട​ക്കു​ക.