പാലക്കാട് : യുവക്ഷേത്ര കോളജിലെ എൻഎസ്എസും പാലക്കാട് എക്സൈസ് വകുപ്പും സംയുക്തമായി ലഹരി വിരുദ്ധ ബോധവത്കരണ പ്രചരണ ജാഥ, ഫ്ലാഷ് മോബ്, തെരുവുനാടകം, ബോധവത്കരണ ക്ലാസ് എന്നിവ സംഘടിപ്പിച്ചു. പരിപാടിയുടെ ഉദ്ഘാടനം പാലക്കാട് ആർടിഒ ജർസണ് പാലക്കാട് സിവിൽ സ്റ്റേഷനിൽ നിർവഹിച്ചു.
പ്രിൻസിപ്പൽ ഡോ.ടോമി ആന്റണി, വൈസ് പ്രിൻസിപ്പൽ റവ.ഡോ. ജോസഫ് ഓലിക്കൽകൂനൽ, വിമുക്തി ജില്ല കോ-ഓർഡിനേറ്റർ ദൃശ്യ, സൂപ്രണ്ട് ജോസൻ പി.ജോസ്, എൻഎസ്എസ് കോ-കോർഡിനേറ്റർ എം.ചന്ദ്രശേഖർ എന്നിവർ പങ്കെടുത്തു. തുടർന്ന് ബോധവത്കരണ പരിപാടി വിദ്യാർഥികൾ കോട്ടമൈതാനം, സ്റ്റേഡിയം ബസ് സ്റ്റാന്റ്, കെഎസ്ആർടിസി സ്റ്റാന്റ്, ആർവി ഹോസ്പിറ്റൽ മൈലംപുള്ളി, കല്ലടിക്കോട് എന്നിവിടങ്ങളിലും നടത്തി.
ലേലം 13ന്
പാലക്കാട് : കോട്ടത്തറ ഗവ. ട്രൈബൽ സ്പെഷാലിറ്റി ആശുപത്രിയിലെ ഡയാലിസിസ് വിഭാഗത്തിലുള്ള ആക്രിവസ്തുക്കൾ (നെറ്റ്, 20 ലിറ്റർ ക്യാൻ 155 എണ്ണം, അഞ്ച് ലിറ്റർ ക്യാൻ 35 എണ്ണം, മറ്റുള്ളവ) വില്കുന്നതിന് 13 ന് വൈകീട്ട് മൂന്നിന് ലേലം നടക്കും.
ഫോണ്: 04924 254392.