വ​ട​ക്ക​ഞ്ചേ​രി: വ​ണ്ടാ​ഴി വ​ള​യ​ൽ പാ​ട​ശേ​ഖ​ര​ത്തി​ൽ കു​ള​ച്ച​ണ്ടി പ​ട​രു​ന്ന​ത് ക​ർ​ഷ​ക​രി​ൽ ആ​ശ​ങ്ക പ​ര​ത്തു​ന്നു. ര​ണ്ടാം വി​ള ന​ടീ​ൽ ക​ഴി​ഞ്ഞ ര​ണ്ട​ര ഏ​ക്ക​റോ​ളം സ്ഥ​ല​ത്താ​ണ് ആ​ഴ്ച​ക​ൾ​ക്കു​ള്ളി​ൽ കു​ള​ച​ണ്ടി വ്യാ​പ​ക​മാ​കു​ന്ന സ്ഥി​തി​യു​ണ്ടാ​യി​ട്ടു​ള്ള​ത്.

വെ​ള്ള​ത്തി​നു മീ​തെ വി​ട​വി​ല്ലാ​ത്ത വി​ധം ച​ണ്ടി പൊ​ങ്ങി​ക്കി​ട​ക്കു​ന്ന​തി​നാ​ൽ ഞാ​റ്റ​ടി​ക​ൾ​ക്കും വ​ള​ർ​ന്ന് മു​ക​ളി​ലേ​ക്ക് വ​രാ​നാ​കാ​തെ ന​ശി​ക്കു​ക​യാ​ണെ​ന്ന് ക​ർ​ഷ​ക​ർ പ​റ​ഞ്ഞു. കോ​ന്പാ​റ ഡി​നോ​യ്, ല​ക്ഷ്മ​ണ​ൻ തു​ട​ങ്ങി​യ​വ​രു​ടെ പാ​ട​ശേ​ഖ​ര​ത്തി​ലാ​ണ് ച​ണ്ടി കൂ​ടു​ത​ലാ​യി കാ​ണ​പ്പെ​ടു​ന്ന​ത്. സ​മീ​പ​ത്തെ കു​ള​ങ്ങ​ളി​ലോ കി​ണ​റു​ക​ളി​ലോ ഇ​ത്ത​രം ച​ണ്ടി​യി​ല്ല. എ​ങ്ങ​നെ ഇ​ത് പാ​ട​ശേ​ഖ​ര​ത്തി​ൽ എ​ത്തി​പ്പെ​ട്ടു എ​ന്ന​തു ക​ർ​ഷ​ക​ർ​ക്കും പി​ടികി​ട്ടു​ന്നി​ല്ല.

ഇ​തി​ന്‍റെ വി​ത്ത് ആ​രെ​ങ്കി​ലും ഇ​ട്ട​താ​ണോ അ​തോ വ​ള​ങ്ങ​ളി​ലോ നെ​ൽ​വി​ത്തു​ക​ളി​ലോ ക​ല​ർ​ന്ന​താ​ണോ വെ​ള്ളത്തി​ലൂ​ടെ​യാ​ണോ എ​ന്നൊ​ക്കെ​യു​ള്ള സം​ശ​യ​ങ്ങ​ളും ഉ​യ​രു​ന്നു​ണ്ട്. തൊ​ഴി​ലാ​ളി​ക​ളെ വ​ച്ച് ച​ണ്ടി​യെ​ല്ലാം വാ​രി​ക്കൂ​ട്ടു​ക​യാ​ണ് ക​ർ​ഷ​ക​രി​പ്പോ​ൾ. ച​ണ്ടി പ​ട​രു​ന്ന​ത് സം​ബ​ന്ധി​ച്ച് കൃ​ഷി​വ​കു​പ്പി​നും വി​വ​രം ന​ൽ​കി​യി​ട്ടു​ണ്ട്.

ച​ണ്ടി പ​ട​ർ​ന്ന​തി​നെ തു​ട​ർ​ന്ന് കൃ​ഷി പൂ​ർ​ണ​മാ​യും ന​ശി​ക്കു​ന്ന സാ​ഹ​ച​ര്യ​ത്തി​ൽ ന​ഷ്ടപ​രി​ഹാ​രം ന​ൽ​കു​ന്ന​തി​നൊ​പ്പം കൂ​ടു​ത​ൽ പാ​ട​ശേ​ഖ​ര​ങ്ങ​ളി​ലേ​ക്ക് ച​ണ്ടി വ്യാ​പി​ക്കു​ന്ന​ത് ത​ട​യ​ണ​മെ​ന്നാ​ണ് ആ​വ​ശ്യം.