അ​പ​ക​ട​ത്തി​ൽ ത​ക​ർ​ന്ന കെഎ​സ്ആ​ർ​ടി​സി ബ​സ് വീണ്ടും ഓ​ടിത്തു​ട​ങ്ങി
Sunday, February 5, 2023 12:23 AM IST
വ​ട​ക്ക​ഞ്ചേ​രി: അ​ഞ്ചു​മൂ​ർ​ത്തി​മം​ഗ​ല​ത്ത് ഒ​ന്പ​തുപേ​രു​ടെ മ​ര​ണ​ത്തി​നി​ട​യാ​ക്കി​യ അ​പ​ക​ട​ത്തി​ലെ കെഎ​സ്ആ​ർടിസി ബ​സ് അറ്റ കുറ്റപ്പ​ണി​ക​ൾ ക​ഴി​ഞ്ഞ് ഓ​ടി​ത്തുട​ങ്ങി.

കൊ​ട്ടാ​ര​ക്ക​ര ഡി​പ്പോ​യി​ലെ സൂ​പ്പ​ർ​ഫാ​സ്റ്റ് ബ​സാ​ണ് നാ​ലു​മാ​സ​ത്തെ ഇ​ട​വേ​ള​യ്ക്കു​ശേ​ഷം കൊ​ട്ടാ​ര​ക്ക​ര, വ​ട​ക്ക​ഞ്ചേ​രി വ​ഴി പാ​ല​ക്കാ​ട്, കോ​യ​ന്പ​ത്തൂ​ർ റൂ​ട്ടി​ൽ സ​ർ​വീ​സ് ന​ട​ത്തു​ന്ന​ത്. കെഎസ്ആ​ർ​ടി​സി​യു​ടെ എ​ട​പ്പാ​ളി​ലു​ള്ള റീ​ജ​ണൽ വ​ർ​ക്ക്ഷോ​പ്പി​ൽ ഒ​രു മാ​സ​ത്തോ​ളംനീ​ണ്ട പ​ണി​ക​ൾ​ക്കൊ​ടു​വി​ലാ​ണ് ബ​സ് നി​ര​ത്തി​ലി​റ​ക്കി​യ​ത്.

ഡ്രൈ​വ​ർ സൈ​ഡി​ലെ പു​റ​കു​ഭാ​ഗ​മാ​ണ് അ​പ​ക​ട​ത്തി​ൽ ത​ക​ർ​ന്നി​രു​ന്ന​ത്. പു​റ​കി​ൽനി​ന്നു മു​ന്നി​ലേ​ക്ക് നി​ര​യാ​യു​ള്ള ആ​റ് സീ​റ്റു​ക​ൾ വ​രു​ന്ന ഭാ​ഗം റൂ​ഫ് ഉ​ൾ​പ്പെ​ടെ പൂ​ർ​ണ​മാ​യും മാ​റ്റി സ്ഥാ​പി​ച്ച​താ​യി വ​ർ​ക്ക്ഷോ​പ്പ് റീ​ജ​ണൽ മാ​നേ​ജ​ർ വി​ൻ​സെ​ന്‍റ് കൊ​ട്ടേ​ക്കാ​ട് പ​റ​ഞ്ഞു.

നേ​ര​ത്തെ ബ​സി​ന്‍റെ ബോ​ഡി നി​ർ​മിച്ച​തും എ​ട​പ്പാ​ളി​ൽ ത​ന്നെ​യാ​യി​രു​ന്ന​തി​നാ​ൽ വ​ർ​ക്കു​ക​ൾ എ​ളു​പ്പ​മാ​ക്കി.

ക​ഴി​ഞ്ഞ ഒ​ക്ടോ​ബ​ർ അ​ഞ്ചി​ന് അ​ർ​ധ​രാ​ത്രി​യോ​ടെ​യാ​യി​രു​ന്നു തൃ​ശൂ​ർ-പാ​ല​ക്കാ​ട് ദേ​ശീ​യ​പാ​ത​യി​ൽ അ​ഞ്ചു​മൂ​ർ​ത്തിമം​ഗ​ലം കൊ​ല്ല​ത്ത​റ​യി​ൽ കാ​മ​റ ജം​ഗ്ഷ​ന​ടു​ത്ത് അ​പ​ക​ട​മു​ണ്ടാ​യ​ത്. കൊ​ട്ടാ​ര​ക്ക​ര​യി​ൽ നി​ന്നു കോ​യ​ന്പ​ത്തൂ​രി​ലേ​ക്ക് പോ​വു​ക​യാ​യി​രു​ന്ന കെഎസ്ആ​ർ​ടി​സി ബ​സി​നു പു​റ​കി​ൽ ടൂ​റി​സ്റ്റ് ബ​സ് ഇ​ടി​ച്ചാ​യി​രു​ന്നു ദു​ര​ന്തം.

എ​റ​ണാ​കു​ളം മു​ള​ന്തു​രു​ത്തി വെ​ട്ടി​ക്ക​ൽ ബ​സേ​ലി​യോ​സ് വി​ദ്യാ​നി​കേ​ത​ൻ സ്കൂ​ളി​ൽ നി​ന്നു ഉൗ​ട്ടി​യി​ലേ​ക്ക് പോ​യി​രു​ന്ന ടൂ​റി​സ്റ്റ് ബ​സാ​ണ് കെഎസ്ആ​ർ​ടി​സി​ക്ക് പു​റ​കി​ലി​ടി​ച്ച് മ​റി​ഞ്ഞ​ത്. അ​ഞ്ചു വി​ദ്യാ​ർ​ഥി​ക​ളും അ​ധ്യാ​പ​ക​നും കെഎസ്ആ​ർ​ടി​സി ബ​സി​ലെ മൂ​ന്ന് യാ​ത്ര​ക്കാ​രു​മാ​ണ് മ​രി​ച്ച​ത്. അ​പ​ക​ട​ത്തി​ൽ​പ്പെ​ട്ട ടൂ​റി​സ്റ്റ് ബ​സ് വ​ട​ക്ക​ഞ്ചേ​രി പോ​ലീ​സ് സ്റ്റേ​ഷ​നി​ൽത്തന്നെ​യാ​ണ്.
Copyright @ 2022 , Rashtra Deepika Ltd.