വ​ട​ക്ക​ഞ്ചേ​രി: വ​ട​ക്ക​ഞ്ചേ​രി- മ​ണ്ണു​ത്തി ആ​റു​വ​രി ദേ​ശീ​യ പാ​ത​യി​ൽ വാ​ഹ​ന​ഗ​താ​ഗ​തം വീ​ണ്ടും ദു​ഷ്ക​ര​മാ​യി. അ​വ​സാ​നി​ക്കാ​ത്തവി​ധം തു​ട​രു​ന്ന റി​പ്പ​യ​ർ പ്രവൃത്തികളാണ് വാ​ഹ​ന യാ​ത്രി​ക​രെ ദു​രി​ത​ത്തി​ലാ​ക്കു​ന്ന​ത്.​ ആ​റു​വ​രിപ്പാ​ത തു​ട​ങ്ങു​ന്ന വ​ട​ക്ക​ഞ്ചേ​രി മേ​ൽ​പ്പാ​ല​ത്തി​ൽ പാ​ല​ക്കാ​ട് ലൈ​നി​ൽ വാ​ഹ​ന​ഗ​താ​ഗ​തം പൂ​ർ​ണ​മാ​യും നി​രോ​ധി​ച്ചാ​ണ് കു​ത്തി പ്പൊളി​ച്ചു​ള്ള പ​ണി​ക​ൾ ന​ട​ക്കു​ന്ന​ത്.

പാ​ല​ക്കാ​ട് ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ളെ​ല്ലാം സ​ർ​വീ​സ് റോ​ഡ് വ​ഴി വി​ടു​ന്ന​തി​നാ​ൽ ക​ണ്ണ​മ്പ്ര റോ​ഡ് ജം​ഗ്ഷ​നി​ൽ വാ​ഹ​ന​ക്കു​രു​ക്കും ക​ടു​ക്കു​ക​യാ​ണ്. നവീകരണ പ്രവൃത്തികൾ അ​വ​സാ​നി​ക്കാ​ൻ ര​ണ്ടാ​ഴ്ച​യെ​ങ്കി​ലും സ​മ​യ​മെ​ടു​ക്കു​മെ​ന്നാ​ണ് ക​രാ​ർ ക​മ്പ​നി അ​ധി​കൃ​ത​ർ പ​റ​യു​ന്ന​ത്. ദേ​ശീ​യ​പാ​ത​യി​ൽ ഈ വി​ധം വാ​ഹ​ന​ങ്ങ​ൾ വ​ഴി​തി​രി​ച്ചു​വി​ട്ടു ന​ട​ത്തു​ന്ന പ​ണി​ക​ൾ​ക്ക് പ​ക്ഷേ, വേ​ഗ​ത​യി​ല്ല എ​ന്ന പ​രാ​തി​യു​മു​ണ്ട്. കു​തി​രാ​നി​ൽ തൃ​ശൂ​ർ ഭാ​ഗ​ത്തേ​ക്കു​ള്ള തു​ര​ങ്കപ്പാ​ത​യി​ൽ റി​പ്പ​യ​ർ പ​ണി​ക​ൾ തു​ട​ങ്ങി​യി​ട്ട് അ​ഞ്ചുമാ​സ​ത്തോ​ള​മാ​യി.

ഇ​പ്പോ​ഴും മെ​ല്ലപ്പോക്കി​ലാ​ണ് പ​ണി​ക​ൾ. ടാ​റിം​ഗ്, കു​ഴി​യ​ട​യ്ക്ക​ൽ എ​ന്നി​വ​യ്ക്കാ​യി വാ​ഹ​നനി​യ​ന്ത്ര​ണ​വും മ​റ്റു ഭാ​ഗ​ങ്ങ​ളി​ലു​മു​ണ്ട്.

ചു​രു​ക്ക​ത്തി​ൽ ആ​റു​വ​രിപ്പാത എ​ന്ന പേ​രി​ൽ വ​ലി​യ നി​ര​ക്കി​ൽ ടോ​ൾ കൊ​ടു​ത്തു​പോ​കു​ന്ന വാ​ഹ​ന​യാ​ത്രി​ക​രെ ബു​ദ്ധി​മു​ട്ടി​ക്കു​ന്ന പ​ണി​ക​ളാ​ണ് ന​ട​ക്കു​ന്ന​ത്.