നെ​ന്മാ​റ​യി​ൽ ഡിജി​റ്റ​ൽ ഭൂസ​ർ​വേ ആരംഭിച്ചു; പ്ര​ചാ​ര​ണ​വും അ​വ​ബോ​ധ​വും ന​ൽ​കു​ന്നി​ല്ലെ​ന്ന് പ​രാ​തി
Saturday, May 25, 2024 1:31 AM IST
ജോ​ജി തോ​മ​സ്

നെ​ന്മാ​റ: നെ​ന്മാ​റ വി​ല്ലേ​ജി​ൽ ഡി​ജി​റ്റ​ൽ റീസ​ർ​വേ ആ​രം​ഭി​ച്ചു. ഭൂവു​ട​മ​ക​ൾ​ക്ക് വേ​ണ്ട​ത്ര അ​വ​ബോ​ധം ന​ൽ​കു​ന്നി​ല്ലെ​ന്ന് വ്യാ​പ​ക പ​രാ​തി. ക​ഴി​ഞ്ഞ സാ​മ്പ​ത്തി​ക വ​ർ​ഷം സം​സ്ഥാ​ന​ത്ത് ആ​രം​ഭി​ച്ച പ​ദ്ധ​തി​യി​ൽ പാ​ല​ക്കാ​ട് ജി​ല്ല​യി​ൽ മ​ണ്ണാ​ർ​ക്കാ​ട്, പ​ട്ടാ​മ്പി താ​ലൂ​ക്കു​ക​ളി​ൽ പ്രാ​ഥ​മി​ക​മാ​യി ഡി​ജി​റ്റ​ൽ റീസ​ർ​വേ ആ​രം​ഭി​ച്ചി​രു​ന്നു. എ​ന്‍റെ ഭൂ​മി പ​ദ്ധ​തി പ്ര​കാ​രം ആ​രം​ഭി​ച്ച ഡി​ജി​റ്റ​ൽ റീസ​ർ​വേ ന​ട​പ്പാ​ക്കാ​ൻ ചി​റ്റൂ​ർ താ​ലൂ​ക്കി​ൽ തെ​രഞ്ഞെ​ടു​ത്ത ര​ണ്ട് വി​ല്ലേ​ജു​ക​ളി​ൽ ഒ​ന്നാ​ണ് നെ​ന്മാ​റ വി​ല്ലേ​ജ്.

സ​ർ​വേ ഡി​പ്പാ​ർ​ട്ട്മെ​ന്‍റിന്‍റെ നേ​തൃ​ത്വ​ത്തി​ലാ​ണ് ആ​ധു​നി​ക ഡി​ജി​റ്റ​ൽ ഉ​പ​ക​ര​ണ​ങ്ങ​ളു​ടെ സ​ഹാ​യ​ത്തോ​ടെ ഡി​ജി​റ്റ​ൽ ഭൂറീസ​ർ​വേ ന​ട​പ്പാ​ക്കു​ന്ന​ത്. വി​ല്ലേ​ജു​ക​ളി​ലെ ഭൂ​രേ​ഖ​ക​ൾ ഓ​ൺ​ലൈ​നാ​യി എ​ടു​ത്താ​ണ് ഡി​ജി​റ്റ​ൽ സ​ർ​വേ ന​ട​ത്തു​ന്ന​ത്. വി​ല്ലേ​ജ് അ​ധി​കൃ​ത​രു​മാ​യി ഡി​ജി​റ്റ​ൽ സ​ർ​വേയ്ക്ക് യാ​തൊ​രു ബ​ന്ധ​വു​മി​ല്ലാ​ത്തതി​നാ​ൽ കൂ​ടു​ത​ൽ വി​വ​ര​ങ്ങ​ളും പൊ​തു​ജ​ന​ത്തി​ന് അ​റി​യു​ന്നി​ല്ല. സ​ർ​വേ വ​കു​പ്പാ​ണ് ഡി​ജി​റ്റ​ൽ റീസ​ർ​വേ ന​ട​ത്തു​ന്ന​ത്. റീസ​ർ​വേ പൂ​ർ​ത്തി​യാ​ക്കി പൊ​തു​ജ​ന​ങ്ങ​ളി​ൽ നി​ന്ന് ആ​ക്ഷേ​പ​ങ്ങ​ൾ അ​പ്പീ​ൽ മു​ഖേ​ന സ്വീ​ക​രി​ച്ച​ശേ​ഷം അ​വ​സാ​ന രേ​ഖ​ക​ളാ​ണ് റ​വ​ന്യൂ വ​കു​പ്പി​ന് ഡി​ജി​റ്റ​ൽ രേ​ഖ​ക​ളാ​യി കൈ​മാ​റു​ക.

നെ​ന്മാ​റ വി​ല്ലേ​ജി​ൽ ഡി​ജി​റ്റ​ൽ റീസ​ർ​വേ​ക്കാ​യി അ​ളു​വ​ശേരി​യി​ൽ പ്ര​ത്യേ​ക ക്യാ​മ്പ് ഓ​ഫീ​സ് ക​ഴി​ഞ്ഞ മൂ​ന്നു​മാ​സ​മാ​യി പ്ര​വ​ർ​ത്തി​ച്ചു​വ​രു​ന്നു. ആ​റു ഡി​ജി​റ്റ​ൽ സ​ർ​വേ യൂ​ണി​റ്റു​ക​ളാ​ണ് സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​ത്. സ​ർ​വേ ആ​രം​ഭി​ക്കു​ന്ന​തി​ന് മു​ന്നോ​ടി​യാ​യി ആ​രം​ഭി​ക്കു​ന്ന സ്ഥ​ലം ഉ​ട​മ​ക​ൾ​ക്ക് ത​ണ്ട​പ്പേ​ർ രേ​ഖ​യി​ലു​ള്ള ഫോ​ൺ ന​മ്പ​ർ മു​ഖേ​ന​യും അ​ല്ലാ​തെ​യും നോ​ട്ടീ​സ് ന​ൽ​കു​ന്നു​ണ്ട്. എ​ന്നാ​ൽ പ​ല ഭൂഉ​ട​മ​ക​ളും സ്ഥ​ല​ത്തി​ല്ലാ​ത്ത​തും, മ​റ്റു പ്ര​ദേ​ശ​ങ്ങ​ളി​ൽ താ​മ​സ​ത്തി​ൽ ഉ​ള്ള​തും ഭൂ​രേ​ഖ​ക​ൾ കൈ​വ​ശ​മി​ല്ലാ​ത്ത​തി​നാ​ലും നി​കു​തി അ​ട​ച്ച ര​ശീ​തി​ന് അ​പ്പു​റം മ​റ്റു രേ​ഖ​ക​ൾ, മി​ക്ക​വ​രു​ടെ​യും കൈ​വ​ശ​മി​ല്ലാ​ത്ത​തി​നാ​ലും ഡി​ജി​റ്റ​ൽ റീസ​ർ​വേയി​ൽ ആ​ശ​ങ്കാ​കു​ല​രാ​ണ്. മി​ക്ക സ്ഥ​ല​ങ്ങ​ളി​ലും പ​ഴ​യ റീ​സ​ർ​വേ ക​ല്ലു​ക​ൾ കാ​ണാ​താ​യി​ട്ടു​ള്ള​തി​നാ​ൽ ഭൂ​വു​ട​മ​ക​ളും ആ​ശ​ങ്ക​യി​ലാ​ണ്.

ഡി​ജി​റ്റ​ൽ റീസ​ർ​വേ ആ​ധാ​ര​മാ​ക്കു​ന്ന​ത് വി​ല്ലേ​ജു​ക​ളി​ലെ സ​ർ​വേ സ്കെ​ച്ച്, ഉ​ട​മ​സ്ഥാ​വ​കാ​ശ​ത്തി​ന് ബിടിആ​ർ രേ​ഖ എ​ന്നി​വ​യാ​ണ്. ഡി​ജി​റ്റ​ൽ റീസ​ർ​വേ റ​വ​ന്യൂ രേ​ഖ​ക​ൾ പ്ര​കാ​ര​മാ​ണ് മു​ന്നോ​ട്ടു പോ​കു​ന്ന​ത്. പ​ഴ​യ സ​ർ​വേരീ​തി​യി​ൽ ടേ​പ്പു​ക​ൾ ഉ​പ​യോ​ഗി​ച്ചു​ള്ള അ​ള​ക്ക​ലോ അ​തി​ർ​ത്തി ക​ല്ലു​ക​ൾ തെര​ഞ്ഞു ന​ട​ക്ക​ലോ ഇ​ല്ല. ഡി​ജി​റ്റ​ൽ സ​ർ​വേ​യി​ൽ സ​ർ​വേ ക​ല്ലു​ക​ൾ​ക്കു പ​ക​രം സാ​റ്റ​ലൈ​റ്റ് മു​ഖേ​ന​യു​ള്ള ജി​യോ കോ​ഡി​നേ​റ്റു​ക​ളാ​ണ് ഉ​പ​യോ​ഗി​ക്കു​ന്ന​ത്. ടോ​ട്ട​ൽ സ്റ്റേ​ഷ​ൻ എ​ന്ന ഡി​ജി​റ്റ​ൽ ഉ​പ​ക​ര​ണ​വും അ​തി​ന്‍റെ ഭാ​ഗ​മാ​യു​ള്ള പ്രിസം റി​ഫ്ള​ക്ട​റു​മാ​ണ് പ്ര​ധാ​ന സ​ർ​വേ ഉ​പ​ക​ര​ണം. സ​ർ​വേ ന​ട​ത്തു​മ്പോ​ൾ ത​ന്നെ ഭൂ​മി​യു​ടെ സ്കെ​ച്ചും അ​ള​വും ഈ ​ഉ​പ​ക​ര​ണ​ത്തി​ൽ രേ​ഖ​പ്പെ​ടു​ത്തും. ഡി​ജി​റ്റ​ൽ റീ ​സ​ർ​വേ ഉ​പ​ക​ര​ണ​ങ്ങ​ളു​മാ​യി ജീ​വ​ന​ക്കാ​രെ​ത്തു​മ്പോ​ൾ ഭൂ ​ഉ​ട​മ​ക​ളും ആ​ശ​ങ്ക​യി​ലാ​ണ്. മി​ക്ക​യി​ട​ത്തും ഉ​ട​മ പോ​ലും അ​റി​യാ​തെ​യാ​ണ് സ​ർ​വേ പൂ​ർ​ത്തി​യാ​ക്കി പോ​കു​ന്ന​തെ​ന്നാണ് ആ​ക്ഷേ​പം.

ഡി​ജി​റ്റ​ൽ റീസ​ർ​വേ​യ്ക്ക് മു​മ്പാ​യി ഗ്രാ​മ​സ​ഭ മാ​തൃ​ക​യി​ൽ സ​ർ​വേ സ​ഭ ആ​രം​ഭി​ക്ക​ണ​മെ​ന്ന് സ​ർ​ക്കാ​ർ നി​ർ​ദേശം ഉ​ണ്ടെ​ങ്കി​ലും നെ​ന്മാ​റ വി​ല്ലേ​ജി​ൽ ഇ​ക്കാ​ര്യ​ത്തി​ൽ വേ​ണ്ട​ത്ര അ​വ​ബോ​ധം ന​ൽ​കു​ന്നി​ല്ല. അ​താ​ത് പ​ഞ്ചാ​യ​ത്ത് വാ​ർ​ഡ് അം​ഗ​ങ്ങ​ൾ ചെ​യ​ർ​മാ​നാ​യി വി​വി​ധ രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ൾ, റ​സി​ഡ​ൻ​സ് അ​സോ​സി​യേ​ഷ​ൻ, തു​ട​ങ്ങി പ്രാ​ദേ​ശി​ക സം​ഘ​ട​ന പ്ര​തി​നി​ധി​ക​ൾ എ​ന്നി​വ​രെ ഉ​ൾ​പ്പെ​ടു​ത്തി പൊ​തു​ജ​ന​ങ്ങ​ൾ​ക്ക് ഡി​ജി​റ്റ​ൽ സ​ർ​വേ​യു​ടെ അ​വ​ബോ​ധം ന​ൽ​ക​ണ​മെ​ന്ന നി​ർ​ദേശ​മാ​ണ് പാ​ലി​ക്ക​പ്പെ​ടാ​ത്ത​ത്.

ഇ​തു​മൂ​ലം സ്ഥ​ല​ത്ത് താ​മ​സ​മി​ല്ലാ​ത്ത​വ​രും, വി​ദേ​ശ​ത്ത് താ​മ​സ​മു​ള്ള​വ​രും, മ​റ്റ് ജോ​ലി സ്ഥ​ല​ങ്ങ​ളി​ലും ഉ​ള്ള​വ​രും സ​ർ​വേ സ​മ​യ​ത്ത് ഭൂ​രേ​ഖ​ക​ളു​മാ​യി സ്ഥ​ല​ത്തെ​ത്താ​ൻ ക​ഴി​യാ​ത്ത​തി​നാ​ലും അ​റി​യി​പ്പ് കി​ട്ടാ​ത്ത​തി​നാ​ലും പ​ല​രും ഡി​ജി​റ്റ​ൽ റീ ​സ​ർ​വേ​യി​ൽ അ​തി​ർ​ത്തി വ്യ​ക്ത​മാ​ക്കി കാ​ണി​ക്കാ​ൻ ക​ഴി​യാ​ത്ത​തി​നാ​ൽ ഭൂ​മി​യു​ടെ അ​ള​വി​ൽ കു​റ​വു വ​രു​മോ എ​ന്ന ആ​ശ​ങ്ക​യി​ലാ​ണ്.