നെ​ന്മാ​റ: ക​രി​മ്പാ​റ കോ​പ്പ​ൻകു​ള​മ്പി​ൽ കാ​ട്ടാ​ന വീ​ട്ടു​വ​ള​പ്പു​ക​ളി​ലെ കൃ​ഷി​ക​ൾ ന​ശി​പ്പി​ച്ചു. ക​ഴി​ഞ്ഞ ര​ണ്ട് ദി​വ​സ​മാ​യി പു​ഞ്ചേ​രി, ച​ള്ള, ഓ​വുപാ​റ, ക​ൽ​ച്ചാ​ടി മേ​ഖ​ല​ക​ളി​ൽ കാ​ട്ടാ​ന​യി​റ​ങ്ങി കൃ​ഷി​നാ​ശം വ​രു​ത്തി​യി​രു​ന്നു. ചൊ​വ്വാ​ഴ്ച ഇ​രു​ട്ടു​ന്ന​തി​ന് മു​മ്പുത​ന്നെ പൂ​ഞ്ചേ​രി​യി​ലെ കോ​ള​നി​യി​ൽ കാ​ട്ടാ​ന എ​ത്തി. ഇ​തു ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്ന് വ​നംവാ​ച്ച​ർ​മാ​രും പ്ര​ദേ​ശ​വാ​സി​ക​ളും ചേ​ർ​ന്ന് രാ​ത്രി പ​ട​ക്കം പൊ​ട്ടി​ച്ചും ശ​ബ്ദ​മു​ണ്ടാ​ക്കി​യും ആ​ന​യെ കാ​ട്ടി​ലേ​ക്ക് തു​ര​ത്തി​യി​രു​ന്നു. 10 മ​ണി വ​രെ വാ​ച്ച​ർ​മാ​ർ പ്ര​ദേ​ശ​ത്ത് കാ​വ​ൽ നി​ന്നി​രു​ന്നു.

എ​ന്നാ​ൽ രാ​ത്രി 11 മ​ണി​ക്ക് ശേ​ഷം മോ​ഴ​യാ​ന തൊ​ട്ട​ടു​ത്ത പ്ര​ദേ​ശ​മാ​യ ച​ള്ള ഭാ​ഗ​ത്ത് കൂ​ടി ക​ൽ​ച്ചാ​ടിപു​ഴ ക​ട​ന്നാ​ണ് ജ​ന​വാ​സമേ​ഖ​ല​യാ​യ കോ​പ്പ​ൻ കു​ള​മ്പി​ൽ എ​ത്തി​യ​ത്.

വ​ന​മേ​ഖ​ല​യി​ൽ നി​ന്ന് ര​ണ്ട് കി​ലോ​മീ​റ്റ​റോ​ളം അ​ക​ലെ​യു​ള്ള ജ​ന​വാ​സ മേ​ഖ​ല​യാ​ണി​ത്. രാ​വി​ലെ അ​ഞ്ചു​മ​ണി​ക്ക് റ​ബർ തോ​ട്ട​ങ്ങ​ളി​ൽ ടാ​പ്പി​ംഗിന് എ​ത്തി​യ തൊ​ഴി​ലാ​ളി​ക​ളു​ടെ ഹെ​ഡ് ലൈ​റ്റു​ക​ളു​ടെ സാ​നിധ്യ​മ​റി​ഞ്ഞശേ​ഷ​മാ​ണ് കാ​ട്ടാ​ന മ​ട​ങ്ങി​പ്പോ​യ​തെ​ന്ന് ടാ​പ്പിം​ഗ് തൊ​ഴി​ലാ​ളി ഗം​ഗാ​ധ​ര​ൻ പു​ളി​ക്ക​ൽചി​റ പ​റ​ഞ്ഞു. കോ​പ്പ​ൻ കു​ള​മ്പി​ലെ ക​ർ​ഷ​ക​രാ​യ എ. ​ബ​ലേ​ന്ദ്ര​ൻ, എ. ​മോ​ഹ​നകൃ​ഷ്ണ​ൻ, കു​ര്യാ​ച്ച​ൻ ചെ​റു​പ​റ​മ്പി​ൽ, എ. ​ഗി​രീ​ഷ്, മോ​ഹ​ൻ​ദാ​സ് പെ​രു​മാ​ങ്കോ​ട്, കെ. ​ചെ​ന്താ​മ​രാ​ക്ഷ​ൻ തു​ട​ങ്ങി​യ ക​ർ​ഷ​ക​രു​ടെ കൃ​ഷി​യി​ട​ങ്ങ​ളി​ലും വീ​ട്ടു​പ​റ​മ്പു​ക​ളി​ലു​മാ​യി നൂ​റു​ക​ണ​ക്കി​ന് വാ​ഴ​ക​ൾ, 6 തെ​ങ്ങ്, പ​ച്ച​ക്ക​റി കൃ​ഷി​ക​ൾ, ഫ​ല​വൃ​ക്ഷ​ങ്ങ​ൾ എ​ന്നി​വ ന​ശി​പ്പി​ച്ചു.

കോ​പ്പ​ൻകു​ള​മ്പി​ലെ താ​മ​സ​ക്കാ​രാ​യ മു​ത്തു, മാ​ധ​വ​ൻ, എ. ​മോ​ഹ​ന കൃ​ഷ്ണ​ൻ എ​ന്നി​വ​രു​ടെ വീ​ടി​നോ​ട് ചേ​ർ​ന്ന് 15 മീ​റ്റ​ർ അ​ടു​ത്തു​ള്ള വാ​ഴ​ക​ൾ വ​രെ ആ​ന ന​ശി​പ്പി​ച്ചു. കൂ​ടാ​തെ കൃ​ഷി​യി​ട​ങ്ങ​ളി​ലൂ​ടെ ത​ല​ങ്ങും വി​ല​ങ്ങും ന​ട​ന്ന് ഫ​ല​വൃ​ക്ഷ​ങ്ങ​ൾ ഉ​ൾ​പ്പെ​ടെ​യു​ള്ള​വ ച​വി​ട്ടി​യും പ​റി​ച്ചും ന​ശി​പ്പി​ച്ചി​ട്ടു​ണ്ട്. കൃ​ഷി​നാ​ശം വ​രു​ത്തി​യ സ്ഥ​ല​ങ്ങ​ൾ കി​ഫ ഭാ​ര​വാ​ഹി​ക​ളാ​യ എം. ​അ​ബ്ബാ​സ്, അ​ബ്ര​ഹാം പു​തു​ശേരി, ടി.സി. ബാ​ബു, അ​ഹ​മ്മ​ദ് കു​ട്ടി തു​ട​ങ്ങി​യ​വ​രു​ടെ നേ​തൃ​ത്വ​ത്തി​ൽ കൃ​ഷി​യി​ട​ങ്ങ​ൾ സ​ന്ദ​ർ​ശി​ച്ചു നാ​ശ​ന​ഷ്ടം വി​ല​യി​രു​ത്തി.

വ​ന​മേ​ഖ​ല​യോ​ട് ചേ​ർ​ന്ന് സൗ​രോ​ർ​ജവേ​ലി ഉ​ണ്ടെ​ങ്കി​ലും പ്ര​വ​ർ​ത്ത​നം കാ​ര്യ​ക്ഷ​മ​ല്ലെ​ന്ന് ക​ർ​ഷ​ക​ർ പ​രാ​തി​പ്പെ​ട്ടു. വേ​ലി​യു​ടെ വൈ​ദ്യു​ത പ്ര​ഹ​ര ശേ​ഷി കു​റ​ഞ്ഞ​താ​ണ് കാ​ട്ടാ​ന വേ​ലിത​ക​ർ​ത്ത് ജ​ന​വാ​സ മേ​ഖ​ലയിലേ​ക്ക് വ​രാ​ൻ കാ​ര​ണമെന്ന് പ്ര​ദേ​ശ​വാ​സി​ക​ൾ പ​രാ​തി​പ്പെ​ട്ടു.

കൃ​ഷി​വ​കു​പ്പും വ​നംവ​കു​പ്പും സം​യു​ക്ത​മാ​യി മേ​ഖ​ല​യി​ൽ വേ​ലി സ്ഥാ​പി​ക്കാ​മെ​ന്ന് പ്ര​ഖ്യാ​പി​ച്ച സൗ​രോ​ർ​ജവേ​ലി​യു​ടെ പ്ര​വ​ർ​ത്ത​നം മാ​സ​ങ്ങ​ൾ ആ​യി​ട്ടും ആ​രം​ഭി​ക്കാ​ത്ത​തി​ൽ പ്ര​ദേ​ശ​വാ​സി​ക​ൾ അ​മ​ർ​ഷം പ്ര​ക​ടി​പ്പി​ച്ചു.