മം​ഗ​ലം​ഡാം വെ​ള്ളം തു​റ​ന്നു​വി​ട്ട​തോ​ടെ കൃ​ഷി​പ​ണി സ​ജീ​വം
Tuesday, November 13, 2018 10:42 PM IST
വ​ട​ക്ക​ഞ്ചേ​രി: ര​ണ്ടാം​വി​ള നെ​ൽ​കൃ​ഷി​ക്കാ​യി മം​ഗ​ലം​ഡാം വെ​ള്ളം തു​റ​ന്നു​വി​ട്ട​തോ​ടെ കൃ​ഷി​പ​ണി​ക​ൾ സ​ജീ​വ​മാ​യി. ഞാ​റ്റ​ടി​ക​ൾ പ​റി​ച്ചു ന​ടീ​ലി​നു​ള്ള പ​ണി​ക​ളാ​ണ് പാ​ട​ങ്ങ​ളി​ൽ ന​ട​ക്കു​ന്ന​ത്. വെ​ള്ളം എ​ത്താ​ൻ വൈ​കി​യ​തി​നെ തു​ട​ർ​ന്ന് ക​നാ​ലു​ക​ളു​ടെ വാ​ല​റ്റ​പ്ര​ദേ​ശ​ങ്ങ​ളി​ൽ ഏ​റെ വൈ​കി​യാ​ണ് കൃ​ഷി​പ​ണി തു​ട​ങ്ങി​യി​ട്ടു​ള്ള​ത്.

ഇ​ട​തു​ക​നാ​ലി​ന്‍റെ വാ​ല​റ്റ​പ്ര​ദേ​ശ​മാ​യ പു​തു​ക്കോ​ട് പ​ഞ്ചാ​യ​ത്തി​ലെ കൊ​ട്ടാ​ര​ശേ​രി, തെ​ക്കേ​പ്പൊ​റ്റ ഭാ​ഗ​ങ്ങ​ളി​ൽ ഡാ​മി​ൽ​നി​ന്നും വെ​ള്ളം​വി​ട്ട് ഒ​രാ​ഴ്ച ക​ഴി​ഞ്ഞ​പ്പോ​ഴാ​ണ് ശ​രി​യാ​യ തോ​തി​ൽ വെ​ള്ള​മെ​ത്തി​യ​ത്. ഇ​തി​നാ​ൽ പ​ണി​ക​ൾ​ക്കും ത​ട​സം നേ​രി​ട്ടു. ഇ​തി​നി​ടെ തു​ലാ​മാ​സം അ​വ​സാ​ന​ദി​വ​സ​ങ്ങ​ളാ​യി​ട്ടും മ​ഴ ല​ഭി​ക്കാ​തി​രു​ന്ന​ത് ക​ർ​ഷ​ക​ർ​ക്ക് ആ​ശ​ങ്ക​യു​ണ്ടാ​ക്കു​ന്നു​ണ്ട്.

ക​നാ​ൽ വെ​ള്ളം​ത​ന്നെ ല​ഭ്യ​മാ​ക​ണ​മെ​ങ്കി​ൽ ന​ല്ല തു​ലാ​മ​ഴ ല​ഭി​ക്ക​ണം. ഇ​ക്കു​റി അ​തു​ണ്ടാ​യി​ല്ല. ഇ​തി​നാ​ൽ ക​ടം​വാ​ങ്ങി​യും വാ​യ്പ​യെ​ടു​ത്തും ന​ട​ത്തു​ന്ന ര​ണ്ടാം​വി​ള കൃ​ഷി​പ​ണി​ക​ൾ ന​ഷ്ടം പെ​രു​പ്പി​ക്കു​മോ​യെ​ന്ന അ​ങ്ക​ലാ​പ്പി​ലാ​ണ് ക​ർ​ഷ​ക​ർ.

ഡാ​മി​ലെ വെ​ള്ള​ത്തി​ന്‍റെ തോ​തും ആ​ശാ​വ​ഹ​മ​ല്ല. തു​ലാ​മ​ഴ പ്ര​തീ​ക്ഷി​ച്ച് ജ​ല​നി​ര​പ്പ് ക്ര​മീ​ക​രി​ക്കാ​ൻ മൂ​ന്നാ​ഴ്ച​മു​ന്പ് ഡാ​മി​ലെ വെ​ള്ളം മൂ​ന്ന​ടി​യോ​ളം കു​റ​ച്ചി​രു​ന്നു. ന്യൂ​ന​മ​ർ​ദം​മൂ​ല​മു​ള്ള മ​ഴ​യോ തു​ലാ​മ​ഴ​യോ കി​ട്ടു​മെ​ന്ന ക​ണ​ക്കൂ​കൂ​ട്ട​ലി​ലാ​ണ് വെ​ള്ളം​പു​ഴ​യി​ലേ​ക്ക് ഒ​ഴു​ക്കി ക​ള​ഞ്ഞ​ത്.