റിയാദ്: ഇടതു സാംസ്കാരിക പ്രവർത്തകനും എഴുത്തുകാരനുമായിരുന്ന അഹമ്മദ് മേലാറ്റൂരിനെ നവോദയയുടെ ആഭിമുഖ്യത്തിൽ സുഹൃത്തുക്കളും സഹപ്രവർത്തകരും റിയാദിൽ അനുസ്മരിച്ചു.
കഴിഞ്ഞ വർഷം ഒക്ടോബർ 13 നു ഹൃദയാഘാതത്തെ തുടർന്നാണ് റിയാദിൽ സാമൂഹ്യ പ്രവർത്തകനും നവോദയ വൈസ് പ്രസിഡന്‍റുമായിരുന്ന അഹമ്മദ് മേലാറ്റൂർ അന്തരിച്ചത്. ഏതുവിഷയത്തിലും വ്യക്തമായ നിലപാടുണ്ടായിരുന്ന അഹമ്മദ് കക്ഷി രാഷ്ട്രീയത്തിനതീതമായി വ്യക്തിബന്ധങ്ങൾ കാത്തുസൂക്ഷിച്ചിരുന്നു.
നവോദയ, റിഫ, ചെരാത് തുടങ്ങിയ സാമൂഹ്യ സാംസ്കാരിക സംഘടനകളിൽ രണ്ടര പതിറ്റാണ്ടോളം സജീവമായിരുന്ന അഹമ്മദ് പൊതുസമ്മതനായ സാമൂഹിക പ്രവർത്തകനായിരുന്നു. നെബു വർഗീസ് അനുസ്മരണയോഗം ഉദ്ഘാടനം ചെയ്തു. നവോദയ പ്രസിഡന്‍റ് ബാലകൃഷ്ണൻ അധ്യക്ഷനായിരുന്നു. നവോദയ ട്രഷറർ സുരേഷ് സോമൻ, രവീന്ദ്രൻ, ഷൈജു ചെന്പൂര്, ജോസഫ് അതിരുങ്കൽ, ഷക്കീബ് കൊളക്കാടൻ, അറ്റ്ലസ് മൊയ്തു, അഷ്റഫ് വടക്കേവിള, ഉബൈദ് എടവണ്ണ, ഹരികൃഷ്ണൻ , ദീപാ ജയകുമാർ, സത്താർ കായംകുളം, റഫീഖ് പന്നിയങ്കര, ജയൻ കൊടുങ്ങല്ലൂർ, പ്രമോദ്, സുധാകരൻ, ഷക്കീല വഹാബ്, അബ്ദുല്ല വല്ലാഞ്ചിറ, ബാബുജി, റാണി ടീച്ചർ, അൻവാസ്, ജയകുമാർ, പ്രതീന ജയ്ജിത്, കുമ്മിൾ സുധീർ, രാജുഫിലിപ് എന്നിവർ അഹമ്മദ് മേലാറ്റൂരുമായുള്ള ഓർമ്മകൾ പങ്കുവച്ചു.
റിപ്പോർട്ട്: ഷക്കീബ് കൊളക്കാടൻ