കുവൈത്ത് സിറ്റി: അന്തരിച്ച മുസ്ലിം ലീഗ് കൊയിലാണ്ടി നിയോജക മണ്ഡലം മുൻ പ്രസിഡന്റ്
വി.കെ. മൊയ്ദു ഹാജി കനിവിന്റെ കർമ്മ വഴികൾ തീർത്ത ജനകീയ നേതാവായിരുന്നുവെന്ന് കുവൈത്ത് കെഎംസിസി കൊയിലാണ്ടി നിയോജക മണ്ഡലം കമ്മിറ്റി അബാസിയ റിഥം ഹാളിൽ സംഘടിപ്പിച്ച അനുസ്മരണ യോഗം അഭിപ്രായപ്പെട്ടു.
കെ എം സിസി കൊയിലാണ്ടി നിയോജക മണ്ഡലം പ്രസിഡന്റ് റഉൗഫ് മഷ്ഹൂർ തങ്ങൾ അധ്യക്ഷത വഹിച്ചു. കെ എംസിസി സംസ്ഥാന ജനറൽ സെക്രട്ടറി എം.കെ. അബ്ദുറസാഖ് ഉദ്ഘാടനം ചെയ്തു. മുൻ ജനറൽ സെക്രട്ടറി ബഷീർ ബാത്ത അനുസ്മരണ പ്രഭാഷണം നടത്തി. സംസ്ഥാന ട്രഷറർ എം.ആർ. നാസർ, ഭാരവാഹികളായ എൻ.കെ. ഖാലിദ്, ടി ടി ഷംസു, റസാഖ് അയ്യൂർ, ശരീഫ് ഒതുക്കുങ്ങൽ, മുഷ്താഖ് ടി, അസീസ് തിക്കോടി, ഫാസിൽ കൊല്ലം, ഹമീദ് സബ്ഹാൻ, ഡോക്ടർ മുഹമ്മദാലി, അസീസ് പേരാന്പ്റ, സലാം നന്ദി, റഷീദ് പയന്തോങ്ങ്, ഷുക്കൂർ എകരൂൽ, മജീദ് നന്ദി, ഫവാസ് കാറ്റോടി, അനസ് അത്തോളി, ഗഫൂർ കൊയിലാണ്ടി, റഷീദ് ഒന്തത്ത്, ഫൈസൽ ടി.വി, നിസാർ അലങ്കാർ പ്രസംഗിച്ചു. കെ എം സി സി കൊയിലാണ്ടി മണ്ഡലം ജനറൽ സെക്രട്ടറി ഫാറൂഖ് ഹമദാനി സ്വാഗതവും സെക്രട്ടറി അനുഷാദ് തിക്കോടി നന്ദിയും പറഞ്ഞു.
റിപ്പോർട്ട്: സലിം കോട്ടയിൽ