മനാമ: രിസാല സ്റ്റഡി സർക്കിൾ (ആർഎസ്സി) സാംസ്കാരിക വിഭാഗമായ കലാലയം സാംസ്കാരിക വേദി സംഘടിപ്പിക്കുന്ന ബഹ്റൈൻ ദേശീയ സാഹിത്യോത്സവ് വെള്ളിയാഴ്ച ഉച്ചക്ക് 1 മുതൽ റിഫ ഇന്ത്യൻ സ്കൂൾ കാന്പസിൽ നടക്കപ്പെടും.
നവംബറിൽ ആരംഭിച്ച സാഹിത്യോത്സവ് മത്സരങ്ങളിൽ യൂണിറ്റ് സെക്ടർ സെൻട്രൽ തലങ്ങളിൽ പ്രതിഭാത്വം തെളിയിച്ച ഇരുന്നൂറോളം കലാപ്രതിഭകൾ ആറ് വിഭാഗങ്ങളിലായി 54 ഇനങ്ങളിലായി മാറ്റുരയ്ക്കുന്ന സാഹിത്യോത്സവ് സ്വാഗത സംഘം ചെയർമാൻ മമ്മൂട്ടി മുസ്ല്യാരുടെ അധ്യക്ഷതയിൽ ശൈഖ് ഹസ്സാനുബ്ന് മുഹമ്മദ് ഹുസൈൻ മദനി ഉദ്ഘാടനം ചെയ്യും. ഐസിഎഫ്., ആർഎസ്സി നേതാക്കൾ വിവിധ സ്ഥാപന സംഘടനാ ഭാരവാഹികൾ, സാമൂഹിക സാംസ്കാരിക പ്രവർത്തകർ സംബന്ധിക്കും.
വൈകട്ട് ഏഴിന് നടക്കുന്ന സമാപന സംഗമം ആർ.എസ്.സി. നാഷനൽ ചെയർമാൻ അബ്ദുറഹീം സഖാഫി വരവൂരിന്‍റ അധ്യക്ഷതയിൽ ഇന്ത്യൻ സ്കൂൾ ചെയർമാൻ പ്രിൻസ് നടരാജൻ ഉദഘാടനം ചെയ്യും. പ്രവാസി രിസാല എക്സിക്യുട്ടീവ് എഡിറ്ററും പ്രമുഖ പ്രഭാഷകനുമായ ടി.എ.അലി അക്ബർ മുഖ്യാതിഥിയാവും. ഐസിഎഫ്. നാഷനൽ പ്രസിഡന്‍റ് കെ.സി. സൈനുദ്ദീൻ സഖാഫി , , സജി മാർക്കോസ്, പ്രദീപ് പുറവങ്കര , വി.പി.കെ.മുഹമ്മദ് പ്രസംഗിക്കും. ഹാഫിള് അസ്സയ്യിദ് അസ്ഹർ തങ്ങൾ , ഗഫൂർ കൈപ്പമംഗലം (കെ.എം.സി.സി), അബൂബക്കർ ലത്വീഫി (ഐസിഎഫ്.) എം.സി. അബ്ദുൾ കരീം, എബ്രഹാം ജോണ്, രാജു ഇരിങ്ങൽ, കെ.ടി. സലിം, ജാഫർ മൈദാൻ, മനീഷ് രാമനുണ്ണി, സൽമാൻ ഫാരിസ് എന്നിവർ സംബന്ധിക്കും.
പത്രസമ്മേളനത്തിൽ ആർ.എസ്.സി. നാഷനൽ ചെയർമാൻ അബ്ദു റഹീം സഖാഫി വരവൂർ , ജനറൽ കണ്‍വീനർ. വി.പി.കെ. മുഹമ്മദ് , കലാലയം കണ്‍വീനർ ഫൈസൽ ചെറുവണ്ണൂർ, ഫിനാൻസ് കണ്‍വീനർ അശ്റഫ് മങ്കര ,നജ്മുദ്ദീൻ പഴമള്ളൂർ, അബ്ദുൾ സലാം കോട്ടക്കൽ, ബഷീർ മാസ്റ്റർ ക്ലാരി, ഷഹീൻ അഴിയൂർ എന്നിവർ സംബന്ധിച്ചു.