അബാസിയ : സംഘടനയുടെ അടുത്ത രണ്ടു വർഷത്തെ പ്രവർത്തന ദിശയും മുൻഗണനയും വിവിധ വകുപ്പുകളുടെ പ്രവർത്തന രേഖയും ചിട്ടപ്പെടുത്താൻ കെകെഎംഎ ആസൂത്രണ സെമിനാർ സംഘടിപ്പിച്ചു. കേന്ദ്ര കമ്മിറ്റി മുതൽ ബ്രാഞ്ച് തലം വരെയുള്ള 230ലേറെ ഭാരവാഹികൾ ശിൽപശാലയിൽ പങ്കെടുത്തു.
ചിന്താശിബിരം, പദ്ധതിരേഖകളുടെ അവതരണം, വിശകലനവും വിലയിരുത്തലും എന്നീ മൂന്നുഘട്ടങ്ങളായാണ് ശിൽപശാല പൂർത്തിയായത്. മുഖ്യരക്ഷാധികാരി കെ. സിദ്ദീഖ് ഉദ്ഘാടനം ചെയ്തു. പ്രസിഡൻറ് എ.പി. അബ്ദുൽ സലാം അധ്യക്ഷത വഹിച്ചു. മുൻ പ്രസിഡന്‍റ് ഇബ്രാഹിം കുന്നിൽ, എൻ. നിസാമുദ്ദീൻ, കെ.സി. റഫീഖ്, സുൽഫിക്കർ, സി. ഫിറോസ്, മുനീർ കുണിയ, കെ.എച്ച്. മുഹമ്മദ്, എച്ച്.എ. ഗഫൂർ, ഒ.പി. ശറഫുദ്ദീൻ, മുനീർ തുരുത്തി, സംസം റഷീദ്, ഷാഹിദ് ലബ്ബ, വി.കെ. ഗഫൂർ, എൻജി. നവാസ്, എ.ടി. നൗഫൽ, കെ. ബഷീർ, വി.എച്ച്. മുസ്തഫ എന്നിവർ സംസാരിച്ചു. അബ്ദുൽ ഫത്താഹ് തയ്യിൽ, ഹംസ പയ്യനൂർ, കെ. ബഷീർ, കെ.സി. ഗഫൂർ എന്നിവരടങ്ങിയ സംഘം കർമപദ്ധതി വിലയിരുത്തി. കെ. സിദ്ദീഖ്, സഗീർ തൃക്കരിപ്പൂർ, എൻ.എ. മുനീർ, അലി മാത്ര എന്നിവർ ഉൾപ്പെട്ട പാനൽ പദ്ധതികളുടെ വിധി നിർണയം നിർവഹിച്ചു. കെ.സി. റഫീഖ് സ്വാഗതവും കെ.സി. ഗഫൂർ നന്ദിയും പറഞ്ഞു. സംസം റഷീദ്, സിഎം. അഷ്റഫ്, അസ്ലം ഹംസ എന്നിവർ നേതൃത്വം നൽകി.
റിപ്പോർട്ട്: സലിം കോട്ടയിൽ