കുവൈത്ത് : ലോക കിഡ്നി ദിനാചരതിനോടനുബന്ധിച്ചു കെകഐംഎ, ഇന്ത്യൻ ഡോക്ടർസ് ഫോറം കുവൈത്തും ചാപ്റ്ററുമായി ചേർന്ന് കൊണ്ട് സംഘടിപ്പിക്കുന്ന വിപുലമായ മെഡിക്കൽ സ്ക്രീനിംഗ് ക്യാന്പ് മാർച്ച് 15 വെള്ളിയാഴ്ച രാവിലെ എട്ടു മുതൽ ഒന്ന് വരെ അബാസിയ പാകിസ്ഥാൻ എക്സൽ ഇംഗ്ലീഷ് സ്കൂളിൽ നടക്കപ്പെടും.
കഴിഞ്ഞ പത്തു വർഷമായി ലോക കിഡ്നി ദിനത്തിൽ കെകഐംഎ മെഡിക്കൽ ക്യാന്പുകൾ നടത്തിവരുന്നു. കുവൈത്തിലെ ഇന്ത്യൻ ഡോക്ടർമാരുടെ സംഘടനയായ ഐഡിഎഫിൽ നിന്നുള്ള വിവിധ വിഭാഗങ്ങളിലെ നാൽപതിലേറെ ഡോക്ടർമാരും നൂറിലേറെ നഴ്സുമാരും പാരമാമെഡിക്കൽ ജീവനക്കാരും ക്യാന്പിൽ സേവനമേകും.
ഇന്ത്യൻ നഴ്സസ് ഫെഡറേഷൻ കുവൈത്ത്, ഇന്ത്യൻ ഡെന്‍റിസ്റ്റ് അലയൻസ് ഇൻ കുവൈത്ത്, ഇന്ത്യൻ ഒപ്താൽമിക് അസോസിയേഷൻ, കുവൈറ്റ് മെഡിക്കൽ അസോസിയേഷൻ, കുവൈറ്റ് ഹാർട്ട് ഫൗണ്ടേഷൻ, ഡസ്മണ് ഡയബറ്റിക് സെന്‍റർ എന്നെ പ്രമുഖ സംഘടനകളും സ്ഥാപനങ്ങളും മെഡിക്കൽ ക്യാംപിൽ വിവിധ സേവനങ്ങൾ നൽകും.
ജനറൽ, ശിശുരോഗം, ഹൃദ്രോഗം, സ്ത്രീജന്യരോഗം, ഇഎൻടി, ത്വക്രോഗം, നാഡീരോഗം, നേത്രരോഗം , ദന്തരോഗം തുടങ്ങി വിവിധ ചികിത്സാ വിഭാഗങ്ങളിൽ ഡോക്ടർമാർ ക്യാന്പിനെത്തും. ഇസിജി, ഷുഗർ, രക്തസമ്മർദ്ദം, കൊളസ്ട്രോൾ, അൾട്രാ സൗണ്ട് തുടങ്ങിയ പരിശോധനകളും രോഗികൾക്കു സൗജന്യ മരുന്ന് വിതരണവും നൽകും. ആരോഗ്യ വിദ്യാഭാസ പരമായ ലേഖനങ്ങൾ അടങ്ങിയ ഹെൽത്ത് ഡയറക്ടറി പരിപാടിയിൽ വച്ചു പുറത്തിറക്കും.
നേരത്തെയുള്ള രേങിസ്ട്രറേൻ പ്രകാരം രണ്ടായിരത്തോളം പേർക്ക് സേവനം സൽകാനുള്ള സൗകര്യവും സജീകരണങ്ങളും ഒരുക്കിയിട്ടുണ്ട് .. https://goo.gl/NVphYU എന്ന ലിങ്ക് വഴി പേര് രജിസ്റ്റർ ചെയ്യാം.
റിപ്പോർട്ട്: സലിം കോട്ടയിൽ