റിയാദ്. ഇസ്ലാമിന്‍റെ പേരിൽ കൊടുംഭീകരതയും അക്രമങ്ങളും തീവ്രവാദവും മുഖമുദ്രയാക്കിയ ഐഎസ് ഇസ്ലാമിനെ പ്രതിനിധീകരിക്കുന്നില്ലെന്ന് കഐൻഎം സംസ്ഥാന ഉപാധ്യക്ഷൻ ഡോ. ഹുസൈൻ മടവൂർ പറഞ്ഞു. സഉൗദി അറേബ്യൻ തലസ്ഥാനമായ റിയാദിൽ കിംഗ് ഖാലിദ് ഫൗണ്ടേഷന്‍റെ മേൽനോട്ടത്തിൽ ഇന്ത്യൻ ഇസ്ലാഹി സെന്‍റർ നാഷണൽ കമ്മിറ്റി സംഘടിപ്പിച്ച ദേശീയ ഖുർആൻ മത്സര പരിപാടി യുടെ സമാപനത്തിൽ മുഖ്യാതിഥിയായി സംസാരിക്കുകയായിരുന്നു അദ്ദേഹം.
ഒരു വർഗീയതയും വിഭാഗീയതയുമില്ലാതെ മുഴുവൻ സൃഷ്ടികൾക്കും സ്നേഹവും അനുഗ്രഹങ്ങളും ചൊരിയുന്ന ദൈവത്തിൽ വിശ്വാസിക്കുന്നവർ ദൈവത്തിന്‍റെയും മതത്തിന്‍റെയും പേരിൽ കലഹിക്കുന്നത് ദൈവദോഷം തന്നെയാണ്. മതം ശാന്തതയും സമാധാനവും മിതത്വവുമാണ്. എല്ലാ മതവിശ്വാസികൾക്കും പരസ്പര സ്നേഹവും ബഹുമാനവും നിലനിർത്തിക്കൊണ്ട് ജീവിക്കുവാൻ സാധിക്കണമെന്നും അദ്ദേഹം കൂട്ടിച്ചേർത്തു.
കിംഗ് ഖാലിദ് ഗൈഡൻസ് സെൻറർ ചെയർമാൻ ഖാലിദ് ജുലൈൽ, ഡയറക്ടർ ഇബ്രാഹിം നാസിർ അൽ സർഹാൻ , കിംഗ് ഖാലിദ് കോളജ് ഫാക്കൽറ്റി മെന്പർ ഡോ. സാലിഹ് അൽ ശഥരി , ദാറുൽ ഫുർഖാൻ ഡയരക്ടർ ഹുസൈൻ ബുറൈക് ദൗസരി, ഖുർആൻ സൊസൈറ്റി ഉപദേശ് ടാവ് ശൈഖ് ഇബ്റാഹിം അൽ ഈദ് , കിങ് ഫഹദ് ഫൗണ്ടേഷൻ സെക്രട്ടരി ശൈഖ് മുഹമ്മദ് ഫഹദ് സുബൈ ഈ , ഇന്ത്യൻ ഇസ്ലാഹി സെൻറർ നാഷണൽ കമ്മിറ്റി പ്രസിഡന്‍റ് കുഞ്ഞഹമ്മദ് കോയ, സെക്രട്ടരി ഹബീബുറഹ്മാൻ, റിയാദ് ഇസ്ലാ ഹി സെൻറർ പ്രസിഡൻറ് അബൂബക്കർ എടത്തനാട്ടുകര , നേഷ നൽ പ്രോഗ്രാം കോ ഓഡിനേറ്റർ മുജീബ് അലി തുടങ്ങിയവർ സംസാരിച്ചു. വിജയികൾക്കു അവാർഡുകളും സർട്ടിഫിക്കറ്റു കളും വിതരണം ചെയ്തു.
പഠന സെഷനിൽ അബദുൽ ഖയ്യൂം ബുസ്താനി , ബഷീർ സലാഹി, അബ്ദുറഹ്മാൻ മദീനി, സുബൈർ തങ്ങൾ, ഹാഫിസുറഹ്മാൻ പുത്തൂ ർ തുടങ്ങിയവർ ക്ലാസെടുത്തു. സി.പി.മുസ്തഫ (ഗങഇഇ ) അശ്റഫ് വേങ്ങാട്, ഉബൈദ് എടവണ്ണ ശിഹാബുദ്ദീൻ (അൽ മദീന ഹൈപർ മാർക്കറ്റ് ) തുടങ്ങിയവർ ആശംസകൾ നേർന്നു.
റിപ്പോർട്ട്: ഷക്കീബ് കൊളക്കാടൻ