റിയാദ്: സീസണ് സമയങ്ങളിൽ കേരളത്തിലേക്കുള്ള അമിതവിമാനകൂലി കുറഞ്ഞ നിരക്കിൽ ഏകീകരിക്കണമെന്നും അൽ ഖർജ് ഏരിയാ സമ്മേളനം പ്രമേയത്തിലൂടെ ആവശ്യപ്പെട്ടു.
അൽ ഖർജിലെ ഇ.കെ. നായനാർ നഗറിൽ നടന്ന എട്ടാം ഏരിയാ സമ്മേളനം ദമാം നവോദയ ജോയിന്റ് സെക്രട്ടറി ഉമേഷ് കളരിക്കൽ ഉദ്ഘാടനം ചെയ്തു. ഗോപാലൻ കെ..രാജു സി.കെ., പ്രബീഷ് (പ്രസീഡിയം), ബാലുവേങ്ങേരി, രാജൻ പള്ളിത്തടം, ജോസഫ് ടി.ജി ( സ്റ്റിയറിംഗ്), ലിപിൻ, വിനോദ്കുമാർ, ഷഫീഖ് (മിനിട്സ്) ഷബീർ, മോഹൻ ദാസ്, സുകേഷ് (പ്രമേയം) പ്രദീപ് കൊട്ടാരത്തിൽ, മണികണ്ഠൻ, ജനാർദനൻ, രാജീവൻ പള്ളിക്കോൽ (ക്രഡൻഷ്യൽ), റഹീം, ചന്ദ്രൻ, ഹംസ (രജിസ്ട്രേഷൻ) എന്നിവർ വിവിധ കമ്മിറ്റികളുടെ ചുമതല നിർവഹിച്ചു.
രാജീവൻ പള്ളിക്കോൽ രക്തസാക്ഷി പ്രമേയവും, ഷബീർ അബ്ദുൾസലാം അനുശോചനപ്രമേയവും ഏരിയ സെക്രട്ടറി രാജൻ പള്ളിത്തടം പ്രവർത്തന റിപ്പോർട്ടും, ഏരിയ ട്രഷറർ സുബ്രമണ്യൻ വരവുചിലവു കണക്കും, കേളി ജോയിന്റ് ട്രഷറർ വർഗീസ് കെ. സംഘടനാ റിപ്പോർട്ടും അവതരിപ്പിച്ചു.
രക്ഷാധികാരി സമിതിയംഗം സജീവൻ ചൊവ്വ, കേന്ദ്രകമ്മിറ്റി അംഗങ്ങളായ ഗീവർഗീസ്, ടി.ആർ സുബ്രമണ്യൻ, റഫീഖ് പാലത്ത്, സുധാകരൻ കല്യാശേരി, ഷമീർ കുന്നുമ്മൽ, ജോഷി പെരിഞ്ഞനം, പ്രഭാകരൻ കണ്ടാന്തോർ, സുരേന്ദ്രൻ കൂട്ടായി, ബോബി മാത്യു, ഷറഫുദീൻ, ജോസഫ് ടി.ജി എന്നിവർ സമ്മേളനത്തെ അഭിവാദ്യം ചെയ്തു സംസാരിച്ചു. പുതിയ ഭാരവാഹികളായി പ്രസിഡന്റ് പി. സുബ്രമണ്യൻ, സെക്രട്ടറി രാജൻ പള്ളിത്തടം, ട്രഷറർ ലിപിൻ പി.സി. എന്നിവരെ സമ്മേളനം തെരഞ്ഞെടുത്തു.